Morgunblaðið - 30.05.1995, Side 22

22 ÞRIÐJUDAGUR 30. MAÍ 3 995
LISTIR
MORGUNBLAÐIÐ
KVIKMYNPIR
lláskólabíó
ROBROY ★ ★'/!
Leikstjóri. Michael Caton-Jones.
Aðalleikendur Liam Neeson,
Je3sica Lang, Tim Roth, Eric Stoltz,
John Hurt, Andrew Keir, Brian
Cox. Bandarísk. United Artists
1995.
í UPPHAFI kemur fram að
United Artists, kvikmyndarisinn
sem færði kvikmyndahúsgestum
ómælda skemmtun i gegnum árin,
er aftur komið á blað í Hollywood,
og er það vel. U.A. gerði einmitt
á sínu blómaskeiði margar af bestu
skylmingamyndum kvikmynda-
sögunnar, með Douglas Fair-
banks, Basil Rathbone og fleiri
knáum köppum. Rob Roy flokkast
þó ekki undir hefðbundna skylm-
ingamynd þó geirar syngi af mikl-
um móð, frekar en vestra, þrátt
fyrir hefðbundin knæpueinvígi og
kúadráp, né víkingamynd, þar sem
hún er fullmikið af hinum tveim.
Hún er því sambland af þessu öllu
og þrátt fyrir mikilúðlegt um-
hverfi, ábúðarmikla leikara, dra-
matík og dollaraflæði, hafa sést
mun betri vestrar, skylminga- og
að maður tali ekki um víkinga-
myndir. Rob Roy minnir á dreka,
sem þrátt fyrir fyörkippi, vaknar
aldrei almennilega til lífsins.
Kvikmyndin er lauslega byggð
á sögusögnum um Robert
McGregor, vandræðamann sem
uppi var á öndverðri 18. öld (ekki
17., einsog stendur í kynningu og
áuglýsingum) og Skotar tóku í
dýrðlingatölu þar sem Roy (Liam
Neeson) átti það til að miðla fá-
tæklingum af þýfí sem hann hafði
af höfðingjum. Hróa hattar-
Heiður
Há-
lend-
ingsins
ímyndin er þó ekki í forgrunni
heldur átök hans við varmennið
Cunningham (Tim Roth), hand-
bendi Montrose markgreifa (John
Hurt). Montrose veitir hinum fé-
vana Rob Roy, höfðingja McGreg-
orættarinnar, lán til að fjárfesta í
nautgriparekstri. Cunningham
rænir sendimann Roys og kemur
á hann sökinni. Gerir McGregorum
ýmsar aðrar skráveifur svo úr
verður ættarstríð sem Roy og hans
menn verða að heyja úr útlegð.
Hefndin er sæt og engin vopn bíta
á þjóðsagnahetjum.
Engu hefur verið til sparað að
gera Rob Roy sem best úr garði
hvað útlitið snertir, og það sýnir
sig. Áhorfandinn furðar sig á því
hvar tökumennirnir hafa fundið
jafnvíðfeðm, ósnortin landflæmi á
skosku Hálöndunum og raun ber
vitni. Búningar og sviðsmyndir eru
vandaðar og trúverðugar. Þeir
fletir sem teknir eru á sögunni
bjóða uppá drama, átök og
skemmtun og þetta er alltsaman
til staðar. Líka nýjasta tískukveisa
Hollywood- stórmynda; lengdin.
Það er engin spurning að Rob Roy
hefði orðið mun betri skemmtun
ef hún hefði verið stytt um 30 -
60 mínútur. Myndin líður fyrir
hægagang einkum í upphafi og
um miðbikið. Hér skortir einnig
þjálla handrit og manneskjulegra,
áhorfandinn hefur ekki mikla sam-
úð með McGregorklaninu. Neeson
fer myndarlega með titilhlutverkið
en ekkert meira en það, ofurstjarn-
an fæðist ekki að þessu sinni.
Jessica Lang leikur með sóma að
venju en beitir fyrir sig annarlegri
tóntegund á ögurstundum sem svo
sannarlega minnir á að við erum
að horfa á bíómynd. Skúrkarnir
eru í dugandi höndum Johns Hurt
og Tims Roth en báðar persónurn-
ar eru frá höfundar hendi algjör-
lega óspennandi illmenni og á þeim
bitnar manna mest höfuðgalli
handritsins, húmorsleysið. Því má
ekki gleyma ef vel á að vera en
hér er það helst að fínna í auvirði-
legum homma- og sauðriðilsbrönd-
urum.
Slíkt skopskyn hæfir ekki mynd
af þessari stærðargráðu, frekar
en einstaka, undarlega klénar
samræður og tilsvör. Vandræða-
legar senur líkt og þegar litli bróð-
ir Roys veður uppí höku á eftir
óvígum her fjenda þeirra og á at-
höfnin að spegla eindæma garps-
hátt en virkar sem flónska. I svip-
uðum gæðaflokki er furðulega
ódýrt þokuatriði á heiðinni.
Því fer þó fjarri að hér séu tóm
leiðindi á ferð, Rob Roy er kraft-
mikil á köflum, sverðaglamið dýrð-
leg tilbreyting frá vélbyssugeltinu.
Útlitið óaðfínnanlegt, skemmtana-
gildið í vænu meðallagi og grunnt
á enn betri mynd. Það virðist auð-
velt að hefla af myndinni vankant-
ana, þeir eru svo auðsæir.
Sæbjörn Valdimarsson
mundu!
IfJ
~l J..J
stafa
símanúmer
Símanúmera-
breytingarnar
taka gildi laugar-
daginn 3. júní
Númer breytast sem hér segir:
55 bætist framan við fimm stafa símanúmer á höfuðborgarsvæðinu
5 bætist framan við sex stafa símanúmer á höfuðborgarsvæðinu
42 bætist framan við öll símanúmer á Suðurnesjum
43 bætist framan við öll símanúmer á Vesturlandi
456 bætist framan við öll símanúmer á Vestfjörðum
45 bætist framan við öll símanúmer á Norðurlandi vestra
46 bætist framan við öll símanúmer á Norðurlandi eystra
47 bætist framan við öll símanúmer á Austurlandi
48 bætist framan við öll símanúmer á Suðurlandi
Eftir breytingarnar þarf ekki lengur að velja svæðisnúmer.
Farsíma- og boðtækjanúmer.
Talan 9 fellur burt þannig að farsímanúmer byrja á 85, GSM númer
á 89 og boðtækjanúmer á 84. Dæmi: 985 489 89 verður 854 8989.
PÓSTUR OG SÍMI
Morgunblaðið/Helgi Ólafsson
MARGRET Bóasdóttir söng ásamt Kór Raufarhafnarkirkju.
Vortónleikar Kórs
Raufarhafnarkirkju
Raufarhöfn. Morgunblaðið.
VORTÓNLEIKAR Kórs Raufarhafn-
arkirkju og Margrétar Bóasdóttur,
sópran, fóru fram í Hnitbjörgum á
Raufarhöfn.
Kór Raufarhafnarkirkju söng bæði
innlend og erlend lög undir stjórn
og píanóleik Stefaníu Sigurgeirsdótt-
ur, tónlistarkennara í Raufarhöfn.
Margrét Bóasdóttir söng einsöng við
undirleik Wolfgang Tretzsch píanó-
leikara bæði innlend og erlend lög
og einnig söng Margrét einsöng með
kórnum.
Kór og einsöngvara var fagnað
með dynjandi lófaklappi og urðu að
endurtaka mörg lög og sýndu áheyr-
endur það svo mjög að þarna var
listafólk á ferð. Margrét er Raufar-
hafnarbúum að góðu kunn, hún hef-
ur sungið sig inn í hjörtu þeirra með
fádæma fallegum söng en aldrei af
jafnmikilli list og nú og þökk sé henni.
Stefanía hefur stjómað Kór Rauf-
arhafnarkirkju að undanförnu og
hefur henni tekist að laða fram hjá
því fólki, sem í kómum starfar, mikla
hæfíleika það sýndi söngur þeirra á
þessum tónleikum sem sóttir voru
af fólki frá Þórshöfn og Kópaskeri
ásamt fólki af sveitarbæjum þar á
milli. Raufarhafnarbúar og aðrir sem
þessa tónleika sóttu eru þakklátir
því listafólki sem þarna kom fram
og sérstaklega þarf að þakka Mar-
gréti Bóasdóttur fyrir það sem hún
hefur á sig lagt til að þessir tónleik-
ar yrðu jafnánægjulegir sem raun
ber vitni. Við þurfum meira af þessu
og því um líku hingað og nú er kom-
ið mjög fullkomið og vandað pfanó
í Félagsheimilið Hnitbjörg þannig að
það þarf ekki að stoppa listafólk af
við að heimsækja okkur til Raufar-
hafnar.
Tónlistarskóla
Kópavogs slitið
SKÓLASLIT Tónlistarskóla Kópa-
vogs fóru fram í Digraneskirkju 18.
maí sl. að viðstöddu fjölmenni og
þar með lauk 32. starfsári skólans.
I upphafi athafnarinnar lék blokk-
flautusveit skólans danslög frá
renaissance-tímanum.
Sú nýjung leit dagsins ljós sl.
haust að tekið var upp samstarf
milli tónlistarskólans og Snælands-
skóla á þann veg að tónlistarskólinn
setti þar upp útibú fyrir forskóla-
kennslu. Ákvéðið er að auka þessa
kennslu við Snælandsskóla á næsta
starfsári og taka einnig upp for-
skólakennslu við Smáraskóla, en
báðir þessir skólar eru einsetnir og
er það forsendan fyrir þessum
möguleika.
Eins og jafnan áður setti tón-
leikahald mikinn svip á skólastarfíð.
Á aðventunni komu nemendur einn-
ig víða fram utan skólans, tóku
m.a. þátt í jólatónleikum æskufólks
í Kópavogi er fram fór í Listasafni
Kópavogs - Gerðarsafni og Óperu-
smiðjan flutti í annað sinn söngleik-
inn Hin fyrstu jól eftir Michael
Hurd.
Meðal tónleika í vor voru svo-
nefndir íslenskir tónleikar þar sem
eingöngu voru flutt íslensk tónverk.
Sérstaka athygli vöktu þijú verk
nemenda skólans.
Á afmælisdegi Kópavogs 11. maí
sl. efndi bæjarstjómin til móttöku
í Gerðarsafni. Listamönnum í bæn-
um voru veittar viðurkenningar og
jafnframt var sérstakt fjárframlag
veitt til listhópa og stofnana í viður-
kenningarskyni og meðal þeirra var
Tónlistarskóli Kópavogs.
Bokaverðir fagna
nýju safni
13. ÁRSÞING Bókavarðafélags ís-
lands, haldið í Norræna húsinu 13.
maí 1995, samþykkti eftirfarandi
ályktun:
Þann 1. desember 1994 var nýtt
bókasafn, Landsbókasafn íslands -
Háskólabókasafn, opnað í Þjóðarbók-
hlöðu. Safnið er stærsta rannsóknar-
bókasafn landsins, í senn þjóðbóka-
safn og bókasafn Háskóla íslands.
Ársþing Bókavarðafélags íslands
fagnar opnun hins nýja safns og
skorar á ríkisstjórn og önnur hlutað-
eigandi yfirvöld að tryggja því nægi-
legt fjármagn til áframhaldandi upp-
byggingar og rekstrar. Sterk fjár-
hagsleg staða safnsins er forsenda
þess að það geti gegnt víðtæku
menningar- og menntunarhlutverki
sínu, svo og forystúhlutverki í bóka-
safnsmálum landsins.
Þingið vekur athygli á að bókaút-
gáfa og ritakaup bókasafna hafa
dregist saman með tilkomu virðis-
aukaskatts á bækur og tímarit og
mælist til að skatturinn verði felldur
niður af bæði innlendum og erlendum
tímaritum. Það myndi létta mikið
rekstur Landsbókasafns - Háskóla-
bókasafns, svo og annarra safna.
Stöðug og mikil kaup bókasafna á
vönduðum ritum eru forsenda fjöi-
breyttrar og góðrar menntunar í
landinu.