Morgunblaðið - 04.07.1995, Page 19

MORGUNBLAÐIÐ
ÞRIÐJUDAGUR 4. JÚLÍ 1995 19
ERLENT
Tæplega fjögurhundruð manna enn saknað í Seoul
'■Reuter
ÆTTINGJAR eins þeirra, sem létu lífið er verslunarhús hrundi í Seoul, syrgja hinn látna. 112 lík
hafa fundist í rústunum en tæplega 400 manns er enn saknað.
Hungur blasir
við íbúum Bihac
og Sarajevo
Sarajevo. Reuter.
MIKLAR hörmungar kunna að
vera fyrir dyrum í Sarajevo og
Bihac þar sem hjálpargögn eru á
þrotum og ekkert útlit fyrir að úr
rætist, að sögn talsmanna flótta-
mannahjálpar Sameinuðu þjóð-
anna (SÞ).
Bosníu-Serbar hafa aðeins
hleypt einni bilajest til Sarajevo á
rúmum mánuði og flug með mat-
væli og bjálpargögn hefur legið
niðri í þijá mánuði.
Vonlitlir um úrbætur
Skipulegir flutningar til Bihac
hafa legið niðri með öllu í apríl og
maí en þangað hefur þó ein og ein
bílalest náð með takmarkaðar
birgðir þó. Starfsmenn SÞ telja
nánast engar líkur á úrbótum,
annars vegar vegna tilrauna
stjórnarhersins til þess að aflétta
umsátri Bosníu-Serba um Sarajevo
og hins vegar vegna stífra skilyrða
Serba fyrir slikum flutningum um
yfirráðasvæði þeirra.
Talsmaður flóttamannahjálpar
SÞ sagði, að 30.000 íbúar Bihac
væru komnir að hungurmörkum.
Aldraður maður, sem sagður var
of stoltur til að betla sér matar,
og ung stúlka dóu úr hungri í Bi-
hac í síðustu viku, en því var hald-
ið fram af hálfu fulltrúa SÞ að
koma hefði mátt í veg fyrir dauða
þeirra hefðu þau leitað eftir hjálp.
Fulltrúar gæslusveita SÞ reyndu
í gær að svara með viðeigandi
hætti árásum Bosníu-Serba á bíla-
lestar SÞ og sprengjuárás á höfuð-
stöðvar stofnunarinnar í Sarajevo
um helgina.
Skotið var á þijár sveitir franskra
gæsluliða í nágrenni Sarajevo í
fyrrinótt og var því svarað með
stórskotaliðsárásum á stöðvar Bos-
níu-Serba. Þeir hafa hert árásir á
Sarajevo undanfarin dægur.
Nær eiigin von til
að finna fleiri á lífi
Seoul. Reuter.
NÆR engin von er nú talin til
þess að fleiri finnist á lífi í rústum
verslunarhúss sem hrundi á
fimmtudag í Seoul í Suður-Kóreu.
í gær höfðu engir fundist á lífi í
tvo sólarhringa og telja menn nú
fullvíst að þau hundruð manna,
sem enn er saknað, séu látin. I
kjölfar þessa harmleiks hefur mik-
ill ótti gripið um sig á meðal fólks
sem býr í háhýsum en það óttast
að fleiri hús kunni að hrynja vegna
þess að öryggisreglum hefur ekki
verið sinnt.
„í dag heyrðust engar raddir
eða hljóð. Það var ekkert merki
um líf,“ sagði einn björgunar-
manna. 22 ára kona sem fannst á
lífi í rústunum á sunnudag lést
sama dag af sárum sínum og dró
það mjög úr vonum manna um
að finna fleiri á lífi. Hins vegar
fundust fimm lík og er fjöldi lát-
inna nú kominn upp í 112 en 381
er enn saknað. Þá eru um 200 af
þeim 900 sem hafa fundist á lífi,
alvarlega slasaðir.
Reiðir
aðstandendur
Útfarir 48 fórnarlamba fóru
fram í gær en mörg líkanna sem
fundist hafa, eru svo illa farin að
útilokað er að bera kennsl á þau.
Aðstandendur þeirra sem sakn-
að er, eru reiðir vegna þess hversu
seint leitin hefur gengið. Hafa
margir þeirra krafist þess að stór-
virkar vinnuvélar verði notaðar við
leitina en aðrir hafa mótmælt því
harðlega, þar sem leitarmenn hafi
einbeitt sér að ákveðnum stöðum
en ekki kannað aðra til hlítar.
Forsætisráðherra landsins, Lee
Hong-koo, fyrirskipaði í gær að
komið yrði á fót sérstökum
björgunarsveitum, auk þess sem
hann krafðist þess að viðurlög
yrðu hert við brotum á öryggis-
reglum varðandi hönnum, bygg-
ingu og viðhald húsa.
Stjórnarskipti í Tælandi
Bangkok. Reuter.
ÞINGKOSNINGAR voru í Tælandi
á sunnudag og vann helsti flokkur
stjórnarandstæðinga, Tælenski
þjóðarflokkurinn undir forystu
Banharns Silpa-archa, mikinn sig-
ur. Hann hlaut 92 af alls 391 þing-
sætum.
Lýðræðisflokkur Chuans Le-
ekpais forsætisráðherra varð að
sætta sig við annað sætið, fékk
86 sæti. Banharn sagðist í gær
sennilega mynda nýja ríkisstjórn
strax í þessari viku þar sem hann
vildi ekki að pólitískt tómarúm
yrði of lengi við lýði.
Yfirleitt ekki
ágreiningur um
grundvallaratriði
Kosningaþátttaka var rúm 62%
eða nær hin sama og síðast er
kosið var, árið 1992.
Verðfall varð á verðbréfamörk-
uðum í Bangkok er úrslit urðu ljós
og sögðu heimildarmenn að ástæð-
an væri óvissa um efnahagsstefnu
Banharns. I kosningabaráttunni
hét hann að beijast gegn fátækt,
gera Tæland að miðstöð viðskipta
á Indókínaskaga, bæta stjórnarf-
arið, dreifa valdi og veita fé til
landsbyggðarinnar.
Banharn sagði í gær að hann
myndi ef til vill taka menn utan
þings inn í stjórn sína og sagðist
ekki myndu breyta stefnunni í
sumum málum þar sem vel hefði
tekist til hjá fráfarandi stjórn.
Stjórnmálaflokka í Tælandi greinir
yfirleitt ekki á um grundvallar-
sjónarmið og er búist við að í stjórn
Banharns verði sex flokkar með
alls 215 þingsæti.
ÞRJÁR
GOÐAR
Á GÓLFIÐ
15.409 Aíb. ver&
S
I
r
V
8
Ryksuga 7200
1300 W mótor.
Stillanlegur sogkraftur.
Fjórföld míkrósía.
Pokastærð 4 L.
Inndraganleg snúra.
18720Afb. verð Lengjanlegt rör.
Ryksuga 7100
1300 W mótor.
Stillanlegur sogkraftur.
Fjórföld míkrósía.
Pokastærð 4 L.
Inndraganleg snúra.
16730 Afb. verð
Ryksuga 7400
1400 W mótor.
Stillanlegur sogkraftur.
Sexföld míkrósía og ultra filter.
Inndraganleg snúra.
Lengjanlegt rör.
Pokastærð 4 L.
03
03
o
u
BRÆÐURNIR
ORMSSONHF
Lágmúla 8. Sími 38820