Morgunblaðið - 25.07.1995, Page 53

MORGUNBLAÐIÐ
ÞRIÐJUDAGUR 25. JÚLÍ 1995 53
ÍÞRÓTTIR UIMGLINGA
Morgunblaðið/Frosti
Slakur lokadagur á IMM unglinga í golfi
ÍSLENSKU unglingalandsliðunum gekk illa síðasta
daginn á Norðurlandamótinu í golfi sem lauk í Dan-
mörku á sunnudag. Drengjaliðið hafnaði í 5. og síð-
asta sæti á 1192 höggum en Danir sigruðu á 1117
höggum. Birgir Haraldsson lék best síðasta daginn,
á 76 höggum, og var hann sá eini sem lék lokahring-
inn á undir 80 höggum. Stúlknaliðið hafnaði einnig
í síðasta sætinu. Sveitin lék á 808 höggum en sænska
liðið sigraði mótið á 683 höggum. Myndin er af
unglingalandsliðshópnum sem æfði fyrir Evrópu- og
Norðurlandamótið. Talið frá vinstri í efri röð: Örn
Ævar Hjartarson GS, Friðbjörn Oddsson GK, Guðjón
Rúnar Emilsson GR, Ómar Halldórsson GA, Birgir
Haraldsson GA, Guðmundur J. Óskarsson GR og
Torfi Steinn Stéfánsson GR. Neðri röð frá vinstri:
Bjamey Sonja Ólafsdóttir GR, Kristin Elsa Erlends-
dóttir GA, Katla Kristjánsdóttir GR, Alda Ægisdótt-
ir, GR, Rut Þorsteinsdóttir GS, Ásthildur Jóhannes-
dóttir GR og Erla Þorsteinsdóttir GS. Á myndina
vantar Þorkel Snorra Sigurðarson GR.
Haukar komust í
áttaliða úrslit á '
alþjóðlegu móti
Grétar Þór
Eyþórsson
skrifar frá
Svíþjóð
Kvennaliði Hauka úr Hafnar-
firði, skipað stúlkum 15 ára
gekk vel á GOTHIA CUP í Svíþjóð
nýlega. Þeim tókst
að komast í 8 liða
úrslit á þessu stóra
móti og er það góð-
ur árangur. í riðla-
keppninni lentu þær í öðru sæti í
sínum riðli og fengu aukaleik við
sænska liðið Hellekis um hvort lið-
ið kæmist áfram í 32 liða úrslit. í
þeim leik sigruðu Haukarnir 5:0
og léku við Ölme í næsta leik.
Þann leik sigruðu Haukar einnig
4:2 eftir vítspyrnukeppni. í 16 liða
úrslitum voru andstæðingarnir
fínnska liðið Honka og Hauka-
stúlkurnar gerðu sér lítið fyrir og
lögðu þær einnig, 3:2 eftir víta-
spyrnukeppni. Þær töpuðu síðan í
8 liða úrslitum fyrir ALNÖ IF,
0:3. Liðið ÍBV í kvennaflokki gekk
einnig vel og komst í 16 liða úr-
slit. Þær lögðu alla andstæðinga
sína í riðalkeppninni og komust
þannig í 32 liða úrslit þar sem þær
sigruðu Rammnás 2:0, en féllu síð-
an úr leik eftir tap fyrir *»*■
Tuna/Ekeby í 16 liða úrslitum
5:1.
Þór Vestmannaeyjum var síðan
með lið í flokki 12-13 ára stúlkna,
en þvi gekk ekki eins vel og töp-
uðu þær þremur af fjórum leikjum
sínum í riðlakeppninni. Einnig voru
tveir flokkar drengja frá Þór í
mótinu — A og B-lið 11-12 ára
drengja. A-liðið sigraði sinn riðil
með fullu húsi stiga, en töpuðu
strax í 64 liða úrslitum fyrir Thors-
landa 4:3. B-liðinu gekk illa og
tapaði það öllum sínum leikjum í
riðlakeppninni.
SUND
Morgunblaðið/Frosti
KRAKKAR úr Sunddelld Njardvlkur ásamt þjálfara sfnum Stelndóri Gunnarssyni.
Pollamótið á
Laugarvatni
■Jollamót.ið, úrslitakeppni sjötta
■ flokks í knattspyrnu verður
haldin á Laugarvatni næstkom-
andi sunnudag. Fjogur félög eiga
Iið í bæði A- og B-úrslitum að
þessu sinni en það eru KR, Hött-
ur, Breiðablik og Þór, Akureyri.
Dregið hefur verið í riðla og í
A-riðli A-liða eru Þróttur, Týr,
KR og Fjölnir en í B-riðlinum
Höttur ÍR, Þór og Breiðablik.
í A-riðli B-liða leika Haukar,
Víkingur, Reykjavík, KR og Fylkir
og í B-riðlinum Höttur, FH, Þór
og Breiðablik.
Morgunblaðið/Kári
Þátttakendur á fyrsta námskeíði sumarslns á fjölskylduskemmtun í íþróttahúsinu síðasta daginn.
Litli íþróttaskólinn starfræktur á Laugarvatni
Litli íþróttaskólinn á Laugarvatni hefur verið starfræktur undan-
farin sumur fyrir börn á aldrinum níu til þrettán ára. Námskeiðin
í sumar eru fjögur og mun meiri aðsókn hefur verið í þau en í fyrra.
IMHi Krakkarnir mæta á Laugarvatn á sunnudögum og
FráKára eru fram á laugardag í skipulagðri dagskrá sem
Jonssym a mest byggir á íþróttum og leikjum. Einnig er farið í
hestaleiguna í Efstadal, siglt á Laugarvatni, vitjað
um net, gengið á fjöll og hellar skoðaðir. Síðasta daginn koma for-
eldrar og yngri systkini og taka þátt í léttum leikjum. Óhætt er að
segja að aðstaða til íþróttaiðkana sé orðin frábær á Laugarvatni.
Umsjón með skólanum hafa þau F>eyr Ólafsson og Elín Þórarinsdótt-
ir íþróttakennaranemar en íþróttamiðstöð íslands á Laugarvatni
stendur fyrir þeim.
Uppgangur hjá
IMjarðvíkingum
SUNDDEILD Njarðvíkur lagð-
ist niður um tíma, stuttu eftir
að Sundfélagið Suðurnes var
stofnað en fyrir rétt tæpum
fjórum árum var hún endur-
yakin. Góð sti'gandi hefur ver-
ið í starfi deildarinnar og
áhuginn hefur aukist jafnt og
þétt en alls æfa áttatíu börn
og unglingar sund með félag-
inu og er stærsti hópurinn
börn á aldrinum tíu ára og
yngri.
Jjað hefur verið heilmikill upp-
gangur hjá okkur á þessu
stutta tímabili. Þessir unglingar
sem eru að synda núna hafa stað-
ið sig mjög vel og margir hverjir
hafa verið í fremstu sætunum í
sínum aldursflokkum, enda eru
þetta áhugasamir krakkar og efni-
legir,“ segir Steindór Gunnarsson,
sem gegnt hefur starfi sundþjálf-
ara hjá Njarðvík frá því að sund-
deildin var endurreist. Margir efni-
legir krakkar æfa nú sund með
Njarðvík.
Félagið er með aðstöðu í Njarð-
vík þar sem það hefur 12,5 m inni-
laug, sundfólkið hefur einnig æft
í Keflavík og í 25 metra innilaug
á Keflavíkurflugvelli sem Steindór
sagði að væri sú besta á landinu.
Steindór fékk viðurkenningu
þegar hann var valinn þjálfari árs-
ins í vor. „Það kom mér nú svolít-
ið á óvart að vera valinn. Það
hafa nú margir þjálfarar verið
lengur í þessu heldur en ég og
jafnvel ekkert fengið lítið fyrir sinn
snúð þrátt fyrir að hafa gert mik-
ið fyrir sundlífið.
Verðlaunin eru sjálfsagt veitt
fyrir gott uppbyggingarstarf hjá
félaginu. Þessir unglingar sem eru
að koma núna hafa staðið sig
mjög vel, verið í fremstu sætunum
í sínum aldursflokkum og bara
verið mjög góðir.“
Áhuginn virðist fara vaxandi í
Njarðvík og sagði þjálfarinn að
árangur og áhugi héldist oft í
hendur. „Þegar árangur næst þá
vex áhuginn."