Morgunblaðið - 11.08.1995, Blaðsíða 13
MORGUNBLAÐIÐ
FÖSTUDAGUR 11. ÁGÚST 1995 13
LANDIÐ
Mannrækt
og heilun
að Hellnum
Laugabrekku, Hellnum - Um versl-
unarmannahelgina hafði félagið
Snæfellsás fjölskylduhátíð í
Brekkubæ á Hellnum án vímuefna.
Það var margþætt sem fór fram á
þessu móti, mannrækt, heilun og
andleg málefni svo nokkuð sé nefnt.
Á sunnudag var guðsþjónusta við
lífslind Hellnamanna í blíðuveðri.
Þar var samankomin hátt í tvö
hundruð manns. Sr. Ólafur Jens
Sigurðsson, sóknarprestur predik-
aði, fólkið söng sálma.
Mótið sótti um 200 manns sem
nutu samvista með gleði, voru á
námskeiðum, hlýddu á fyrirlestra
og margt fleira í dulúðugri nátt-
úrufegurð Hellna. Því miður tók hin
fagri Snæfellsjökull ekki ofan húf-
una nema einu sinni smá stund en
veður var gott.
Hlutafélagið Snæfellsás hefur í
níu ár staðið fyrir þessum árlegu
fjölskyldumótum og hafa þau farið
í alla staði mjög vel fram og verið
félaginu til sóma. Sama er að segja
um þetta nýafstaðna mót, það var
öllum til sóma.
Morgunblaðið/Sigurður Gunnarsson
Ný bensínstöð
í Oræfum
NÝ bensínstöð Skeljungs var opnuð
nýverið í Freysnesi í Öræfum og
er þar með einræði Esso þar um
slóðir lokið. Ætti nú enginn að
verða bensínlaus því nú eru orðnar
fjórar bensínstöðvar á 25 km kafla
í Öræfum. Einnig er þarna tjald-
stæði með viðeigandi snyrtiaðstöðu.
Vinabæjarheimsókn ungmenn frá Hirtshals til Grindavíkur
Morgunblaðið/Frimann Ólafsson
DANIRNIR tilbúnir að takast á við Þorbjörn en yfir hann átti að ganga á leið í Bláa lónið.
ÞESSIR hressu krakkar voru saman á heimili. Talið f.v. Mar-
grét, Ólöf og Óskar Pétursbörn, Karina Poulsen, Kristina Peder-
sen, Erla Ósk Pétursdóttir og Signe Pedersen.
Mest tal-
að saman
á ensku
Grindavík - Að undanförnu hafa
danskir unglingar verið í heim-
sókn í Grindavík ásamt kennur-
um. Þetta eru krakkar frá
vinabæ Grindavíkur í Dan-
mörku, Hirtshals, sjávarþorpi
norðarlega á Jótlandi.
Bæirnir hafa á undanförnum
árum skipst á að senda hópa
skólakrakka í heimsókn og hafa
Danirnir komið hingað með
fjóra hópa en Grindvíkingar
hafa sent tvo hópa auk þess sem
hópur kennara sótti þá heim
fyrir tveimur árum.
Asger Kofoed er hér á ferð í
fjórða skiptið. Hann hefur kom-.
ið í allar Islandsheimsóknirnar
og getur með sanni kallast ís-
landsvinur því hann er óþreyt-
andi að vinna að vináttutengsl-
um milli bæjanna með því að
koma með hópa og taka á móti
hópum. Auk hans voru með í
ferð kona hans Kirsten Kofoed
og hjónin Hanne og Tom Volhoj.
Islandsferð ákveðin
að hausti
„Á haustin geta nemendurnir
í Hirtshals valið um ýmsa
fræðslu utan eiginlegrar stunda-
skrár og fræðsla um Island er
einn valmöguleikanna. Fræðslan
er undirbúningur þess að heim-
sækja síðan landið eftir að skóla
lýkur um sumarið. Nemendurnir
sækja um 30 kennslustundir um
Island þar sem þeir fræðast um
land og þjóð og um vinabæinn
Grindavík.
Við fengum íslenskan dýra-
lækni sem starfar í Álaborg til
að fræða okkur um hve saga
íslenska hestsins er samofinn
menningu þjóðarinnar hér áður
fyrr. Síðan fengum við heimsókn
frá formanni íslendinafélagsins
í Álaborg, Kristni Kristjánssyni,
og hann fræddi okkur á því
hvernig væri að vera barn á ís-
Iandi.
Það er bara ekki
hægt að tala dönskuna
Krakkarnir fjármagna ferð-,
ina á eigin spýtur en við reynum
að halda kostnaðinum í lágmarki
og að hann fari ekki yfir þrjú-
þúsund danskar krónur. Við
erum svo lánsöm í Danmörku
að þegar skólakrakkar eru að
fara í ferðir fá þeir ferðir með
dönsku járnbrautunum ókeypis,
en við flugum frá Kaupmanna-
höfn,“ sagði Asger í samtali við
Morgunblaðið.
Dönsku krakkarnir dvöldust á
einkaheimilum í Grindavík. Með
því móti kynnastþeir jafnöld-
rum á þeim stutta tíma sem þeir
eru hér. Einhvern veginn var
það nú svo að enskan var ungl-
ingunum tamari í munni en
danskan þó þeir íslensku full-
yrtu við tíðindamann að þeir
skildu dönskuna, „það er bara
ekki hægt að tala hana“.
Karina Poulsen, Kristina Ped-
ersen og Signe Pedersen dvöldu
saman í Islandsferðinni. „Ferðin
er búin að vera mjög skemmti-
leg. Við höfðum séð myndir frá
íslandi þannig að við vissum
dálítið en það er náttúrulega
annað að sjá hlutina með berum
augum.
Við erum ekki vanar þessu
landslagi í Danmörku og vega-
lengdin milli bæjanna er meiri
en við eigum að venjast. Þá er
fólkið hérna mjög gestrisið,"
sögðu þær.
Þær bættu því við að Vest-
mannaeyjaferðin hefði verið
mjög skemmtileg og sérstök.
Hvort þær kæmu hérna seinna
sem almennir ferðamenn? „Það
væri mjög gaman en okkur
finnast hlutirnir hér mjög dýrir
og finnum mikinn mun frá Dan-
mörku.“
Tengslin mega
ekki gleymast
„Ég tel að það sé ny ög mikil-
vægt að rækta vináttutengslin
milli Norðurlandaþjóðanna. Þar
sem við erum í Evrópubandalag-
inu er það þannig að margir
horfa suður á bóginn í Dan-
mörku. Norðurlöndin eiga mikið
sameiginlegt í menningunni og
x mannlífinu og það er mikilvægt
að rækta þessa þætti og halda
vináttutengslunum við,“ sagði
Asger og bætti því við að hann
vonaðist til að geta komið aftur
til íslands.
Orkustofnun kannar möguleika á stórvirkjun í Ófeigsfirði
Orkubúið telur Glámu-
svæðið besta kostinn
ísafirði - Haukur Tómasson, jarð-
fræðingur og deildarstjóri vatns-
orkudeildar Orkustofnunar, hefur
að undanfömu kannað staðhætti
vegna hugsanlegrar vatnsorku-
virkjunar í Ófeigsfirði á Ströndum.
Hugmyndir um að virkja Hvalá í
Ófeigsfirði eru ekki nýjar af nál-
inni, en hér er verið að tala um
miklu stærri virkjunarkost sem
hægt er að líkja við Blönduvirkj-
un. Rannsóknir þessar eru Orku-
búi Vestfjarða að kostnaðarlausu,
enda telja menn þar á bæ, að hent-
ugri kostur sé fyrir hendi í framtíð-
inni, og benda í því sambandi m.a.
á Glámusvæðið.
„Orkustofnun ber skylda sam-
kvæmt orkulögum að hafa tiltæk-
ar á hveijum tíma, almennar upp-
lýsingar um helstu virkjanir sem
talið er hagkvæmt að nýta á hveij-
um tíma,“ sagði Sölvi Sólbergsson
hjá Orkubúi Vestfjarða.
Vatnasvið sameinuð
Sölvi segir að undir lok ráð-
herratíðar Sighvats Björgvinsson-
ar iðnaðarráðherra hafi verið gefín
út samantekt yfir allt vatnsafl á
íslandi, en í henni hafi verið talað
um tvær virkjanir á Vestfjörðum.
„Áður var talað um eina virkjun
í hveijum firði, en síðan gerist það
að nýjar hugmyndir koma upp
hvað varðar virkjunarfram-
kvæmdir og liggja þær allar á
þann veg að fara undir yfirborðið,
þ.e. að gera jarðgöng í stað þess
að leggja pípur ofanjarðar. Þannig
er hægt að sameina vatnasvið og
virkja fallið í einn fjörð. í fram-
haldi af því fór Orkustofnun að
kanna Ófeigsfjarðarheiðina í heild
sinni og mat hana sem eina virkj-
un sem endaði í Ófeigsfirði. Hug-
myndir þeirra voru að bora það
langt að vatn næðist alla leið frá
Þorskafjarðarheiði að sunnan-
verðu og norður með Drangajökli
að Bjarnarfirði á Ströndum. Það
eru engar íjárveitingar til í þetta
verkefni og því eru þessar rann-
sóknir á þeirra eigin kostnað.“
Virkjun í Ófeigsfirði langt
inni í framtíðinni
Sölvi sagði að Orkubúið hefði
ekki áhuga að svo stöddu á að
leggja út í neinn kostnað á þessu
svæði, þar sem þar á bæ væri lit-
ið svo á að Glámuhálendið þjón-
aði Orkubúinu miklu betur hvað
afhendingaröryggi á raforku
varðar. Sölvi sagði ennfremur að
virkjun á Ófeigsfjarðarsvæðinu
myndi frekar þjóna landskerfinu
í heild heldur en Orkubúinu, enda
væri hér um að ræða stóra virkj-
un.
„Aftur á móti hafa virkjunar-
möguleikar á Glámusvæðinu verið
kannaðir, en þar var hugmyndin
að safna saman vatni frá Vatns-
firði á_ Barðaströnd, um Vattar-
fjörð, ísafjörð og norður til Hest-"
fjarðar þar sem fallið yrði virkjað.
Til gamans má geta þess að for-
rannsóknir vegna Glámuvirkjunar
kosta um 60-70 milljónir auk
þess s»m umhverfismat þarf að
liggja fyrir og virkjunarleyfi að
fást en virkjun sem þessi hefur
helmingi meiri orkumátt en þörf
er á í dag á Vestfjörðum. Hug-
myndin um virkjun í Ófeigsfirði
er því langt inni í framtíðinni og
er ekki talin nauðsynlegur né fýsi-
legur kostur fyrir fyrirtækið
þessa stundina,“ sagði Sölvi.
Morgunblaðið/Atli Vigfússon
Málari í Kinnarfjöllum
VEÐRIÐ hefur leikið við Þingey-
inga undanfarið og nota menn
góðu tíðina til þess að sinna leik
og starfi. Sigurður Hallmarsson,
leikari, málari og músíkmaður
frá Húsavík, var í Heiðarenda
um helgina að mála Kinnarfjöllin
einu sinni enn, en myndir af
þeim eftir Sigurð prýða veggi
fjölda fólks og enginn þekkir
betur hvaða liti þarf til á hverj-
um árstíma. I sumar eru óvenju-
miklar fannir í hlíðunum en snjó-
laus eru þau sjaldan sem aldrei.
Þá hafa fallið úr þeim miklar
skriður og hvað nxest við Nausta-
vík.