Morgunblaðið - 11.08.1995, Blaðsíða 40

40 FÖSTUDAGUR 11. ÁGÚST 1995
MORGUNBLAÐIÐ
Dýraglens
Ferdinand
Ég sagði, sérðu
flugdreka þarna?
Já, en ég held að
hann hafi misst
áhugann.
PlmnpnlMÍ^
BRÉF
TIL BLAÐSINS
Kringlunni 1103 Reykjavík • Sími 569 1100 • Símbréf 5691329
Eiga KR-ing,ar
að fá bikar í ár?
Frá Áhugamönnum á
Suðurnesjum um knattspymu:
NÖ ÞEGAR knattspymuverti'ðin er
hálfnuð hefur frammistaða KR-inga
vakið verðskuldaða athygli. Það
virðist sama á hveiju gengur og
hversu slæm staða liðsins er, allir
virðast leggjast á eitt, jafnt dómarar
sem aðrir, um að skila þeim stigum
í pottinn. Þegar knattspymuhæfi-
leikarnir duga ekki til taka við heilu
leiksýningamar sem allir virðast
taka eftir nema dómararnir. Jafnvel
stuðningsmönnum KR-inga líður illa
yfir skrípaleiknum sem settur er í
gang til að krækja í stigin.
í leik Leifturs og KR í Sjóvá-
Almennar-deildinni afhenti dómar-
inn KR-ingum stigin með hlægilegri
vítaspyrnu á síðustu mínútum leiks-
ins. Næsta útspil KR-inga var ein
ódrengilegasta framkoma knatt-
spymuliðs sem sést hefur á íslandi
þegar KR-ingar tóku innkast og
skomðu eftir að leikmaður Fram
hafði spymt knettinum vísvitandi
útaf þegar leikmaður KR-inga
meiddist. Þar sá KR-liðið sjálft um
ævintýrið og hefur ekki enn beðist
afsökunar. I leik á móti FH dugði
ekkert annað til en að dæma undar-
lega töf á markmann FH og í kjöl-
farið vítaspýrnu sem KR-ingar skor-
uðu úr og náðu að jafna leikinn á
lokamínútu leiksins. Mikill fjöldi
áhorfenda FH-inga missti þá stjóm
á skapi sínu yfir óréttlætinu en það
ber að harma.
í bikarkeppninni hallaði undan
fæti hjá KR-liðinu á móti Keflavík
og tóku þá leikrænir hæfileikar eins
leikmanns KR-inga við til að krækja
sér í vítaspymu. Eins og venjulega
tóku allir eftir leikhæfileikunum
nema dómari leiksins sem sá ekkert
athugavert við leikritið.
Nú bíða knattspyrnuáhugamenn
spenntir eftir næsta útspili KR-inga
því ekki em mörg lið eftir sem eiga
eftir að fá útreiðina. Það hefur einn-
ig vakið athygli þeirra sem verða
fyrir barðinu á KR-ingum að íþrótta-
fréttamenn hafa lítinn sem engan
áhuga á að íjalla um leikþættina
heldur virðist sem niðurstaða leiksins
sé það eina sem spurt er að.
Þegar leiktímabilinu lýkur og sár-
in fara að gróa kemur að því að
áramótin renna upp. Eftir að KR-
ingar hafa leikið svo, mörg knatt-
spyrnulið og stuðningsmenn þeirra
grátt í sumar er hætt við að áhugi
þeirra á kaupum á KR-flugeldum
og þannig fjárhagslegur stuðningur
við KR minnki til muna.
Eftir að knattspyrnuáhugamenn
hafa horft uppá ósanngirnina á fyrri
hluta knattspymutímabilsins hefur
komið fram nýstárleg hugmynd.
Hún byggir á því að styrkja fjárhag
annarra liða í deildinni með því að
selja KR-ingum annað hvort deild-
arbikarinn eða Mjólkurbikarinn.
Þannig mætti koma í veg fyrir nið-
urlægingu annarra knattspymuliða
og stuðningsmanna þeirra með
framferði KR-inga og dómara. Leik-
menn og forráðamenn annarra liða
munu sýna þessari hugmynd skiln-
ing enda hafa þeir iðulega beðið
lægri hlut í leikriti sem KR-ingar
setj_a á svið og leikstýra.
Áhugamenn um sanngjarna
knattspyrnu,
BENEDIKT ODDSSON,
GUNNAR G. GUNNARSSON,
JÓN PÁLL EYJÓLFSSON,
SKARPHÉÐINN NJÁLSSON,
VALDIMAR BIRGISSON,
BÖRKUR BIRGISSON,
HAFSTEINN GÍSLASON,
KRISTMUNUR CARTER,
STEINDÓR RÓBERTSSON,
ÞÓRHALLUR GARÐARSSON.
Flöskuháls
í ferðamálum?
Frá Birni S. Lárussyni:
ÉG ER EINS og Pétur J. Eiríksson
framkvæmdastjóri hjá Flugleiðum
(Mbl. 5.8. 1995) mjög hissa á
munnmælum ferðamálastjóra um
að hér sé að myndast einhver
flöskuháls í ferðum til landsins og
ég leyfi mér að efast um að ferða-
málastjóri hafi þekkingu á því sem
hann er að tala um þó hann hafi
verið markaðsstjóri Arnarflugs sál-
uga á sínum tíma.
Það eru fleiri en Flugleiðir sem
halda uppi reglulegum ferðum til
íslands. Þau flugfélög hafa veitt
verðuga samkeppni sem Flugleiðir
hafa mætt með þeim aðferðum sem
fyrirtæki hafa ráð til þegar um
harða samkeppni er að ræða.
Ég get ekki látið hjá líða í þess-
um pistli að gera að umræðuefni
ummæli ferðamálastjóra um að
einn ferðamaður skapi sömu tekjur
og eitt tonn af þorski. Ef eitt epli
kostar 5 krónur hér á landi og ein
appelsína 5 krónur þá hefur kaup-
maðurinn nákvæmlega 5 krónur í
tekjur af sölu þeirra. Liggi þessar
staðreyndir fyrir þá er nokkuð
sama hvort kaupmaðurinn selji
appelsínur eða epli. Komist kaup-
maðurinn hinsvegar að því að eplið
kostar 4 krónur í innkaupi og app-
elsínan 2 krónur þá er ekki spurn-
ing hvaða vöru er meira freistandi
að selja. Þannig er það með ferða-
þjónustuna og sjávarútveginn. Það
má ekki slá fram óábyrgum full-
yrðingum eins og ferðamálastjóri
hefur gert um þessar tvær atvinnu-
greinar vegna þess að þær eru
alls ekki hagfræðilega sambæri-
legar.
BJÖRN S. LÁRUSSON,
framkvæmdastjóri,
Austurvegi 55, Selfossi.
Allt efni sem birtist í Morgunblaðinu og Lesbók verður framvegis varðveitt í
Gagnasafni þess. Morgunblaðið áskilur sér rétt til að ráðstafa efninu þaðan,
hvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta, ef ekki fylgir fyrirvari þar að lútandi.