Morgunblaðið - 13.08.1995, Qupperneq 9

MORGUNBLAÐIÐ
SUNNUDAGUR 13. ÁGÚST 1995 9
LISTIR
ÞEGAR LUC
HITTIKATE
KYIKMYNPIR
Háskólabíö
FRANSKUR KOSS
(FRENCH KISS) ★ ★ Vi
v Leikstjóri Lawrence Kasdan. Hand-
ritshöfundur Adam Brooks. Tónlist
James Newton Howard. Kvikmynda-
tiikustjóri Owen Roizman. Aðalleik-
endur. Kevin Kline, Meg Ryan, Ti-
mothy Hutton, Jean Reno. Banda-
rísk. Polygram Filmed Entertain-
ment 1995.
HOLLYWOOD er enn og aftur
komin inní tíma rómantísku gaman-
myndarinnar og út af fyrir sig full
ástæða til að fagna því. Enda lítið
um blóð og dráp í þeim myndflokki
og annað tengt því ógnarofbeldi sem
hefur sett svo mark sitt á kvik-
myndaframboðið síðasta áratuginn.
En rómantískar gamanmyndir þurfa
ekki endilega að vera góðar frekar
en aðrar og svo virðist sem kvik-
myndagerðarmenn samtímans vanti
nokkuð uppá að ná þeim klassa sem
oftar en ekki einkenndi rómantískar
gamanmyndir á gullaldarárum kvik-
myndaborgarinnar.
Nú er röðin komin að einum at-
hyglisverðasta leikstjóra dagsins (þó
myndum hans hafi farið heldur hrak-
andi), Lawrence Kasdan, að fást við
þessa myndgerð og satt best að segja
nær hann aldrei Frönskum kossi
ærlega á flug. Allt er til staðar sem
prýtt getur mynd af þessari stærð-
argráðu, ekkert verið til sparað.
Owén Roizman stjórnar kvikmynda-
tökunum óaðfinnanlega eins og oft
áður í myndum Kasdans, og tónlist
sjálfs James Newtons Howards er
leikandi létt og skemmtileg blanda
af eigin tónsmíðum og gömlum, sí-
gildum smellum úr dægurtónlistinni.
Þeir skapa gallalausan ramma utan-
um mynd af þessu tæi, þetta eru
bestu þættir myndarinnar - að Ke-
vin Kline undanskyldum. Hann
þjargar myndinni fyrir horn. Takið
eftir að Franskur koss dettur jafnan
niður þegar Kline er ekki á tjaldinu.
Hann leikur hér furðulegt hlutverk
Luc, fyrrum vínbóndasonar sem lét
bróðir sinn reita af sér eigurnar í
fylleríi. Gerðist síðan smákrimmi i
París og af einhverjum óútskýranleg-
um ástæðum er hann í myndarbyrjun
á leið frá Toronto eftir skartgripar-
án, að manni skilst. I flugvélinni
verður á vegi hans stúlkan Kate
(Meg Ryan) sem er á leið til Parísar
til að vinna aftur mannsefnið sitt
(Timothy Hutton) úr rúmi franskrar
fegurðardísar (Susan Anbeh). Koma
ruplarar nokkuð við sögu, lestarferð
um Frans og í bakgrunninum ástar-
kómedían.
Framvindan er fyrirsjáanleg og
endalokin augljós, jafnvel leikaraval-
ið undirstrikar þau með rauðu. Hvað
Næsta leikár hjá Leikfélagi Akureyrar
Drakúla, Gimdar-
vagninn og nýr íslenskur
gamanleikur
ÞRJÚ STÓR verk, eitt íslenskt og
tvö erlend, verða í aðalhlutverki á
næsta leikári Leikfélags Akur-
eyrar. Fyrsta verkefni ársins verð-
ur leikgerð af sögunni um Drak-
úla greifa eftir írska rithöfundinn
Bram Stoker en um þessar mund-
ir er verið að minnast þess víða
um heim að öld er liðin síðan þessi
víðfræga saga kom fyrst út. Leik-
gerðin er unnin sérstaklega fyrir
L.A. af írska leikstjóranum Mich-
ael Scott sem einnig leikstýrir en
sýningin verður hluti írskrar
menningarhátíðar sem haldin
verður á Akureyri í haust.
Viðar Eggertsson, leikhússtjóri,
segir að Michael Scott sé einn
ahyglisverðasti leikhúsmaður íra
af yngri kynslóðinni. „Ég hef lengi
verið að reyna að fá Scott hingað
til starfa með okkur en sýningar
hans hafa jafnan vakið mikla at-
hygli úti. Annar ungur íri, Paul
McCauley, mun gera leikmynd og
búninga en hann hefur einnig get-
ið sér gott orð fyrir verk sín.“
Sagan af Drakula hefur notið mik-
illa vinsælda víða um heim allt frá
því hún kom fýrst út og segir
Viðar að hún hafi verið næst á
eftir Biblíunni á metsölulista hins
vestræna heims. Drakúla verður
frumsýndur 13. október.
Sporvagninn Girnd
Þriðja dag jóla verður frumsýnt
hið kunna verk Tennessee Will-
iams, Sporvagninn Girnd. Leik-
stjóri verksins verður Haukur J.
Gunnarsson og leikmynd gerir
Svein Lund-Roland. Haukur hefur
undanfarinn fimmtán ár starfað
sem leikstjóri í Noregi og víðar,
nú síðustu árin hefur hann verið
leikhússtjóri samíska þjóðleikhúss-
ins Beiwas. Viðar segir að leikfé-
lagsmenn vænti mikils af sam-
starfinu við Hauk og Svein Lund-
Roland sem sé meðal þekktustu
leikmyndateiknara Norðurlanda.
„Þetta verk er auðvitað mjög
spennandi viðfangsefni. Aðalhlut-
verkin, Blanch og Stanley, eru ein-
hver best skrifuðu leikhlutverk
sem leikarar geta glýmt við. Það
fellur í hlut þeirra Rósu Guðnýjar
Þórsdóttur og Valdimars Flygen-
ring að túlka þessar makalausu
persónur í sýningunni.“
DRAKÚLA verður settur upp hjá L.A. í vetur. Frægasti túlk-
andi blóðsugunnar í kvikmyndasögunni er vafalaust Christop-
her Lee sem hér sést við uppáhalds iðju greifans.
Nýr íslenskur
gamanleikur
í lok mars verður frumsýndur
nýr íslenskur gamanleikur eftir
Kjartan Ragnarsson og Einar Ká-
rason. „Það kveður við nýjan tón
í þessu verki“, segir Viðar, „en í
því fara þeir höfundarnir fimum
höndum um ýmis þekkt klúður-
smál í íslensku samfélagi á okkar
tímum.“ Verkið hefur ekki hlotið
endanlegt nafn en vinnuheiti þess
er Heima er best. Fjöldi leikara
tekur þátt í sýningunni en leik-
stjóri þess verður Þór Tulinius.
Viðar segir að ýmsar smærri
uppákomur verði einnig á dagskrá
leikfélagsins á komandi vetri, t.d.
verði boðið upp á þrjár aðfluttar
barnasýningar til að gleðja norð-
lensk börn.
Morgunblaðið/Sig. Jóns.
Samkór Selfoss til Bandaríkianna
SAMKÓR Selfoss hélt á þriðju-
dag upp í þriggja vikna söng-
ferðalag til Bandaríkjanna
ásamt kórstjóra sínum Jóni
Cortez. Þar mun kórinn ferðast
um í Washington fylki og taka
lagið á nokkrum stöðum. Ferð
þessi hefur verið í undirbúningi
um nokkurt skeið og kórfélagar
unnið að fjármögnun ferðarinn-
ar með öflugu félagsstarfi.
Myndiun sýnir kórfélaga fram-
an við Selfosskirkju áður en lagt
var af stað.
Þjóðleikhúsið
Þrjú ný íslensk
leikverk í vetur
ÞRJÚ NÝ íslensk leikverk verða
frumsýnd í Þjóðleikhúsinu á næsta
leikári. Áður hefur verið sagt frá
verki Ólafs Hauks Símonarsonar,
Þreki og tárum, sem frumsýnt
verður í september, í Morgunblað-
inu en auk þess verður um áramót
frumsýnd á stóra sviðinu leikgerð
Þórunnar Sigurðardóttur á skáld-
sögu Ólafs Gunnarssonar, Trölla-
kirkju. Á litla sviðinu verður svo
frumsýnt nýtt verk eftir Karl Ág-
úst Úlfsson sem hefur vinnuheitið,
Þú eina hjartans ... en það fjallar
um fólk sem verður veðurteppt á
litlu hóteli í íslensku sjávarplássi.
í ljós kemur að tengsl íbúanna og
hótelgesta eru ekki öll þar sem þau
sýnast.
Nýtt eftir
Arthur Miller
Á stóra sviðinu verður einnig
sett upp hið margslungna gaman-
leikrit Frakkans Moliéres, Dom
Juan, í leikstjórn Litháans Rimas
Tuminas, eins og áður hefur verið
sagt frá. Sömuleiðis hefur verið
sagt frá uppfærslu leikhússins á
Kardemommubæ Thorbjörns Egn-
er en það verður frumsýnt í októ-
ber.
í nóvember verður sýnt nýjasta
verk Arthurs Millers á stóra svið-
| inu, Glerbrot (Broken Glass), sem
fjallar um bandaríska konu af gyð-
ingaættum sem missir skyndilega
máttinn án skýranlegra orsaka.
Þeirra kann þó hugsanlega að vera
að leita í hjónabandinu. Næsta vor
verður svo sýndur gamanleikurinn,
Sem yður þóknast (As You Like
It), eftir Shakespeare.
Nýr söngleikur
Auk áðurnefnds verks Karls
Ágústs verða sýnd tvö erlend verk
á litla sviðinu, Sannur karlmaður
eftir Tankred Dorst, sem fjallar um
furðuandlit ástarinnar og marg-
flókið valdatafl elskenda, og
Kirkjugarðsklúbburinn eftir Ivan
Menchell sem fjallar um nauðsyn
þess að takast á við breyttar að-
stæður á efri árum.
Á Smíðaverkstæðinu verða sýnd
þtjú erlend leikrit, Leigjandinn
(The Lodger) eftir Bretann Simon
Burke, Leitt hún skyldi vera skækja
(’tis Pity She’s a Whore) eftir John
Ford og einnig verður settur upp
nýr söngleikur eftir Bengt Ahlfors
sem hefur vinnuheitið, Stolnar
hamingjustundir (Stjulen lycka).
Auk ofantalinna verka verður
sýningum haldið áfram á Stakka-
skiptum eftir Guðmund Steinsson,
Taktu lagið, Lóa! og á farandsýn-
ingunni Lofthræddi örninn hann
Örvar.
hefur eymingja Hutton, sem nú orðið
rétt nær að krækja sér í aðahlutverk
í B-hrollvekjum, að gera í hinn hæfí-
leikaríka og fjailmyndarlega Kline,
sem þar að auki kann vel að meta
eina virkilega vel skrifaða hlutverk
myndarinnar og slær um sig með
kátbroslegum, frönskum framburði?
Ryan hefur staðið sig vel sem gaman-
leikkona - í betur skrifuðum mynd-
um (Þegar Harry hitti Sally, Svefn-
vana í Seattle), vel að merkja. Hún
fær rislágan texta (einsog allir aðrir
en Kline) hjá handritshöfundinum
Brooks, þarf aukinheldur að fást við
ófyndnar uppákomur í marggang,
einsog mjólkursykursjokk, vega-
bréfsstríð, flughræðslu, og nær sér
aldrei á strik. Sú franska Susan
Anbeh er mikið augnayndi og gaman
að sjá Reno í annarskonar hiutverki
en vélmennunum hans Bessons.
Þrátt fyrir að myndin skilji mann
eftir í þolanlegu skapi og nokkra
prýðilega spretti Kiine, Howard og
Roizman vill maður fá bragðmeiri
skemmtun frá Kasdan, peningaflæð-
inu og öllu þessu hæfileikafólki. Hitt
er líka dagljóst að Franskur koss
höfðar betur til kvenna. Þær hlógu.
Sæbjörn Valdimarsson
Islensku
barnabóka-
verðlaunin
SAMKVÆMT frétt frá Verðlauna-
sjóði íslenskra barnabóka eru nú
tveir mánuðir til stefnu til þess að
skila inn handritum, í samkeppni
um verðlaunabók ársins 1996.
Frestur til að skila inn handritum
er til 15. október nk.
Verðlaunin nema 200 þúsund
krónum, auk þess sem höfundur
verðlaunabókarinnar fær greidd
laun samkvæmt samningi Rithöf-
undasambands íslands og Félags
íslenskra bókaútgefenda.
Að því er fram kemur í frétt-
inni, eru engin lengdarmörk sett á
sögurnar og einungis við það miðað
að efnið hæfi börnum og ungling-
um.
Sjóðurinn hvetur reynda sem
óreynda höfunda til þess að taka
þátt í samkeppninni.