Morgunblaðið - 29.09.1995, Page 14

14 FÖSTUDAGUR 29. SEFrEMBER 1995
MORGUNBLAÐIÐ
AKUREYRI
Húsaleiffubætur ekki
greiddar að óbreyttum lögum
Aðferð ríkisvaldsins við fram-
kvæmdina ekki aðgengileg
BÆJARRÁÐ Akureyrar telur sér
ekki fært að taka upp greiðslu
húsaleigubóta að óbreyttum lög-
um. Þetta var samþykkt á fundi
bæjarráðs í gær, en frestur sveitar-
stjórna til að taka ákvörðun um
greiðsiu húsaleigubóta á árinu
1996 rennur út 30. september
næstkomandi.
Lögin verði endurskoðuð
Ákvörðun bæjarráðs var tekin
með vísan til þess að ekki var tekið
tillit til eindreginna andmæla sveit-
arfélaga við einstök atriði í frum-
varpi til laga um húsaleigubætur á
liðnum vetri. „Því beinir bæjarráð
þeirri eindregnu áskorun til ríkis-
valdsins, að lögin um húsaleigubæt-
ur verði nú tekin til endurskoðunar
og fullt tilliti tekið til þeirra sjónar-
miða sem fram hafa komið hjá
sveitarfélögum," segir í bókun
meirihluta bæjarráðs frá því í gær.
Gísli Bragi Hjartarson, Alþýðu-
flokki, lét bóka á fundinum að hann
teldi greiðslu húsaleigubóta réttlæt-
ismál, „en get fallist á að aðferð
ríkisvaldsins við framkvæmdina sé
ekki aðgengileg og ásættanleg.“
„Alþýðuþandalagið hefur lengi
verið því fylgjandi að húsaleigubæt-
ur verði teknar upp. Að mínu áliti
er sú leið sem farin er í framkvæmd
þessa máls í lögum um húsaleigu-
bætur, því miður meingölluð eins
og bent hefur verið á í athugasemd-
um sveitarfélaganna. Ég get því
fallist á ofangreinda bókun bæjar-
ráðs, en óska þó eftir að málið komi
til endanlegrar afgreiðslu í bæjar-
stjórn," segir í bókun Sigríðar Stef-
ánsdóttur.
Búa við skarðari hlut
Þá telur Sigríður ámælisvert að
niðurstaða skuli ekki liggja fyrir
frá þeirri nefnd sem félagsmála-
ráðherra skipaði til að fylgjast með
framkvæmd greiðslu húsaleigu-
bóta og gera tillögur til breytinga
ef þurfa þætti. Jafnframt telur hún
þá leið sem farin er í lögum um
húsaleigubætur meingallaða.
„Aftur á móti er greiðsla húsa-
leigubóta réttlætismál og erfitt að
sætta sig við að íbúar á Akureyri
búi við skarðari hlut í þessum
málum en íbúar margra annarra
sveitarfélaga," segir í bókun Sig-
ríðar.
Bæjarráð samþykkti að endanleg
staðfesting á afgreiðslu málsins
yrði í bæjarstjórn, en næsti fundur
bæjarstjórnar er 10. október næst-
komandi.
Góð heim-
sókn í
skólann í
Grímsey
Grímsey.
SKÓLABÖRN í Grímsey fengu
nýverið heimsókn, en þar voru
á ferð hjónin María Steinþórs-
dóttir og Jón Ingimarsson sem
kenndu börnum í Grímsey í
nokkur ár. Þau hafa haldið
tryggð við fyrrverandi nem-
endur sína og litu inn til þeirra
í kennslustund í skólanum og
spjölluðu við börnin. Höfðu all-
ir mikla ánægju af heimsókn
þeirra hjóna. Þess má geta að
börnin sem stunda nám í vetur
í skólanum í Grímsey eru alls
fjórtán talsins og þar af er
aðeins ein stúlka.
Starf smannaráð
Heilsugæslu-
stöðvarinnar
Umferð
ekki leyfð
um göngu-
götuna
STARFSMANNARÁÐ Heilsu-
gæslustöðvarinnar á Akureyri
hefur mótmælt hugmyndum um
að göngugatan í Hafnarstæti
verði að nýju opnuð fyrir um-
ferð. Starfsmannaráðið sendi
bæjarráði bréf þess efnis í vik-
unni en því fylgir ályktun frá
ráðinu þar sem eindregið er
mótmælt þeirri hugmynd að
opna göngugötuna í Miðbæ
Akureyrar að nýju fyrir umferð
bifreiða. Verslunareigendur við
götuna hafa hvatt til þess að
gerð-verði tilraun með slíkt.
Sameining
almannavarna-
nefnda
HÉRAÐSRÁÐ Eyjafjarðar hef-
ur boðað til fundar á Hótel KEA
í næstu viku þar sem kynnt
verður hugmynd utn að al-
mannavarnanefnd Akureyrar
og almannavarnanefnd Dalvík-
ur verði sameinaðar.
Biblíulestur
BIBLÍULESTRAR hafa verið
fastur liður í starfsemi kirkn-
anna á Akureyri um skeið og
eru slíkir lestrar nú að hefjast
eftir sumarfrí.
Björgvin Jörgensson fyrrver-
andi kennari leiðir samveru-
stundirnar í Akureyrarkirkju en
þær verða á hverju mánudags-
kvöldi í litla sal Safnaðarheimil-
isins. Þær hefjast kl. 20.30. Byij-
að verður á lestri II. Korintu-
bréfs.
í Glerárkirkju verður biblíu-
lestur og bænastund á hveijum
laugardegi í vetur, frá kl. 13.00
til 14.00. Lesið verður upp úr
Lúkasarguðsspjalli og fá þátttak-
endur skýringarefni afhent sér
að kostnaðarlausu.
Ketilhúsið
Málverka-
sýning til
miðnættis
MÁLVERKASÝNING Páls Sól-
nes sem nú stendur í Ketilhúsinu
í Grófargili verður opin í kvöld,
föstudagskvöld, laugardags-
kvöld og sunnudagskvöld frá kl.
21.00 til 24.00 auk venjulegs
opnunartíma.
Þessi opnun að kvöldlagi um
helgina tengist umræðum um
framtíð Ketilhússins, en for-
svarsmenn Gilfélagsins telja
húsið gegna lykilhlutverki í upp-
byggingu Listamiðstöðvar í
Grófargili. Hugmyndir hafa
komið upp um að færa þangað
tómstundamiðstöðina Punktinn:
Boðið verður upp á tónlist-
aratriði öll kvöldin kl. 22.00, í
kvöld syngja þau Ragnheiður
Ólafsdóttir og Þórarinn Hjart-
arson, annað kvöld leikur
hljómsveitin J.J. Soul og á
sunnudagskvöld spila félagarn-
ir Ómar Einarsson, Jón Rafns-
son og Karl Petersen.
Messa
LAUFÁSPRESTAKALL: Guðs-
þjónusta verður í Svalbarðs-
kirkju n.k. sunnudag, 1. október
kl. 14.00. Væntanlegfermingar-
börn í Svalbarðskirkju og for-
eldrar þeirra sérstaklega hvött
til að koma í kirkjuna.
Morgunblaðið/Hólmfríður
Morgunblaðið/Hilmar T. Harðarson
MIKLAR endurbætur hafa verið gerðar á gamla BSA-húsinu.
Nýr veit-
ingastaður
Odd-vitinn
opnaður
NÝR veitingastaður, Odd-vitinn
verður opnaður að Strandgötu 53 á
Akureyri í kvöld föstudagskvöldið
29. september. Nafnið á að minna
á staðsetningu hans, nálægðina við
vitann á Oddeyri.
Miklar endurbætur hafa verið
gerðar á húsnæðinu, gamla BSA-
húsinu svonefnda við Strandgötu,
en framkvæmdir hófust í mars síð-
astliðnum. Húsið var byggt árin
1934-5 af Kristjáni Kristjánssyni,
eða Kidda Birting sem kallaður var.
Þar var rekið bílaumboð og bílaverk-
stæði allt fram á níunda áratuginn.
Eigendur veitingastaðarins eru
þau Sigurður Einarsson og Svein-
björg Aðalsteinsdóttir og ijölskylda
þeirra. Staðurinn rúmar 350 gesti
og þar er hátt til lofts og vítt til
veggja. Hyggjast eigendur hans
höfða til fólks yfir tvítugu. Boðið
verður upp á lifandi tónlist, en há-
vaða stillt í hóf svo gestir geti spjall-
að saman án þess að brýna raust-
ina. Fyrirhugað er að efna til djass-
kvölda á Odd-vitanum og fleira er í
bígerð. Hægt er að kaupa smárétti
ýmis konar á veitingastaðnum.
Vegna stærðar staðarins þykir
hann henta einkar vel fyrir árshátíð-
ir, þorrablót og fleiri samkomur af
svipuðum toga og hafa þegar komið
fram óskir um að fá staðinn til slíks
samkomuhalds.
Odd-vitinn verður opnaður í kvöld
kl. 23.00, en í fyrstu verður staðurinn
opin frá kl. 20.00-01(00 á fimmtu-
dagskvöldum og frá 20.00 til 03.00
á föstudags- og laugardagskvöldum.

Vr.l'Mr

^Æi
CÁ
iddtu e kki af <teptemberbókunum
ásútgáfan
Glerárgötu 28 - Akureyri
Áskriftarsími 462 4966
\
I
%
\
I
i
I
l
1
I
i
i
1
i
I
p
I
1
i