Morgunblaðið - 03.10.1995, Blaðsíða 12
12 ÞRIÐJUDAGUR 3. OKTÓBER 1995
MORGUNBLAÐIÐ
AKUREYRI
Morgunblaðið/Kristj in Morgunblaðið/Kristján
ÞORSTEINN EA er alls um 1140 brúttótonn, með 3000 hestafla ÞORSTEINN EA heldur að öllum líkindum til rækjuveiða í dag
vél. Skipið er um 51 metri að iengd og 12,5 metrar að breidd. og höfðu skipverjar í nógu að snúast við að gera klárt.
Nýtt skip Samheija til heimahafnar
LOÐNIJ- og togveiðiskipið Þor-
steinn EA-810 kom til heima-
hafnar á Akureyri sl. sunnudags-
kvöld. Nýr eigandi skipsins er
Samherji hf. en það hét áður
Helga II og var í eigu Armanns
Armannssonar, útgerðarmanns í
Reykjavík. Samherji er nú með
10 skip í rekstri, með Akraberg-
inu, sem fyrirtækið á með fær-
eyskum útgerðaraðila.
Hinir nýju eigendur fengu
skipið afhent í Reykjavík sl.
föstudag og var von á því til
heimahafnar úpp úr hádegi á
sunnudag. Vegna brælu á leið-
inni tafðist skipið og kom ekki
til hafnar fyrr en um kl. 21.
Að sögn Þorsteins Vilhelms-
sonar, eins eigenda Samheija,
er stefnt að því að Þorsteinn EA
haldi til rækjuveiða í dag, þriðju-
dag. Skipið mun m.a. leggja upp
afla hjá Strýtu hf. á Akureyri
og Söltunarfélagi Dalvíkur hf.
Þorsteinn EA, sem er með
búnað til rækjufrystingar um
borð, er um 51 m að lengd og
12,5 m að breidd. Skipið var
smíðað í Noregi árið 1988 og er
um 1140 brúttótonn, með 3000
hestafla vél. í áhöfn verða 14-16
manns, skipstjóri er Geir Garð-
arsson og fyrsti stýrimaður og
afleysingarskipstjóri Hörður
Guðmundsson.
Aðalskrifstofa Háskólans á Akureyri opnuð á nýju háskólasvæði við Sólborg
Fleiri hús
afhent í byijun
næsta árs
Morgunblaðið/Margrét Þóra
Höfðingleg gjöf
YFIRSTJÓRN Háskólans á Akur-
eyri hefur flutt sig um set yfir á
hið nýja háskólasvæði við Sólborg
og var þeim áfanga fagnað með
athöfn á laugardag.
Háskólinn fékk húsakynni, þar
sem áður var vistheimili fyrir
þroskahefta, afhent í byrjun apríl
síðastliðinn og var hafist handa við
nauðsynlegar endurbætur í bytjun
júlí. Þeim er nú lokið og yfirstjórn
skólans flutt inn í húsnæðið, en þar
er skrifstofa rektors, framkvæmda-
stjóra, laun og bókhald, nemenda-
skráning, tölvuþjónusta, námsráð-
gjöf, endurmenntun og afgreiðsla.
Félagsaðstaða stúdenta
I máli Þorsteins Gunnarssonar
háskólarektors kom fram að búist
er við að önnur hús á svæðinu verði
afhent í byijun næsta árs, en hann
vænti þess að húsnæði fengist fyrir
félagsaðstöðu stúdenta, um 100
fermetrar að stærð, á næstunni.
Framundan er að tiyggja fjár-
magn til áframhaldandi endurbóta
á húsnæðinu á Sólborg og að und-
irbúa nýbyggingu fyrir kennslu.
Menntamálaráðherra, sem ekki gat
verið viðstaddur opnunina þar sem
ekki viðraði til flugs, hefur skipað
starfshóp til að fjalla um fram-
kvæmdir á háskólasvæðinu.
Þorsteinn gat þess að næstu
áfangar í byggingamálum háskól-
ans væru skipulag háskólasvæðis-
ins á Sólborg og frumhönnun ný-
bygginga, endurbætur á eldra hús-
næði, m.a. fyrir bókasafn, lesstof-
ur, kennslustofur og mötuneyti auk
nýbyggingar, kennslu og rannsókn-
arhúss;
Viðræður við
samstarfsstofnanir
Rektor nefndi að hafa þyrfti sam-
ráð við þær fjórar rannsóknarstofn-
anir sem háskólinn ætti samstarf
við, Hafrannsóknastofnun, Rann-
sóknarstofnun fiskiðnaðarins, Iðn-
tæknistofnun og Rannsóknarstofn-
un landbúnaðarins, en þessum sam-
starfsstofnunum skólans, ásamt
þeim sem síðar bætast við er ætlað-
ur staður í kennslu- og rannsóknar-
húsi á Sólborg. Taka þarf upp við-
ræður við þessar stofnanir um
hvernig háttað verður samstarfi við
þær um uppbyggingu rannsóknar-
aðstöðu á Sólborgarsvæðinu.
Einnig kom fram í máli rektors
að fram hafa komið hugmyndir um
samvinnu við Akureyrarbæ og fleiri
um nýtingu á fyrirlestrarsal og um
starfsemi á bókasafni.
ARNÓR Karlsson kaupmaður í
Blómabúðinni Laufás gaf Há-
skólanum á Akureyri 40 listaverk
eftir ýmsa af bestu listamönnum
landsins og þijá skúlptúra eftir
japanskan listamann í tilefni af
flutningi skólans á nýtt framtíð-
arsvæði við Sólborg.
„Ég á vart orð til að lýsa þakk-
læti mínu til Arnórs fyrir þessa
glæsilegu gjöf en háskólinn mun
varðveita hana vel komandi kyn-
slóðum til ánægju og yndisauka.
Af hógværð sinni hefur Arnór
sagt að hann væri aðeins milli-
göngumaður milli listamanna og
háskólans í þessu máli og ætla
ég mér ekki að gera athugasemd
við þá skoðun Arnórs en bæti þó
við að höfðinglegri milligöngu-
mann hef ég aldrei fyrirhitt áður
á lífsleiðinni,“ sagði Þorsteinn
Gunnarsson rektor háskólans á
Akureyri er hann tók við gjöf
Arnórs.
Hér sýnir Arnór Kristínu Al-
bertsdóttur eitt verkanna sem
prýðir skrifstofu háskólarektors.
Atvinnu-
lausum
fækkar
UM síðustu mánaðamót voru
um 320 manns á atvinnuleys-
isskrá á Akureyri og hafði
fækkað um 86 frá mánuðin-
um á undan. Fjöldi atvinnu-
iausra nú er svipaður og á
sama tíma í fyrra.
Af þessum hópi voru um
130 karlar á atvinnuleysis-
skrá og um 190 konur.
Verkafólk er stærsti hópurinn
á atvinnuleysisskránni en
hins vegar er frekar lítið um
iðnaðarmenn skrá og virðist
atvinnuástandið hjá þeim því
vera nokkuð gott um þessar
mundir.
Um þriðjungur þess fólks
sem er á skrá er í hlutastarfi
eða er kallað í vinnu af og
til en hefur engu að síður
bótarétt að hluta. .
Húsvískar
slysavarnakonur
Hættu við
hjólreiðaför
vegna veðurs
KONUR í Kvenna Slysa-
varnafélags íslands á Húsa-
vík sem hugðust hjóla til
Dalvíkur síðastliðinn laugar-
dag urðu að fresta ferðinni
vegna veðurs. Þær hafa verið
að safna áheitum en pening-
ana sem þannig safnaðst á
að nota í lokaáfanga við
Slysavarnahúsið.
Ákveðið hefur verið að
hljóla næstu helgi, laugar-
daginn7. október verði veður
skaplegt, en forsvarsmenn
söfnunarinnar eru staðráðir í
að hljóla til Dalvíkur.
Söfnunarfólki hefur verið
vel tekið og þegar orðið ljóst
að sú upphæð sem safnast
mun skipta miklu máli vegna
framkvæmda við Slysavarna-
húsið.
Staða og
horfur í
kjaramálum
BJÖRN Snæbjömsson for-
maður Verkalýðsfélagsins
Einingar ræðir stöðu og horf-
ur í kjaramálum í upphafi
vetrar á fundi Miðstöðvar
fólks í atvinnuleit í Safnaðar-
heimili Akureyrarkirkju á
morgun, miðvikudaginn 4.
október en hann hefst kl.
15.00..
ijjtu ekki af jeptemberbókunum
ásútgáfan
Glerárgötu 28 - Akureyri
Áskriftarsími 462 4966