Morgunblaðið - 09.12.1995, Side 23

MORGUNBLAÐIÐ
LAUGARDAGUR 9. DESEMBER 1995 23
ERLENT
ar höfðu áður valið Gedhun
Choekyi Nyima (til hliðar).
Kínveriar láta vígja lama
IJi\lri n \T /n • i Dnlili Di.i.Íi.m
Peking, Nýju Dchli. Reuter.
KÍNVERJAR létu í gær vígja sex
ára gamlan dreng sem næsta
Panchen Lama og hyggjast með
því neyða Tíbeta til að samþykkja
valið á þeim munki sem gengur
næst Dalai Lama að völdum. Tíbet-
ar telja að annar ungur drengur
sé Panchen Lama endurholdgaður.
Stóðu nokkur hundruð Tíbetar fyr-
ir mótmælum í Nýju-Dehli og
Dharmsala á Indlandi er fréttist
af vígslunni. í gær voru indversk
yfirvöld beðin um að auka öryggis-
gæslu í kringum Dalai Lama í kjöl-
far handtöku þriggja Tíbeta sem
njósnuðu um hann.
Við íburðarmikla athöfn í Tashil-
unpo-klaustri í Tíbet, var Gyaincha-
in Norbu vígður sem arftaki hins
10. Panchen Lama, en hann lést
árið 1989. Tíbetar telja hins vegar
'að Gedhun Choekyi Nyima, sem
einnig er sex ára og fannst í maí,
sé hinn rétti arftaki.
Hafa Tíbetar í útlegð og ýmis
mannréttindasamtök lýst yfir
áhyggjum sínum af afdrifum Ged-
huns en ekki er nú vitað'hvar hann
og foreldrar hans eru niðurkomin.
Talið er að fjölskyldan hafi verið
flutt frá Tíbet en Kínverjar neita
því að eiga þátt í hvarfi hennar.
í ræðu sem fulltrúi kínverska
ríkisins hélt við vígsluathöfnina,
hvatti hann Gyainchain Norbu til
að „sýna föðurlandshollustu og
vinna að sameiningu föðurlandsins,
sameiningu allra þjóðarbrota og
vinna að hagsæld og framförum í
Tíbet“ en þetta orðalag þykir fela
í sér eindregna viðvörun til þeirra
sem krefjast sjálfstæðis landsins frá
Kína.
Kínveijar fullyrða að valinu á
Gyainchain Norbu hafi verið fagnað
í Tibet og hafa staðið fyrir mikilli
áróðursherferð í því sambandi. Dalai
Lama segir hins vegar að spjöld
hafi verið hengd upp í höfuðborg-
inni Lhasa þar sem afskiptum Kín-
verja sé mótmælt.
Kínversk stjómvöld vísuðu áður
va!i Dalai Lama á Gedhun Choekyi
Nyima á bug þar sem að ekki hefði
verið leitað álits þeirra. Fullyrða
Kínveijar að lokaákvörðun um lama
sé í þeirra höndum, samkvæmt
samningi frá árinu 1792 sem Tíbet-
ar gerðu við Qing-keisaraættina.
Tíbetar vísa þessu á bug, segja að
samningurinn hafi verið óformlegur
og ekki gerður við Kínveija heldur
Manchu-ættina sem var hrakin frá
völdum árið 1911.
• •
Oruggurá 1 9
toppnum í þrjú ár!
Volvo 440/460 er besti kosturinn aö mati langflestra
þeirra sem kaupa bíl af millistærð. Volvo hefur nefnilega
verið mest seldi bíllinn í þessum flokki í þrjú ár!
Volvo 440/460 er á ótrúlega góðu verði en eftir sem
áður færðu allt sem Volvo stendur fyrir. Ríkulega búinn
bíl, öryggisútbúnað eins og hann gerist bestur,
áreiðanleika, endingu umfram flesta bíla og ekki síst
umhverfisvænan bíl en Volvo hefur lagt mikla áhersiu á
þann þátt í framleiðslu sinni.
Verð frá:
1.498.000,,,,
VOLVO
BIFREIÐ SEM ÞÚ GETUR TREYST
BRIMBORG
FAXAFENI 8 • SÍMI 515 7000