Morgunblaðið - 30.12.1995, Blaðsíða 33
MORGUNBLAÐIÐ
LAUGARDAGUR 30. DESEMBER 1995 33
Frábær árangur upp-
rennandi skákmanna
Jón Viktor Gunnarsson
SKAK
íþróttahúsiö viö
Strandgötu í
Ilafnarfiröi
GUÐMUNDAR ARASONAR
MÓTIÐ
Þröstur Þórhallsson sigraði ásamt
Hollendingnum Albert Blees. Ungir
íslenskir skákmenn hækkuðu næst-
um allir á stigum.
ALÞJÓÐAMÓTIÐ í Hafnarfírði,
sem kennt var við Guðmund Ara-
son, fyrrum forseta Skáksambands-
ins, heppnaðist vonum framar að
flestu leyti. Þröstur Þórhallsson
sigraði á mótinu ásamt Hollend-
ingnum Albert Blees og færðist
talsvert nær stórmeistaratitli. Eftir
mótið ætti Þröstur að vera kominn
með 2.460 Elo-stig, en hann þarf
að ná 2.500 stigum til að hreppa
stórmeistaratitil. Ennþá er því tölu-
vert í land, en þrátt fyrir sigurinn
var Þröstur frekar óheppinn á mót-
inu og ætti að eiga góða möguleika
á því að ná titlinum á árinu.
Ungir og upprennandi íslenskir
skákmenn notuðu tækifærið vel.
Þeir öfluðu sér ekki aðeins dýrmætr-
ar reynslu, heldur hækkuðu margir
verulega í stigum. Jón Viktor Gunn-
arsson og Einar Hjalti Jensson náðu
báðir mikilvægum áfanga, en þeir
eru báðir 15 ára liðsmenn sigursveit-
ar íslands á Ólympíumóti í þeim
aldursflokki á Kanaríeyjum síðasta
vor. Félagar þeirra úr sveitinni, þeir
bræður, Bragi og Bjöm Þorfinnssyn-
ir, ollu nokkrum vonbrigðum, en
tapa samt ekki stigum á mótinu.
Þátttakan kemur þeim örugglega til
góða á Reykjavíkurmótinu í mars.
Jón Garðar Viðarsson var aðeins
hálfum vinningi frá áfanga að al-
þjóðlegum meistaratitli, en hækkar
verulega á stigum. Ólafur B. Þórs-
son átti sitt besta mót, en árangur
hans hefur hingað til ekki verið í
samræmi við kunnáttu. Skákáhuga-
menn voru óánægðir með að Magn-
ús Örn Úlfarsson og Arnar E.
Gunnarsson skyldu ekki komast í
færi við titiláfanga, en þrátt fyrir
þau vonbrigði hækka þeir samt
mjög verulega á stigum.
íslendingarnir byijuðu mjög illa,
virtust eitthvað óstyrkir og má
nefna að í fyrstu umferð töpuðu
þeir átta skákum í röð fyrir útlend-
ingum! En sjálfstraustið jókst held-
ur betur og á endanum voru það
titillausu erlendu keppendurnir sem
lentu í botnbaráttunni. Þar sem
mótið heppnaðist jafn vel og raun
bar vitni eru allar líkur á að það
verði endurtekið næsta ár.
Úrslit mótsins:
Við skulum líta á úrslit mótsins.
Á eftir nafni keppanda 1coma titill
hans og alþjóðleg stig, ef einhver
eru, síðan vinningatala og loks
árangurinn mældur í stigum í sviga
fyrir aftan. Á opnu móti segir það
stundum meira en vinningatalan
sjálf. Tekið skal fram að ekki er
um stig keppandans eftir mótið að
ræða. Sem dæmi má nefna að hefði
Þröstur verið með 2.584 stig fyrir
mótið hefði hann haldið stigum sín-
um. Stigalausir koma inn á listann
með árangurinn. Einar Hjalti fær
því 2.295 stig á listanum 1. júlí
nema hann tefli meira.
1. Þröstur Þórhallsson AM 2420 7 v. (2584)
2. Blees, Hollandi AM 2420 7 v. (2547)
3. Borge, Danmörku AM 2425 6 v. (2451)
4. Martin, Englandi AM 2420 6 v. (2394)
5. Jón Garðar Viðarsson 2325 5 Vt v. (2407)
6. Jón Viktor Gunnarsson 2145 5 ‘A v. 2370
7. Riemersma, Hollandi AM 2415-5 'k v. ( 2348)
8. Christensen, Danm. AM 2405 5 'h v. (2329)
9. Bem, Noregi AM 2360 5 'k v. (2327)
10. Magnús Öm Úlfarsson 2230 5 v. (2375)
11. Einar Hjalti Jensson 5 v. (2295)
12. Ágúst S. Karlsson 2315 5 v. (2279)
13. Ólafur B. Þórsson 2160 4‘/z v. (2371)
14. Björgvin Jónsson AM 2390 4'A v. (2277)
15. Arnar Gunnarsson 2135 4 v. (2300)
16. Torfi Leósson 2160 4 v. (2239)
17. Guðmundur Halldórsson 2285 4 v. (2225)
18. Kristján Eðvarðsson 2210 4 v. (2195)
19. Sævar Bjamason AM 2295 4 v. (2074)
20. Nilssen, Færeyjum 2275 3 'k v. (2180)
21. Gullaksen, Noregi 2355 3 ‘/z v. (2160)
22. Nolsoe, Færeyjum 3 v. (2170)
23. Bragi Þorfinnsson 2185 3 v. (2160)
24. Bjöm Þorfmnsson 2060 2 'k v. (2064)
25. Sigurbjöm Bjömsson 2210 2 ‘/z v. (2000)
26. Burden, Bandaríkjunum 2185 2 v. (2002)
Við skulum að lokum líta á
skemmtiiega vinningsskák frá ein-
um úr unglingalandsliðinu:
Hvítt: Jón Viktor Gunnarsson
Svart: Björgvin Jónsson
Sikileyjarvörn
1. e4 - c5 2. Rf3 - d6 3. d4 -
cxd4 4. Rxd4 - Rf6 5. Rc3 - Rc6
6. Bg5 - e6 7. Dd2 - a6 8. 0-0-0
- h6 9. Be3 - Rxd4 10. Bxd4 -
b5 11. f4 - Bb7 12. Bxf6 - gxf6
13. Bd3 - h5
Upp er komin skörp útgáfa af
Rauzer afbrigði Sikileyjarvarnar. í
stað þessa leiks Björgvins er venju-
lega leikið strax 13. - b4 14. Re2
- Db6
14. Kbl - b4 15. Re2 - Db6 16.
Hhfl - Be7 17. Rcl - a5 18. De2
a4!? 19. f5 - e5
Svartur hefur teflt býsna djarft
og gefur nú eftir d5 reitinn. Annar
möguleiki var 19. - Bc6 20 Bc4 -
Bd7
20. Bb5+ - Kf8 21. Bc4 - Hb8
22. g4! - hxg4?
Hvítur fær nú afar hættuleg
sóknarfæri. Öruggara var 22. - h4
23. Dxg4 - De3 24. Hgl - Dg5
25. De2 - Dh4 26. Dg2 - Ke8
27. Hgel - Dxh2 28. Dg7 - Hf8
29. Hhl - Df2 30. Hh8?! -Kd7!
31. Rd3 - Dd4 32. Hxf8 - Hxf8
33. Bxf7 - Bxe4 34. Be6+ - Kd8?
Tapar þvingað. Nauðsynlegt var
34. - Ke8!
35. Rf2! - Bxc2+ 36. Kxc2 -
Dxf2+ 37. Kbl - He8 38. Hcl -
Dc5 39. Hxc5 - dxc5 og svartur
gaf skömmu síðar.
Margeir Pétursson
BRIDS
Umsjón Arnór G.
Ragnarsson
Félag eldri borgara í
Reykjavík og nágrenni
FIMMTUDAGINN 14. des. spiluðu 15
pör. Helstu úrslit urðu þéssi:
ÞórarinnÁmason-BergurÞorvaldsson 250
Eyjólfur Halldórsson - Þórólfur Meyvantsson 244
Sigurleifur Guðjónsson - Eysteinn Einarsson 238
Þórhildur Magnúsdóttir - Halla Ólafsdóttir 227
Meðalskor ' 210
Og þar með lauk þessu stigamóti
með sigri Þórarins Ámasonar.
Sunnudaginn 17. des. spiluðu tveir
tiu para riðlar. Úrslit urðu eftirfarandi:
A-riðill:
Þorleifur Þórarinsson - Oliver Kristófersson 138
ÞórarinnÁmason-BergurÞorvaldsson 136
Sigurleifur Guðjónss. - Bergsveinn Breiðfjörð 121
B-riðill:
Böðvar Guðmundsson - Sæmundur Bjömsson 137
Þórhildur Magnúsdóttir - Sigurður Pálsson 133
Elín Jónadóttir — Soffía Theodórsdóttir 132
Meðalskoríbáðumriðlumvar 108
Og hér með lukum við spiiamennsku
á þessu ári. Og hefjum við spila-
mennsku aftur 4. jan. 1996. Bestu
óskir um gleðileg jól, gott og farsælt
nýtt ár.
Blab allra landsmanna!
- kjarni málsins!
Hjartans þakkir sendi ég öllum þeim, sem sýndu
mér heiður á 70 ára afmœli mínu þann 6. desem-
ber sl, með hlýjum handtökum, blómum, gjöf-
um, skeytum og símtölum.
Sérstakar þakkir sendi ég til barnanna minna,
tengdabarna, barnabarna og fjölskyldna þeirra
fyrir ógleymanlega afmœlisveislu sem þau héldu
mér í Sóknarhúsinu, Skipholti 50A.
GuÖ blessi ykkur öll og gefi ykkur farsœlt kom-
andi ár.
SvanfríðurK. Benediktsdóttir,
Espigerði 20.
JR.AWÞAUGL YSINGAR
f
Námsstyrkir í Bretlandi
Breska sendiráðið býður námsmönnum, sem
uppfylla eftirfarandi skilyrði, að sækja um
nokkra styrki til náms við breska háskóla
skólaárið 1996/97.
Umsækjendur þurfa að hafa tryggt sér skóla-
vist við breska háskóla og þeir einir koma
venjulega til greina sem eru í framhalds-
námi. Styrkirnir eru til greiðslu á skólagjöld-
um, annar kostnaðurerekki innifalinn íþeim.
Sendiráðið býður einnig í samvinnu við Glaxo
Wellcome hf., útibú fyrirtækisins Glaxo
Wellcome plc., einn styrk til framhaldsnáms
á sviði heilbrigðismála, til dæmis læknis-
fræði, lyfjafræði, hagfræði heilbrigðismála,
svo eitthvað sé nefnt.
Að auki býður sendiráðið, í samvinnu við
ÍSTAK hf., einn styrk til framhaldsnáms
á sviði stjórnunar byggingaframkvæmda
(construction management).
Umsóknareyðublöð fást aðeins í Breska
sendiráðinu, Laufásvegi 49, 101 Reykjavík
(sími 551 5883), alla virka daga frá kl. 9-12.
Einnig er hægt að fá þau send.
Umsóknum skal skila fyrir 31. janúar 1996,
fullfrágegnum.
Umsóknir, sem berast eftir það, koma ekki
til greina.
Bollasmári 3
- breytt deiliskipulag
Tillaga að breyttu deiliskipulagi lóðarinnar
nr. 3 við Bollasmára auglýsist hér með
samkvæmt grein 4.4.1 í skipulagsgerð nr.
318/1985. í breytingunni felst að efri hæð
hússins er stækkuð um 30 m2, vesturveggur
þess er færður 0.9 m út fyrir ytri byggingar-
reit og útskot úr honum allt að 2.5 m. Einn-
ig ná svalir, bæði á norðvestur- og norðaust-
urhorni hússins, út fyrir ytri byggingarreit,
auk þess sem rúmur þriðjungur norðurhliðar
hússins nær út fyrir innri byggingarlínu.
Uppdráttur, ásamt skýringarmyndum, verður
til sýnis á Bæjarskipulagi Kópavogs, Fann-
borg 2, 4. hæð, frá kl. 9-15 alla virka daga
frá 2. janúar til 30. janúar 1996.
Athugasemdum eða ábendingum skal skila
skriflega til Bæjarskipulags innan auglýsts
kynningartíma.
Skipulagsstjóri Kópavogs.
Uppboð
Framhald uppboðs á eftirfarandi eign verður háð á henni sjálfri
sem hér seglr:
Stekkjarholt 1, Snæfellsbae, þingl. eig. Þorgeir G. Þorvaldsson og
Lovísa Guðmundsdóttir, gerðarbeiðendur Byggingarsjóður ríkisins
og Lífeyrissjóður sjómanna, föstudaginn 5. janúar 1996 kl. 14.30.
Sýslumaðurinn i Stykkishólmi,
29. desember 1995.
ouglýsingar
Jólahátíð fjölskyldunnar er i
dag, laugardag, kl. 16.00 í Aðal-
stræti 4b. Takið með kaffibrauð.
FERÐAFÉLAG
ÍSLANDS
MÖRKINNI 6 - SlMI 568-2533 •
Laugardagur 30. des.
kl. 16.30
Blysför um Elliðaárdalinn
og flugeldasýning
Ferðafélag islands efnir í dag,
laugardag 30. desember, kl.
16.30 til árlegrar blysfarar og
áramótagöngu um Elliðaárdal-
inn. Þetta er stutt og skemmti-
leg fjölskylduganga til að kveðja
gott ferðaár. Það er ekkert þátt-
tökugjald, en biys (á 200 og 300
kr.) verða seld fyrir brottför.
Mæting hjá skrifstofu og fé-
lagsheimili Ferðafélagsins f
Mörkinni 6 (v. Suðurlands-
braut, austan Skeiðarvogs).
Áætlaður göngutími 1,5 klst.
Gengið um Sogamýri inn í Elliða-
árdal og til baka. Allir eru hvatt-
ir til að mæta, jafnt höfuðborg-
arbúar sem aðrir.
Hjálparsveit skáta verður með
sérstaka flugeldasýningu á
Geirsnefi fyrir Ferðaféiaglð
undir lok göngunnar.
Ferðafélag islands óskar öllum
gleðilegs nýs ferðaárs og þakk-
ar fyrir það liðna.
Ferðafélag íslands.