Morgunblaðið - 12.01.1996, Blaðsíða 1

Morgunblaðið - 12.01.1996, Blaðsíða 1
96 SIÐUR B/C/D 9. TBL. 84. ÁRG. FÖSTUDAGUR 12. JANÚAR 1996 PRENTSMIÐJA MORGUNBLAÐSINS Reuter TVÆR fjölskyldur Mitterrands sameinuðust og gengu næst kistu hans við útförina í gær. A mynd- inni eru ekkja hans, Danielle, ásamt sonum þeirra, Gilbert (t.v.) og Jean-Christophe. Til vinstri er 21 árs dóttir forsetans, Mazarine, sem hann átti með ástkonu sinni til margra ára, Anne Pingeot. Kvaddi að eigin forskrift París. Reuter. FRANCOIS Mitterrand, fyrrver- andi Frakklandsforseti, var lagður til hinstu hvílu í íburðarsnauðu grafhýsi í fæðingarbæ sínum, Jarnac, í gær. Þjóðarsorg ríkti í Frakklandi, skólabörn lögðu frá sér bækur í eina mínútu og minnt- ust forsetans og neðanjarðarlestir Parísarborgar staðnæmdust jafn- lengi á slaginu klukkan 10 að ís- lenskum tíma í gærmorgun er kveðjuathöfn hófst í Frúarkirkj- unni í París. Kveðjuathöfnin og útförin fóru fram samkvæmt forskrift Mitterr- ands sem samið hafði nákvæma áætlun um lyktir jarðvistar sinnar. Frábað hann sér viðhafnarútför en lét í staðinn bera sig til grafar við látlausa og fámenna athöfn í kirkjugarði í Jarnac. Sömuleiðis hafði hann skipulagt kveðjuat- höfnina út í æsar og m.a. mælt fyrir um tónlistina, sem þar var flutt, en hún var eftir Chopin, Beethoven og franska 20. aldar tónskáldið Maurice Durufle. Viðstaddir athöfnina í Notre Dame voru 65 þjóðhöfðingjar og forsætisráðherrar. Var eftir því tekið, að Helmut Kohl, kanzlari Þýskalands, náinn samverkamaður Mitterrands í Evrópumálum í rúm- an áratug, grét við athöfnina. Sömuleiðis vatnaði Fídel Kastró Kúbuforseti músum. Mitterrand ólst upp í kaþólskum sið en kvaddi þennan heim sem efasemdarmaður, er hélt því fram að ekkert verði vitað um tilvist guðs. Jean-Marie Lustiger kardin- áli stjómaði kveðjustundinni í Notre Dame og bar Mitterrand lofi. Bað hann fýrir honum í minningarorð- um sínum og sagði: „Megi Fran?o- is Mitterrand finna á himnum hjálp- ina, fyrirgefninguna og hugrekkið til þess að ljúka upp augum sínum gagnvart hinu yfimáttúrulega." ■ Látlaus athöfn/20. Thatcher vill afturhvarf London. Daily Telegraph. MARGARET Thatcher hvatti John Major forsætisráðherra í gær til þess að hverfa aftur til róttækrar hægristefnu til þess að flokkurinn mætti vinna fimmtu þingkosning- arnar í röð. Sagði hún stjórnina í vanda þar sem hún hefði valdið stuðningsmönnum sínum meðal mið- stéttarfólks vonbrigðum. Thatcher flutti í gær fyrstu veiga- miklu ræðu sína um innanríkismál frá því hún missti tökin á íhalds- flokknum og fór frá fyrir fimm árum. Hún sagði að það væru engin póli- tísk rök fyrir því að færa stefnu flokksins nær miðju og hvatti til afturhvarfs tii stefnu þeirrar sem hún rak sem forsætisráðherra. Þetta þótti jafngilda höfnun á aðferðum sem Major hefur beitt til þess að halda flokknum saman.’ Thatcher sagði einungis stöðuga baráttu koma í veg fyrir að langvar- andi ríkisstjórn missti móðinn og líkti hún sér við „yfirkyndara" er hún sat á stóli forsætisráðherra. Hún kvaðst ekki skilja hvað þeir sem teldust til vinstri í flokknum ættu við er þeir boðuðu „íhalds- stefnu allra stétta“. „Miðað við af- stöðu þeirra í Evrópumálum finnst mér trúarbrögðum þeirra miklu bet- ur iýst sem íhaldstefnu engra stétta,“ sagði hún. Á flokksþinginu í.október sl. lýsti Major stjórn sinni sem ríkisstjórn allra stétta, einnar þjóðar, til þess að friðmælast við vinstri öflin í flokknum og sannfæra þau um að hann væri ekki að „skjögra til hægri“ í Evrópu-, efnahags- og fé- iagsmálum. Thatcher lýsti þá stuðn- ingi við Major þó hugur þætti vart fylgja máli. Játaði' hún í gær, að þau hefði greint á um hvernig ætti að nálgast sameiginleg markmið. Amma skellti á Pólfarann Lundúnum. The Daily Telegraph. BRETINN David Hempleman- Adams átti von á öðrum viðtökum en þeim sem hann fékk er hann náði loks símsambandi við ömmu sína er hann var staddur á Suður- póinum. Gamla konan taldi sím- talið með öllu ástæðulaust, neitaði að greiða fyrir það og skellti á. Hempelman-Adams vann í vik- unni það afrek að komast fyrstur Breta einn og óstuddur á Suður- pólinn. Hann var þrekaður og illa til reika er hann náði í rannsókn- arstöð sem Bandaríkjamenn reka þar. Hann hafði týnt hluta af far- angri sínum og neyðst til að nota sterkar verkjatöflur á göngunni. Pólfarinn, sem kom til Chile fyrr í vikunni, sagði að Banda- ríkjamennirnir í rannsóknarstöð- inni hefðu tekið honum fagnandi. Þeir hefðu m.a. boðið honum að nota sérstakt símtæki sem þar er að finna til að hann gæti greint umheiminum frá afreki sínu. Við- takandinn myndi hins vegar þurfa að samþykkja að greiða símtalið. Hempleman-Adams ákvað fyrst að hringja heim til sín. Rödd hans var á símsvaranum og tjáði honum að hann væri ekki heima. Þá bað hann starfs- mann talsambandsins um sam- band við ömmu sína. „Hún spurði hvaðan ég hringdi og var sagt að ég væri á Suðurpólnum. Þá heyrði ég hana segja: „Drengur- inn er vitlaus, það hvarflar ekki að mér að borga svona mikið fyrir þetta símtal.“ Að svo mæltu skellti hún á.“ Pólfarinn kvað ferðina hafa verið afar erfiða. Oft hefði hann verið að niðurlotum kominn. Hann hefði hins vegar hugsað mest um að bregðast ekki dóttur sinni, sem fylgdist með ferðalag- inu af meiri áhuga en amman. Reuter INNANRÍKISRÁÐHERRA Dagestans, Magamet Abdurazakov (t.v.), freistaði þess í gær að fá tsjetsjenska uppreisnarmenn til þess að slcppa gíslum sínum. Tveir gíslar teknir af lífi Moskvu, Pervomajskaja. Reuter. SJONVARPSSTOÐ í sjálfsstjórnar- lýðveldinu Dagestan í suðurhluta Rússlands skýrði frá því í gær, að tveir gíslar og tsjetsjenskur upp- reisnarmaður hefðu týnt lífi í. skot- bardaga í þorpinu Pervomajskaja en þar héldu skæruliðar enn rúm- lega 200 óbreyttum borgurum í gíslingu í gær, að sögn Interfax- fréttastofunnar. Útilokað var að sannreyna frétt sjónvarpsstöðvarinnar, en að sögn Interfax tók einn gíslanna sjálf- virkan riffil af skæruliða og skaut hann til bana. Félagar skæruliðans hlupu til og skutu Danamann hans og einn gísl til viðbótar. Uppreisnarmennirnir sögðust ekki hverfa heim til Tsjetsjníju í gær nema um rútur þeirra yrði sleg- in skjaldborg útlendinga, starfs- manna hjálparstofnana og „heiðar- legra“ rússneskra stjórnmála- manna. Salman Radujev, leiðtogi uppreisnarmannanna, sagði að Rússar yrðu að ganga að þessu skilyrði vildu þeir að gíslatakan leystist friðsamlega. Annars myndu þeir aldrei hreyfa sig úr stað. Borís Jeltsín Rússlandsforseti sagði Rússa tilbúna til þess að hverfa á brott með heri sína frá Tsjetsjníju til þess að leysa gíslá- deiluna en þó því aðeins að upp- reisnarmenn féllu frá því að beita hervaldi. Hins vegar héldu Rússar áfram liðssafnaði við Pervomajskaja og fluttu þangað brynvagna og önnur vopn í gær. Uppreisnarmennirnir voru stöðvaðir þar á heimleið úr árásarferð til borgarinnar Kízljar í Dagestan. Þeir virtust hinir róleg- ustu í gær og sögðust reiðubúnir að láta konur og börn í röðum gísla sinna laus. ■ Er þriðja aflið/20 Yfirgáfu sökkvandi skipið St. John’s. Reuter. ÁHÖFN grísks flutningaskips á leið með málmgrýtisfarm til Fíladelfíu yfirgaf skipið í gær 450 mílur suðvestur af Ný- fundnalandi og var selflutt yfir í kanadíska strandgæslu- skipið Leonard J. Cowley. I fyrradag kom leki að skip- inu er sprungur mynduðust í byrðing á tveimur af fjórum lestum. Var ölduhæðin þá fimmtán metrar en hafði lægt ' í þtjá metra í gær. Áhöfnin taldi samt hættu á að farmur- inn myndi kastast til og skip- inu hvolfa. Sykki það ekki var öðrum flutningaskipum talin stafa hætta af því í nátt- myrkri sl. nótt.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.