Morgunblaðið - 12.01.1996, Blaðsíða 6

6 FÖSTUDAGUR 12. JANÚAR 1996
MORGUNBLAÐIÐ
FRETTIR
Mótmæli vegna fyrirkomulags við hirðingu jólatrjáa
40 borgarstarfsmenn
lögðu niður vinnu í gær
í KRINGUM fjörutíu starfsmenn
í hverfisbækistöðvum Gatnamála-
stjórans í Reykjavík lögðu niður
vinnu í gær til að mótmæla því
að íþróttafélögum hafi verið falin
hirðing jólatrjáa. Björgvin Þor-
varðarson, trúnaðarmaður starfs-
manna, segir þá líta svo á að með
þessu fyrirkomulagi sé verið að
svipta þá vinnu. Gatnamálastjóri
kveðst telja þessi viðbrögð harð-
ari en hann átti von á.
„Við viljum ekki sitja lengur
undir því að yfirmenn okkar séu
að deila út vinnunni til annarra
aðila á borð við íþróttafélög og
bijóta þannig á okkur kjarasamn-
inga, því að í þeim eru ákvæði
sem krefja þá um að félagsmenn
Dagsbrúnar vinni þessi störf. Við
viljum ekki sætta okkur við launa-
skerðingu sem þessu fylgir og
teljum rétt að borgin styrki
íþróttafélögin með beinum fjár-
framlögum í stað þess að gera
það með þessum hætti,“ segir
Björgvin.
Fyrir jól sendu starfsmennirnir
gatnamálastjóra undirskriftar-
lista til að andmæla því að íþrótta-
félög safni tijám eins og verið
hefur undanfarin ár. Embættið
var ekki reiðubúið að breyta þessu
fyrirkomulagi og var því mótmælt
á miðvikudag af forsvarsmönnum
Dagsbrúnar, sem lýstu því yfir
að þeir teldu að starfsmennimir
hefðu að öðrum kosti fengið vinnu
á sunnudeginum. Sigurður Skarp-
héðinsson gatnamálastjóri segir
þetta rangt, þar sem ekki hefði
verið gripið til þess ráðs að kalla
út starfsmennina á sunnudegi.
Um tvær milljónir
greiddar
„Núna í ár var þrettándinn á
laugardagi og 7. janúar á sunnu-
degi, sem hentaði þá vel fyrir al-
menning að henda út tijánum og
fyrir félögin að safna þeim sam-
an, þannig að þeim var falin þessi
vinna. Ef við hefðum hins vegar
látið starfsmenn okkar annast
þessa söfnun, hefðum við einfald-
lega auglýst að söfnunin byijaði
á mánudagsmorgni, þannig að ég
held að ekki sé um neitt vinnutap
að ræða,“ segir Sigurður.
Hann segir hreinsunina ganga
vel fyrir sig, um leið og verið sér
að styrkja félögin. íþróttafélögin
hafí nú safnað um 11-12 þúsund
tijám og fái um tvær milljónir
króna greitt fyrir vikið. Sigurður
segir ekki ljóst hver kostnaðurinn
væri ef starfsmenn sinntu þessir
sjálfur. „Öðrum þræði er þetta
fyrirkomulag hugsað sem stuðn-
ingur borgarinnar við íþróttafé-
lögin, þannig að það liggur ekki
fyrir nákvæmur samanburður,"
segir hann.
Starfsmenn hafa óskað eftir
fundi á mánudag á milli fulltrúa
gatnamálastjóra, starfsmanna og
Dagsbrúnar og jafnframt fundi
með borgarverkfræðingi, sem
verður haldinn á næstu tveimur
vikum.
„Starfsmennirnir hafa komið
mótmælum kröftuglega á fram-
færi. Eðli málsins samkvæmt þarf
þó ekki að taka ákvörðun strax
því að hirðing jólatijáa ber ekki
upp fyrr en að ári,“ segir Sigurður.
Deiliskipulag
Hveravalla
auglýst
MAT á umhverfisáhrifum fyrirhug-
aðra framkvæmda á Hveravöllum í
Svínavatnshreppi hefur verið lagt
fram og var deiliskipulag auglýst í
gær. Það mun liggja frammi til
kynningar til 15. febrúar til þess
að gera megi við það athugasemdir.
Framkvæmdin hefur verið tilkynnt
til frumathugunar hjá embætti
skipulagsstjóra ríkisins.
I frummatsskýrslunni er komist
að þeirri niðurstöðu að „enginn vafí
sé á að þær framkvæmdir sem deili-
skipulagið [fyrir Hveravelli 1995]
gerir ráð fyrir . . . séu jákvæðar
fyrir Hveravelli og nauðsynlegar til
að hægt sé að taka á móti þeim
ferðaínönnum sem heimsækja
Hveravelli án þess að staðurinn láti
á sjá“.
Fyrirhuguð
ferðamannamiðstöð
Deiliskipulagið var unnið „í fram-
haldi af staðfestingu ráðherra á
aðal-skipulagi fyrir Svínavatns-
hrepp,“ að því er segir í skýrslunni.
Þar kemur fram að markmið fram-
kvæmdanna sé að „vernda svæðið
sem látið hefur á sjá á síðustu
árum,“ ná „stjórn á og skipuleggja
vaxandi umferð ágang og gera
svæðið þannig úr garði að það geti
tekið við þessari umferð án þess að
gróður og náttúruminjar skemmist".
Fyrirhugaðar framkvæmdir eru
Bilun í reyk-
hreinsibúnaði
VEGNA bilunar í reykhreinsibúnaði
járnblendiverksmiðjunnar á Grund-
artanga í gær hefur reykur borist
úr einum skorsteini hennar og iagst
yfír nágrennið í stilltu veðri. Maður
sem býr í grenndinni sagði að ná-
grannar hefðu ama af.
Guðlaugur Hjörleifsson, verk-
fræðingur og viðhaldsstjóri íslenska
járnblendifélagsins, segir að lega í
blásara sem tilheyri reykhreinsivirki
hafí bilað. Bilunin hafi engin áhrif
á framleiðsluna en óhreinsaður reyk-
ur berist úr einum af sex skorstein-
um þar til búið sé að kippa þessu í
liðinn. „Fjórir þúsund hestafla blás-
arar draga reyk frá ofnunum í gegn-
um tvö síuhús og einn af þessum
fjórum bilaði í gær. Blásarinn getur
ekki gengið eins er, en við höfum
áður lent í svipuðum hremmingum
á 16 starfsárum verksmiðjunnar og
yfírleitt tekur um þijá daga að lag-
færa bilunina," segir hann.
Deiliskipulag
Hveravalla
í Svínavatnshreppi
Mýr
uvheMeyrsla af Kjalyegj
| Fyrirhuguð
Lóðterða- /i ferðamanna
manna- ... -
miðstöðvar // miOStOO
rafstöð /
Vebur-
athugunar-
stöö ■
r'
,/ vegur „ .
Hús sauðfjár- hverfi | g^irymj^
veikivarna
verður fjarlægt p
Stækkað
svæði
/seðis
Idstæði
^kjarbakkar Cengib rtiöur
*.p Lœkjarbakka
*..-zT.....ý
■ íy- Tilrauna- .y
I
reitur R.Lj ...
Aðstaða\ -r~
yands'391Nýrskáli F.Í., salerni og
/ Hvera- bílastasði verða fjarlægð

I
skáliFÍ.
\ • -
\sæluhús
Cafigibí ‘A
mfadali '• Gengib í Strytur
J_____________________________ý og Eyvindarhelli

\ KJALHRAUN
’• Cengibí
ý Eyvindarrétt
200 m
y Cengib
• austur
/ Kjalhraun
fjölþættar (sjá kort). Þar ber fyrst
að nefna fyrirætlun um að reisa
ferðamannamiðstöð, sem verði milli
600 og 900 fermetrar og í verði
meðal annars móttökusalir og gisti-
rými með 70 til 80 rúmum. Húsið
á að vera á einni hæð. í samantekt
skýrslunnar segir að staðsetning
miðstöðvarinnar hafi verið valin eft-
ir rækilega úttekt þriggja kosta og
markmiðið hafi verið tvíþætt.
,;Forsendur valsins eru þær að
þessi staðsetning er lítt áberandi frá
hverasvæðinu, en þó nægjanlega
nálægt því til að þungamiðja um-
ferðarinnar flytjist frá hverasvæð-
inu í átt að ferðamannamiðstöð-
inni,“ segir enn fremur í skýrsl-
unni, sem unnin var á verkfræðistof-
unni Fjölhönnun hf. af Bjarna Við-
arssyni verkfræðingi í samvinnu við
fulltrúa landeigenda, Jóhann Guð-
mundsson, oddvita Svínavatns-
hrepps, og Pál Hjaltason, arkitekt
á Nýju Teiknistofunni og aðaihöf-
und deiliskipulagsins, að höfðu sam-
ráði við Náttúruverndarráð.
Leggja á göngustíga um efri
hverabungu, að ferðamannamiðstöð
og niður lækjarbakka.
Við skálann á að leggja bíla-
stæði. Svokölluð „létt rafmagns-
girðing“ verður umhverfis hvera-
svæðið og grætt upp svæði fyrir
nýtt tjaldstæði. Þá á að reisá raf-
stöð, birgðageymslu fyrir olíur og
bensín og sameiginlega hitaveitu,
grafa ferskvatnsbrunn eða grunna
borholu utan hverasvæðis og leggja
rotþró, siturlögn og fráveitulagnir
frá ferðamannamiðstöð.
Skáli FÍ fjarlægður
í skipulaginu er einnig kveðið á
um að fjarlægja eigi nýjan skála
Ferðamannafélags Islands (FÍ) og
núverandi salernisaðstöðu, skút'
Sauðfjárveikivarna og núverandi
bílastæði.
Ferðafélag íslands mótmælti því
í haust að rífa ætti skálann og sagði
Páll Sigurðsson, forseti þess, að all-
ar horfur væru á að starfsemi fé-
lagsins á svæðinu legðist niður
vegna þessa.
Stefnt er að því að hefjast handa
við að reisa ferðamannamiðstöðina
og aðrar framkvæmdir innan
þriggja ára. Miðstöðin á að vera
opin allt árið, að undanskildum þeim
tíma á vorin þegar vegir að Hvera-
völlum eru lokaðir.
Að framkvæmdunum standa
landeigendur, sem eru Svínavatns-
hreppur og Torfalækjarhreppur í
Austur-Húnavatnssýslu.
Kostnaður við rannsókn með segulómsjá sagður lægri hjá einkaaðila en hjá Landspítala
„Hægt að sinna fleir-
um fyrir sama fé“
KOSTNAÐUR við rannsókn með segulómsjá
hjá Læknisfræðilegri myndgreiningu hf. er
mun lægri en hjá Landspítala að sögn Þor-
kels Bjarnasonar, læknis og einn forsvars-
manna LM. Hann segir þetta ekki hafa kom-
ið nægjanlega skýrt fram í umræðum um
tækið, en Tryggingastofnun ríkisins hefur
tilkynnt að hún telji sér ekki skylt að greiða
lyrir rannsóknir gerðar með segulómsjánni.
„í grein Asmundar Brekkan sem birtist í
Morgunblaðinu 15. september segir hann að
kostnaðurinn sé að minnsta kosti 40 þúsund
á hveija rannsókn, að viðbættum fjármagns-
kostnaði sem ekki er reiknaður með. Trygg-
ingastofnun ríkisins greiðir spítalanum 24
þúsund krónur fyrir hveija ómsjáskoðun, sem
þýðir að á föstum fjárlögum sjúkrahússins
er það að greiða niður að minnsta kosti 16
þúsund krónur með hverri rannsókn. Við
bjóðum hins vegar þessa þjónustu á 22 þús-
und krónur að meðtöldum fjármagnskostn-
aði,“ segir Þorkell.
„Það er sagt að ákveðið fjármagn sé veitt
til þessara rannsókna sem takmarki aðgang
sjúklinga, en með því að láta okkur annast
þær væri hægt að sinna helmingi fleiri rann-
sóknum en á Landspítala fyrir sömu fjár-
hæð.“
TR fylgir ekki markmiðum
Þorkell segir að ef LM myndi gera seg-
ulómsjárannsókn á sjúklingi sem lægi á Land-
spítala fengi sjúkrahúsið reikning upp á 22
þúsund krónur, en TR myndi ekki taka þátt
í þeim kostnaði þar sem um væri að ræða
inniliggjandi sjúkling. Væri sjúklingurinn
hins vegar utan sjúkrahússins myndi hann
borga LM 900 krónur fyrir rannsóknina og
TR mismuninn, sem næmi um 23 þúsund
krónum. „Hlutverk TR er að sjá landsmönn-
um fyrir eins góðri og ódýrri þjónustu og
hægt er, og mér finnst stofnunin ekki vera
að fara eftir þessum markmiðum í dag.“
Aðspurður um skýringar á þessum kostn-
aðarmun, sem Þorkell fullyrðir að sé til stað-
ar, segir hann þær margvíslegar en nefnir
m.a. launakostnað, minni umsvif í eftirliti
og viðhaldi, lægri lækniskostnað o.fl.
Biðlisti sagður lengjast
Þorkell segir nokkurra mánaða bið eftir
rannsókn í segulómsjá hjá Landspítalanum,
en talið sé að þörfin nemi 5-6.000 þúsund
rannsóknum á ári.
„Asmundur Brekkan segir í Morgunblað-
inu á miðvikudag að tæki Landspítala anni
þessari þörf en svo hefur ekki verið til þessa,
því rannsóknir sjúkrahússins séu um 2.000
á ári. Miðað við það eykst biðlistinn um
2-3.000 manns á ári og ég mundi halda að
þessi tala sé rétt. Við teljum að þörf sé á
fleiri en tveimur tækjum á íslandi, en með
tækinu okkar gætum við stytt biðlistann
verulega. Þegar biðlisti myndast hjá okkur
bætum við einfaldlega við okkur vinnu til
að eyða honum. Við gætum þess vegna unn-
ið allan sólarhringinn.
Það væri t.d. hægt að gera 20 aðgerðir á
dag, eða 100 á viku sem myndi þýða um
4.000 rannsóknir á ári. Ég er ekki að segja
að þetta markmið sé raunhæft, en vil benda
á að aðalatriðið virðist vera að láta sjúklinga
bíða til að takmarka aðgerðir. Það sýnir ekki
mikla tillitssemi TR við alla landsmenn sem
eru búnir eru borga sínar tryggingar og eiga
rétt á fullri þjónustu fyrir vikið,“ segir hann.