Morgunblaðið - 10.02.1996, Blaðsíða 43

MORGUNBLAÐIÐ
LAUGARDAGUR10. FEBRÚAR'1996 43
FRETTIR
Sjómannafélag ís-
firðinga 80 ára
Afmælisins
minnst með
peningagjöf
ísafirði. Morgunblaöið.
ÁTTATÍU ár voru liðin 5. febr-
úar sl. frá stofnun sjómannafé-
lags á ísafirði. Á fundi sem
haldinn var stuttu fyrir afmæl-
ið var ákveðið að halda ekki
upp á afmælisdaginn með öðr-
um hætti en þeim að minnast
látinna ísfírskra sjómanna og
voru ísafjarðarkirkju af því
tilefni færðar 500 þúsund
krónur að gjöf. Þá voru tveir
félagar gerðir að heiðursfélög-
um, þeir Bæring Jónsson,
matsveinn á Guðbjörgu ÍS-46,
og Héðinn Valdimarsson, sem
um áratuga skeið stundaði sjó-
mennsku á skipum Norður-
tangans á ísafirði.
Englaspil
í Ævintýra-
Kringlunni
HELGA Arnalds kemur í dag,
laugardag, í heimsókn með
brúðuleikhúsið sitt Tíu fingur
og flytur brúðuleiksýninguna
Englaspil.
Leikritið er ætlað 2 til 8 ára
börnum og eru þau látin taka
virkan þátt í sýningunni.
Ævintýra-Kringlan er lista-
smiðja fyrir börn á 3. hæð
Kringlunnar þar sem þau geta
hlustað á sögur, sungið, málað
og fleira á meðan foreldrarnir
versla. Á hverjum laugardegi
kl. 14.30 eru leiksýningar.
Opið er kl. 14-18.30 virka
daga og laugardaga kl. 10-16.
Kvöld-
guðsþjónusta
í Laugarnes-
kirkju
KVÖLDGUÐSÞJÓNUSTA
verður í Laugarneskirkju á
sunnudagskvöld kl. 20.30.
Guðsþjónustuformið verður
einfaldara en í hefðbundinni
guðsþjónustu og tónlistin líf-
leg. Kór Laugarneskirkju
syngur undir stjórn organist-
ans Gunnars Gunnarssonar,
en einnig verður leikið á gítar,
bassa og trommur. Þorvaldur
Halldórsson verður sérstakur
gestur og syngur tvö lög.
Lýst eftir
vitnum
LYST er eftir vitnum að um-
ferðaróhappi sem varð á Hafn-
arfjarðarvegi í landi Smára-
hvamms um kl. átta fimmtu-
dagsmorguninn 8. febrúar.
Tvær fólksbifreiðar voru á
leið norður Hafnarfjarðarveg
og ætluðu að fara afrein til
Kópavogs þegar önnur bifreið-
in fór utan í vegrið. Þeir sem
urðu vitni að þessu óhappi eru
beðnir um að snúa sér til lög-
reglunnar í Kópavogi.
Opið hús hjá
Fiskakletti
í TILEFNl 30 ára afmælis
björgunarsveitarinnar Fiska-
kletts verður opið hús á morg-
un, sunnudag, að Hjallahrauni
9 og Fornubúðum 12, kl.
13-17. Félagar í sveitinni
kynna starfsemi hennar. Allir
eru velkomnir.
Morgunblaðið/Þorkell
Nýr mótssöngur skáta
LANDSMÓT skáta verður haldið
í ár dagana 21.-28. júlí nk. að
Úlfljótsvatni í Grafningi. Rammi
mótsins hefur verið valinn Á vík-
ingaslóð.
Sérstakur mótssöngur hefur
verið saminn fyrir Landsmót
skáta 1996. Höfundur lagsins er
skáti frá Isafirði, Hjálmar H.
Ragnars, tónskáld, en texta gerði
annar skáti, Halldór Gunnarsson,
textagerðar- og tónlistarmaður.
Á myndinni er verið að vinna
að upptökum á mótssöngnum en
upphafslínur hans er: Hann Úl-
fljótur gamli eldana kveikti,/að
eldgömlum víkingasið./Úr vatn-
inu silunginn stóra hann
steikti,/og strauk síðan belgfull-
an kvið...“
Drottning Norðursjávarins
TEXTINN með mynd Sigmund í gær brenglaðist í vinnslu blaðsins
svo Norðursjórinn varð neðansjávar. Morgunblaðið biðst afsökunar
á þesum mistökum.
Athugasemd vegna frysti-
togara á Kanaríeyjum
MORGUNBLAÐINU hefur borizt
til birtingar eftirfarandi athuga-
semd frá Þorsteini Guðnasyni hjá
skipasölunni UNS:
„Vegna ummæla Pálma Stefáns-
sonar hjá Básafelli í Morgunblaðinu
þann 8. febrúar sl. um frystitogara
á Kanaríeyjum sem boðnir hafa
verið til sölu og skipasala í því sam-
bandi vill undirritaður koma eftir-
greindu á framfæri.
Um mitt síðasta ár fól erlendur
banki UNS skipasölu að bjóða til
sölu hér á landi og annars staðar
12 systurskip, 40 metra frystitog-
ara byggða á árunum 1988 og
1989. í fyrstu óskaði eigandi skip-
anna eftir því að fá USD 3,0 millj.
fyrir hvert skip, eftir fortölur féllst
eigandinn á að bjóða hvert skip á
USD 2,5 millj. Seinni hluta síðasta
árs og eftir enn frekari fortölur
féllst hann á að lækka verð skip-
anna í USD 1,8 millj. nú um miðjan
janúar.
Skipin hafa verið á sölulista UNS
skipasölu frá miðju síðasta ári án
þess að sérstök gangskör hafi verið
gerð í að kynna þau. Þegar eigandi
hafði fallist á að bjóða skipin á USD
1,8 millj. sá UNS skipasala ástæðu
til að kynna útgerðum það sérstak-
lega með dreifibréfum þ. 21. jan.
og 27. jan. sl. og með auglýsingu
í Morgunblaðinu þ. 31. jan. sl. enda
verðið orðið afar hagstætt.
UNS skipasala hefur það fyrir
satt að einstaklingur, sem gefur sig
út fyrir að vera skipasali, hafi boð-
ið ákveðnum útgerðum þessi skip á
um USD 1,0 millj. án þess að hafa
til þess umboð eiganda og í óþökk
hans. UNS skipasala hefur undir
höndum skriflega yfirlýsingu eig-
anda skipanna þessu til staðfestu.
Því miður létu einhverjir útgerðar-
aðilar glepjast af þessu gyliiboði og
lögðu .í kostnað við að skoða skipin
á röngum forsendum. UNS skipa-
sala láir ekki Pálma Stefánssyni
hjá Básafelli reiðina en fínnst eðli-
legra að hann og aðrir beini reiði
sinni að einstaklingnum sem vélaði
hann og þá til utanferðarinnar en
ekki öðrum.
Þess má að lokum geta að þeir
aðilar sem hafa farið á vegum UNS
skipasölu til að skoða skipin á Kan-
aríeyjum frá íslandi og öðrum
heimshlutum hafa talið USD 1,8
millj. afar hagstætt verð fyrir þessi
skip.“
Febrúar-
messa
Kvenna-
kirkjunnar
FEBRÚARMESSA Kvenna-
kirkjunnar verður haldin í Ár-
bæjarkirkju sunnudaginn 11.
febrúar kl. 20.30. Umfjöllun-
arefni messunnar verður fyrir-
gefningin og þakklætið.
María Bergmann predikar
og sr. Auður Eir Vilhjálmsdótt-
ir leiðir konur í íhugun um það
hvernig þær geta fyrirgefið
sjálfum sér. Björk Jónsdóttir
syngur einsöng og Kór
Kvennakirkjunnar leiðir söng
undir stjórn Bjarneyjar Ingi-
bjargar Gunnlaugsdóttur við
undirleik Aðalheiðar Þorsteins-
dóttur.
Kaffí á eftir í safnaðarheim-
ilinu.
Skoðunar-
ferð í
Byggðasafn
Gerðahrepps
í ÞRIÐJU vettvangsferð Náttúru-
verndarfélags Suðvesturlands laug-
ardaginn 10. febrúar verður nýopn-
að Byggðasafn Gerðahrepps skoðað
undir leiðsögn Ásgeir Hjálmarsson-
ar.
Að því loknu verður farið niður
í Garðhúsavík og litið á fjörulífið.
Kynnt verður hugmynd um að
NVSV standi fyrir vor- og sumar- *
skoðunarferðum með sjónum, frá
Garðskagaflös suður á Reykja-
nestá, í samvinnu við ýmsa aðila í
Gerðahreppi, Sandgerðisbæ,
Reykjanesbæ og Grindavíkurbæ.
Allt áhugafólk um náttúruvernd-
ar- og umhverfismál er velkomið í
vettvangsferðina. Mæting kl. 14 við
Byggðasafnið, sem er skammt frá
Garðskagavita.
----» ♦ ♦--
Fyrirlestrar
um vísindin
ER VIT í vísindum? nefnist fyrir-
lestraröð um vísindahyggju og vís-
indatrú, sem Anima, félag sálfræði-
nema, stendur fyrir.
Einn fyrirlestur verður haldinn á
hveijum laugardegi frá 10. febrúar
til 16. marz í sal 3 í Háskólabíói.
Hver fyrirlestur hefst kl. 14 og
stendur í um 45 mín. Eftir hlé verða
almennar fyrirspurnir og umræður.
Þorsteinn Gylfason, prófessor í
heimspeki, opnar fyrirlestraröðina
í dag með stuttu ávarpi, en fyrsta
fyrirlesturinn flytur Atli Harðarson,
heimspekingur, og nefnist hann
Efahyggja.
Leiðrétt athugasemd
Laun hjúkrunarfræðinga
og heilsugæslulækna
MISTÖK áttu sér stað við frágang
athugasemdar frá Félagi íslenskra
hjúkrunarfræðinga, sem birtist í
Morgunblaðinu í gær. Tveimur
setningum í lok greinarinnar var
slegið saman þannig að merkingin
varð röng. Beðist er velvirðingar á
þessum mistökum um leið og at-
hugasemdin er birt aftur í heild.
Vegna fréttar í Morgunblaðinu 7.
febrúar sl. þar sem borin voru sam-
an föst laun hjúkrunarfræðinga og
heilsugæslulækna vill Félag ís-
lenskra hjúkrunarfræðinga taka
eftirfarandi fram:
Samanburður á föstum launum
hjúkrunarfræðinga og
heilsugæslulækna
Það er mjög villandi að bera
saman laun hjúkrunarfræðinga og
heilsugæslulækna á þann hátt sem
gert er í áðurnefndri frétt. Heilsu-
gæslulæknar fá auk fastra launa
sem greidd eru af rlkinu, greitt
sérstaklega fyrir unnin læknisverk
á dagvinnutíma. Þannig fá heilsu-
gæslulæknar greitt sérstaklega
fyrir hvert viðtal samkvæmt samn-
ingi við Tryggingastofnun ríkisins
sem greiðir þennan hluta af laun-
um heilsugæslulækna. Hjúkrunar-
fræðingar fá eingöngu sín föstu
laun sama hve mörgum skjólstæð-
ingum þeir sinna í sínum vinnu-
tíma. Réttara væri að bera saman
föst laun hjúkrunarfræðinga og
föst laun auk greiðslna fyrir lækn-
isverk á dagvinnutímabili hjá heim-
ilislæknum.
Laun almennra
hj úkr unarfræðinga
í frétt Morgunblaðsins kemur
fram að hæstu laun almennra
hjúkrunarfræðinga séu 125.399
kr. á mánuði. Byijunarlaun hjúkr-
unarfræðinga eru nú 82.154 kr.
á mánuði. Laun í starfsheiti al-
menns hjúkrunarfræðings í hæsta * '
launaþrepi (eftir 20 ára prófaldur)
eru nú 105.020 kr. á mánuði.
Hluti af almennum hjúkrunar-
fræðingum eiga síðan möguleika
á að hækka um 1-5 launaflokka
(3-15%) vegna sérstakrar hæfni
í starfi og vegna mikillar viðbótar-
menntunar (t.d. fær hjúkrunar-
fræðingur með doktorsgráðu 3
launaflokka eða 9% launahækk-
un). Laun almennra hjúkrunar-
fræðinga geta því hæst orðið
121.747 og eru það aðeins 4 al-
mennir hjúkrunarfræðingar af um
500 almennum hjúkrunarfræðing-
um sem fá greidd þessi taxtalaun
frá starfsmannaskrifstofu fjár-
málaráðuneytisins. Flestir al-
mennir hjúkrunarfræðingar eru
með föst laun um og undir
100.000 kr. á mánuði.
Laun deildarstjóra
í frétt Morgunblaðsins kemur
fram að hæstu föstu laun deildar-
stjóra séu 157.959 kr. á mánuði.
Föst laun deildarstjóra yfir stórri
deild (þar sem eru 24 starfsmenn
eða fleiri) í hæsta launaþrepi eru
nú skv. kjarasamningi 121.747
kr. á mánuði. Deildarstjórar eiga
síðan möguleika á að hækka um
1-3 launaflokka (3-9%) vegna við-
bótarmenntunar. Föst laun deild-
arstjóra skv. kjarasamningi geta
því hæst orðið 133.036 kr. á mán-
uði en ekki 157.959 kr. á mánuði.
Vigdís Jónsdóttir, hagfræð-
ingur Félags íslenskra
hjúkrunarfræðinga.