Morgunblaðið - 10.02.1996, Blaðsíða 56

MORGUNBLAÐIÐ, KRINGLAN 1, 103 REYKJAVÍK, SÍMI 569 1100, SÍMBRÉF 569 1181,
PÓSTHÓLF 3040, NETFANG MBL(SCENTRUM.1S / AKUREYRI: HAFNARSTRÆTl 85
LAUGARDAGUR 10. FEBRÚAR 1996
VERÐ í LAUSASÖLU 125 KR. MEÐ VSK
3.670 manns á atvinnuleysisskrá í Reykjavík í lok janúar
Aldrei fleiri án
atvinnu í borginni
ALDREI hafa fleiri verið án vinnu
í Reykjavík en í lok síðasta mánað-
ar, en þá voru 3.670 skráðir á at-
vinnuleysisskrá hjá Vinnumiðlun
Reykjavíkurborgar. Þegar mest var
í fyrra voru 3.600 á atvinnuleysis-
skrá í Reykjavík. Atvinnuleysi jókst
um allt land milli desember og jan-
úar en er á flestum stöðum minna
í janúar nú en á sama tíma í fyrra.
Oddrún Kristjánsdóttir, fram-
kvæmdastjóri Vinnumiðlunar, segir
að færri hafi bæst á atvinnuleysis-
skrá í janúar í ár en í fyrra. „Það
er hefðbundið að í byijun janúar
kemur alltaf mjög mikið af fólki á
skrá. Það er mikið um að uppsagnir
taki gildi um áramót og talsvert er
um að námsmenn komi inn á skrá.“
Undanfarin ár hefur atvinnuleysi
í Reykjavík náð hámarki í lok mars
og Vjyrjun apríl. Oddrún sagði erfitt
að spá fyrir um hvort sama yrði
uppi á teningnum í ár og Vinnumiðl-
un borgarinnar væri búin undir að
svo færi. Hún benti á að 510 ein-
staklingar hefðu bæst á atvinnuleys-
isskrá í fyrra, en 340 í ár. Þetta
væri visst merki um að atvinnu-
ástand væri að batna. Erjnfremur
hefði atvinnulausum fækkað fyrstu
vikuna í febrúar, sem benti til þess
sama. í gær voru 3.614 á atvinnu-
leysisskrá í Reykjavík. Athygli vekur
að atvinnuleysi meðai karla hefur
minnkað, en aukist meðal kvenna.
Staðan metin í vor
Pétur Jónsson, formaður atvinnu-
málanefndar borgarinnar, sagðist
taka tölum um aukið atvinnuleysi í
borginni með mikilli varúð. Á síðasta
ári hefði Félagsmálastofnun borgar-
innar 'markað þá stefnu að setja
skráningu á atvinnuleysisskrá sem
skilyrði fyrir fjárhagsaðstoð til
ákveðins hóps einstaklinga og við
það hefði á annað hundrað manns
bæst við skrána. Pétur sagði að eft-
ir sem áður væri atvinnuleysi í borg-
inni of mikið. Hann sagði að í vor
yrði tekin ákvörðun um hvort borgin
færi út í ný átaksverkefni og í hvað
miklum mæli.
Fjárhagsáætlun Reykjavíkur-
borgar á þessu ári gerir ráð fyrir
40 millj. kr. til atvinnuátaksverk-
efna, en að auki munu einstök fyrir-
tæki borgarinnar fara út í afmörkuð
verkefni. Á síðasta ári fóru um 250
milljónir til átaksverkefna þegar
aukafjárveitingar eru taldar með.
Gunnar E. Sigurðsson, forstöðu-
maður vinnumálaskrifstofu félags-
málaráðuneytisins, segir aukningu
atvinnuleysis milli mánaða ekki eins
mikla á landsbyggðinni og í Reykja-
vík en tölur hafi ekki borist frá öllum
stöðum enn. Atvinnuleysi sé minna
víðast hvar á landsbyggðinni í jan-
úar nú en á sama tíma í fyrra. Þá
hafi nokkur fiskvinnslufyrirtæki
auglýst eftir fólki, þannig að sums
staðar sé eftirspurn eftir vinnuafli
meiri en framboð.
Morgunblaðið/Ásdís
Handbolti gegn eiturlyfjum
LEIKIÐ verður til úrslita í bikar-
keppni Handknattleikssambands
íslands í dag í Laugardalshöll.
Fram og Stjarnan mætast í
kvennaflokki en KA og Víkingur
í karlaflokki. Leikirnir eru til-
einkaðir baráttunni gegn eitur-
lyfjum og í gær voru leikmenn
karlaliðanna í Kringlunni þar
sem þeir dreifðu upplýsingum
um hættuna sem eiturlyfjanotk-
un fylgir.
■ Bikarleikir / D2
Loðnufryst-
ing hafin í
Eyjum
Morgunblaðið/Sigurgeir Jónasson
Greiði fyrir
útvarpstónlist
í matvörubúð
HERAÐSDOMUR Reykjavíkur
hefur dæmt kaupmann í Reykjavík
til að greiða STEF, samtökum
tónskálda og eigenda flutnings-
réttar, og SFH, Sambandi flytj-
enda og hljómplötuframleiðenda,
rúmlega 20 þúsund krónur auk
vaxta. „Af gögnum málsins verður
ráðið að tónlist hefur verið flutt í
útvarpstæki í verslun stefnda og
hefur hún heyrst á svæði þar sem
almenningur á aðgang að,“ segir
í niðurstöðum dómsins sem telur
sannað að opinber flutningur tón-
verka hafi átt sér stað.
Slíkur flutningur er gjaldskyld-
ur og því var kaupmaðurinn
dæmdur til að greiða fyrrgreinda
fjárhæð til höfundarréttarsamtaka
tónskálda og tónlistarmanna.
Málið var höfðað eftir að starfs-
menn STEFs og SFH fóru níu
sinnum í verslunina og skráðu hjá
sér að í öll skipti nema eitt hafi
tónlist hljómað í versluninni. í
framhaldi af því var kaupmaður-
inn krafinn um greiðslu vegna
höfundarréttar sem hann neitaði
að inna af hendi.
Ágreiningsmálið var hvort
notkun kaupmannsins á útvarps-
tæki teldist opinber birting tónlist-
ar sem bæði njóti verndar höfund-
arlaga og sé gjaldskyld.
Kaupmaðurinn sagði að starfs-
fólk verslunarinnar hefði lítið
ferðaútvarp á borði í kaffistofu
sem væri opið öðru hverju og
vera kunni að ómi frá því fram
fyrir afgreiðsluborð á stundum.
Tónlist væri hins vegar ekki dreift
um verslunina með hátalarakerfi
eða á annan hátt þannig að unnt
sé að ræða um opinberan flutning
og gjaldskyldu samkvæmt því.
Lögmenn samtaka eigenda
höfundar- og flutningsréttar
sögðu hins vegar m.a. að tónlist
hefði verið leikin í versluninni
með þeim hætti að viðskiptamenn
hafi heyrt hana. Því sé um opin-
beran gjaldskyldan flutning að
ræða enda teljist það sjálfstæð
opinber birting á tónverki, lögum
samkvæmt, þegar útvarpsflutn-
ingi á tónlist sé dreift til almenn-
ings með hátalara eða á annan
hátt.
Mat á kostnaði s veitarfélaganna vegna yfirtöku grunnskólans
Aukinn kostnaður sveitar-
Vestmannaeyjum. Morgunblaðið.
FRYSTING loðnu hófst í gær hjá
Vinnslustöðinni og ísfélagi Vest-
mannaeyja, þar sem myndin er
tekin, þegar Kap og Gígja Iönd-
uðu förmum sinum. Loðnuna
fengu bátarnir við Hvalbak og
var um 20 tíma sigling til Eyja.
Að sögn Jóns Ólafs Svansson-
ar, framleiðslustjóra Isfélagsins,
var loðnan frekar slöpp til fryst-
ingar enda langt stím af miðun-
um. Hann sagði að loðnan sem
fryst væri nú færi á markað í
Taiwan, Kóreu og Hong Kong
því þar væru ekki gerðar eins
miklar kröfur til gæða loðnunnar
og í Japan. Hrognafylling loðn-
unnar nú væri um 11% en til
þess að vera hæf á Japansmarkað
þarf hún að vera 12%.
félaga nálgast 9 milljarða
STARFSHÓPUR sem er að leggja mat á kostn-
að við tilfærslu grunnskólans frá ríki til sveitarfé-
laga telur að á næstu árum muni bætast kostnað-
ur upp á tvo til þijá milljarða kr. við þá fjárhæð
sem áætlað er í fjárlögum þessa árs að rekstur-
inn kosti. Kemur þar meðal annars til kostnaður
vegna þeirrar auknu þjónustu sem gert er ráð
fyrir í grunnskólalögum, svo sem aukinnar
kennslu og einsetningar skóla. Útlit er fyrir að
heildarkostnaðurinn verði tæplega níu milljarðar
króna.
Starfshópurinn er skipaður fulltrúum þriggja
ráðuneyta og einum frá sveitarfélögunum og
starfar hann undir forystu Halldórs Árnasonar,
skrifstofustjóra i fjármálaráðuneytinu. Hópurinn
lauk vinnu sinni í gær og er reiknað með að
skýrslu um störfin verði skilað til verkefnisstjórn-
ar um yfirfærslu grunnskólans strax eftir helgi.
Aukinn kostnaður vegna grunnskólalaga
í fjárlögum þessa árs er gert ráð fyrir að rekst-
ur grunnskólans kosti ríkið um 6,2 milljarða kr.
Yfirfærslan til sveitarfélaganna á að fara fram
um næstu áramót og þegar fjárlagatalan hefur
verið framreiknuð og bætt við hana lífeyrisskuld-
bindingum og fleiri atriðum kemur í ljós, sam-
kvæmt heimildum Morgunblaðsins, að sveitarfé-
lögin þurfa að fá 6,6 milljarða kr. af tekjum ríkis-
ins til að- standa undir kostnaði við þá starfsemi
sem verið hefur á höndum ríkisins. Gert er ráð
fyrir að útsvarið verði hækkað á kostnað tekju-
skattsins og myndi þurfa að hækka það um 2,5%.
Sveitarstjórnarmenn hafa á undanförnum mán-
uðum bent á að kostnaður við grunnskólann
muni aukast mjög á næstu árum, bæði sá hluti
verkefnisins sem rikið hefur haft með höndum
og sá hluti sem sveitarfélögin bera ábyrgð á,
aðallega vegna nýrra grunnskólalaga. Er þar
m.a. um að ræða kostnað við fjölgun kennslu-
stunda og kennsludaga og einsetningu skólans.
Halldór Árnason vill ekki nefna ákveðna tölu
þegar hann er spurður um þennan kostnað en
samkvæmt öðrum heimildum blaðsins er hann
metinn yfir tvo milljarða kr., þannig að viðbótar-
kostnaður sveitarfélaganna yrði nálægt 9 milljörð-
um eftir örfá ár. Halldór segir það ekki hlutverk
þessa starfshóps að gera tillögur um það hvernig
eigi að mæta viðbótarkostnaðinum.