Morgunblaðið - 11.02.1996, Page 24

24 SUNNUDAGUR 11. FEBRÚAR 1996
MORGUNBLAÐIÐ
KVIKMYNDIR/Sambíóin sýna bandarísku sakamálamyndina Heat með þeim A1 Pacino
og Robert De Niro í aðalhlutverkum, og er þetta í fyrsta sinn sem þeir leiða saman
hesta sína í kvikmynd. Meðal annarra leikenda í myndinni eru Val Kilmer og Jon Voight.
Undir
þrýstíngi
A
IHeat leikur Robert De Niro
Neil McCauley, harðsvíraðan
glæpamann sem á að baki mörg
ár í fangelsi og hann er staðráð-
inn í að þangað skuli hann aldrei
fara aftur. Hann er einfari sem
hefur það að leiðarljósi að koma
sér aldrei í þær aðstæður í lífínu
að hann geti ekki horfið sporlaust
af vettvangi innan hálfrar mínútu.
í glæpagengi hans eru þeir Chris
Shiherlis (Val Kilmer), Michael
Cheritto (Tom Sizemore) og Nate
(Jon Voight), og standa þeir sam-
an að fjölmörgum þaulskipulögð-
um stórránum í og umhverfis Los
Angeles.
A1 Pacino leikur lögregluforingj-
ann Vincent Hanna sem við vett-
vangsrannsóknir sínar reynir að
fínna þefínn af bráð sinni og elta
hana síðan uppi. Þetta er í föstum
skorðum hjá honum en að öðru
leyti er líf hans í rúst. Hann er
tvífráskilinn og þriðja hjónabandið
er að fara út um þúfur þegar hann
neyðist til að beina allri athygli
sinni að því að hafa upp á Neil
McCauley og félögum.
Glæpagengið rænir verðbréfum
úr brynvarinni bifreið og drepur
öryggisverðina og Vincent Hanna
fær málið til rannsóknar. Svo virð-
ist sem ómögulegt sé að komast
að því hveijir hafí staðið að rán-
inu, hvað þá að hafa hendur í
hári þeirra. En Hanna ræður yfir
neti uppljóstrara og smátt og
smátt nær hann að púsla saman
upplýsingum um hveijir hafa
staðið að ráninu og smáatriðum
í lífí hvers og eins þeirra. Þetta
leiðir til þess að uppgjör milli
Hanna og manna hans annars
vegar og McCauley og klíku hans
hins vegar verður óumflýjanlegt,
og ekki stíga allir óskaddaðir frá
þeim tryllta dansi sem fylgir í
kjölfarið.
Leikstjóri Heat og höfundur
kvikmyndahandritsins er Michael
Mann, en hann á að baki myndina
Síðasti Móhíkaninn (1993) með
þeim Daniel Day-Lewis og Madel-
eine Stowe í aðalhlutverkum.
Mann hóf feril sinn í Evrópu en
fluttist til Los Angeles þar sem
hann hóf að skrifa fyrir sjónvarp.
Fyrsta myndin sem hann leik-
stýrði var gerð fyrir sjónvarp en
hún heitir The Jericho Mile.
Fyrsta kvikmyndin sem hann leik-
stýrði var Thief með James Caan
í aðalhlutverki og næstu myndir
hans voru The Keep og Manhunt-
er. Meðal verkefna Manns fyrir
sjónvarp eru þáttaraðimar Crime
Story og Miami Vice sem hann
framleiddi.
Auk þeirra Pacinos og De Niros
í aðalhlutverkunum skartar Heat
fjölda þekktra leikara í aukahlut-
verkum. Meðal þeirra eru Val
Kilmer, sem á síðasta ári lék aðal-
hlutverkið í Batman Forever, Jon
Voight, sem sennilega er þekkt-
astur fyrir hlutverk sitt í Midnight
Cowboy, og Wes Studi, sem fór
með stórt hlutverk í Síðasta Mó-
híkananum.

EFTIR þaulskipulagt bankarán tekst lögreglunni loks að standa glæpaklíkuna að verki og
reyna ræningjarnir þá að skjóta sér leið til frelsis.
LÖGREGLUFORINGINN
Vincent Hanna (A1 Pacino)
leggur sig allan fram við að
reyna að hafa hendur í hári
hins harðsnúna Neil McCau-
leys og félaga hans.
ÞEIR Hanna og McCauley hittast á veitingastað þar sem þeir
ræða saman yfir kaffibolla um þau örlög sem virðast ætla að
verða þeim óumflýjanleg.
ÞAÐ eru tveir af helstu risum
samtímans i bandariskum
kvikmyndaleik sem leiða saman
hesta sína í Heat, og þykir það
tíðindum sæta því þeir AI Pacino
og Robert De Niro hafa aldrei
áður leikið á móti hvor öðrum i
kvikmynd á löngum ferli sinum.
Þeir sáust reyndar báðir i mynd-
inni The Godfather: Part II, sem
gerð var árið 1974, en þar var
þó ekki um eiginlegan samleik
þeirra að ræða.
A1 Pacino er fæddur 25. apríl
1940 í New York, en hann á
ættir að rekja til Sikileyjar, og
frá tveggja ára aldri ólst hann
upp hjá móður sinni, afa og
ömmu i suðurhluta Bronxhverf-
isins. Hann sýndi lítinn áhuga á
hefðbundnu skólanámi, en
óslökkvandi áhugi hans á leiklist
varð til þess að hann fékk inn-
göngu í leikeiklistarskóla á Man-
hattan. Hann hvarf svo frá námi
17 ára gamail og þvældist þá úr
einu starfinu i annað, en hann
vann meðal annars fyrir sér sem
sendill, dyravörður og umsjónar-
maður í fjölbýlishúsi. Allan
tíman hafði hann óbilandi áhuga
á að öðlast frama á leiksviði, og
að lokum tókst honum að öngla
saman nægilegu fé til að kosta
leiklistarnám í leiklistarskóla
Herberts Berghof, en meðal
kennara hans þar var enski stór-
leikarinn Charles Laughton.
Pacino fékk á þessum tíma
nokkur smáhlutverk í leikritum
sem sýnd voru í lítt þekktum
leikhúsum, en það varð til þess
að hann fékk inngöngu i hinn
eftirsótta leiklistarskóla Lee
Strasberg árið 1966. Tveimur
árum síðar hlaut hann Obie verð-
laun fyrir túlkun sína á geðveik-
Tveir risar
um drykkjumanni í leikriti sem
sýnt var off-Broadway, og árið
1969 fékk hann Tony verðlaun
fyrir hlutverk sitt sem eiturlyfja-
neytandi í leikriti sem sýnt var
á Broadway. Sama ár lék hann
í fyrstu kvikmyndinni, en það
var smáhlutverk í myndinni Me
Natalie.
Næsta mynd sem Pacino lék
í var The Panic In Needle Park,
en áhrifamikill leikur hans í
hlutverki eiturlyfjaneytanda i
myndinni varð til þess að hann
var valinn í hlutverk Michael
Corleone í The Godfather, sem
Francis Ford Coppola gerði
1972. Fyrir túlkun sína var Pac-
ino tilnefndur til Óskarsverð-
launa sem besti leikari í auka-
hlutverki og frægðarferillinn
var hafinn. Næsta mynd sem
hann lék í var Serpico (1973) og
fyrir frammistöðuna í henni var
hann tilnefndur til Óskarsverð-
launa fyrir besta leik í aðalhlut-
verki auk þess sem hann hlaut
Golden Globe verðlaunin. Ári
síðar lék hann svo aðalhlutverk-
ið í The Godfather II og aftur
var hann tilnefndur til Óskars-
verðlauna. Árið 1975 lék Pacino
í Dog Day Afternoon og hlaut
hann fjórðu óskarstilnefninguna
fyrir hlutverk sitt í myndinni.
Tvö ár liðu þar til Pacino lék
í næstu mynd, en það var Bobby
Deerfield, og aftur liðu tvö ár
þar til hann sást á hvíta tjaldinu.
Það var í myndinni ...And Justiee
for All, og enn á ný var hann
tilnefndur til Óskarsverðlauna
fyrir besta leik í aðalhlutverki.
Næstu myndir sem Pacino lék í
voru Cruising (1980), Author!
Author! (1982), Scarface (1983),
Revolution (1985) og Sea of Love
(1989). Hann lék því næst í The
Godfather: Part III árið 1990 og
sama ár lék hann í Dick Tracy
og var tilnefndur til sjöttu Ósk-
arsverðlaunanna fyrir hlutverk
sitt í henni. Ári síðar lék hann
á móti Michelle Pfeiffer í
Frankie and Johnny og árið 1992
lék hann í myndunum Scent of
a Woman og Glengarry Glen
Ross. Hann var tilnefndur til
Óskarsverðlauna fyrir bæði
hlutverkin og hreppti þau loks-
ins fyrir frammistöðuna í Scent
of a Woman.
Næsta mynd sem Pacino lék
í á undan Heat var Carlito’s Way
(1993), en síðan hefur hann leik-
ið í myndunum Two Bits, City
Hall og Donny Brasco, en um
þessar mundir er hann að leggja
síðustu hönd á fyrstu myndina
sem hann leikstýrir. Hún heitir
Looking for Richard og fjallar
um persónu Ríkharðs IH úr sam-
nefndu leikriti Shakespeares, en
í myndinni leikur Pacino jafn-
framt aðalhlutverkið.
Robert De Niro er borinn og
barnfæddur í New York eins og
A1 Pacino. Hann er fæddur 17.
ágúst 1945 og voru foreldrar
hans báðir listmálarar. Eftir
nám í listaskóla lærði De Niro
leiklist hjá Lee Strasberg og lék
hann siðan í leikritum off-Bro-
adway og með ferðaleikhúsum.
Fyrsta kvikmyndahlutverkið
áskotnaðist honum 1968, en það
var í myndinni Greetings. Hann
lék síðan í nokkrum myndum
sem Brian de Palma leikstýrði
en vakti litla athygli þar til hann
Iék í myndunum Bang the Drum
Slowly og Mean Streets árið
1973. Þeirri síðarnefndu leik-
stýrði Martin Scorsese og varð
það upphafið að heilladijugu
samstarfi þeirra félaga. Árið
1974 lék De Niro Vito Corleone
á yngri árum í The Godfather:
Part II og hlaut hann Óskars-
verðlaun fyrir bestan leik í auka-
hlutverki fyrir frammistöðu
sína. Tveimur árum síðar lék
hann svo í Taxi Driver, sem
tryggði honum endanlega stöðu
sem einn fremsti kvikmyndaleik-
ari samtímans, en fyrir hlutverk-
ið var hann tilnefndur til Óskars-
verðlauna.
De Niro stofnaði eigið kvik-
myndagerðarfyrirtæki árið
1989, en það heitir TriBeCa
Productions. Hann hefur fram-
leitt sex kvikmyndir og leikið í
fiestum þeirra, og frumraun
hans sem leikstjóra var 1993
þegar hann leikstýrði A Bronx
Tale.
Meðal þekktra mynda sem De
Niro hefur leikið í eru New
York, New York (1977), The
Deer Hunter (1978), en fyrir
hlutverk sitt í myndinni var hann
tilnefndur til Óskarsverðlauna,
Raging Bull (1980), sem færði
honum önnur Óskarsverðlaunin,
The Untouchables (1987), Good-
Fellas (1990), Awakenings
(1990), en fyrir hana hlaut hann
fimmtu Óskarstilnefninguna og
Cape Fear (1991), sem færði
honum sjöttu tilnefninguna. Alls
hefur De Niro leikið í hátt á
fimmta tug kvikmynda og virðist
ekkert vera að draga úr afköst-
um hans. Á síðasta ári lék hann
í fimm myndum og verður sú
nýjasta, Casino, sýnd í Háskóla-
bíói innan skamms, og á þessu
ári eru væntanlegar fjórar
myndir með honum.