Morgunblaðið - 01.03.1996, Blaðsíða 23

MORGUNBLAÐIÐ
FÖSTUDAGUR 1. MARZ 1996 23
LISTIR
PRÚÐBÚNIR feðgar eru
á gangi um Skólavörðu-
holtið; þeir eru niður-
sokknir í spjall um það
hvort drengurinn, sem er á tólfta
ári, eigi að fá sér vinnu þetta
sumarið. Hann vill helst fá að
vera heima og leika sér með vin-
um sínum en móðir hans hefur
alveg tekið fyrir það, drengurinn
getur bara unnið eins og annað
fólk. Hann nauðar í föður sínum
um að standa með sér í þessari
baráttu en það verður ekki úr.
Um sumarið fer drengurinn að
vinna við að sendast fyrir kaup-
mann í bænum.
Á göngu sinni verða feðgarnir
varir við hokinn mann sem gláp-
ir á þá andstyggilegur á svip.
Þeir hafa aldrei séð hann fyrr
og flæma hann á braut. Seinna
um sumarið, þegar drengurinn
er farinn að sendast fyrir kaup-
manninn, rekst hann aftur á
þennan mann. Sá fundur hefur
ógnarlegar afleiðingar.
Trúin og
fyrirgefningin
Leikritið Tröllakirkja er byggt
á samnefndri skáldsögu Olafs
Gunnarssonar sem kom út árið
1992. Sagan gerist í Reykjavík
á sjötta áratugnum. Hún segir
frá Sigurbirni Helgasyni, arkí-
tekt, sem er alinn upp á sann-
kristnu heimili í Reykjavík. Sjálf-
ur hefur hann hins vegar aldrei
gert það upp við sig hvort hann
trúi á skaparann eða ekki. Sigur-
björn á sér draum um að reisa
stórt vöruhús á Vitatorgi í miðbæ
Reykjavíkur. Hann ræðst í verkið
sumarið sem sagan hefst. Þetta
hús á að skapa grundvöllinn að
framtíð fjölskyldunnar en verður
í raun til þess að leysa hana upp
þegar voveiflegir atburðir eiga
sér stað innan veggja þess. Þess-
ir atburðir verða einnig til þess
að Sigurbjörn verður að taka
afstöðu til kjarna trúarinnar, fyr-
irgefningarinnar.
Ólafur Gunnarsson segir að
sagan hverfist um eina setningu
Krists. Hvern þann sem kannast
við mig fyrir mönnum, mun og
ég við kannast fyrir föður mínum
á himnum. En þeim sem afneitar
mér fyrir mönnum, mun og ég
afneita fyrir föður mínum á
himnum. (Mt 10:32-33) „Þessi
spurning er miðlæg í sögunni,"
segir Ólafur, „sagan fjallar um
mann sem hefur aldrei tekið af-
stöðu til trúarinnar, til þess að
kannast við Krist. Og hann hefði
getað frestað því að gera upp
hug sinn alveg fram í dauðann
en vissir atburðir knýja hann til
þess. Sagan lýsir því þegar hann
fer í gegnum þennan eld.
í sögunni koma kannski líka
þau alkunnu sannindi fram að
Morgunblaðið/Jón Svavarsson
í DRAUMI sérhvers manns er fall hans falið. Arnar Jónsson leikur aðalhlutverkið í Trölla-
kirkju, Sigurbjörn Helgason arkitekt; draumabygging hans varð honum að falli.
Að kannast
við Krist
Leikritið Tröllakirkja eftir Þórunni Sig-
urðardóttur verður frumsýnt í Þjóðleikhús-
inu í kvöld en það er byggt á samnefndri
skáldsögu Ólafs Gunnarssonar sem kom
út fyrir fjórum árum. Þröstur Helgason
fylgdist með æfingu á verkinu, sem segir
frá örlagaríkum atburðum í lífí reykvískrar
fjölskyldu á sjötta áratugnum, og ræddi
við höfundana og leikstjórann.
SEINNA um sumarið, þegar drengurinn er farinn að sendast
fyrir kaupmanninn, rekst hann aftur á þennan mann. Sá
fundur hefur ógnarlegar afleiðingar.
fólk er trúaðra en maður heldur.
Maður er stundum feiminn við
að vekja máls á trúarlegum
spurningum en þegar maður hef-
ur sig út í það kemur í ljós að
sömu spurningar brenna á flestu
fólki. Og fléstir hafa eitthvað um
þessi mál að segja.
Ég er að vona að þessi leiksýn-
ing geti þannig orðið eins konar
samtal milli verksins og áhorf-
enda um þessi viðkvæmu mál;
leikhúsformið býður einmitt upp
á slíka upplifun.“
Eilítill línudans
Þórunn Sigurðardóttir sem
skrifað hefur leikritið upp úr sögu
Ólafs segist hafa lagt áherslu á
að vera skáldsögunni trú. „Ég
held það sé engin hugmynd eða
hugsun í leikritinu sem er ekki í
skáldsögunni en auðvitað hefur
ýmislegt breyst við að færa hana
upp á leiksvið; ég hef bæði fellt
burt og stytt, fært hluti til, sam-
einað o.s.frv. Helsti vandinn við
það að færa skáldsögu upp á leik-
svið er einmitt að stytta hana
án þess að fórna neinu; leikritið
verður að segja alla söguna en
um leið að ganga upp á sviðinu.
Þetta er eilítill línudans. Annars
hentar þessi tiltekna skáldsaga
mjög vel til þess að vera sett upp
á sviði; sviðsetningar og samtöl
eru mörg og sagan sjálf er mjög
dramatísk.“
Þórhallur Sigurðsson, leik-
stjóri verksins, tekur undir það
með Þórunni að helsta vandamál-
ið við að færa skáldsögu í leikrits-
búning sé að skera hana þannig
til að hún henti sviði. „Það er
alltaf spurning hvað þarf að segja
mikið til að koma efninu til skila
við áhorfandann. Þórunn fór þá
leið að skera burt flestar auka-
persónur. í sviðsmyndinni hefur
líka verið lögð áhersla á einfald-
leika; sagan berst ansi víða en
sviðsmyndin er þannig úr garði
gerð að það þarf ekki að gera
miklar tilfæringar þótt umhverfið
breytist.“
Uppgefinn eftir
fyrstu æfingar
En hvernig skyldi skáldsagna-
höfundinum lítast á leikverkið?
„Ég varð strax mjög ánægður
þegar ég las leikritið yfir í fyrsta
skipti. Mér finnst Þórunni hafa
tekist ákaflega vel að sækja
kjarna sögunnar inn í bókina.
Mér brá aftur á móti gífurlega
þegar ég kom í fyrsta skipti á
æfingu og sá þessar persónur
sem höfðu aðeins verið til í liöfð-
inu á mér, sem ég hafði bara séð
fyrir hugskotssjónum mínum,
ganga fram á sviðið og taka til
máls. Persónurnar birtust mér
eins og afturgöngur og ef ég á
að segja eins og er þá var ég
algerlega uppgefinn eftir fyrstu
æfingarnar. En þetta vandist og
ég er mjög ánægður með verkið.“
Barn í stóru
hlutverki
Stærsta hlutverk leikritsins er
Sigurbjörn arkítekt sem Arnar
Jónsson leikur. Arnar er á sviðinu
nánast allt verkið enda er per-
sóna Sigurbjarnar möndullinn
sem sagan snýst um. Hlutverk
Arnars er geysilega erfitt en Sig-
urbjörn sveiflast á milli heima
trúleysis og trúar, skynsemi og
bijálsemi. Annað stórt hlutverk
er Þórarinn sonur Sigurbjörns
sem leikinn er af ungum pilti,
Eyjólfi Kára Friðþjófssyni. Þór-
hallur Sigurðsson segir að Eyjólf-
ur leiki óvenju stórt og kröfuhart
hlutverk fyrir barn í fullorðins-
leikriti. „En strákurinn hefur
staðið sig afskaplega vel. Ég
held að galdurinn við að stýra
börnum á leiksviði sé að leyfa
þeim að vera þau sjálf. Það er
best að þau þurfi ekkert að vera
að leika. Þetta hefur gengið upp
með Eyjólf en hann virðist líka
hafa hlutverkið á tilfinningunni,
hann skynjar svo vel það sem
Þórarinn þarf að ganga í gegnum
og túlkar vel ákveðna þróun í
tilfinningalífi hans.“
Önnur hlutverk í sýningunni
eru í höndum Önnu Kristínar
Arngrímsdóttur, Hilmars Jóns-
sonar, Sveins Þóris Geirssonar,
Margrétar Vilhjálmsdóttur, Jó-
hanns Sigurðarsonar, Guðrúnar
Gísladóttur, Ingvars E. Sigurðs-
sonar, Róberts Arnfinnssonar,
Helgu Bachmann og Bryndísar
Pétursdóttur. Hjálmar H. Ragn-
arsson semur tónlistina, Elfar
Bjarnason er höfundur lýsingar,
Grétar Reynisson hannar leik-
mynd og Helga I. Stefánsdóttir
búninga.
Marsdagar hefjast í Nýherjabúðinni
Trust Pentium 100
á frábæru verði
. Trust
TOLVUBUNAÐUR
Trust Pentium
100 MHz
8 MB minni
1 GB diskur
Windows 95
kr. 144.900
Opið á laugardögum frá 10-14
Canon
Canon^H
& CorelDraw
Glímrandí í graffkina!
Litableksprautuprentari
4ra hylkja kerfi
3 bls/mín
og CorelDraw
47.900
NYHERJA

fjU&ÍM'
Canon
Canon BJ-30
bleksprautuprentari
720 dpi prentari
30 blaða arkamatari
3 bls/mín
16.900
Canon BJC-4000
Litableksprautuprentari
720 dpi prentari
2ja hylkja kerfi
5 bls/mín
29.950
s!miFsT6A9H78oo M httnd/www.nylierH.is/voriir/
OLL VERD ERU STCR. VERD M VSK