Morgunblaðið - 06.03.1996, Qupperneq 36

36 MIÐVIKUDAGUR 6. MARZ 1996
MORGUNBLAÐIÐ
BREF
TEL BLAÐSINS
Dýraglens
Kringlan 1 103 Reykjavík • Sími 5691100 • Símbréf 569 1329
• Netfang:lauga@mbl.is
■ ■ ■ , t.
HéiZ. STENDUR AD eiHHVB/eN'
I TÍMANN MONt SOL/N BHBNN/
OPP 0(3 PLANETAN DeyJA /
c
G£ TV&. ekk e iNH vep
B/Ett fld/v/ð/ a
HANA ?
Grettir
Tommi og Jenni
Neyðarsímsvörun
Frá Vernharði Guðnasyni:
í ÞESSU orði felst margt. Fyrst og
fremst þó það að í neyðarsímann 112
hringir fólk 5 neyð. Að vera í neyð
og hjálpar þurfí er eitthvað sem eng-
inn vill lenda í. Þó kemur það fyrir
hjá öllum einhvem daginn að standa
frammi fyrir neyð af einhverju tagi.
Það gæti verið þú sjálfur, einhver
þér nákominn eða einhver samferða-
maður, þ.e. hver sem er.
Segjum að einhver þér nákominn
fái skyndilegt hjartaáfall, hnígur nið-
ur, hættir að anda og hjartað slær
ekki. Eða að barnið þitt verði lífs-
hættulega veikt.
Þú sjokkerast. Hvað á ég að gera?
Þú manst eftir neyðarnúmerinu
112 og hringir í ofboði. Hver kemur
til með að vera hinum megin á lín-
unni?
Er það einhver sem hefur enga
reynslu af tilfellum sem þessum og
þar með litla möguleika á að hjálpa
þér á annan hátt en að koma boðum
til réttra aðila sem senda sjúkrabíl
á vettvang, þar sem um borð eru
ágætlega menntaðir sjúkraflutn-
ingamenn með langa reynslu af til-
fellum sem þessum, sums staðar
ásamt lækni?
Eða svarar þér lögreglu- eða
slökkviliðsmaður með menntun og
reynslu sem þekkir þína neyð og
getur leiðbeint þér strax um það sem
þú getur gert til bjargar þar til
sjúkrabíll kemur? Verður það maður
með áralanga reynslu af vinnu á
vettvangi eða einhver sem fær hrað-
soðna málamyndunarþjálfun með
enga reynslu af vettvangi?
Ættir þú val, hvorn kostinn
myndir þú velja fyrir þig og
þína?
Þekking eða öllu heldur þekking-
arleysi þeirra manna er að Neyðarl-
ínunni hf. standa er hreint með ólík-
indum.
Framkvæmdastjóri Neyðarlínunn-
ar hf. sagði stoltur frá því að gengið
hefði verið frá ráðningu m.a. „sjúkra-
liða“ sem starfað hefði sem „hjúkr-
unarfræðingur" úti á landi. Hvað er
maðurinn að fara? Eða myndi hann
ráða hjúkrunarfræðing í stöðu lækn-
is úti á landi?
Ekki eru þessi orð framkvæmda-
stjórans til þess fallin að auka líkur
á að faglega verði að neyðarsímsvör-
un staðið af hálfu Neyðarlínunnar hf.
Þau skrif sem átt hafa sér stað
milli tveggja verkalýðsforystumanna
í dagblöðum að undanförnu undir-
strika enn frekar þá vanþekkingu
sem virðist vera á því í hverju neyðar-
símsvörun er fólgin.
Að bregðast við neyð fólks er ekki
skrifstofustarf né heldur starf ör-
yggisvarða vaktfyrirtækja.
Hér á landi hefur það í áratugi
verið hlutverk lögreglu og slökkvi-
liðs, þar sem reynslan af vettvangi
og fagþekking er og mun verða til
staðar.
Þetta er verið að brjóta niður,
hugsanlega með alvarlegum afleið-
ingum.
Hverra hagsmuna er verið að
gæta í þessu máli öllu?
Varla fólksins í landinu því það
nýja fyrirkomulag sem stefnt er að
hefur í för með sér mun lakari þjón-
ustu við hinn almenna borgara og
kostnaður skattborgarar.na mun
aukast.
Getur verið að hér sé að birtast
okkur einkavinavæðing í öllu sínu
veldi? Eða hvaða fyrirtæki eru það
sem hagnast á þessu nýja fyrirkomu-
lagi?
Hvað verður næst?
Næst þegar þú þarft á lögreglu,
slökkvi- eða sjúkrabíl að halda, verð-
ur hann þá mannaður öryggisvörðum
vaktfyrirtækis eða jafnvel „sjúkral-
iða sem starfaði sem hjúkrunarfræð-
ingur úti á landi“?
F.h. fulltrúa starfsmanna í
Slökkviliði Reykjavíkur.
VERNHARÐUR GUÐNASON,
slökkviliðsmaður,
Úthlíð 9, Reykjavík.
Kennaradeild
Ferdinand
Háskólans á Akureyri
Frá Huldu Svanbergsdóttur:
ÁSTÆÐAN fyrir því að ég sest nið-
ur og skrifa þessar línur er sú að
morguninn 29. febrúar sl. hlustaði
ég á Rás 2, þar sem útvarpsmaður-
inn talaði við skólastjórann í Grunn-
skóla Patreksfjarðar. { þessi viðtali
kom fram hjá skólastjóranum (sem
ég náði ekki nafninu á) að 124 kenn-
aranemar væru að útskrifast frá
Kennaraskóla íslands (KHÍ) í vor og
hann ætlaði sér að kynna skólann
fyrir þessum kennaraefnum.
Mér fínnst þetta góð hugmynd hjá
honum og ættu aðrir skólastjórar úti
á landi að taka hann sér til fyrir-
myndar. Það hlýtur að vera keppi-
kefli sveitarfélaganna að hafa rétt-
indakennara í skólum sínum og því
ein lausn að leita til fólks sem er að
útskrifast með kennarapróf (B.Ed.).
Ég og 23 aðrir nemar erum að
útskrifast með B.Ed. próf í vor, en
við erum ekki í KHÍ. I Háskólanum
á Akureyri er starfrækt kennaradeild
og erum við fyrsti kennarahópurinn
sem útskrifast úr deildinni. Mér
fínnst að á þessum 3 árum síðan
deildin byijaði höfum við varla kom-
ist inn á landakort menntastofnana
og þá á ég aðallega við okkur í kenn-
aradeildinni. Þetta kom bersýnilega
í ljós í áðurnefndu útvarpsviðtali þar
sem bæði skólastjórinn og útvarps-
maðurinn gerðu ráð fyrir að væntan-
leg kennaraefni væru einungis að
útskrifast frá KHÍ en ekki héðan að
norðan.
Það má benda á það að einn af
aðalþáttum deildarinnar er að fræða
nemendur um aðstæður í dreifbýlis-
skólum og ég tel að það ætti að vekja
áhuga skólastjóra á lansbyggðinni.
Ég vona að með þessum skrifum
mínum hafi ég minnt á tilveru og
tilverurétt okkar hér fyrir norðan.
HULDA SVANBERGSDÓTTIR,
nemi á 3. ári í kennaradeild H.A.
Allt efni sem birtist í Morgunblaðinu og Lesbók verður framvegis varðveitt í
upplýsingasafni þess. Morgunblaðið áskilur sér rétt til að ráðstafa efninu það-
an, hvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta, ef ekki fylgir fyrirvari hér að lútandi.