Morgunblaðið - 19.05.1996, Blaðsíða 46
46 SUNNUDAGUR 19. MAÍ 1996
MORGUNBLAÐIÐ
ÍÞRÓTTIR
TORFÆRA ■ KÖRFUBOLTI
Þróaþarf
þrautimar
Reyndur akstursíþróttamaður
JÓN RÚNAR Raf nsson hefur unnið mikið við akstursíþrótta-
mót, veriA dómari, skipuleggjandl og dómnefndarmaður.
NÝIR auglýsingasamningar
keppenda og það að torfæran
verður sýnd á Eurosport hefur
tvíeflt marga af keppendum
íslandsmótsins ítorfæru. ís-
landsmótið hefst 24. maí á
Akureyri, en fjögur mót gilda
til stiga og að auki verða tvö
bikarmót. Bikarmótin eiga að
vera eins konar óopinber
heimsmeistaramót. íslands-
meistarar beggja flokka tor-
færunnar verða meðal kepp-
enda f ár, Gunnar Guðmunds-
son íflokki götujeppa og Har-
aldur Pétursson íflokki sérút-
búinna jeppa.
Mörgum þykir reyndar lítill
munur orðinn á útbúnaði
keppnistækja í flokkunum. í vetur
var samþykkt að
Gunnlaugur götujeppar yrðu á
Rögnvaldsson skofludekkjum, en
skrifar vél og drifbúnaður
hefur síðustu ár ver-
ið mjög svipaður í þessum flokkum.
Ekki er nauðsynlegt lengur að
götujeppar séu á númerum, þannig
að fátt er eftir frá upphaflegu hug-
myndinni um götujeppa í keppni.
„í raun er enginn munur á jeppun-
um, en svona hafa reglurnar þróast
og keppendur sjálfír hafa staðið
fyrir þessu. Ég myndi vilja sjá nýja
tegund íþróttar fyrir götujeppa, þar
sem ekki þarf eins strangan örygg-
isbúnað og í torfærunni. Erlendis
eru alls kyns þrautamót og slíkt
mót var reynt hér á landi í lok vetr-
ar í snjó á vegum fjallaferðamanna
og tókst vel,“ sagði Ólafur Guð-
mundsson, formaður Landsam-
bands íslenskra akstursíþróttafé-
laga, í samtali við Morgunblaðið.
Aðeins fjórir jeppar eru í flokki
götujeppa í fyrsta móti árins, en
þrettán í flokki sérútbúinna.
Flokkaskipting ekki raunhæf
„Þessi flokkaskipting er ekki
lengur raunhæf miðað við búnað
ökutækjanna, vandamálið við að
hafa tvo aðskilda flokka með ólíkan
búnað er að mótin verða of löng.
Þau þyrftu að vera 2-3 tímar, ef
vel ætti að vera. Menn greinir á
um hvaða stefnu á að taka, en
flokkarnir verða keyrðir hvor í sínu
lagi í sumar, líklega í sömu þrautum
í mörgum mótanna. Hugmyndir
hafa komið upp um að skipta jepp-
unum upp eftir afli eða þyngd, en
það er erfitt í framkvæmd. Við
sjáum í lok keppnistímabilsins
hvernig til tekst í sumar með þessa
flokkaskiptingu," segir Ólafur Guð-
mundsson.
Fyrsta torfærumót ársins er á
Akureyri laugardaginn 24. maí og
þar ræður Bílaklúbbur Akureyrar
ríkjum. Meðal þeirra sem þar hafa
starfað hvað mest er Jón Rúnar
Rafnsson, sem byrjaði fimmtán ára
gamall að vinna í kringum aksturs-
íþróttamót. Hann hefur m.a. unnið
við götumílu, sandspyrnu og tor-
færu. í torfæru hefur hann verið
keppnisstjóri, dómari og í dóm-
nefnd, sem tekur á kærum ef þær
koma upp. Jón hefur því mikla
þekkingu af mótshaldi. „Það verður
mikill slagur í torfærunni í sumar,
en ég held að Einar Gunnlaugsson
verði góður á heimavelli. Hann vann
þrjú mót hér í röð, þannig að hann
verður erfiður viðureignar,“ sagði
Jón Rúnar, sem smíðaði yfírbygg-
inguna á jeppa Einars.
Dómgæslan gagnrýnd
„Dómgæslan hefur oft verið
gagnrýnd í torfærunni, en ég held
að hún hafi að mestu verið eins góð
og hugsast getur. Það er reglubók-
in sem gildir á staðnum, alveg eins
og í handbolta og fótbolta. Einstök
myndskeið eða myndir geta ekki
ráðið úrslitum að mínu mati, þegar
vafaatriði eru skoðuð. Hinsvegar
finnst mér refsing fyrir að taka
dekk ekki sanngjörn, eins og hún
er í reglum í dag,“ sagði Jón Rún-
ar. „Menn geta fengið allt að 300
stig fyrir einstakar brautir og eiga
svo á hættu að fá 20-100 refsistig
fyrir að taka dekk. Það finnst mér
alltof hátt. Ég teldi að 40 stig í
refsingu ætti að vera algjört há-
mark, þannig að menn reyni fremur
að komast þrautirnar, en að dóla
framhjá einhveijum dekkjum til að
sleppa við refsingu. Það vantar betri
samskipti og samvinnu milli þeirra
sem keppa og keppnishaldara.
Þá held ég að þróa þurfi þraut-
irnar. Taka fleiri þrautir á tíma,
láta skeiðklukkuna ýta á eftir
keppendum, skapa tilþrif. Torfær-
an hefur staðnað hvað þrautir
varðar og vantar meiri fjölbreytni.
Ég vona sannarlega að menn skoði
þetta í sumar. Ökumenn hafa
kvartað yfir því að verðlaunfé sé
ekki greitt í minni mótum, en
áhorfendaíjöldinn á mótunum er
ekki mikill úti á landi. Það kostar
mikið að skipuleggja mótin, vinna,
tækjaleiga og tryggingar. Það er
því lítið eftir, en við gerum okkar
besta til að mótin séu okkur til
sóma,“ sagði Jón Rúnar.
vægt mót
í Höllinni
ÍSLENSKA landsliðið í körfu-
knattleik á erfitt verk fyrir
höndum. Á miðvikudaginn
hefst í LaugardalshöU forriðiU
Evrópukeppninnar og þar
leika landslið fimm þjóða auk
ísiendinga. MikUvægi þess að
komst áfram verður ekki
nægUega brýnt fyrir fólki, því
komist íslenska Uðið áfram
mun það í vetur og næsta vet-
ur taka þátt í riðlakeppni Evr-
ópumótsins og leika við nokk-
uð sterkar þjóðir, heima og að
heiman. Slíkt hefur landsliðið
í körfuknattleik ekki gert áður
heldur tekið þátt í riðlum, svip-
uðum og þeim sem hefst hér
á landi á miðvikudaginn, ann-
að hvert ár. Tvö lið komast
áfram úr keppninni hér.
Fyrsti leikur íslends verður
gegn Lúxemborg á miðviku-
daginn og hefst hann klukkan
20 og næsti leikur við Kýpur
daginn eftir á sama tíma.
Þessar þjóðir eigum við að
sigra ágóðum degi, en í fyrra
tapaði Island samt fyrir Lúx-
emborg á Smáþjóðaleikunum
og vann Kýpur á EM í Sviss.
Þriðji leikurinn er á föstu-
daginn og þá mætir ísland liði
íra, sem virðist vera sterkasta
liðið i keppninni, en írar hafa
verið mjög rokkandi í gegnum
árin og styrkleikinn aðallega
farið eftir þvi hvort „írar“ i
Bandarikjunum hafa fundist
og fengist til að koma. írar
mæta með sitt sterkasta lið
að þessu sinni og ísland á
ekki að eiga mikla möguleika.
Á laugardaginn er leikið við
Albani og um þá er afskaplega
lítið vitað. Jón Kr. Gíslason
þjálfari segir þó að þeirséu
ekki með ósvipað lið og íslend-
ingar. Leikmenn séu frekar
smávaxnir og reynt sé að leika
hratt og nýta skytturnar. Á
sunnudaginn verður síðan
mikilvægasti leikur íslenska
landsliðsins í langan tíma, ef
allt fer eins og búist er við.
Þá mæta strákarnir Dönum
sem koma með sitt sterkasta
lið og það verður án efa
spennandi leikur.
Meistarinn vill meira
HALDIÐ fast á meðan vagninn
er á ferð. Þessi orð eru vænt-
anlega varnaðarorð fyrir Har-
ald Pétursson, íslandsmeist-
ara ítorfæru íflokki sérútbú-
inna jeppa. Allavega er skilti
með þessum orðum hjá sæti
ökumanns í endurbættum
jeppa hans. Hann gerði nýlega
samning við Olíufélagið Skelj-
ung um auglýsingastyrk og
hefur unnið af krafti í jeppa
sínum í vetur og er staðráðinn
í að verja titilinn í sumar.
m
Eg held ég eigi ágæta niöguleika
á að veija titilinn. Ég á von á
því að baráttan verði milli mín, Ein-
ars Gunnlaugssonar, Gísla G. Jóns-
sonar og Gunnars Egilssonar. Svo
hef ég trú á að Jamíl Allansson
verði beittur á betra tæki, en hann
gerði góða hluti í fyrra,“ sagði
Haraldur í samtali við Morgunblað-
ið. Hann er kominn með nýja aftur-
hásingu undir jeppann og hefur
fjarlægt beygjubúnað sem hann
prófaði í fyrra, en fannst ekki virka
sem skyldi. Nýja hásingin er 9
Viljugir fákar
Morgunblaðið/Gunnlaugur Rögnvaldsson
HARALDUR Pétursson kepptl á hestum á sínum yngri árum, en slæst núna vlð 750 hestöfl f
vélarsal torfærujeppa síns. Hann varA íslandsmelstari í flokkl sérútbúinna jeppa í fyrra.
tommu Ford, með öxlum úr Dana
60 hásingu. „Ég tók allt í gegn.
Vél, skiptingu og drifbúnað. Drif-
búnaðurinn er sterkur og ég held
að vélin, sem er um 600 hestöfl,
750 með nítró innspýtingu, muni
skila mér vel áfram. Hún vinnur á
lægri snúningi en vélar keppinaut-
anna, sem ég held að sé kostur, það
sé minni hætta á að bijóta drifhluti.
Innst inni vona ég að það auki
veg torfærunnar að Eurosport ætlar
að sýna frá mótunum, og vonandi
verður hægt að líta á þetta sem
atvinnu í framtíðinni. En miklu
ræður hvernig verður haldið utan
um íþróttina hér heima. Bikarmótin
eiga að vera óopinber heimsmeist-
aramót, þannig að við höfum frum-
kvæðið að því að íþróttinni vex fisk-
ur um hrygg, hér heima og erlend-
is. Það eru keppnistæki í Svíþjóð,
þannig að það er aldrei að vita
hvað gerist í framtíðinni. En fyrst
er að standa sig hér heima. Meist-
aratitillinn fer vel heima hjá mér
og þar ætla ég að halda honum í
lok keppnistímabilsins", sagði Har-
aldur.