Morgunblaðið - 12.06.1996, Blaðsíða 23

MORGUNBLAÐIÐ
MIÐVIKUDAGUR 12. JÚNÍ1996 23
ERLENT
Sonur „Skrímslis-
ins“ handtekinn
Sagður hafa fetað í fótspor föðurins
Palermo. Reuter.
LÖGREGLAN í Palermo á Sikiley
hefur handtekið tvítugan son maf-
íuforingjans Salvatore Riina og
verður hann ákærður fyrir ýmiss
konar glæpastarfsemi. Faðir hans,
sem hefur viðumefnið „Skrímslið“,
er í fangelsi.
Giovanni Riina, elsti sonur
mafíuforingjans fyrrverandi, var
handtekinn á heimili sínu í fjalla-
bænum Corleone, skammt frá
Palermo, höfuðstað Sikileyjar. Að
sögn lögreglunnar hafa nokkrir
mafíumenn, sem gengið hafa til
liðs við lögregluna, vitnað gegn
Riina og segja hann meðal annars
hafa framið morð.
„Nokkrir“ lífstíðardómar
Faðir hans, sem fékk viðurnefn-
ið „Skrímslið“ vegna illmennsku
og grimmdar meðan hann var for-
ingi Corleone-flokksins og helsti
guðfaðir mafíunnar, var handtek-
inn 1993 og hafði þá verið eftir-
lýstur í 23 ár. Hefur hann verið
dæmdur til að afplána „nokkra“
lífstíðardóma.
Lögreglan á Sikiley hefur einnig
skipað fyrir um handtöku 20
manna vegna morðsins á Giuseppe
Di Matteo, 11 ára gömlum dreng,
en faðir hans sneri baki við maf-
íunni og gekk til liðs við lögregl-
una eftir morðið á dómaranum
Giovanni Falcone 1992. Er mafíós-
inn Giovanni Brusca, sem hand-
tekinn var í síðasta mánuði, grun-
aður um að hafa kyrkt drenginn
sjálfur og leyst líkið upp í sýru.
Reuter
Qantas-safnið vígt
ÞRJÁR Tiger Moth-flugvélar á flugi yfir bænum Longreach í Vestur-Queensland í Ástralíu. Flugmenn-
irnir eru í félagi áhugamanna um Tiger Moth-flugvélar og var boðið að vera við vígslu Qantas-safnsins,
en það er í fyrsta flugskýli Qantas-flugfélagsins og var komið á fót í minningu og til heiðurs stofnendunum.
FORSETAKJÖR 1996
ÓLAFUR RAGNAR GRÍMSSON
Kynnist
Guðrúnu Katrínu
Þorbergsdóttur
í endurteknum Laufskálaþætti
kl. 21 á Rás 1 í kvöld.
Guðrún Katrín ræðir uin Ólaf
Ragnar, viðhorf sín og forsetakjörið
í viðtali sem vakið hefur athygli.
Stuðningsfólk
Reuter
STARFSFÓLK í skipasmíðastöðinni í Gdansk var ábúðarfullt
þegar það kom saman til útifundar í gær.
Gdansk. Reuter.
Fyrrum kommúnistar sakaðir
um að vilja hefnd
UM það bil þijú þúsund starfsmenn
skipasmíðastöðvarinnar í Gdansk í
Póllandi samþykktu í atkvæða-
greiðslu í gær að leggja niður vinnu
í tvo sólarhringa til þess að mót-
mæla áformum pólskra stjórnvalda
um gjaldþrot stöðvarinnar.
Verkfallsboðun kom frá nefnd,
sem starfsfólkið skipaði, til þess að
fjalla um mótmælaaðgerðir, og í
eiga sæti fulltrúar allra þriggja
verkalýðsfélaganna sem starfsfólk-
ið tilheyrir. Formaður verkalýðsfé-
lagsins Samstöðu, Marian
Krzaklewski, sagði að um allt land
yrði gripið til stuðningsaðgerða.
Ættu að berjast eins og ljón
Fyrrum forsprakki Samstöðu og
rafvirki í skipasmíðastöðinni í
Gdansk, Lech Walesa, sem var for-
seti Póllands þar til í desember,
sagði á mánudag að hann myndi
taka þátt í hveijum þeim mótmæla-
aðgerðum sem starfsfólkið gripi til.
Hann bætti við: „Starfsfólkið ætti
að berjast eins og ljón til að bjarga
stöðinni sinni.“
Á fundi hluthafa á laugardag
krafðist pólska fjármálaráðuneytið,
sem á 60% hlut í skipasmíðastöð-
inni, þess að fyrirtækið yrði ekki
lengur starfrækt, og urðu stjómar-
menn þess því að lýsa yfir gjald-
þroti.
Wieslaw Kaczmarek, einkavæð-
ingarráðherra í stjórn Póllands,
veitti samþykki við tillögum stjórn-
armanna stöðvarinnar um að nýtt
fyrirtæki yrði stofnað með kaup-
leigu á 60% eigna stöðvarinnar, en
setti ströng skilyrði, sem bæði
stjórn og verkafólk fyrirtækisins
sagði að gerðu út af við alla mögu-
leika á rekstri í framtíðinni.
Sagðir vilja hefnd
Kaczmarek sagði í útvarpsviðtali
í gær að gjaldþrot væri eina leiðin
til þess að bjarga stöðinni. Erlendir
fjárfestar hefðu sýnt henni áhuga,
en vildu ekki kaupa stöðina í heild
með öllum þeim skuldum sem á
henni hvíldu.
Leiðtogar Samstöðu ásaka ríkis-
stjórnina, sem fyrrum kommúnistar
hafa meirihluta í, um að vilja hefna
sín á starfsmönnum skipasmíða-
stöðvarinnar í Gdansk, þar sem
Walesa stóð fyrir stofnun Samstöðu
1980, fyrsta ftjálsa verkalýðsfé-
lagsins í kommúnistaríkjunum þá-
verandi.
í útvarpsumræðum æpti Jerzy
Borowczak, núverandi leiðtogi
Samstöðu í Gdansk, að Kacmarek:
„Þú og þitt hyski viljið bara hefna
ykkar á mér.“ Borowczak var með-
al þeirra sem tóku þátt í stofnun
Samstöðu 1980.
Waldheim játar mistök
en iðrast einskis
Vínarborg. Reuter.
KURT Waldheim, fyrrum fram-
kvæmdastjóri Sameinuðu þjóðanna
og forseti Austurríkis, segir í endur-
minningum sínum að það hafi verið
mistök að gera ekki ítarlega grein
fyrir fortíð sinni í her nasista á
Balkanskaga í síðari heimssstyijöld-
inni. Waldheim telur hins vegar að
framganga hans hafi á engan hátt
verið gagnrýniverð.
Þetta kemur fram í bók sem út
kom í gær, þriðjudag, og nefnist
„Svarið“. Einn kafli bókarinnar er
lagður undir þátttöku Waldheims í
síðari heimsstyijöldinni en vegna
grunsemda um þátttöku í stríðs-
glæpum var Waldheim rúinn vinum
og trausti síðustu ár sín á forseta-
stóli.
„Ég geri mér nú ljóst að nákvæm
skrá yfir helstu æviatriði, þ.á m.
um daga mína í hernum, hefði ef
til vill getað unnið gegn mér til
skemmri tíma litið en hefði getað
hlíft mér við margvíslegum vand-
ræðum síðar,“ segir Waldheim í
þessum kafla bókarinnar. Waldheim
er 77 ára en hann var framkvæmda-
stjóri Sameinuðu þjóðanna á árun-
um 1972-1982 og forseti Austurrík-
is 1986-1992. Vegna ásakana um
að hann hefði komið nærri stríðs-
glæpum sem nasistar gerðust sekir
um á Balkanskaga á árum síðari
heimsstyijaldarinnar var hann sett-
ur á lista yfir grunaða illvirkja í
Bandaríkjunum og gat af þeim sök-
um ekki sótt þau heim. Síðustu árin
í embætti voru Waldheim mjög erf-
ið af þessum sökum og var hann
þráfaldlega vændur um að hafa
reynt að leyna þessum kafla í iífi
sínu. Var hann nánast einangraður
af þessum sökum og samskipti for-
setaembættisins við erlend ríki lítil
sem engin.
„Líkt og svo oft áður þá var sann-
leikurinn sá að ég hafði ekkert að
fela. Það gilti um hermannsferil
minn og þann tíma sem ég dvaldist
á Balkanaskaga," segir Waldheim.
Segir hann að andstæðingar sínir í
Austurríki, Jafnaðarmannaflokk-
urinn og Heimsráð gyðinga í Banda-
ríkjunum hafi sameinast í herferð
gegn sér eftir tilheyrandi leynimakk
í þá veru.
Waldheim segir að honum og
öðrum löndum hans hafi verið full-
kunnugt um að gyðingar sættu of-
sóknum. Þeim hafi hins vegar verið
öldungis ókunnugt um helförina
gegn gyðingum; hina skipulögðu
útrýmingarherferð sem nasistar
Adolfs Hitlers hleyptu af stokkun-
um.
Waldheim kveðst telja að kjör
hans 1986 hafi sýnt og sannað að
fortíð hans og mannorð hafi verið
óflekkað. Hann varð þar með fyrsti
forseti Austurríkis sem kom ekki
úr röðum sósíalista frá stríðslokum.
WALDHEIM, í miðið, í Podgorica I Júgóslavíu í maí 1943.
Verkfall skipa-
smiða í Gdansk