Morgunblaðið - 12.06.1996, Blaðsíða 29
MORGUNBLAÐIÐ
MIÐVIKUDAGUR 12. JÚNÍ 1996 29
AÐSENDAR GREINAR • FORSETAKJÖR
Fleyg orð
í ALEXANDERSSÖGU, sem Brand-
ur ábóti þýddi á 13. öld, segir Arist-
óteles m.a. á þessa leið við lærisvein
sinn, Alexander mikla, er hann gefur
honum heilræði:
„Það vil ég þér fyrst ráða, að þú
sért ráðvandur, að þú hafir jafnan
hina bestu menn við þína ráðagerð.
Hlýð ekki á hviksögur þeirra manna,
er tvítyngdir eru og hafa í sínum
hvoftinum hvora tunguna. Engi skal
þá menn hátt setja, er náttúran vill
að lágt sitji, því að þeirra metnaður
þrútnar svo skjótt af metorðunum
sem lítill lækur af miklu regni. Það
er og órunum næst, er veslu batnar."
Það er sem að stökkva af háum
stalli ofan á jafnsléttu ef bera ætti
saman andlega burði Aristótelesar
og Olafs Ragnars Grímssonar. Svan-
ur Kristjánsson, prófessor skrifaði
grein til stuðnings Ólafi Ragnari í
Morgunblaðið 8. júní og nefnir hana
Ólafur Ragnar er brautryðjandinn.
Segir Svanur hann „afburðamann á
sínu vísindasviði" og talar um „vand-
aða úrvinnslu hans á íslenskum
heimildum". Nú hefur Ólafur ekkert
vísindarit samið nema doktorsritgerð
sína og í þessari grein tek ég dæmi
um „vandaða úrvinnslu hans á ís-
lenskum heimildum" eða hitt þó
heldur.
I bókinni Samtíðarmenn eru talin
upp ritverk Ólafs, þ.ám. fjölrituð
skýrsla í þremur heftum um Hlust-
endakönnun Ríkisút-
varpsins sem þeir Er-
lendur Lárusson trygg-
ingastærðfræðingur
gáfu út 1973, en Ólafur
sat í útvarpsráði
1971-75. Lítum nánar
á hana.
Halldór Guðjónsson
dósent skrifaði gagn-
rýni um skýrsluna að
beiðni ritnefndar Sam-
félagsins, rits félags
þjóðfélagsfræðinema
við Háskólann. Dróst
lengi að grein Halldórs
yrði birt svo hann fékk
inni fyrir hana í Tíma-
riti Máls og menningar.
í umfjöllun sinni segir Halldór
seinni heftin tvö tölvuútskriftir og
því afar leiðinleg aflestrar. Fyrsta
heftið sé ekki aðeins leiðinlegt, held-
Rannveig
Tryggvadóttir
ur- líka svo morandi í
vitleysum að nákvæm
gagnrýni yrði lengri en
skýrslan sjálf. Talna-
meðferðin virðist rétt
en sé skýrslan skoðuð
undir öðru sjónarhorni
sé hún stórgölluð og
alveg sama hvaða sjón-
arhorn sé valið.
Fyrsta og augljós-
asta gallann segir hann
þann að hún sé naum-
ast skrifuð á íslensku,
né heldur á neinu máli
sem líkur séu til að höf-
undar eða aðrir kunni.
Sé málið á skýrslunni
fyrir miskunnar sakir
kallað íslenska, þá sé það svo vond
íslenska að firnum og býsnum sæti.
Varla sé nokkur setning í skýrslunni
sem telja megi rétta. Sýnishorn á
bls. 59: „Einnig kjósa karlar föstu-
daginn meira en konur.“ Og á bls.
46: „Hvað Ensku knattspyrnuna
snertir, sker stundum hlustunin sig
úr; hún er heldur hærri en alltaf og
oft til sarnans."
Annar galli segir Halldór að sé á
skýrslunni, sá að hún sé gerð án
tilefnis og sá þriðji og versti að hún
hafi varla nokkurt fræðilegt gildi
nema sem víti til varnaðar.
Tilgang greinar sinnar segir Hall-
dór þann að spilla lítillega vaxt-
arskilyrðum vitleysu og ónákvæmni
á sviði þar sem slíkt illgresi vex
gjarnan.
Menn verða að vanda sig, sjálfra
sín og barna sinna vegna, þegar
þeir kjósa forseta þjóðarinnar.
RANNVEIG TRYGGVADÓTTIR,
Bjarmalandi 7,108 R.
Höfundur er húsmóðir og þýðandi.
Gunnar
Björnsson
Styðjum
Ólaf
Ragnar
EMBÆTTI forseta íslands, hið
virðulegasta með þjóðinni, hefur
allt frá stofnun lýðveldis á íslandi
verið að sama skapi þýðingarmikið,
sem vér höfum átt því láni að fagna
að forsetastólinn hafa prýtt ágætir
fulltrúar íslensks mannfélags. Þarf
ekki að fara mörgum orðum um
það, hversu brýnt er, að vel takist
til um val forsetans, sem á landi
voru er fremstur meðal jafningja.
Það yerður ekki á hveijum degi,
hvorki á liðnum dögum né heldur,
trúi ég, \ framtíðinni, sem oss býðst
Vestur-ísfirðingur í sæti þjóðhöfð-
ingja, borinn og barnfæddur á þeim
slóðum, sem um margt á sér afar
merkilega fortíð og litríka sögu í
atvinnu- og menningarlegum efn-
um. Þegar hér við bætist, að fram-
bjóðandinn er óvenju vel til þess
fallinn að takast á hendur embætti
forseta, fyrir glæsileika-, menntun-
ar- og mannkosta sakir, þætti mér
það eðlilegt og raunar nauðsynlegt,
að hann hlyti brautargengi á heima-
slóðum sínum. Oss hlýtur að þykja
mikil sæmd að því að styðja Ólaf
Ragnar. Mun ég, að mínu leyti, og
kona mín, leggja lóð á vogarskál-
arnar til þess að hin glæsilegu hjón,
Ólafur og Guðrún Katrín, hljóti ótví-
ræða kosningu. Á ég bágt með að
trúa öðru en að fjölmargir Vestfirð-
ingar gjöri hið sama.
SÍRA GUNNAR BJÖRNSSON,
Holti, Önundarfirði.
Höfundur er sóknarprestur
og sellóleikari.
- kjarni málsim!
LATTU PENINGANA
VINNA IVIEO ÞÉR
- Kjarabréf og Markbréfbera góða vexti hjá
Skandia meðan þú sinnir þinni vinnu.
Markbréf og Kjarabréf Skandia eru fyrir þá sem vilja fjárfesta í
traustum bréfum til lengri tíma en geta jafnframt innleyst þau með
skömmum fyrirvara ef þörf krefúr. Innlausnargjald er 1%. Sjóðirnir
samanstanda af innlendum og erlendum langtímaskuldabréfúm sem
gefa góða ávöxtun. Nafnávöxtun Kjarabréfa síðustu
12 mánuði var 11,0% og Markbréfa 13,7%.
Veröbréfasjóðir Skandia cru byggðir upp með
hámarks ávöxtun og örugga áhættudreifingu að
leiöarijósi. Ávöxmn þeirra er í flestum tilvikum
hærri en á bankabókum og bankareikningum og
eru þeir því góður kostur fyrir þá sem vilja trausta fjárfestingu með
bestu mögulegu ávöxtun. Auk Kjara- og Markbréfa býður Skandia
Skyndibréf sem henta vel fyrir þá sem vilja fjárfesta til skemmri tíma
og Tekjubréf sem greiða út raunvextina 4 sinnum á ári.
Láttu peningana vinna með þér og tryggðu þér góða ávöxtun.
Ráðgjafar Skandia veita allar frekari upplýsingar.
^jJ^rSkandia
FJÁBFESTINGARFÉLAGIÐ SKANDIA HF • LOC3GILLT VEBÐBBÉFAFYRIRTÆKI
LAUGAVEGI 170 • SlMI 540 50 BO