Morgunblaðið - 14.06.1996, Blaðsíða 21

MORGUNBLAÐIÐ
FÖSTUDAGUR 14. JÚNÍ1996 21
ERLENT
Reuter
Frakkar með á ný
JAVIER Solana (t.h.), fram-
kvæmdastjóri Atlantshafsbanda-
lagsins, NATO, ræðir við Charl-
es Millon, varnarmálaráðherra
Frakklands, á fundi bandalags-
ins í Brussel í gær. Varnarmála-
ráðherrar NATO hittust til að
ræða friðargæsluna í Bosníu og
breytingar á skipulagi banda-
lagsins þannig að hlutur Evrópu-
ríkjanna i stjórn þess aukist.
Frakkar yfirgáfu hernaðar-
samstarf NATO árið 1966 en
ætla að auka þátttöku sína í sam-
starfinu á ný og var fundurinn
í gær sögulegur, sá fyrsti af
þessu tagi sem franskur varnar-
málaráðherra situr í 30 ár.
Bandaríkjamenn sögðu í gær
að áfram væri nauðsynlegt að
æðsti yfirmaður herafla NATO
væri Bandaríkjamaður.
Hvalspik hleðst upp í Noregi
Talið geta leitt til stöðv-
unar hrefnuveiðanna
Lófóten. The Daily Telegraph.
NORÐMENN eru hrifnir af hval-
kjöti, en hvalspik á ekki upp á
pallborðið hjá þeim og nú hleðst
upp spikfjall vegna þess að þeir
mega ekki selja hvalafurðir úr
landi.
Norðmenn borða hvalkjöt helst
brasað í rauðvíni með grænum
baunum og finnst ekki tiltökumál
að borga 1.500 íslenskar krónur
fyrir kílóið af kjöti þegar það er
fáanlegt.
Þeir eru hins vegar ekki reiðu-
búnir til að borga krónu fyrir
hvalspik, sem er um 40% af afurð-
um skepnunnar. Það eru Japanar
hins vegar. Þeir steikja það ýmist
eins og beikon, eða borða hrátt og
finnst lostæti, að sögn Ulfs Ellings-
ens, framkvæmdastjóra fyrirtæk-
isins Ellingsens, sem kaupir mest
hvalkjöt í Noregi, og myndu Japan-
ar borga allt að þrefalt það sem
Norðmenn borga fyrir kjötið fyrir
kílóið af spiki, eða 4.500 íslenskar
krónur.
Milliríkjaviðskipti bönnuð
Það dugar hins vegar skammt
því að milliríkjaviðskipti með hval-
afurðir eru bönnuð. Því eru 300
tonn af hvalspiki geymd í Svolvaer,
norðarlega í Noregi, og fjallið
stækkar dag frá degi á meðan
hrefnuvertíðin stendur yfir í Noregi.
31 bátur er á hrefnuvertíð og
heildarkvótinn er 425 dýr. Þegar
þau hafa veiðst munu 150 tonn
af spiki hafa bæst í fjallið.
„Fyrr eða síðar verður haugur-
inn svo stór að ekki verður hægt
að ganga í kringum hann,“ sagði
Ellingsen. „Það verður að finna
lausn. Það verður að stöðva hval-
veiðarnar ef við getum ekki selt
afurðirnar. Þetta er sóun. Það er
frekar kjánalegt að leyfa veiðar í
ágóðaskyni ef ekki má selja helm-
inginn af vörunni."
Samkvæmt norskum reglum
verða neytendur nauðugir viljugir
að kaupa spik með hrefnukjötinu
og kostar kílóið um tíu krónur.
Norðmenn hættu hvalveiðum
árið 1986 og hófu þær aftur árið
1992.
Friðunarsinnar óttast að fleiri
þjóðir hefji hvalveiðar hefjist við-
skipti með hvalafurðir milli Japana
og Norðmanna. Ellingsen lifir hins
vegar í voninni um að banninu
verði aflétt og geymir spikfjallið
við 30 mínusstig á Celcius-kvarða
í umbúðum, sem eru í samræmi
við japanska staðla.
„Ekkert mun gerast fyrr en
ákvörðun hefur verið tekin,“ sagði
Ellingsen. „En við megum ekki
henda þessu, það er bannað.“
Grísokjöt er kjötiS sem er alltaf ferskt, þa5 er ó sérlega
hagstæSu ver&i og matrei&slumöguleikarnir eru óteljandi.
Grísakjöt tilheyrir öllum gleðskap og góðum stundum.
f sumar munu grillmeistararnir ó flrgentínu steikhúsi
kynna grísakjöt \ verslunum og lei&a okkur \ allan sannleika
um hversu ótrúlega einfalt er að grilla grísakjöt.
Prófaðu að grilla grísakjöt næstu daga - Það svínvirkar.
Grísakjöt