Morgunblaðið - 02.07.1996, Side 4

4 ÞRIÐJUDAGUR 2. JÚLÍ 1996
MORGUNBLAÐIÐ
FRÉTTiR
Stórtjón þegar byggingavöruverslun brann í Keflavík sl. laugardag
Eldsupptök
rakintil
sígarettna
Morgunblaðið/Golli
MIKINN reyk lagði frá húsi Járns og skips í strekkingsvindi á
Iaugardag. Slökkvilið Keflavíkur, Keflavíkurflugvallar og Sand-
gerðis lögðust öll á eitt að ráða niðurlögum eldsins.
GÍFURLEGT tjón varð í eldsvoða
í Keflavík sl. laugardag þegar
verslunin Járn og skip og hluti
timburlagers brann. Talið er að
kviknað hafi í út frá sígarettuglóð.
Mikinn reyk lagði frá húsinu og
var fjöldi húsa rýmdur. Þá var fólki
ráðlagt að yfirgefa hús sín ef það
fyndi fyrir óþægindum vegna þess
að hluti eldsmatar voru hættuleg
efni.
Lögreglan í Keflavík tilkynnti
slökkviliðinu kl. 15.19 að reyk legði
frá portinu við verslunina. Dælu-
bíll var sendur á staðinn og á leið-
inni var kallað út allt fastalið og
bakvaktalið einnig. Þegar á staðinn
var komið var kallað á slökkviliðið
í Sandgerði og slökkviliðið á Kefla-
víkurflugvelli. Skömmu síðar var
hafíst handa við að rýma íbúðir á
því svæði sem reyk lagði yfir.
Vatn til slökkvistarfs var m.a. sótt
út í sjó, enda stutt að fara.
Kviknaði í út
frá sígarettum
John Hill, rannsóknarlögreglu-
maður í Keflavík, segir að þrír 12
og 13 ára piltar hafi viðurkennt
að hafa verið að reykja í portinu
við verslunina í tvígang þennan
dag. Þeir hafí setið upp á timbur-
stæðu, sem pakkað var inn í pappa,
og hent síðan sígarettustubbum frá
sér án þess að drepa í þeim. Talið
er nær víst að eldurinn hafi kvikn-
að út frá þeim.
Sigmundur Eyþórsson, slökkvi-
liðsstjóri í Keflavík, segir að eldur-
inn hafí komist í gegnum vegg við
timburstæðuna, sem stóð stutt frá
veggnum. Eldurinn fór í þak og
komst síðan í málningar- og teppa-
lager. Að sögn Sigmundar
myndaðist mikið eldhaf og gífur-
legur hiti og breiddist eldurinn út
á móti vatninu og strekkingsvindi.
Slökkvilið náði ekki tökum á eldin-
um og voru ástæður þess, að sögn
Sigmundar, strekkingsvindur, sem
var mjög óhagstæður, mjög erfiður
eldsmatur og að brunahólf bygg-
ingarinnar voru ekki sem skyldi.
Erfiður eldsmatur
Eldsmaturinn sem Sigmundur
talar um er m.a. málningarvörur,
túnáburður, teppi, fúavamarefni
og timbur, sem var í yfirbyggðu
skýli vestan við húsið. Timbrið var
þar til þurrkunar þannig að mikill
súgur streymdi í gegn. Sigmundur
segir erfitt hafa verið að eiga við
eldinn í timbrinu, þar sem slökkva
þurfti nánast í hverri einustu
spýtu.
Aðalvörugeymsla Járns og skips
slapp óskemmd en hún er 9 metr-
um vestan við húsið sem brann.
Slökkvistarfi var að mestu lokið
um sjöleytið en þá var eftir mikil
vinna við að umstafla timbri og
slökkva í glæðum. Björgunar-
sveitamenn gerðu þakið eins ör-
uggt og hægt var og lokuðu bygg-
ingunni. Yfir 50 manns voru í
björgunarstörfum þegar mest var.
Eitthvert tjón varð í nærliggj-
andi húsum af reyk en vegna anna
slökkviliðs urðu húsráðendur að
reykræsta sjálfir.
TJónið á annað hundrað
milljónir
Sigmundur segir slökkviliðs-
menn hafa um tíma talið að þeir
hefðu náð tökum á eldinum en þá
var hann kominn í þak og í bruna-
hólf, sem ekki var eins og það átti
að vera samkvæmt lögum um
brunavarnir. Þá segir Sigmundur
að einangrunarplast í þaki hafi
dreift eldinum í því hólfi og þá
hafi byggst upp mikill hiti.
Guðjón Stefánsson, kaupfélags-
stjóri Kaupfélags Suðumesja, segir
tjónið óhemjumikið en ekki sé búið
að meta það enn. í gær var verið
að hreinsa svæðið og reyna að
koma starfseminni í gang eftir
megni. Guðjón sagðist gera ráð
fyrir að sala á timbri og annarri
grófvöru hæfist aftur í dag og allt
kapp yrði lagt á að fínna húsnæði
fyrir smávöruna. Tuttugu manns
unnu í versluninni og sagðist Guð-
jón vonast til að fyrirtækinu tæk-
ist að finna þeim störf ef opnun
verslunarinnar drægist.
Guðjón segir að unnið hafi verið
að því í fyrirtækinu undanfarið að
bæta eldvamir en þeim hafi ekki
verið að fullu lokið.
Morgunblaðið/Golli
Landsbankinn minnist 110 ára afmælis
LANDSBANKINN fagnaði 110 ára
afmæli sínu með viðskiptavinum í
gær. Gestum á afgreiðslustöðum
víðs vegar um land var boðið að
þiggja kaffi og kökur og þá var
leikin tónlist og bömum boðið að
bregða á leik fyrir utan nokkur
útibú. Skemmtu margir krakkar
sér á trampolíni við aðalbankann
í Austurstræti. Bankinn bauð til
hádegisverðar, 10 tíu ára bömum,
sem bankinn hafði glatt fyrir 10
árum, á fæðingardegi þeirra, þeg-
ar bankinn hélt upp á 100 ára af-
mæli sitt. Bömin fengu peninga-
gjöf frá bankanum og bakpoka.
Forstjóri ISAL um
nýjar virkjanir
Sáttir við
hugmynd-
ir Lands-
virkjunar
CHRISTIAN Roth, forstjóri
íslenska álfélagsins, segir að
ISAL sé mjög sátt við hug-
myndir Landsvirkjunar um
næstu virkjunarkosti. Þær til-
lögur sem liggi fyrir tryggi
að ISAL fái raforku í sam-
ræmi við orkusamning fyrir-
tækisins við Landsvirkjun.
ISAL kaupir í ár um 1700
GWst af Landsvirkjun. Raf-
orkusamningur fyrirtækjanna
gerir ráð fyrir að orkukaupin
aukist verulega á næsta ári
og verði 2500 GWst í árslok
1997. Samningurinn gerir ráð
fyrir að á árinu 1998 kaupi
ISAL 2671 GWst af Lands-
virkjun.
„Við höfum átt í viðræðum
við Landsvirkjun um hvernig
þeir geti uppfyllt ákvæði raf-
orkusamningsins við ISAL.
Viðræðurnar hafa gengið vel.
Fyrir liggja hugmyndir um
hvernig staðið verður við
samninginn og við erum mjög
sáttir við þær,“ sagði dr.
Roth.
ISAL gerir ráð fyrir að
framleiða 122 þúsund tonn
af áli á næsta ári, en þá verð-
ur nýi kerskálinn tekinn í
notkun. Á árinu 1998 verður
verksmiðjan rekin með fullum
afköstum allt árið og gera
áætlanir ráð fyrir að þá verði
framleidd 162 þúsund tonn
af áli. Áætlanir gera ráð fyrir
að í ár verði framleiðslan 102
þúsund tonn.
Bensínverð
lækkar
OLÍUFÉLÖGIN lækkuðu í
gær verð á bensíni um 60
aura á lítrann vegna breytinga
á heimsmarkaðsverði. Lækk-
unin á sér stað þrátt fyrir að
bensíngjald hafi hækkað um
66 aura á lítra í gær og að
gjald í Flutningsjöfnunarsjóð
hafí nýlega verið hækkað um
60 aura.
Á bensínstöðvum Esso, Olís
og Skeljungs er verðið nú á
95 oktana bensini 73,70 krón-
ur lítrinn en 98 oktana bensín
kostar 78,40 krónur lítrinn
eftir lækkunina. Afsláttur sem
olíufélögin veita þeim sem
dæla sjálfir bensíni á bíla sína
helst óbreyttur.
Eldurí
Svörtu
pönnunni
ELDUR kom upp í feitipottum
í veitingahúsinu Svörtu pönn-
unni við Tryggvagötu síðast-
liðið laugardagskvöld, en
starfsfólki og lögreglumönn-
um tókst að slökkva eldinn
áður en verulegt tjón hlaust
af. Samkvæmt upplýsingum
frá slökkviliðinu í Reykjavík
notaði starfsfólk veitingahúss-
ins eldvarnarteppi til að kæfa
eldinn og einnig komu lög-
reglumenn frá miðbæjarstöð
lögreglunnar með hand-
slökkvitæki á vettvang. Þegar
slökkviliðsmenn bar að garði
var búið að slökkva eldinn en
þeir reyklosuðu húsnæðið.