Morgunblaðið - 23.07.1996, Blaðsíða 21

MORGUNBLAÐIÐ
ÞRIÐJUDAGUR 23. JÚLÍ 1996 21
LISTIR
Hreínleikínn
og hæstu hæðir
Morgunblaðið/RAX
HRAFNKELL Sigurðsson og „Málað landslag".
MYNPLIST
Nýlistasafnið/Gall-
c rí G r c i p
I5LÖNDU1)
TÆKNI/LJÓSMYNDIR
Hrafnkell Sigurðsson,
Daníel Magnússon, Þórodd-
ur Bjarnason/Veronique
Legros
Nýlistasafnið: Opið kl. 14-18 alla
dagatil 28. júll. Aðgangur ókeypis
Gallerí Greip: Opið kl. 14-18 alla
daga nema mánud. til 28. júlí. Að-
gangur ókeypis
Þrjár sýningarvoru nýlega opn-
aðar í Nýlistasafninu, þar sem
hressilegar framsetningar ungra
listamanna taka á móti gestum.
Erlendur gestur í Gallerí Greip er
að sama skapi daufur, til áminning-
ar um að ekki tekst alltaf jafn vel til.
Hrafnkell Sigurðsson
Hrafnkell sýndi í vetur sem leið
á öðrum stað marglita steina, sem
vegna litarins og meðhöndlunar
listamannsins breyttust í yfirveguð
landslagsverk hver fyrir sig. Hér
heldur hann áfram á svipaðri braut,
og öll tengjast verk hans náttúrusýn
sem lítur til hins lága sem hins
háa, hins þekkta sem hins ókunna.
í neðri sal Nýlistasafnsins hefur
hann dreift silfurlituðum basalt-
hnullungum um gólfið og nefnir
„Málað landslag". Þessi framsetn-
ing vísar sterklega til þeirra vind-
sorfnu eyðisanda, sem þekja landið
að miklu leyti; stakir steinar standa
þar upp úr og verða að markverðum
einingum, hver fyrir sig, líkt og silf-
urmolar á svörtum sandi.
I gryfjunni hefur listamaðurinn
einnig litið til hins ókunna, en nú
með öðrum hætti. Hér er að finna
fimm stór ljósmyndaverk, sem hann
nefnir „Speglað landslag”; teknar
hafa verið ljósmyndir af stökum
klettum eða lítt eftirtekarverðum
hólum, sem með samhverfu um
miðju breytast í tignarleg hásæti,
kastala eða hallir, þar sem þeir
gnæfa við himinn; gott ef ekki má
greina sfinxa á verði á stöku stað
meðal bjarganna. Það býr vissulega
margt í landinu, eins og íslenskir
listamenn þreytast aldrei á að benda
okkur á.
Hinar sjónrænu ábendingar
þessa fyrri hluta sýningar Hrafn-
kels hverfa á pallinum, þar sem
aðeins er að finna eitt lítið verk,
en þar eru hvítmálaðir tölustafirnir
2119 límdir hátt á vegg. Engu að
síður er þetta einnig vísun til ísr
lenskrar náttúru - tindur Hvanna-
dalshnjúks gnæfir hvítur og glæstur
yfir landinu í þessari hæð, og hér
er því um sem næst helga tölu að
ræða, sem allir ættu að þekkja.
Daníel Magnússon
í efsta sal safnsins hefur Daníel
komið fyrir þremur verkum. Sýn-
ingu sína nefnir hann „Geymd“,
sem vísar ef til vill til þess eðlis
verkanna að vera hirslur eða hús-
gögn fyrir ákveðin viðfangsefni og
hugsanir listamannsins.
„Bókaskápur fyrir tvo“ vísar til
orðspors bókaþjóðarinnar, og býður
lesendum upp á áföst sæti, þar sem
tveir verða þó að tylla sér samtím-
is, til að jafnvægi skápsins raskist
ekki; þannig fylgjast styrkur og
viðkvæmt jafnvægi að í umgengni
okkar við menningararfinn.
„Himnaríki" er hér úr herða-
tijám, sem er kímin tilvísun til efn-
ishyggjunnar, þar sem heill skógur
af glæstum fötum er talinn ganga
því næst að komast í Guðs ríki.
Skemmtilegasta verk Daníels að
þessu sinni er þó „Rhetoric" eða
rökræðan, þar sem ljósmyndir af
listamanninum eru kjarni heildar-
innar. Myndir af tómlegum svip
hans þegar hann hlustar á andstæð-
inginn eru settar á vegg, en aðrar
af látbragði hans til að fylgja eigin
málflutningi eftir eru geymdar í
skúffum, sem má draga fram eftir
þörfum. Þessi geymslutækni virðist
raunar oft kjarni rökræðunnar, þar
sem efnisrök víkja fyrir líkamlegum
áherslum, og opinberast einkar vel
í þessu verki listamannsins.
Þóroddur Bjarnason
í setustofunni er ungur listamað-
ur að hefja sinn feril með því að
nýta sér þá tilfinningu, að hið nýja
eða ókunna sé í raun upphaf frá
engu. Nýfætt barn er ómótuð per-
sóna, ný vinatengsl byija sem
óskrifað blað, ný verkefni hefjast
með hreint borð.
I sama anda skal nýr sýningar-
ferill héfjast í hreinum sal, og sú
ætlan verður að inntaki sýningar-
innar. Fyrir opnun hefur listamað-
urinn þrifið salinn í hólf og gólf,
og gestir fá hér - auk hreinleikans
- notið heimilda um þann gjörning;
myndbands af athöfninni og ljós-
mynd af listamanninum og verk-
færum hans áður en átökin hófust.
Þó þrifnaður einkenni fleiri dýra-
tegundir, er mannskepnan iðin við
slík verk, og lítur oftar en ekki á
þau sem virðingarvott gagnvart því
sem á eftir kemur. Hér sýnir Þór-
oddur listunnendum slíkan virðing-
arvott í hreinleikanum; svo er að
sjá hvað kemur á eftir frá þessum
unga listamanni.
Að öllu sögðu er vel þess virði
að líta inn í Nýlistasafnið þessa
dagana.
Veronique Legros
Þessi sýning í Gallerí Greip lætur
lítið yfir sér, enda varla tilefni til
annars. Hér er á ferðinni ung lista-
kona frá Belgíu, sem stundaði sitt
listnám við Myndlistarháskólann í
Cergy í Frakklandi, en engar frek-
ari upplýsingar liggja fyrir um feril
hennar eða fyrri sýningar.
Hún sýnir hér fjögur verk, sem
byggja á ljósmyndun; þau eru síðan
unnin í tölvu, þannig að eftir standa
einmanalega, máðar ímyndir, sem
eru allt að því daprar í deyfð sinni.
Myndefnin eru haugar - nánast
lítil fjöll - sem hafa orðið til vegna
iðnaðarframleiðslu í norðurhluta
Frakklands. Slíka hóla eða tilbúið
landslag má finna víða um lönd,
einkum í tengslum við námugröft
eða aðra jarðvinnslu, og minna þeir
á stöðu mannsins sem fer ráns-
hendi um náttúruna til að sjá fyrir
þörfum sínum.
En þessi áminning er að þessu
sinni dauf og lítt sannfærandi, líkt
og vélrænt viðbragð við tækni-
væddu umhverfi; hér vantar þann
slagkraft mannsandans, sem gæðir
góða list lífi.
Eiríkur Þorláksson

M/S4S
Á ferð og flugi um allan heim
SAS flýgur ásamt samstarfsaðilum
sínum um Kaupmannahöfn
til áfangastaða um heim allan.
Kynntu þér þægilegan ferðamáta hjá SAS
hvert sem ferðinni er heitið.
♦
Samstarfsaðilar SAS:
Flugleiöir
Lufthansa
United Airlines
Thai Airways Int.
Air Baltic
Air New Zealand
British Midland
Qantas Airways
Spanair
Varig
Hafðu samband við ferðaskrifstofuna þína
eða söluskrifstofu SAS.