Morgunblaðið - 10.11.1996, Blaðsíða 8

8 SUNNUDAGUR 10. NÓVEMBER 1996
MORGUNBLAÐIÐ
FRÉTTIR
Morgunblaðið/Yann Kolbeinsson
MARGÆSAPARIÐ með einn unganna í miðjunni, munur á fullorðnum og ungum fuglum er sá að
ungfuglar eru ekki hvítir á hálsinum.
Margæsir
enn á ferð
Tillaga um siðaregl-
ur Alþýðuflokks
UM seinustu helgi sást margæsa-
par með tvo ungfugla í Araarnes-
voginum þar sem þessi mynd var
tekin. Margæsir eru algengir um-
ferðarfarfuglar hér á landi að vori
til sem að hausti. En þeim sem til
þekkja þykir heldur seint að finna
margæsir hér enn í nóvember.
Þijár margæsa-deilitegundir
eru til, tvær eru í V-Evrópu á
veturna og hafa báðar sést hér
við land. Einkum er það svonefnd
bernicla sem er hér á ferð. Hún
er dökk á kvið en svonefnd hrota,
sem er ljós á kvið, hefur einnig
sést við ísland.
LÖGÐ hefur verið fram tillaga á
flokksþingi Alþýðuflokksins að
siðareglum fyrir flokkinn. Þar er
lagt til að skipuð verði nefnd til
að útfæra siðareglur fyrir þá sem
gegna trúnaðarstörfum fyrir
flokkinn og eru kjörnir í æðstu
embætti.
Tillöguna flytja Sigurður Tómas
Björgvinsson, Bolli Valgarðsson og
Guðni Kristjánsson. Leggja þeir til
að nefndin hafí að leiðarljósi við
vinnu sína drög að starfsreglum
þingflokks Alþýðuflokksins sem
samþykkt voru í september 1994,
en í þeim segir m.a. að þingmenn
og fleiri fulltrúar flokksins eigi
ekki að sitja í stjórnum banka, sjóða
eða annarra fjármálastofnana og
að kveðið skuli á um það í reglum
hvernig varast skuli meinta hags-
munaárekstra að því er varðar
embættisfærslur, val á samstarfs-
aðilum og mannaráðningar trúnað-
armanna, sem þiggja umboð sitt
frá Alþýðuflokknum.
GLesilegar íbúðir við Bejyarima^X
Lágmarks hita- og uiðhaldskostnaður • Fullkomin hljóðeinangrun • Val ó gólfefnum og innréttingum
Stórar svalir eða einkagarður • Sér inngangur í hverja íbúð • íbúðir afhentar fullbúnar
Þvottahús í ibúð • Skólar, leikskólar, félagsmiðstöðvar og verslanir í næsta nágrenni
Ármannsfell hf.
Leggur grunn að góðri framtíð
Funahöfða 19 • Sími 577 3700
Solumcnn verðo i Berjarinui 36 i dag niilli kl 13 og 15
Athugið! Húsbréfaafföll
lenda á seljanda en ekki þér
Kristniboði sendir frá sér bók
Fátt er jafn
hræðilegt o g
heiðni
AFRÍKUDÆTUR
heitir bók sem
Hrönn Sigurðar-
dóttir hjúkrunarfræðingur
séndir frá sér í dag, á
kristniboðsdaginn, en hún
var kristniboði í Kenýu í
tæp átta ár. í bókinni seg-
ir höfundur frá gleði og
sorg í eigin lífi og lífi
margra af dætrum Afríku,
svo sem fram kemur í
kynningu á bókarkápu.
En hvers vegna skyldi
23 ára gömul kona ákveða
að gerast trúboði í Kenýu?
„Ég hef þekkt Jesú allt
mitt líf og hann hefur
verið minn besti vinur,“
segir Hrönn. „Þegar ég
var barn kveikti hann
löngun innra með mér að
fara til Afríku og segja
frá honum og starfa fyrir
hann þar. Það var síðan á
unglingsárunum að ég fór að velta
þessum möguleika fyrir mér af
alvöru og eftir að hafa lokið námi
í hjúkrunarfræði héldum við mað-
urinn minn til Noregs í kristni-
boðsskóla. í framhaldi af því fór-
um við til Engiands í enskunám
og þaðan lá leiðin til Kenýu.“
— Hvernig er s^arfi kristniboð-
ans háttað?
„Við komum á þessa staði sem
vinir og reynum fyrst af öllu að
setja okkur inn í hugsunarhátt og
menningu viðkomandi samfélags.
Við setjumst að úti í sveit meðal
fólksins og ferðumst eins víða og
unnt er, kynnumst fólkinu og
myndum sambönd — oft og tíðum
vináttusambönd - en fólkið veit
yfirleitt i hvaða tilgangi við erum
komin, það er að tala um Jesú
og boða guðsorð. Síðan byggjum
við skóia, sjúkraskýli og kirkjur,
þannig að samhliða kristniboðinu
og safnaðaruppbyggingunni fer
fram þróunaraðstoð, fræðsla og
skólastarf."
— Hvernig er jarðvegurinn fyr-
ir guðsorð á þessum slóðum?
„Hann er misjafn en þar sem
við vorum, i Pókothéraði í Kenýu,
er fólk mjög opið; það hreinlega
þyrstir eftir að fá að heyra um
Guð. Skyldi kannski engan undra
því líf þess er ömurlegt og von-
leysið mikið. Fátt er jafn hræði-
legt og heiðni og þegar þetta fólk
tekur á móti Jesú eignast það
loksins frelsi, frið og öryggi í líf-
inu. í þessu samhengi er vitn-
isburður þeirra sem stigið hafa
skrefið til fulls afar sterkur og
það var sérstaklega ánægjulegt
að fylgjast með innfæddu fólki
ganga klukkutímum saman í
steikjandi sólarhita til að deila
upplifun sinni með bræðrum sín-
um og systrum."
— Eru Pókotmenn trúaðir?
„Þeir eiga sína trú, en í henni
er Guð fjarlægur. -------------
Hann er skapari sem
skiptir sér ekki af þeim
og þeir geta ekki nálg-
ast. Trúin einkennist
síðan öðru fremur af
hræðslu við illa anda og framliðna
sem ofsækja þá. Slátra þeir til að
mynda óhikað dýrunum sínum til
að dreifa kjötinu í kringum kofana
sína svo unnt sé að halda þessum
illu öndum í burtu.“
— Titill bókarinnar bendir til
þess að þú hafir sett þig sérstak-
lega inn í heim kenýskra kvenna?
„Kenýa er fyrst og fremst
karlasamfélag og það er djúp á
milli kvenna og karla en ég gekk,
Hrönn Sigurðardóttir
►Hrönn Sigurðardóttir er
fædd árið 1959. Hún er hjúkr-
unarfræðingur að mennt og
gift Ragnari Gunnarssyni
framkvæmdastjóra KFUM og
KFUK í Reykjavík. Eiga þau
fjögur börn.
Allir hafa
sömu þrá og
þörf
eðli málsins samkvæmt, inn i heim
kvenna. Samband miti var því
fyrst og fremst við konur og börn
sem ég kynntist mjög náið; kon-
urnar gengu inn og út úr mínu
húsi og öfugt og þær fylgdust
með mínum börnum vaxa úr grasi
og öfugt — vináttan. varð náin.
Konur eru kúgaðar og teljast ein-
faldlega vera eign manna sinna,
sem kaupa þær þegar þeir giftast
þeim. Þær verða því að hlýða þeim
í einu og öllu, annars eru þær
barðar til hlýðni. Með menntun
breytist ástandið hins vegar og
eftir því sem fleiri fara í skóla og
kristnin skýtur dýpri rótum sér
maður fleiri fjölskyldur, ungt fólk
sérstaklega, þar sem gagnkvæm
virðing ríkir, skilningur — og ást.‘
— Er bókin sprottin úr þeirri
löngun þinni að deila upplifun með
fólki í þessu fjarlæga samfélagi
sem við byggjum?
„Vissulega hefur það blundað
í mér, frá því ég kom heim 1991,
að deila því sem ég hef fengið að
sjá og reyna með öðrum og marg-
ir hafa hvatt mig til að segja þessa
sögu. Ég hef skrifað nokkrar
greinar frá því ég kom heim, og
hef geymt þessar upplýsingar í
hjarta mér. Það var hins vegar
ekki fyrr en í vor að mér vannst
tími til að taka bókina saman.“
— Þegar þú lítur um öxl yfír
dvöl þína í Kenýu, er eitthvað
sérstakt sem stendur upp úr?
„Það er svo margt. Ég hef til
dæmis lært að það er sama í hvaða
stöðu maðurinn er, hvort hann er
fátæklingur, kóngur
eða prestur, allir hafa
sömu þrá og þörf fyrir
að þekkja Guð, lifa með
Honum og eignast lífið
í Honum. Hvað varðar
mig persónulega stendur hlýja,
umhyggja og vinátta kvennanna
upp úr og þakklætið sem við feng-
um fyrir að hafa lagt þetta á okk-
ur. Þá má ekki gleyma því að
reynsla sem þessi færir manni
heim sanninn um það hvað við
höfum það gott hér á íslandi. Við
megum því vera þakklát fyrir
hlutskipti okkar — þrátt fyrir allan
barlóminn erum við forréttinda-
fólk.“