Morgunblaðið - 10.11.1996, Blaðsíða 24

24 SUNNUDAGUR 10. NÓVEMBER 1996
MQRGUNBLAÐIÐ
KVIKMYNDIR/Sambíóin sýna á næstunni spennumyndina The Fan með þeim Robert
De Niro, Wesley Snipes og Ellen Barkin í aðalhlutverkum. Myndin fjallar um ákafan
áhanganda hafnaboltamanns sem svífst einskis þegar átrúnaðargoðið á í hlut.
ELLEN Barkin leikur íþróttafréttamann og John Leguizamo
leikur umboðsmann hafnaboltahetjunnar.
Þráhyggja
aðdáanda
GIL Reinard (Robert De Niro)
er ákafur aðdáandi hafna-
boltahetjunnar Bobby Rayburn
(Wesley Snipes) og fylgir hann
fyrirmynd sinni hvert fótmál ef
hann á þess kost. Gil er vonsvik-
inn hnífasölumaður sem á við
margvísleg vandamál að etja og
er hann smátt og smátt að missa
tökin á tilverunni. Þannig hefur
eiginkonan yfirgefið hann, son-
urinn er að fjarlægjast hann og
loks er Gil um það bil að missa
atvinnuna. Heimili hans er her-
bergi þakið minjagripum um
hetjuna sem hann dýrkar og
gera þeir ekkert annað en að
minna hann á brostnar vonir og
væntingar unglingsáranna. Þeg-
ar halla tekur undan fæti hjá
Bobby á íþróttavellinum beinist
þráhyggja Gils inn á nýjar braut-
ir þar sem hann einsetur sér að
svífast einskis til að endurreisa
orðstír hetjunnar sinnar.
Leikstjóri The Fan er Eng-
lendingurinn Tony Scott, sem á
síðasta ári leikstýrði hinni geysi-
vinsælu Crimson Tide. Scott hóf
feril sinn í auglýsingagerð og
hefur hann notað sölubrellur
auglýsinganna í ríkum mæli í
myndum sínum. Hann er fæddur
i Newcastle í Englandi 21. júní
1944, en þar var faðir hans hafn-
arverkamaður, og að loknu námi
við listaskóla í Leeds og London,
þar sem hann lærði listmáiun og
ljósmyndun, gekk hann til liðs
við fyrirtækið RSA Productions,
sem Ridley (Alien, Thelma &
Louise) bróðir hans hafði þá
stofnað. Þetta var árið 1973 og
á næstu árum gerði Scott fjölda
auglýsinga, sem margar hverjar
unnu til verðlauna, en einnig
gerði hann sjónvarpsmyndir og
fræðslumyndir. Fyrstu kvik-
myndina gerði hann svo 1983,
en það var The Hunger með
þeim David Bowie og Catherine
Deneuve í aðalhlutverkum.
Myndin þótti framúrstefnuleg og
hlaut litla náð fyrir augum áhorf-
enda, og sagði Scott síðar að
hann hefði augljóslega þurft að
leggja meiri áherslu á tilfinn-
ingalíf aðalpersónanna í mynd-
inni. í kjölfar myndarinnar stóð
honum fátt til boða en svo fór
að lokum að framleiðendurnir
Don Simpson og Jerry Bruckhei-
mer, sem voru að leita að hæfum
manni til að leikstýra Top Gun,
komu auga á Scott og fengu
hann til verksins. Varð Top Gun
aðsóknarmesta myndin 1986 og
sömuleiðis varð næsta mynd
Tony Scotts, Beverly Hills Cop
II, aðsóknarmesta myndin 1987.
WESLEY Snipes leikur hafnaboltahetjuna
sem á sér aðdáanda er einskis svífst.
TONY Scott leikstjóri The Fan
við tökur á kvikmyndinni.
Gagnrýnendur líktu þessum
myndum hans við sjónvarpsaug-
lýsingar og tók hann þau um-
mæli sem hrós, en haft var eftir
honum í blaðaviðtali að hann liti
svo á að 30 sekúndna auglýsing
gæti verið jafnmikið listaverk og
100 mínútna löng kvikmynd. En
þrátt fyrir þetta viðhorf fór svo
að næstu þijár kvikmyndir
Scotts ollu vonbrigðum og náðu
ekki vinsældum þrátt fyrir að
þær væru stjörnum skrýddar.
Þetta voru myndirnar Revenge
(1990) með Kevin Costner í aðal-
hlutverki, Days of Thunder
(1990) með Tom Cruise og The
Last Boy Scout (1991) með
Bruce Willis í aðalhlutverki.
Scott rétti þó fljótlega úr kútnum
aftur, því árið 1993 gerði hann
metnaðarfyllstu mynd sína til
þessa, en það var hin vinsæla
True Romance, sem gerð var
eftir handriti Quentins Tarant-

ino. Síðan varð nokkurt hlé hjá
Tony Scott, eða þar til Crimson
Tide leit dagsins ljós í fyrra.
Þeir bræður Tony og Ridley
keyptu í fyrra hið gamalgróna
Shepperton-kvikmyndaver í
London þar sem í gegnum tíðina
hafa verið gerðar rúmlega 600
kvikmyndir, en meðal þeirra sem
litið hafa dagsins ljós þar á síð-
ustu árum eru Four Weddings
and A Funreal, Frankenstein og
Judge Dredd.
í The Fan leikur Ellen Barkin
íþróttafréttamann á útvarpsstöð
sem á samskipti við Gil í gegnum
síma. Barkin hefur leikið á móti
flestum færustu leikurum Holly-
wood, en meðal þeirra eru Rob-
ert Duvall (Tender Mercies),
Jack Nicholson (Man Trouble),
A1 Pacino (Sea of Love) og áður
hefur hún leikið á móti Robert
De Niro í This Boy’s Life. Bark-
in var gift leikaranum Gabriel
Byrne árin 1988-1993 og hefur
hún nýlega lokið við að leika
með honum í myndinni Trigger
Happy. Barkin sem er 41 árs
hóf feril sinn sem kvikmynda-
leikkona árið 1982 þegar hún lék
eitt af aðalhlutverkunum í Diner,
og síðan hefur hún leikið í rúm-
lega 20 kvikmyndum auk fjölda
sjónvarpsmynda. Leikkonan er
fædd í New York og innritaðist
hún 15 ára gömul í leiklistar-
skóla, en síðar lauk hún prófi í
sagnfræði og leiklist frá Hunter
College.
John Leguizamo leikur um-
boðsmanns hafnaboltahetjunnar
og er þétta önnur myndin sem
hann leikur í undir leikstjórn
Tony Scotts, _en fyrri myndin
var Revenge. í The Fan starfar
Leguizamo einnig í annað skipt-
ið með Wesley Snipes, en þeir
léku saman í To Wong Foo,
Thanks For Everything, Julie
Newmar, og hlaut Leguizamo
tilnefningu til Golden Globe-
verðlaunanna fyrir hlutverk sitt
í henni. Hann er fæddur í borg-
inni Bogota í Kólumbíu en ólst
upp í New York. Þar vakti hann
fyrst verulega athygli fyrir
frammistöðu sína í leikritinu
Mambo Mouth, þar sem hann
fór með öll hlutverkin, sjö tals-
ins. Leguizamo lærði leiklist í
New York-háskóla. Hann
hreppti fyrst hlutverk í sjón-
varpsmyndaflokknum Miami
Vice, en meðal fjölmargra kvik-
mynda sem hann hefur leikið í
eru Carlito’s Way, Casualities
of War, Regarding Henry,
Executive Decision og nú síðast
Romeo og Julia, þar sem hann
leikur með þeim Leonardo Di
Caprio og Claire Danes.
Vanur
maður
ROBERT De Niro er á þekktum slóðum
í The Fan, en hann hefur áður leikið
andfélagslegar persónur í myndunum
Taxi Driver, The King of Comedy og
Cape Fear. De Niro er borinn og barn-
fæddur í New York, en þar fæddist
hann 17. ágúst 1945 og voru foreldrar
hans báðir listmálarar. Eftir nám í
listaskóla lærði De Niro leiklist hjá Lee
Strasberg og lék hann síðan í leikritum
off-Broadway og með ferðaleikhúsum.
Fyrsta kvikmyndahlutverkið áskotnað-
ist honum 1968, en það var í myndinni
Greetings. Hann lék síðan í nokkrum
myndum sem Brian de Palma leik-
stýrði en vakti litla athygli þar til hann
Iék í myndunum Bang the Drum Slowly
og Mean Streets árið 1973. Þeirri síðar-
nefndu leikstýrði Martin Scorsese og
varð það upphafið að heilladrjúgu sam-
starfi þeirra félaga. Arið 1974 lék De
Niro Vito Corleone á yngri árum í The
Godfather: Part II og hlaut hann Ósk-
arsverðlaun fyrir bestan leik í auka-
hlutverki fyrir frammistöðu sína.
Tveimur árum síðar lék hann svo í
Taxi Driver, sem tryggði honum end-
anlega stöðu sem einn fremsti kvik-
myndaleikari samtímans, en fyrir hlut-
verkið var hann tilnefndur til Óskars-
verðlauna. De Niro stofnaði eigið kvik-
myndagerðarfyrirtæki árið 1989, en
það heitir TriBeCa Productions. Hann
hefur framleitt sjö kvikmyndir og leik-
ið í flestum þeirra, og frumraun hans
sem Ieikstjóra var 1993 þegar hann
Ieikstýrði A Bronx Tale. Meðal þekktra
mynda sem De Niro hefur leikið í eru
New York, New York (1977), The Deer
Hunter (1978), en fyrir hlutverk sitt í
myndinni var hann tilnefndur til Ósk-
arsverðlauna, Raging Bull (1980), sem
færði honum önnur Oskarsverðlaunin,
The Untouchables (1987), GoodFellas
(1990), Awakenings (1990), en fyrir
hana hlaut hann fimmtu Óskarstilnefn-
inguna og Cape Fear (1991), sem færði
honum sjöttu tilnefninguna, Heat
(1995) og Casino (1995). Alls hefur De
Niro leikið í rúmlega fimmtiu kvik-
myndum og virðist ekkert vera að
draga úr afköstum hans. Á þessu ári
hefur hann leikið i þremur myndum
auk The Fan, en það eru Sleepers,
Marvin’s Room og Affirmative Action
og á næsta ári verða frumsýndar að
minnsta ksoti þrjár myndir sem hann
fer með hlutverk í. Það eru Moby Dick,
Great Expectations og CopLand.