Morgunblaðið - 10.11.1996, Blaðsíða 37
MORGUNBLAÐIÐ
FRETTIR
SUNNUDAGUR 10. NÓVEMBER 1996 37
>
í
I
)
I
>
I
I
I
I
I
J
;
1
1
I
I
J
I
j
I
4
í KRISTNIBOÐSSTARFINU í Afríku er lögð rík áhersla á að
sinna konum sérstaklega enda er hagur þeirra víða bágborinn.
Hér má sjá afrískar stúlkur við hannyrðir.
Kristnib o ð s dagur-
inn er í dag
„KRISTNIBOÐSDAGUR íslensku
þjóðkirkjunnar er í dag, annan sunnu-
dag nóvembermánuði. Biskup hefur
sent prestunum bréf af því tilefni.
Þar minnir hann á samþykkt kirkju-
þings í fyrra þar sem sagði að leitað
skyldi leiða til virkari og ábyrgari
þátttöku þjóðkirkjunnar í kristniboði.
A kristniboðsdaginn verður þessa
starfs minnst sérstaklega í Qölmörg-
um guðþjónustum og kirkjugestir
hvattir til að leggja því lið,“ segir í
fréttatilkynningu frá Sambandi ís-
lenskra kristniboðsfélaga.
Njarðvíkur-
söfnuðir
með uppboð
UPPBOÐ á munum sem börn og
fullorðnir á Indlandi hafa framleitt
fyrir Njarðvíkursöfnuði verður að
lokinni guðsþjónustu í safnaðar-
heimili Innri-Njarðvíkurkirkju kl.
15.
Um er að ræða handsaumaða
dúka, útskorið tré og skó, indverskt
te o.fl. Einnig verða boðnar upp
kökur frá fermingarbörnum. Allur
ágóði rennur til fósturbarna Njarð-
víkursafnaða og í hjálparstarf á
Indlandi en hluti kökusölunnar í
ferðasjóð fermingarbarna. Starf
nefndarinnar verður kynnt og eru
allir velkomnir að mæta og þiggja
kaffisopa.
Nýr formaður
rekstrar stj ór n-
ar NLFÍ
SÚ breyting hefur orðið á skipan
rekstrarstjórnar Heilsustofnunar
NLF’Í í Hveragerði að Ólfur B.
Thors, forstjóri Sjóvá-Almennra,
hefur látið af starfi formanns. Við
formennsku hefur tekið Baldvin
Tryggvason, fyrrum sparisjóðsstjóri
SPRON.
Aðrir í rekstrarstjórn eru: Gunn-
laugur Kr. Jónsson, forseti NLFÍ,
varaformaður, Unnur Jóhannsdótt-
ir, fulltrúi starfsmanna, ísólfur
Gylfir Pálmason alþingismaður og
Þórir Haraldsson, aðstoðarmaður
heilbrigðisráðherra.
Fyrirlestur um
Mannréttinda-
dómstólinn
ÞÓR Vilhjálmsson, dómari við
Mannréttindadómstólinn í Strass-
borg, flytur opinberan fyrirlestur í
boði Mannréttindstofnunar Háskóla
Islands, þriðjudaginn 12. nóvember
nk. kl. 12 í stofu 102 í Lögbergi
og nefnist hann: Mannréttindadóm-
stóll á tímamótum.
Mun Þór m.a. fjalla um þá breyt-
ingu sem fyrirhuguð er á næstunni
þegar Mannréttindadómstóllinn í
Strassborg og mannréttindanefnd
Evrópu verða sameinuð. Allt áhuga-
fólk er velkomið á fyrirlesturinn.
■ HlV-jákvæð kona heimsækir
mánudagskvöldið 11. nóvember
unglingana í félagsmiðstöðinni
Vitanum í Hafnarfirði og segir
frá lífsreynslu sinni. Forsvarsmenn
John Casablancas munu einnig
koma í heimsókn og kynna smokk-
inn. Fræðslukvöldið er ætlað ungl-
ingum úr 8.-10. bekk grunnskól-
anna. Vitinn er opnaður kl. 20 og
er aðgangur ókeypis.
Bingókvöld
hjá Ommu í
Réttarholti
HALDIÐ verður bingókvöld mánu-
daginn 11. nóvember kl. 20.30 hjá
Ömmu í Réttarholti, Þingholts-
stræti 5.
Samkeppni verður haldin um
nafn á bingókvöldinu og hug-
myndabanki opnaður. Fresturinn til
að leggja inn tillögu að nafni á
bingóið rennur út sunnudagskvöldið
17. nóvember. Vinningshafi hlýtur
verðlaun.
Stjórnandi bingókvöldanna hjá
Ömmu í Réttarholti verður Tinna
Jóhannsdóttir.
Konur og
verkalýðs-
barátta
FUNDUR um konur og verkalýðs-
baráttu veður haldinn þriðjudaginn
12. nóvember í húsnæði Kvennalist-
ans að Austurstræti 16, 3. hæð.
Frummælendur verða þær Elín-
björg Magnúsdóttir, fiskverkakona,
Hansina A. Stefánsdóttir, miðstjórn
ASÍ, Marta Hjálmarsdóttir, formað-
ur BHMR, og Sigurbjörg Ásgeirs-
dóttir í stjórn félags starfsfólks í
veitingahúsum. Fundarstjóri verður
Sólveig Jónasdóttir, starfsmannafé-
lagi Reykjavíkurborgar. Fundurinn
hefst kl. 20.30.
■ TAFLFÉLAGIÐ Hellir heldur
atkvöld mánudaginn 11. nóvember.
Tefldar verða 6 umferðir eftir
Monrad-kerfi. Fyrst eru tefldar 3
hraðskákir og svo 3 atskákir en
þannig lýkur mótinu á einu kvöldi.
Teflt verður með nýju Fisher/FIDE
klukkunum. Þátttökugjald er 200
kr. fyrir félagsmenn en 300 kr.
fyrir aðra. Teflt verður í Menning-
arniiðstöðinni Gerðubergi og
hefst taflið kl. 20. Mótið er öllum
opið. Á síðasta atkvöldi Hellis sem
haldið var í október sigraði Lárus
Knútsson sem nýlega gekk í raðir
Hellis.
Þing Norðurlandaráðs
48. ÞING Norðurlandaráðs verður
haldið 11.-13. nóvember nk. í
danska þinginu í Kaupmannahöfn.
„Þetta er fyrsta þing ráðsins eftir
að skipulagi þess var breytt,
áherslunni er nú beint að þremur
meginsviðum: Hinu eiginlega nor-
rænu samstarfi, samstarfi við
grannsvæðin og samstarfi við Evr-
ópu.
Þingið verður sett kl. 14.30
mánudaginn 11. nóvember og
verður þá m.a. á dagskrá skýrsla
norrænu forsætisráðherranna um
stöðu norræns samstarfs. Þá er
umræða um öryggis- og utanríkis-
mál en þau mál hafa borið meira
á góma í Norðurlandaráði að
undanförnu en áður. Auk þess eru
tillögur frá þingmönnum og ráð-
herrum afgreiddar. Evrópunefnd
Norðurlandaráðs stendur fyrir
áheyrnarfundi um Evrópustefnu
Norðurlandanna þriðjudaginn 12.
nóvember þar sem utanríkis- og
Evrópuráðherrar allra landanna
taka þátt. Tilgangur áheyrnar-
fundarins er að fá umræðu um
breytingu á samstarfi Norðurland-
anna eftir inngöngu Svía og Finna
í ESB.
Þátttakendur á þingi Norður-
landaráðs fyrir hönd Islands eru
ráðherrarnir: Davíð Oddsson, for-
sætisráðherra, Halldór Ásgríms-
son, utanríkisráðherra og norrænn
samstarfsráðherra, Friðrik Soph-
usson, fjármálaráðherra og Páll
Pétursson, félagsmálaráðherra og
þingmenn íslandsdeildar Norður-
landaráðs og Vestnorræna þing-
mannaráðsins: Geir H. Haarde,
Guðmundur Árni Stefánsson, Sig-
ríður Anna Þórðardóttir, Siv Frið-
leifsdóttir, Steingrímur J. Sigfús-
son, Sturla Böðvarsson, Valgerður
Sverrisdóttir og Árni Johnsen.
Á þinginu verður í fyrsta skipti
túlkað milli íslensku og hinna nor-
rænu tungumálanna. Þetta er nú
gert í tilraunaskyni og er kostnað-
ur greiddur af Norðurlandaráði.
í sambandi við þingið verða
Náttúru- og umhverfisverðlaun
Norðurlandaráðs afhent. Verð-
launin hljóta í ár grænlensk um-
hverfissamtök ICC - Inuit Circ-
umpolar Conference. Samtökin
hafa sérstaklea unnið að umhverf-
ismálum á heimskautasvæðinu,"
segir í fréttatilkynningu frá ráð-
inu.
Námskeið fyrir að-
standendur fólks
með geðklofa
Fræðslu-
fundur um
hættur á
jöklum og
leiðaval
BJÖRGUNARSKÓLI Lands-
bjargar og Slysavarnafélag
íslands efnir til fræðslufundar
mánudaginn 11. nóvember
nk. þar sem fjallað verður um
ferðalög á jöklum og hættur
samfara þeim.
Á fundinum verður meðal-
annars fjallað um jökul-
sprungur, breytingar á jökl-
um, framhlaup, leiðaval og
hættur á jöklum, jarðhita og
eldgos.
Fyrirlesari á fræðslufund-
inum verður Magnús Tumi
Guðmundsson jarðeðlisfræð-
ingur. Fundurinn verður hald-
inn í Landsbjargarhúsinu,
Stangarhyl 1, og hefst hann
kl. 20. Fræðslufundurinn er
öllum opinn og er þátttöku-
gjald 600 kr.
MARGRÉT Jónasdóttir, félagsráð-
gjafi á barna- og unglingadeild, hef-
ur tekið að sér að stýra námskeiðum
fyrir aðstandendur fólks með geð-
klofa. Fyrst verður farið af stað með
námskeið fyrir aðstandendur geð-
klofasjúklinga. Takist það vel verður
það væntanlega endurtekið og einig
haldið fyrir aðstandendur annarra
hópa geðsjúkra, segir í fréttatilkynn-
ingu.
Þar segir einnig: „Fyrirkomulag
námskeiðsins verður með þeim hætti
að haldnir verða fimm fyrirlestrar á
jafnmörgum vikum. Ætlað er að
hver fundur taki um tvo klst. með
umræðum og kaffihléi. Að lokinni
fundaröðinni verður boðið upp á
stuðningshópa undir handleiðslu og
stjórn Margrétar. Fundirnar verða
átta, einu sinni í viku og bytja í jan-
úar 1997. Þátttakendafjöldi er tak-
markaður við sex til átta manns.
Að loknu námskeiðinu geta aðstand-
endur myndað sjálfshjálparhópa og
notið til þess aðstoðar Geðhjálpar
ef þess er óskað.“
Fyrsti fræðslufundurinn verður
haldinn þriðjudaginn 12. nóvember.
Kristófer Þorleifsson, geðlæknir á
Kleppsspítala, byijar og lýsir ein-
kennum geðklofa, meðferð og bata-
horfum. Hann reifar einnig á hug-
myndum um framtíðarskipulag þjón-
ustunnar. Áslaug Þórðardóttir, lög-
fræðingur hjá dómsmálaráðuneyt-
inu, fer yfir lögræðislögin og ræðir
nauðungarvistanir, sjálfræðissvipt-
ingar og hlutverk lögráðanda. Bar-
bel Schmid er félagsráðgjafi á End-
urhæfingar- og hæfingardeild
Landspítalans. Hún fjallar um reið-
ina, sorgina og hvernig bregðast
megi við áföllum. Samskipti innan
fjölskyldunnar og hvernig við tjáum
okkar verður viðfangsefni Kristínar
Gyðu Jónsdóttur, félagsráðgjafa á
geðdeild Landspítalans. Margrét
Jónsdóttir félagsráðgjafi verður með
síðasta erindið um endurhæfingu og
félagslega þjónustu, almannatrygg-
ingar og hvar sækja má aðstoð og
upplýsingar.
HLJÓMSVEITIN SSSól.
SSSól í
Borgarleikhúsinu
HLJÓMSVEITIN SSSól fagnar 10
ára afmæli sínu um þessar mund-
ir og kl. 21 á mánudagskvöldið
verða fjórmenningarnir með óraf-
magnaða tónleika í Borgarleik-
húsinti.
Farið verður yfir ferilinn og
gömul lög leikin í bland við hin
nýrri og segir í fréttatilkynningu
að af nógu sé að taka því laga-
safn hljómsveitarinnar sé orðið
ótrúlega stói't eftir 10 ár í rokk-
inu og gera megi ráð fyrir að
tónleikagestir heyri mörg kunn-
ugleg lög í nýjum búningi þar sem
rafmagnsins njóti ekki við.
Þetta verður í síðasta sinn sem
SSSól kemur fram að sinni því
eftir tónleikana á mánudagskvöld-
ið verður gert hlé á starfi hljóm-
sveitarinnar um óákveðinn tfma.
Forsala aðgöngumiða er hafin
í Borgarleikhúsinu og verslunum
Skífunnar.
Nýtt tæki
Veóurstofu
Mælir og
skráir
snjóþunga
VEÐURSTOFA íslands hefur ný-
lega fest kaup á mælitæki frá Verk-
fræðifyrirtækinu Hugrúnu ehf. sem
mælir og skráir snjóþunga í dyngj-
um fyrir ofan Siglufjörð.
„Mælitækið skráir snjóþungann
á sekúndu fresti allt árið og er að
fullu hannað af íslenskum verk-
fræðingum og framleitt á íslandi.
Það tengist erlendum snjóflóða-
girðingum í hlíðinni fyrir ofan
Siglufjörð. Hugrún ehf. ásamt Veð-
urstofunni eru þar að vinna braut-
ryðjendastarf við öflun upplýsinga
sem gæti nýst landsmönnum við
snjóflóðavarnir um ókomna fram-
tíð. I tæki þessu er hægt að koma
fyrir sendibúnaði og móttökutæki
í byggð. Til dæmis gætu Almanna-
varnir komið þessu tæki fyrir á
hættusvæðum þar sem möguleg
ofanflóð yllu miklum skaða. Þegar
snjóþungi nálgast hættumörk er
hægt að gefa út viðvörun til að
veija mannvirki og mannslíf.
Mælitækið verður sett upp eftir
helgi,“ segir í fréttatilkynningu frá
Hugrúnu ehf.