Morgunblaðið - 18.12.1996, Qupperneq 6

6 MIÐVIKUDAGUR 18. DESEMBER 1996
MORGUNBLAÐIÐ
FRÉTTIR
Dæmdur í 8 ára fangelsi
fyrir að bana systur sinni
Borgin
kaupir eignir
Skeljungs
í Skerjafirði
BORGARRÁÐ hefur samþykkt
kaup borgarsjóðs á eignum Skelj-
ungs hf. í Skerjafirði fyrir 117 millj-
ónir króna. í kaupsamningi er gert
ráð fyrir að greitt verði fyrir eignar-
lóð fyrirtækisins með lóð fyrir
bensínafgreiðslu í Borgarholts-
hverfí og dregst lóðarverðið, rúmar
8,9 millj., frá kaupverðinu. Á næstu
sex mánuðum mun Skeljungur fjar-
lægja alla olíugeyma og olíuleiðslur
af lóðinni.
Samkvæmt kaupsamningi kaupir
borgarsjóður eignarland Skeljungs
í Skeijafirði ásamt þeim húseignum
sem sarnþykktar hafa verið af
byggingarnefnd borgarinnar. Und-
anskildar eru þær húseignir sem
samþykktar hafa verið af bygging-
amefnd með brottflutningakvöð og
er fyrirtækinu heimilt að nýta eitt
þeirra, bílaverkstæði og smiðju
næstu fjögur árin og annað lager-
húsnæði næstu tíu ár. Meðan fyrir-
tækið hefur afnot af húsunum eru
greidd af þeim fasteignagjöld til
borgarinnar en ekki lóðarleiga.
GESTUR Eiríkur Eggertsson, 57 ára
gamall bóndi á Steinsstöðum í Öxna-
dalshreppi, var dæmdur í 8 ára fang-
elsi í Héraðsdómi Norðurlands
eystra í gær fyrir að verða systur
sinni, Sigríði Eggertsdóttur, að
bana. Atburðurinn varð á hlaðinu
við heimili hans laugardaginn 27.
apríl síðastliðinn.
Gestur var einn til frásagnar um
það sem gerðist að Steinsstöðum
umræddan dag. í niðurstöðum dóms-
ins kemur fram að framburður hans
var á reiki um veigamikil atriði,
mótsagnakenndur og á köflum frá-
leitur. Þótti framburður hans því
ótrúverðugur að mati dómsins um
samskipti þeirra systkina frá því hún
kom að Steinsstöðum síðdegis og
þar til hún lést.
Mikil óreiða á vettvangi
Við vettvangsrannsókn kom í ljós
að mikil óreiða var á munum í fram-
sæti bifreiðar Sigríðar en þar var
m.a. að finna hrossaskít, en allt
umhverfis bifreiðina var að finna
talsvert af þurrum skít þeirrar teg-
undar. Hárspenna fannst við suður-
gafl hússins, hluti af eyrnalokk fyrir
miðjum húsgafli og hinn hluti hans
skammt frá. Ekki langt undan fund-
ust hnakkaspenna, lok af astmaönd-
unartæki og eyrnalokkur, allt munir
í eigu systur mannsins.
Sigríður fannst fáklædd í rúmi á
neðri hæð hússins. Samkvæmt fram-
burði Gests hafði systir hans af-
klæðst í risherbergi, að hans skipan.
Við höfðagafl í rúmi hans fundust
blóðblettir og kám og ýmis önnur
ummerki á rúmdýnu. Þá fannst
blóðkám á gólflampafæti í herberg-
inu. í fötum sem maðurinn var í við
handtöku fundust blóðslettur, sem
sannað er að voru úr hinni látnu.
Föt hennar fundust á víð og dreif,
m.a. blóðug og rifin peysa falin í
viðbyggingu íbúðarhúss. Margs kon-
ar áverkar voru á líkinu, m.a. á
handleggjum, olnboga, handarbök-
um og vinstra hné.
Af ummerkjum á vettvangi að
dæma þykir engum vafa undirorpið
að Gestur hafi í upphafi veist að
Sigríði með líkamlegu ofbeldi við
bifreið hennar. Viðurkenndi hann að
hafa þvingað systur sína upp í her-
bergi sitt á rishæð.
Hálsáverkar
Með samhljóða niðurstöðum
krufningaskýrslu tveggja sérfræð-
inga þykir sannað að atlaga ákærða
að hálsi systur sinnar hafi leitt til
dauða hennar af völdum hjarta-
stopps í kjölfar sterkra taugavið-
bragða, samfara lamandi áhrifum á
starfsemi hjartans. Þykir jafnframt
sannað að Sigríður hafi látist innan
örskammrar stundar frá því henni
voru veittir hinir banvænu háls-
áverkar. Einnig er ljóst að ákærði
flutti systur sína látna af rishæð og
í rúm á neðri hæð hússins í þeim
tilgangi að villa um fyrir lögreglu.
Fram kemur í dómi héraðsdóms að
ákærði hafi gefið sér góðan tíma til
að afmá verksummerki, að minnsta
kosti tvær klukkustundir hafi liðið
frá andláti systur hann þar til hann
tilkynnti um það.
Ekki er ljóst hvað ákærða gekk
til er hann réðst að systur sinni, en
samkvæmt niðurstöðum dómsins
virðist sem á hann hafi runnið æði
og hafi þar áfengisáhrif átt sinn
þátt. Enn fremur kemur fram í dóm-
inum að ákærði hafi aldrei sýnt nein
merki iðrunar heldur þvert á móti
reynt að sverta mannorð systur
sinnar.
Til frádráttar 8 ára fangelsi koma
25 dagar sem Gestur sat í gæslu-
varðhaldi síðastliðið vor. Vísað var
frá kröfu ákæruvaldsins um að með
verknaði sínum hefði hann fyrirgert
rétti til arfs. Þá var ákærða gert að
greiða allan_ sakarkostnað. Dóminn
kváðu upp Ólafur Ólafsson héraðs-
dómari sem dómsformaður og hér-
aðsdómararnir Helgi I. Jónsson og
Jónas Jóhannsson.
Andlát
HERDÍS GÍSLADÓTTIR
HERDÍS Gísladóttir,
fyrrum ljósmóðir, lést á
sjúkrahúsinu í Stykkis-
hólmi mánudaginn 16.
desember síðastliðinn, á
hundraðasta og öðru
aldursári. Herdis fædd-
ist 20. október 1895 að
Brunnagili í Óspaks-
eyrarhreppi í Stranda-
sýslu, dóttir hjónanna
Helgu Bjargar Þor-
steinsdóttur og Gísla
Jónssonar.
Herdís var ein átta
systkina, auk þess sem
hún átti einnig hálfsyst-
ur. Eftir stopult nám, meðal annars
tvo mánuði I farskóla, hélt hún til
Reykjavíkur og lærði þar ljósmóður-
fræði hjá Þórdísi Carlquist ljósmóður
og Guðmundi Björnssyni landlækni.
Að námi loknu starfaði hún í
Bæjarhreppi, meðal annars á Borð-
eyri um skeið auk starfa
víða um land, þar á
meðal í Vík í Mýrdal.
Hún eignaðist ekki börn
en tók að sér systurson
sinn, Davíð Stefánsson.
Hún keypti ásamt hon-
um jörðina Saurhól í
Dalasýslu og bjó þar um
langt skeið, þangað til
hún flutti til dvalar á
sjúkrahúsið í Stykkis-
hólmi.
Herdís var vel ern
fram í andlátið og las
t.d. gleraugnalaus kafla
úr bók fyrir gest, sem
heimsótti hana á sunnudaginn. í
samtali sem við hana birtist í Morg-
unblaðinu í tilefni aldarafmælis
hennar, sagði Herdís meðal annars:
„Guð hefur gefíð mér góða heilsu
og má ég ég þakka fyrir það, Drott-
inn hefur aldrei brugðist mér.“
53 nýir íslendingar
ALÞINGI samþykkti í gær að veita
fimmtíu og þremur einstaklingum
íslenzkan ríkisborgararétt.
Nítján þeirra eru upprunnir í A-
Asíu; níu á Filippseyjum, fimm í
Kína og fimm í Tælandi. Sjö koma
frá A-Evrópu og tólf eru upprunnir
í löndum Vestur- og Norður-Evrópu.
Sex eru fæddir í löndum Mið- og
S-Ameríku.
Nokkrir þeirra sem nú hlutu rík-
isborgararétt hafa búið hér frá fæð-
ingu, en haft erlent ríkisfang vegna
erlends uppruna foreldris, og enn-
fremur er um að ræða nokkur börn
íslendinga fædd erlendis.
BJÖRN Árnason hjá Sambíóunum í sal 2 í
MorgunDlaoio/Juiius
Kvikmyndahús Sambíóanna í Kringlunni opnað annan í jólum
Níutíu manns vinna
að byggingunni
ALLT að 90 iðnaðarmenn og
aðrir starfsmenn vinna nú að því
að gera kvikmyndasali Sambíó-
anna í Kringlunni tilbúna fyrir
jól. Fyrstu sýningar eiga að vera
annan í jólum. Ráðgert er að um
það leyti verði Evrópufrumsýn-
ing á myndinni Ransom með Mel
Gibson í aðalhlutverki.
„Ætli við verðum ekki farnir
að vinna dag og nótt áður en að
þessu kemur,“ segir Björn Árna-
son þjá Sambíóunum. „Það er
töluverð vinna eftir enn þó ótrú-
lega mikið hafi gerst á síðustu
viku.“
Það eru ófáir sem unnið hafa
að byggingunni. Nokkrir þeirra
hafa verið fengnir erlendis frá.
„Við erum með stóran vídeóvegg
sem bandarískir sérfræðingar
hafa sett upp. Aðrir Bandaríkja-
menn sjá um hljóðeinangrandi
tjöld í bíósölunum, Þjóðveijar
sáu um miðasölukerfið og Bretar
hönnuðu forstofuna," seeir
Björn.
Björn segir að bíóið verði með
bæði besta hljóðkerfi og bestu
sæti sem þekkjast. „Við erum
montnastir af hljóðkerfinu. Það
verður jafngott í öllum sölunum
og fylgir ströngustu kröfum
THX. Aður en kerfið verður tek-
ið í notkun kemur eftirlitsmaður
frá fyrirtækinu og tekur það út.
Salirnir verða með meiri halla
en tíðkast hefur þannig að um
60 sentímetrar eru að jafnaði
niður á næsta mann. Það skiptir
því engu þótt heilt körfuboltalið
sitji fyrir neðan mann. Milli sæt-
anna er einn metri þannig að það
ætti að vera nóg pláss fyrir stóra
menn.“
Sérstök rými
fyrir fatlaða
Sérstök rými verða fyrir
fatlaða i hjólastólum i öllum
sölunum. Þeir munu geta komist
beint upp úr bílageymslunni í
lyftu og inn í sal hindrunarlaust.
Þrír salir eru í kvikmynda-
húsinu og taka þeir 400, tæplega
200 og 125 manns í sæti. Samtals
geta Sambióin hýst 3.300 manns
í einu eftir að nýju salirnir verða
teknir í notkun. Björn segir að
sælgætissalan og þjónustan verði
með svipuðu sniði og í öðrum
kvikmyndahúsum Sambióanna,
en einnig verður boðið upp á
svonefnt „Piek’n’Mix", eða
sjálfsafgreiðslu á sælgæti sem
selt er eftir vigt. Sælgætissalan
verður opin inn í Kringluna
þannig að fleiri en bíógestir geta
verslað þar.
Um svipað leyti og fyrstu
sýningar hefjast i kvikmynda-
húsinu verður opnað veitingahús
með vínveitingaleyfi í sömu
hyggingu og krá hefur verið
starfrækt þar i nokkur ár. Björn
var spurður að því hvort ekki
væri hætta á að drukkið fólk
færi í bíó og laumaði jafnvel með
sér veigunum. „Það var á tímabili
töluvert vandamál að unglingar
væru að drekka í bíóunum. Nú
hefur mikið dregið úr því en við
verðum við öllu búnir. Við höfum
ráðið mjög hæfa dyraverði til
starfa. Eg á ekki við að ætlunin
sé að beita ofbeldi, heldur er
gott að hafa menn sem geta talað
fólk til,“ segir Björn. Samtals
verða um þijátíu manns ráðnir
til starfa í kvikmyndahúsinu.
I
:
L
C
L
a
i
i
C
i
I
H