Morgunblaðið - 18.01.1997, Blaðsíða 51

MORGUNBLAÐIÐ
LAUGARDAGUR 18. JANÚAR 1997 51-
BRÉF TIL BLAÐSINS
Schengen-sáttmálinn,
fíkniefnamál o.fl.
Frá Krístjáni Péturssyni:
LANDAMÆRI þjóða, sem eru þátttakendur
svonefndra Schengen ríkja munu áfram
vera til, en samkvæmt grein 2.1 sáttmálans
munu farþegar sem ferðast innan Scheng-
en- ríkja ekki þurfa að lúta landamæra-
vörslu og ekki verður krafist vegabréfa af
þeim. Hins vegar ber farþegum að hafa
fullgild persónuskilríkþ þegar ferðast er
milli Schengen-landa.
Farþegar sem koma frá löndum utan
Schengen-landa og ætla að ferðast innan
þeirra, verða krafnir um vegabréf af útlend-
ingaeftirliti þess lands sem fyrst verður á
vegi farþeganna. Eftir að inn á Schengen-
svæðið er komið er þeim fijálst að ferðast
án vegabréfseftirlits svo framarlega sem
áritun viðkomandi farþega er ekki háð ták-
mörkun við ákveðin Schengen-svæði. Vega-
bréfaskoðun verður því aðeins við innkomu
fyrstu Schengen-landamæra og einnig á
síðustu landamærum þegar svæðið er yfir-
gefið.
Skerðir fíkniefnaeftirlit o.fl.
Það er eindregin skoðun þeirra löggæslu-
manna, sem nú vinna við eftirlit og rann-
sóknir fíkniefnamála, að Schengen-samn-
ingurinn geri þeim illmögulegt að viðhalda
því eftirliti sem verið hefur, hvað þá að
efla það eins og vonir stóðu til. Dóms- og
utanríkismálaráðherra sem bera öðrum
fremur ábyrgð á framkvæmd þessara mála,
ættu að kynna sér til hlítar hjá þeim lög-
gæslumönnum sem annast þessi verkefni
hvaða afleiðingar þessar breytingar hafa í
för með sér. Það er alrangt mat að samning-
urinn muni efla fíkniefnaeftirlit á landa-
mærastöðvum viðkomandi ríkja eins og
fram kom í sjónvarpsviðtali við Valgerði
Sverrisdóttur alþingismann nýverið. Aukið
upplýsingastreymi milli löggæsluyfirvalda
Schengen ríkja með samtengdum tölvukerf-
um kemur að takmörkuðum notum ef eki
er hægt með skilvirkjum hætti að samræma
þau gögn við þau upplýsingakerfi sem toll-
gæsla og útlendingaeftirlit hafa þróað hér-
lendis um árabil með allgóðum árangri.
í langflestum tilvikum þegar fíkniefni
finnast hjá farþegum við komu til landsins
liggur að baki mikil og oft flókin upplýsinga-
öflun tollgæslu og fíkniefnadeildar lögregl-
unnar. Svo hægt sé að hafa hendur í hári
grunsamlegra komufarþega, innlendra sem
erlendra, verður að skoða skilríki þeirra,
þar sem oftast er um að ræða ókunna aðila
(burðardýr). Eftir að vegabréfaskoðun
Schengen-farþega verður lögð af, er ekki
lengur fyrir hendi nein aðstaða til slíks eftir-
lits í flugstöðinni.
Það er eindregin skoðun mín af áratuga
reynslu á þessum vettvangi að ekki verði
hjá því komist, ef við verðum aðilar að
Schengen-samningnum að taka upp, í stað-
inn fyrir vegabréfaeftirlit, skoðun persónu-
skilríkja farþega, svo hægt sé að fínna og
framkvæma þær aðgerðir hjá grunsamleg-
um farþegum sem þörf er á. Einhver kann
því spyija hvað hefur þá áunnist við að
gerast aðili að þessum samningi? Það tekur
ekki skemmri tíma að skoða persónuskilríki
en vegabréf og þjóðin verður að greiða
vegna breytinga á flugstöðinni á annan
milljarð króna.
Umrædd breyting hefur einnig í för með
sér ýmis önnur vandkvæði s.s. framkvæmd
á farbönnum, eftirliti með dvalartíma far-
þega (90 dagar) hérlendis. Þá hafa íslensk
stjórnvöld sjálf ákveðið hvaða þjóðir hafa
verið undanskildar áritunarskyldu til lands-
ins (vísa), en með þátttöku okkar innan
Schengen, þar sem við höfum ekki einu sinni
atkvæðisrétt, verðum við að lúta í einu og
öllu þeirra reglum.
Sérstaða okkar sem eyríkis varðandi eft-
irlit með fíkniefnaflutningi til landsins, eftir-.
lit með hryðjuverkamönnum, synjun land-
göngu og brottvísun óæskilegra farþega
m.a. vegna fjárskorts, yrði mjög erfitt í
framkvæmd.
Ég leyfí mér að skora á alla alþingis-
menn að kynna sér þessi mál til hlítar áður
en samningurinn verður tekinn til meðferð-
ar á alþingi. Bretar og reyndar írar líka
munu ekki gerast aðilar að þessum samn-
ingi a.m.k. fyrst um sinn og telja sérstöðu
sína sem eyríkis ráða þar mestu um. Al-
þingi íslendinga hefur ákveðið að veita
auknu fjármagni til löggæslu vegna fíkni-
efnaaðgerða og fyrirhugað er að gera frek-.
ari forvarnaraðgerðir, það væri því meiri-
háttar slys að gerast nú aðilar að Schengen
samningnum, sem myndi bijóta niður skil-
virkustu aðgerðaþætti löggæslunnar við
uppljóstrun fíkniefnamála, sem grundvall-
ast á núverandi löggjöf og verkskipulagi.
Okkur hefur hingað til vegnað vel í ferðalög-
um á okkar vegabréfum, látum ekki fjöl-
þjóðlegt ofurvald stjórna aðgerðum okkar
á þessum vettvangi. Fíkniefnavandamálið
er þegar þungt í skauti, aukum ekki á vand-
ann.
KRISTJÁN PÉTURSSON,
fyrrverandi deildarstjóri.
Týndi flokkurinn
Frá Skúla Einarssyni:
Á VALDATÍMA Hitlers hafði Göbb-
els, áróðursmeistari nastistaflokksins,
þann sið að hamra á lyginni þar tii
fólk fór að trúa henni. Það er akkúr-
at það sama og stjómvöld iðka nú í
dag. Ég er að velta því fyrir mér,
hvað flokkurinn minn hefur breyst frá
því að vera flokkur allra stétta. Núna
er lögð áhersla á að hjálpa sægreifum
og bröskurum við að braska með
auðlindir okkar, til þess að þeir verði
enn ríkari. Ég krefst þess að þessir
peningar verði gerðir upptækir og
látnir renna í velferðarkerfíð. Svo
mætti stokka skattakerfið upp á nýtt,
því við erum orðin þreytt á því að
borga fyrir hina ríku.
Margt fólk hefur haft samband
við mig í síma og úti á götu. Ég
hefi fundið fyrir vaxandi andófi á
ríkisstjórnina. Margir sjálfstæðis-
menn kannast ekki við flokkinn sinn
iengur. Hef ég því ákveðið að fylgj-
ast vel með verkum alþingismanna
og birta síðan niðurstöður um fram-
gang þeirra fyrir næstu kosningar.
Mál er komið að íslendingar komi
úr holum sínum og sýni samstöðu í
hagsmunamálum sínum, en krunki
ekki hver í sínu horni. Vil ég benda
forystumönnum aldraðra og öryrkja
á að það þýðir ekkert að vera með
undirlægjuhátt við sína stjórnmála-
flokka, því að í þessum málurn verða
þeir að vinna af alhug og verður þá
að skipta um menn í brúnni. Og einu
óar mér við, ef vinstri flokkarnir taka
völdin með sín ólíku sjónarmið, því
allir vilja þeir stjórna. Guð hjálpi
okkur þá! Ágúst Einarsson skrifar
níunda janúar sl. grein í Þjóðvaka-
blaðið. Hún er mjög sannfærandi en
getur maður trúað því að hún stand-
ist þegar á reynir?
Svo vil ég sem kjósandi Sjálfstæð-
isfiokksins að flokkurinn hlutist til
um að þessir nýríku braskarar skili
peningunum okkar aftur og einnig
að hann jafni skattalöggjöfina, sem
er alröng, enda borga launþegar í
raun fyrir hina ríku. Annars fer fyr-
ir honum eins og Jóhönnu sálugu
(blessuð veri minning hennar), tími
hans kemur ekki aftur!
Munurinn á íslendingum og öðrum
þjóðum er sá að í útlöndum flykkist
fólk út á götur til að mótmæla - og
þá láta stjórnvöld undan. Hér lokar
fólk að sér og gerir ekkert í sínum
málum, bíður bara eftir meiri kjara-
skerðingu.
Gott dæmi um ranglætið hér er
að þegar ég vann fyrir launum, þá
voru teknir af þeim skattar, einnig
af þeim hluta launanna sem fór inn
í lífeyrissjóðinn minn. Þegar ég fæ
svo úr lífeyrissjóðnum eru aftur tekn-
ir skattar. Og síðan fer ég út í búð
til að kaupa brýnustu lífsnauðsynjar
- og þá eru teknir enn meiri skatt-
ar. Skattaparadís eða hvað?
SKÚLI EINARSSON,
Tunguseli 4
ANTIKVERSLUN GALLERÍ BORGAR
í KRINGLUNNI
RÝMINGARSALA
Innan skamms flytjum við okkur um set og opnum verslun
á jarðhæð aðalkringlunnar.
Til að auðvelda okkur flutninginn höldum við útsölu.
15-50% AFSLÁTTUR
OPIÐ f DAG FRÁ KL. 10-16
Kringlunni,
sími 553 5111
BORG
Aðalstræti 6,
sími 552 4211
^Kf^^Líkamsrækt^^^^ Listgrein R Sjálfsagi A Lipurð T Sjálfsvörn £
f Byrjendaæfingar hjá Þórshamri %rr ^ f
hefjast þriðjudag 14. janúar. '
Barna-, unglinga-, og fullorðinsflokkar. Karatefékgið Þórshamar
sími 551 4003
A V V hefsl í dcig
^ frókl. 10-16
^ ^ bonqci
opið sunnudag frá kl. 13-17 bonkastrœti it ^0
sími 552 8310