Morgunblaðið - 18.01.1997, Blaðsíða 50

50 LAUGARDAGUR 18. JANÚAR 1997
MORGUNBLAÐIÐ
Ljóska
BREF
TIL BLAÐSINS
Kringlan 1 103 Reykjavík 9 Sími 5691100 9 Símbréf 569 1329
9 Netfang: lauga@mbl.is
Alþjóðlegi trúar-
bragðadagurinn
Frá Sigurði Jónssyni:
í HRINGIÐU átaka á mýmörgum
svæðum jarðarinnar þar sem þjóð-
arbrot og hópar af ýmsum toga
takast á um völd og yfirráð gerist
það, að sífellt stærri hópur fólks
er skilinn eftir án híbýla, án mat-
ar, vinnu og án öryggis, sem leið-
ir til algerrar auðmýkingar og nið-
urlægingar á mannlegri virðingu
og stolti.
Á sama tíma og þessi þróun á
sér stað fær fólk þá mynd af trúar-
brögðum mannkynsins, að þau sé
sundurlynd og jafnvel það sem
verra er, að þau stofni til átaka
af verstu sort á sama tíma og hluti
mannkynsins grætur vegna órétt-
lætis. Mannkynið fer þannig
ósjálfrátt að líta á trúarbrögðin
sem máttlaust afl til þess að bæta
ástand mannkynsins og ófært um
að leggja eitthvað til málanna er
varðar málefni þess. Á mannkynið
þá sér engan samnefnara, er Guð
einungis Guð fáeina útvalda? Hver
er raunverulegur vilji hans gagn-
vart mannkyninu í heild?
Útvalinn
Hverning má það vera að að-
eins hluti mannkynsins sé útval-
inn til þess að lifa sómasamlegu
lífi þar sem opinberandi sérhverr-
ar trúarvakningar, höfundar sér-
hverrar trúar, hefur aðeins með
kenningum sínum viljað mannkyn-
inu allt hið besta? Sérhver þeirra,
hvort sem viðkomandi var nefndur
Krisna, Búdda, Móses, Kristur,
Múhammeð, Báb eða Bahaúllah,
kenndi fylgjendum sínum réttlæti,
ást, umburðarlyndi, fyrirgefningu
og að allir ættu að elska hvern
annan. Með sameiginlegu átaki
verða trúarbrögðin að bijóta niður
þá gervimúra sem reistir hafa
verið á milli trúarbragða, skyn-
semi og vísinda, til þess að bæta
ástand mannkynsins. Þá og að-
eins þá getur mannkynið vænst
þess að ástand þess batni, þegar
á þessari jörð býr eitt mannkyn
með það viðhorf að aðeins sé til
einn Guð, sem hefur í raun birst
mannkyninu undir mörgum nöfn-
um með þann tilgang að sameina
mannkynið og um leið að það haldi
öllum sínum fjölbreytileika. Annað
er skrumskæling á kenningum
Guðs.
Það er tilefni á þessum degi,
19. janúar, þegar alþjóðlegi trúar-
bragðadagurinn er haldinn, að
samfélagið sem byggir þennan
heim horfí á sögu trúarbragðanna
sem andlegan þroskaferil mann-
kynsins. Leiðbeinendur í þessu
þroskaferli eru höfundar allra trú-
arbragða mannkynsins, en að baki
þeim stendur hinn eini sanni Guð.
Þanning getum við horft á þetta
ferli sem stighækkandi opinberun
frá einum og sama Guði, þar sem
tilgangurinn er sífellt hækkandi
siðmenning. Tilgangur trúar-
bragðanna er sá að koma þessari
siðmenningu á meðal alls mann-
kyns. Það eru aðeins trúarbrögðin
sem hafa þetta verkefni hér á
þessari jörð. Þetta er mikil ábyrgð
sem ekki verður umflúin.
Vanræksla
í trúarriti segir: „Jörðin er að-
eins eitt land og mannkynið allt
íbúar þess.“ Hverning er hægt að
hugsa sér að ágreining sé hægt
að lægja, misrétti að bæta, að
hugga þá er gráta og lina þjáning-
ar þeirra sem þjást og byggja
þessa jörð án þess að trúarbrögð
mannkynsins taki saman höndum?
Mannkynið verður að líta í eigin
barm og hyggja að eigin van-
rækslu og huga að þeim sírenu-
röddum, sem það hefur látið lokk-
ast af. Þeir sem í blindu og sjálfs-
hyggju hafa haldið fast hver við
sinn sérstaka rétttrúnað og sem
neytt hafa upp á fylgjendur röng-
um eða mótsaganarkenndum túlk-
unum á orði Guðs, er leitt komið
hefur í veg fyrir að mannkynið
hafi skilið tilganginn með sífelldri
birtingu guðlegrar opinberunnar
og séð alla þá fegurð sem guðleg
birting opinberar. Við eigum að
skoða með opnum huga hvað hin-
ir guðlegu opinberendur sögðu í
raun og veru. Var það tilefni til
átaka?
SIGURÐUR JÓNSSON,
Dalhúsi 99, Reykjavík
MORGUNBLAÐIÐ, Kringlunni 1, 103 Reykjavlk. SÍMAR: Skiptiborð: 569 1100. Auglýsingar:
569 1111. Áskriftir: 569 1122. SÍMBRÉF: Ritstjórn 569 1329, fréttir 569 1181, íþróttir 569 1156,
sérblöð 569 1222, auglýsingar 569 1110, skrifstofa 568 1811, gjaldkeri 569 1115. NETFANG:
MBL@CENTRUM.IS / Áskriftargjald 1.700 kr. á mánuði innanlands. í lausasölu 125 kr. eintakið.