Morgunblaðið - 12.03.1997, Blaðsíða 14

14 MIÐVIKUDAGUR 12. MARZ 1997
AKUREYRI
MORGUNBLAÐIÐ
Stjórn ÚN vill 30 þúsund tonna kvóta í Smugunni
Kvótanum deilt á skip
eftir veiðireynslu
Göturnar
i /1 / • /
GÖTUR á Akureyri eru farnar
að láta verulega á sjá eftir
veturinn og nota starfsmenn
bæjarins hvert tækifæri sem
gefst til gera við skemmdir.
Víða er malbikslagið orðið mjög
þunnt en að sögn Hilmars Gísla-
sonar, bæjarverksljóra er
ástandið nú þó ekkert verra en
undanfarin ár.
„Það hafa verið miklir um-
hleypingar en þetta er enginn
vetur. Snjómokstur hefur verið
með allra minnsta móti og
veturinn verið dásamlegur að
því leyti,“ segir Hilmar, sem
sjálfur er farinn að munda golf-
kylfurnar fyrir komandi vertíð.
Á myndinni eru starfsmenn
bæjarins og gera við holur á
Hjalteyrargötunni í gær.
STJÓRN Útvegsmannafélags
Norðurlands samþykkti ályktun á
fundi sínum í vikunni, þar sem því
er beint til stjórnvalda að nú þegar
verði settur kvóti á veiðar íslenskra
skipa í Smugunni. ÚN leggur til
að úthlutaður heildarkvóti verði 30
þúsund tonn og honum verði deilt
niður á skip eftir veiðireynslu.
Stjórn ÚN vill að beitt verði sömu
aðferð við úthlutun og á Flæmingja-
grunni og Reykjaneshrygg og heim-
ilað verði framsal á úthlutuðum
aflaheimildum. Á síðustu þremur
árum hefur árleg meðalveiði ís-
lenskra skipa í Smugunni verið
rúmlega 31 þúsund tonn og er afla-
verðmætið tæplega 10 milljarðar
króna. Þar af er hlutfall Norðlend-
inga um 42-43%.
Hindrar ekki viðræður
við Norðmenn
Stjórn ÚN styður viðleitni ís-
lenskra stjórnvalda til að ná samn-
ingum við Norðmenn um veiðar á
þessu hafsvæði og telur þessa
kvótaúthlutun ekki hindra áfram-
hald viðræðna um slíka samninga.
íslensk fiskveiðistjómun hefur getið
sér gott orð á alþjóðlegum vett-
vangi.
Er skemmst að minnast niður-
stöðu vinnuhóps OECD um fiskveiði-
stjómun þar sem fram kemur að
íslenska kvótakerfið er talið hið
besta í heiminum út frá sjónarmiðum
hagkvæmni og fískverndar. Ákvörð-
un íslenskra stjómvalda um að setja
heildarkvóta á veiðar í Smugunni
væri ótvírætt skref í átt til ábyrgrar
veiðistýringar á þessu hafsvæði.
Athafnasvæði Arn-
arfells við Óseyri
Vörubíls-
pallur of-
an á mann
VÖRUBÍLSPALLUR féll ofan
á starfsmann Arnarfells þar
sem hann var við vinnu sína
á athafnasvæði félagsins við
Óseyri í gærdag.
Búið var að lyfta pallinum
og voru menn að vinna við
bílinn þegar pallurinn gaf sig
óvænt. Maðurinn komst sjálfur
undan bílnum, en var fluttur
á Fjórðungssjúkrahúsið á Ak-
ureyri. Hann kvartaði undan
eymslum í baki, hálsi og herð-
um.
Morgunblaðið/Kristján
Leigjendasamtök Norðurlands stofnuð
Ahersla lögð á
húsaleigubætur
STOFNFUNDUR Leigjendasam-
taka Norðurlands verður haldinn í
Alþýðuhúsinu á Akureyri annað
kvöld, miðvikudagskvöldið 12. mars
kl. 20.
Leigjendasamtökin munu veita
þjónustu í báðum Norðurlandskjör-
dæmunum, en hugmyndin er að þau
verði hagsmunasamtök leigjenda
sem veita upplýsingar og aðstoða
leigjendur í hveiju því er tengist
leigumálum. Þau munu og hvetja til
þátttöku í umræðum um leigu og
leigumál. Eitt af fyrstu áherslumál-
um samtakanna ásamt kynningar-
starfi er að hvetja þau bæjarfélög
sem ekki greiða húsaleigubætur að
taka þær upp, enda þykir forsvars-
mönnum samtakanna það ekki veij-
andi að leigjendur í sumum sveit-
arfélögum þurfi að þola misrétti á
meðan ríki og sveitarfélög eru að
koma sér saman um hvernig fjár-
magna skuli húsaleigubótakerfið.
Um sé að ræða brýnt hagsmunamál
fyrir leigjendur.
Undirbúningur staðið
frá því í haust
Hugmyndina að stofnun leigj-
endasamtakanna má rekja til síðasta
hausts og hefur undirbúningur stað-
ið síðan, en kynningarfundur þar
sem málið hlaut góðar undirtektir
var haldinn í febrúar síðastliðnum.
Forsvarsmenn samtakanna, þeir
Siguijón og Guðlaugur Pálmasynir
og Ragnar Sverrisson, segja stefnt
að því að reka skrifstofu í tengslum
við samtökin og er nú unnið að því
að fjármagna starfsemina. Þegar
hefur verið rætt við m.a. skólafélög,
verkalýðsfélög, húsnæðissamvinnu-
félög og stofnanir á vegum ríkis og
bæjar og hafa margir gefið fyrirheit
um samstarf og stuðning.
Gengi hlutabréfa í Skinnaiðnaði hækkar
400% hækknn
á 15 mánuðum
Amaro hættir verslunarrekstri á Akureyri
Morgunblaðið/Kristján
AMARO hættir verslunarrekstri í miðbæ Akureyrar innan tíðar
en í staðinn verða settar upp sjö aðskildar sérverslanir á 1. hæð.
GENGI hlutabréfa í Skinnaiðnaði
hefur hækkað um 400% frá því fé-
lagið var skráð á Verðbréfaþing
íslands fyrir rúmum 15 mánuðum.
Það var í upphafi síðasta árs 3,0
en hefur verið 12,0 síðustu daga. Á
síðasta ári seldust hlutabréf í
Skinnaiðnaði fyrir 13,8 milljónir
króna að nafnverði en það samsvar-
ar því að tæplega 20% af hlutafénu
hafi skipt um eigendur á liðnu ári.
Þetta kom fram í máli Gunnars
Birgissonar formanns stjómar
Skinnaiðnaðar á aðalfundi félagsins
í gær. Sagði hann ávöxtun upp á
400% á svo skömmum tíma stór-
kostlega og ástæðu til að óska þeim
sem að fyrirtækinu koma til ham-
ingju.
Almanaksári
félagsins breytt
Á fundinum var samþykkt að
breyta almanaksári félagsins yfir í
það sem tíðkast í sjávarútvegi, þ.e.
frá 1. september til 31. ágúst. Sam-
kvæmt uppgjöri hljóðar efnahagur
fyrirtækisins upp á 867 milljónir
en viðskiptakröfur og birgðir upp á
620 milljónir eða yfir 70% af stærð
efnahags. Með því að gera félagið
upp í lok ágúst fæst raunsærri
mynd af rekstri félagsins, þar sem
minna er þá bundið í birgðum.
Aðalfundur Skinnaiðnaðar veitti
stjórn heimild til að kaupa allt að
10% af nafnvirði hlutafjár félags-
ins, þannig að félagið eigi rúmar 7
milljónir króna. Heimildin gildir
næstu 18 mánuði. Einnig var sam-
þykkt á fundinum að greiða 10%
arð af hlutafé.
Heildarvelta félagsins var 1.047
milljónir á liðnum ári og nam hagn-
aður 104,5 milljónum króna, en
77,5 milljónum eftir skattgreiðslur.
Starfsmenn voru 147 á síðasta ári,
sem er nokkur fjölgun frá fyrra ári.
Starfsfólkið stóð sig vel
Fram kom í máli Gunnars að
starfsfólki hefði tekist vel upp við
að ná sem mestum verðmætum úr
hráefninu, en á liðnu ári tókst að
vinna rúmlega 93% af söluverð-
mæti í mokkaskinn, sem er lang-
verðmætasta afurðin. „Félagið
byggir að mestu á innlendu hráefni
en með fjármagni og verkkunnáttu
er hráefninu breytt í fullunnar af-
urðir, sem gáfu af sér í fyrra virðis-
auka upp á heilar 420 milljónir,
þessi virðisauki svarar til 2.847
milljóná á ársverk,“ sagði Gunnar.
Húsnæð-
ið leigt
undir sér-
verslanir
VERSLUNIN Amaro á Akureyri
hættir rekstri innan tíðar og er
fyrirhugað að breyta húsnæði fyr-
irtækisins að Hafnarstræti 99-
101 og reka þar sjö aðskildar sér-
verslanir á 1. hæð. Þegar hefur
verið samið við þijá aðila um leigu
í Amaro-húsinu, samningaviðræð-
ur standa yfir við þijá aðila til
vibótar en einu plássi á 1. hæð
hússins er óráðstafað.
Rekið verslun frá 1940
Sigurður Steingrímsson, fram-
kvæmdastjóri Amaro, segir að
gert sé ráð fyrir að þessa nýja
verslunareining opni formlega í
byijun maí. Verslunarplássin eru
misjafnlega stór, eða frá 60 fer-
metrum upp í rúmlega 100 fer-
metra. Amaro á tvær hæðir í
Hafnarstrætinu og að sögn Sig-
urðar er stefnt að því að leigja
einnig út rými á 2. hæð og þá
jafnvel í stærri einingum. „Versl-
anir af Reykjavíkursvæðinu hafa
sýnt mikinn áhuga á því að kom-
ast inn í þetta húsnæði okkar.“
Amaro hefur rekið vefnaðar-
vöru-, búsáhalda,- gjafavöru-,
fata- og snyrtivörudeild í hús-
næðinu og hafa vörur þeirra deilda
verið settar á einn markað. „Við
verðum að selja þær vörur ein-
hveija næstu daga eða vikur. Það
er gert ráð fyrir að Amaro hætti
eiginlegri verslunarstarfsemi en
heildverslunin heldur áfram með
svipuðu sniði.“
Að sögn Sigurðar hefur Amaro
rekið verslun í miðbænum frá því
um 1940. Um 16-20 manns störf-
uðu í kringum smásöludeildir fyr-
irtækisins og hafa þeir flestir látið
af störfum. Sigurður segir að í
tveimur tilvikum hafi starfsmenn
keypt deildir Amaro og séu að
setja nýjar verslanir af stað og
eitthvað af fólkinu sé komið í aðra
vinnu. „Nokkrir hafa farið á at-
vinnuleysisbætur á meðan þeir eru
að leita sér að annarri vinnu en
ástandið er ekki eins alvarlegt og
útlit var fyrir,“ sagði Sigurður.