Morgunblaðið - 15.03.1997, Side 14
14 LAUGARDAGUR 15. MARZ 1997
LANDIÐ
MORGUNBLAÐIÐ
Fjölmenni á menn-
ingardeg’i Framhalds-
skólans á Laugnm
Laxamýri - Um helgina stóð
Framhaldsskólinn á Laugum fyrir
menningardagskrá í íþróttahúsinu
að viðstöddu fjölmenni.
Hjalti Jón Sveinsson, skólameist-
ari, setti samkomuna og ræddi um
stöðu skólans í fortíð og nútíð og
mikilvægi þess fyrir héraðið að eiga
öflugan framhaldsskóla. Þar á eftir
komu fram Karlakórinn Heimir,
söngfélagið Sálubót, söngtríóið Þrí-
und, Laugaþrestir og félagar úr
Harmonikufélagi Þingeyinga.
Nemendur framhaldsskólans
lásu úr verkum tveggja þingeyskra
skálda, þeirra Páls H. Jónssonar
og Siguijóns Friðjónssonar og
kynntur var æviferill þeirra. Þá
sýndu fræknir kappar úr Héraðs-
sambandi Þingeyinga glímu.
Allir þeir sem fram komu gáfu
vinnu sína en allur ágóði samkom-
unnar rann til fjölskyldunnar í
Hólkoti í Reykjadal þar sem heilsu-
leysi hefur knúið dyra.
Kynnir á samkomunni var Hall-
dóra Jónsdóttir, skólanefndarmað-
ur.
Morgunblaðið/Gunnlaugur Ámason
TVEIR af stofnfélögum Lionsklúbbs Stykkishólms eru enn starf-
andi í klúbbnum, Hallfreður Lárusson og Árni Helgason. Með
þeim á myndinni er sljórn Lionsklúbbsins: Flemming Nielsen,
Guðmundur Kristinsson og Magnús Fr. Jónsson.
Lionsklúbbur Stykkis-
hólms 30 ára
Stykkishólmi - Lionsklúbbur
Stykkishólms hélt upp á 30 ára
afmæli sitt nýverið. Starfsemi fé-
lagsins hefur verið öflug og hefur
klúbburinn styrkt líknarfélög og
einstaklinga sem hafa þurft fjár-
hagslegan stuðning.
Stærsta einstaka verkefni fé-
lagsins á fyrstu árum þess var þeg-
ar klúbburinn fékk gömlu símstöð-
ina og flutti hana og endurbyggði.
Húsið gengur undir nafninu Lions-
húsið og hefur klúbburinn haft þar
aðsetur og einnig hefur húsið hýst
mörg mannamótin í Stykkishólmi.
Á afmælisfundinum gengu fimm
nýir félagar í Lionsklúbbinn og eru
félagar nú 29.
STULKNAKOR Húsavíkur.
Morgunblaðið/Silli
Sálmar og syrp-
ur á Húsavík
HÓLMFRÍÐUR Bene-
diktsdóttir söngkona
stofnaði Stúlknakór
Húsavíkur fyrir fjórum
árum. í honum eru 30 stúlkur á
aldrinum 13-21 árs, ailar nem-
endur við Tónlistarskóla Húsavík-
ur. „Flestar þessara stelpna hafa
sungið í kór hjá mér frá níu ára
aldri og um helmingur þeirra
hefur verið í söngnámi hjá mér,“
segir Hólmfríður. Hún segir að
orðið stúlknakór hafi lítið verið
notað hér á landi þó að í raun séu
flestallir barnakórar hér stúlkna-
kórarþví það fáist aldrei strákar
í þá. „í Stúlknakór Húsavíkur er
kominn svolítið fullorðinslegur
hljómur, enda á stúlknakór að
hljóma öðruvísi en barnakór,“
segir Hólmfríður. Hún er afar
afkastamikill listamaður því auk
þess að stjórna húsvískum stúlk-
um stjórnar hún suður-þingeysk-
um konum í kvennakórnum Lissý,
kennir nítján söngnemendum við
Tónlistarskóla Húsavíkur og tíu
við Tónlistarskólann á Akureyri.
Og svo syngur hún sjálf, en ekki
nóg að eigin mati. „Auðvitað lang-
ar mig til að syngja miklu meira!
Það er synd hvað maður þarf að
vinna mikið til að hafa í sig og
á,“ segir hún. Á tónleikum
Stúlknakórsins ætlar stjórnand-
inn að syngja lagasyrpu eftir
Kurt Weil. „Það er mitt mottó að
syngja alltaf eitthvað sjálf þegar
kórarnir mínir halda tónleika.
Það er svo leiðinlegt að sýna aldr-
ei neitt á sér nema rassinn," seg-
ir Hólmfríður og hlær.
Söguþráður spunninn
Dagskráin Sálmar og Syrpur er
blanda af negrasálmum og syrp-
um úr söngleikjum eftir tónskáld
af þremur þjóðernum, Ameríkan-
ann George Gerschwin, Þjóðveij-
ann Kurt Weil og Bretann Lional
Bart. Það er sveifla í dagskránni,
enda segir Hólmfríður að stelp-
urnar hafi mikið „beat“ í sér. Um
helmingur kórfélaga syngur ein-
söng og auk þess hefur kórinn
æft dans og hreyfingar, en Or-
ville Pennant, dansari frá Jama-
ica, og Skúli Gautason leikari
aðstoðuðu stjórnandann við það.
„Eg legg áherslu á að hafa alltaf
einhvern þráð í söngskránni. Það
Stúlknakór Húsavíkur
hefur vakið athygli fyrir
fágaðan söng og
skemmtilega sviðsfram-
komu, segir Björg
Árnadóttir. í sumar
tekur kórinn þátt í al-
þjóðlegri keppni barna-
og unglingakóra í
Þýskalandi, en nú um
helgina heldur hann
fjáröflunartónleika á
Hóteli Húsavík. Það er
sveifla í söngskránni;
negrasálmar og syrpur
úr söngleikjum, dans og
jazzundirleikur og fföl-
mörg einsöngsatriði.
er mikil vinna að púsla saman
prógrammi svo það verði ekki
alveg sundurlaust. Á þessum tón-
leikum byijum við á að vitna í
Bók bókanna og spinnum svo
söguþráð í kringum lögin með
ýmsum tilvitnunum ogjafnvel
frumsömdum Ijóðum," segir
Hólmfríður.
Tónleikarnir um helgina eru
liður í fjáröflun fyrir Þýskalands-
ferð kórsins. Þar mun hann taka
þátt í alþjóðlegri keppni barna-
og unglingakóra. „í fyrrasumar
tókum við á móti stúlknakór frá
Frankfurt og ætlum að endur-
gjalda heimsóknina í sumar. Svo
rakst ég á auglýsingu um þessa
kórakeppni í Giessen, rétt norðan
við Frankfurt, og við ákváðum
að fara þangað til að hlusta á
helstu menningarkórþjóðir
heims, en tónlistarnám felst að
miklu leyti í því að hlusta á góðan
tónlistarflutning. Við sendum
upptöku með söng okkar til Giess-
en og var boðið að taka þátt í
keppninni svo að við slógum bara
til,“ segir Hólmfríður. í Þýska-
landi flytur Stúlknakór Húsavík-
ur íslensk þjóðlög. Hver kór syng-
ur í 13 mínútur, en þeir sem kom-
ast í úrslit syngja í sjö mínútur
til viðbótar. „Auðvitað dettur þin-
geyskum kór ekki annað í hug
en hann komist áfram í keppn-
inni,“ segir Hólmfríður af al-
kunnri þingeyskri hógværð og
undirbýr því 20 mínútna þjóðlaga-
prógramm fyrir keppnina.
Kórsöngur er hollur
Hólmfriður hefur mikla trú á gildi
kóruppeldis. „Það er afar hollt
að syngja í kór. Ogunin verður
að vera svo mikil. Takmarkið er
ekki að yfirgnæfa aðra heldur að
vera hluti af heild og samstilling
og samkennd eru því það sem
mestu máli skiptir," segir Hólm-
fríður og Ásta, dóttir hennar sem
syngur hjá henni í Stúlknakórn-
um, bætir því við að þær hafi
fengið mikið lof fyrir ögun þegar
þær tróðu upp stjórnandalausar
á samkomu fyrir skömmu „af því
að mamma var auðvitað veður-
teppt á Akureyri“. Þetta þykir
Hólmfríði þó tvíeggjað hrós því
það bendi til að stjórnadinn sé
óþarfur.
Hólmfríði finnst miður að kór-
starfi skuli ekki gert hærra undir
höfði í skólum landsins. „Til að
halda uppi kór þarf frekan söng-
kennara og áhugasaman skóla-
stjóra, sem eru því miður ekki í
öllum skólum. í kór læra börn
ýmislegt sem þeim er hvergi ann-
ars staðar kennt til dæmis að
standa rétt og anda rétt, sem er
undirstaða allrar vellíðanar. Við
erum að kenna börnum um fram-
andi trúarbrögð eins og hindú og
búddisma, sem er góðra gjalda
vert í sjálfu sér, en við kennum
þeim ekki um eigin líkama, hvað
gerist í líkamsstarfsemi þeirra
þegar þau verða stressuð og
hvernig þau geta brugðist við
því,“ segir Hólmfríður Benedikts-
dóttir, söngkona og kórstjórnandi
á Húsavík.
Tónleikar Stúlknakórs Húsavík-
ur verða á Hóteli Húsavík á sunnu-
daginn, 16. mars, kl. 20 og á sama
tíma mánudaginn 17. mars.
RYMINGARSALA ALDARINNAR
Síðasti dagur
Nýtt kortatímabil
Opið til kl. 16 í dag
»hummélw5
SPORTBÚÐIN
Nóatúni 17, sími 511 3555