Morgunblaðið - 15.03.1997, Blaðsíða 16

16 LAUGARDAGUR 15. MARZ 1997
VIÐSKIPTI
MORGUNBLAÐIÐ
Rekstrarafkoma Þormóðs ramma hf. versnaði til muna á síðastliðnu ári
Hagnaður um
178,5 millj. kr.
ÞORMÓÐUR rammi hf. á Siglu-
firði skilaði 178,5 milljónum króna
í hagnað á árinu 1996 og nam
hagnaðurinn 9,3% af veltu. Hagn-
aður nam 206,1 milljón króna árið
á undan. Hagnaður af reglulegri
starfsemi nam 121,7 milljónum
króna sem er 39,2% minni hagnað-
ur en árið á undan þegar hann var
200,2 milljónir.
Að sögn Ólafs Marteinssonar,
framkvæmdastjóra Þormóðs
ramma, skýrist breytingin af verð-
lækkunum á rækjuafurðum á síð-
asta ári. „Um 80% af tekjum fyrir-
tækisins koma frá rækjuafurðum
og þrátt fyrir að við höfum unnið
meira magn árið 1996 en árið áður
þá er lækkunin það mikil að hún
verður þess valdandi að hagnaður-
inn minnkar á milli ára.“
Rekstrartekjur félagsins námu
1.922 milljónum króna árið 1996
og lækkuðu úr 1.971 milljón króna
árið á undan. Rekstrargjöldin
hækkuðu í 1.605 milljónir króna
árið 1996 úr 1.536 milljónum árið
á undan. Eigið fé Þormóðs ramma
nemur 1.353,9 milljónum króna og
hefur það aukist úr 869,1 milljón:
um króna frá árslokum 1995. í
frétt frá fyrirtækinu kemur fram
að aukningin stafi af hlutafjárút-
boði, hagnaði ársins og sameiningu
við Leiti hf. á ísafirði.
Bjartsýni ríkir
um reksturinn
Ólafur segir að bjartsýni ríki á
reksturinn í ár. „Við höfum lagað
reksturinn að þessu breytta um-
hverfi og hráefnisverð hefur lækk-
að. Þannig að við eigum von á því
að árið 1997 verði tiltölulega gott
í rækju.“
Þormóður rammi hf. er almenn-
ingshlutafélag og eru hluthafar
380. Fyrirtækið, sem nýlega gerði
samkomulag við Sæberg hf. á Ól-
afsfirði um sameiningu, gerir út 4
skip til rækjuveiða, 2 frystiskip og
2 ísfiskskip og rekur rækjuverk-
smiðju, frystihús og reykhús.
Aðalfundur Þormóðs ramma hf.
verður haldinn á Siglufirði hinn
25. apríl næstkomandi.
Þormóður rammi hf.
Úr reikningum ársins 1996
Rekstrarreikningur Miiijónir króna 1996 1995 Breyting
Rekstrartekjur 1.922,2 1.971,5 ■2,5%
Rekstrargjöld 1.604.9 1.536.0 +4.5%
Hagnaður án afskrifta og fjárm.kostn. 317,3 435,5 -27,1%
Afskriftir 156,9 162,3 -3,3%
Fjármunatekjur og (fjármagnsgjöld) (38,7) (73,0) -47,0%
Hagnaður af reglulegri starfsemi 121.7 200.2 -39.2%
Aðrar tekjur og (gjöld) 58,6 5,6 941,3%
Eignarskattur (1.81 (4,2) -56.2%
Hagnaður ársins 178,5 201,6 -11,5%
Efnahagsreikningur 31. desember 1996 1995 Breyting
I Eítjnír: \
Veltuf jármunir 653,7 499,3 +30,9%
Fastaf jármunir 1.982,3 1.445,4 +37,1%
Eignir samtals 2.636,0 1.944,7 +35,5%
I Skuldir otj einiO fé: |
Skammtímaskuldir 226,2 213,9 +5,8%
Langtímaskuldir 1.056,0 861,8 +22,5%
Eigið fé 1.353,9 869,1 +55,8%
Þar af hlutafé 692,1 417.6 +65.7%
Skuldir og eigið fé samtals 2.636,0 1.944,7 +35,5%
Sjóðstreymi Mllljónír króna 1996 1995 Breyting
Veltufé frá rekstri 234 350 -33,2%
Kennitölur 1996 1995
Veltufjárhlutfall 2,89% 2,33%
Eiginfjárhlutfall 51,4% 44,7%
Fjármálafyrirtækið Glitnir skilaði alls um 87 milljóna króna hagnaði á síðasta ári
Sameining við Féfangjók hag-
ræði og umsvifin um þriðjung
REKSTUR Glitnis hf. á sl. ári gekk
vel og skilaði félagið 87,4 milljóna
hagnaði. Á árinu 1995 nam
hagnaðurinn 105 milljónum, en þá
naut félagið 44 milljóna króna
lækkunar á tekjuskattsskuldbind-
ingu sem rekja má til sameiningar
Glitnis og Féfangs. Rekstraraf-
koma félagsins batnaði því verulega
í fyrra, þar sem hagnaður fyrir
skatta nam þá 92 milljónum í sam-
anburði við 66 milljónir árið 1995.
Fram kemur í frétt frá Glitni
að heildartekjur félagsins námu
alls 749 milljónum króna árið
1996. Vaxtagjöld námu 432,4
milljónum króna. Rekstrargjöld
námu 162,5 m.kr. og lækkuðu um
6% frá 1995, þrátt fyrir að umsvif
hafi aukist um þriðjung. Megin-
Námskeið
um vexti og
hlutabréf
Endurmenntunarstofnun Há-
skólans mun síðdegis dagana
19. og 20. mars bjóða upp á
námskeið um vexti og hluta-
bréfaverð á markaði. Þar
verður m.a. fjallað um hvaða
efnahagsstærðir eru það sem
hreyfa við markaðnum með
þessum hætti og koma mönn-
um sífellt í opna skjöldu með
því að hækka og lækka fyrir-
varalaust verðmæti í hluta-
bréfum og skuldabréfum?
Hvaða hagvísa má nota til
að spá fyrir um breytingar
vaxta og hlutabréfaverðs á
íslandi og á alþjóðlegum
markaði.
Fyrirlesari á námskeiðinu
verður Sigurður B. Stefáns-
son, forstöðumaður Verð-
bréfaþings íslandsbanka.
ástæðan er hagræði af sameiningu
Glitnis hf. og Féfangs hf. 1995.
Framlag í afskriftareikning útlána
nam 62,2 milljónum króna og
lækkaði um rúmlega 21% frá 1995.
Á síðasta ári voru gerðir samn-
ingar fyrir 3.011 milljónir króna,
sem er um 37% aukning frá 1995.
Árið var að þessu leyti hið annað
besta frá upphafi. í árslok námu
heildarútlán 6.083 milljónum
króna en 5.231 milljónum árið
áður. Heildareignir í árslok námu
6.391 milljón króna ogeigið fé 803
milljónum króna. Eiginfjárhlutfall
Glitnis, sem reiknað er út miðað
við lög um lánastofnanir aðrar en
viðskiptabanka og sparisjóði, var
15,4% í árslok, en hlutfallið má
lægst vera 8%.
Félagið sérhæfir sig í fjármögn-
un véla og tækja með eignarleigu
og lánum. Meginreglan er að tæk-
ið sjálft sé aðaltryggingin fyrir
endurgreiðslu þess fjár sem lánað
er. Til nýjunga í starfsemi Glitnis
má telja fjármögnun atvinnuhús-
næðis með eignarleigu, sem hófst
á sl. ári. Eftirspurn eftir þjón-
ustunni hefur verið töluverð frá
því hún var fyrst kynnt.
Bjartar horfur
í starfseminni
Á sl. ári bauð Glitnir einnig aðra
nýjung, fjármögnun fólksbifreiða
með rekstrarleigu. Þjónustan er
boðin í samstarfí við nokkur bif-
reiðaumboð. Um er að ræða algera
nýjung hérlendis, sem byggist á
því að viðskiptavinur gerir samn-
ing um afnot af bíl í tiltekinn tíma.
Viðhald og venjuleg þjónusta
vegna bílsins eru innifalin í leig-
unni. Að leigutíma loknum, sem
getur verið 24 eða 36 mánuðir,
skilar hann bílnum aftur til bifreið-
aumboðsins og ber enga áhættu
af endursöluverði hans. Þessi þjón-
usta er vel þekkt erlendis og er
mikið notuð af fyrirtækjum í ýms-
um atvinnugreinum. Þjónustan á
einnig vaxandi vinsældum að
fagna meðal einstaklinga, einkum
í Bandaríkjunum, segir ennfremur
í frétt fyrirtækisins.
Horfur í starfsemi Glitnis eru
bjartar og er reiknað með að við-
skipti ársins 1997 verði hin mestu
frá upphafi.
Samband íslenskra tryggingafélaga um skýrslu hagstofu ESB
Afkoman hérlendis er
slök vegna mikilla ijóna
SIGMAR Ármannsson, fram-
kvæmdastjóri Sambands íslenskra
tiyggingafélaga, segir að vegna mik-
ils tjónakostnaðar hér á landi, sé
heildarafkoma íslenskra vátrygg-
ingafélaga slök í samanburði við evr-
ópsk tryggingafélög. Hins vegar
staðfesti samanburður frá Hagstofu
Evrópusambandsins, EUROSTAT,
að rekstrarkostnaður tryggingarfé-
laga sé lægri hér en almennt gerist
í ríkjum Evópska efnahagssvæðisins.
Eins og fram kom á viðskiptasíðu
á miðvikudag hefur komið á daginn
að afkoma íslenskra tryggingarfé-
laga var mun lakari á árinu 1995
en niðurstöður Hagstofu Evrópu-
sambandsins, EUROSTAT, höfðu
áður gefið til kynna. Upphaflegar
tölur EUROSTAT, sem fram komu
í nýlegri skýrslu stofnunarinnar um
tryggingarekstur í Evrópu, sýndu
að afkoma íslenskra vátryggingafé-
laga væri einhver sú besta í Evrópu.
Þær tölur voru hins vegar rangar.
Leiðréttingu komið á framfæri
„Mér skilst, að íslensk stjórnvöld
hafi nú komið leiðréttingu á fram-
færi,“ segir Sigmar. „Það er hins
vegar staðfest með skýrslu EURO-
STAT, að íslenskum vátryggingafé-
lögum hefur tekist að koma rekstrar-
kostnaði niður á það stig, sem er
hvað lægst í EES-ríkjunum. Þannig
er rekstrarkostnaður félaga sem
hlutfall af iðgjöldum Iægri hér en í
t.d Sviþjóð, Þýskalandi og Sviss, sem
raunar stendur utan EES.
Stjórnendur og starfsfólk vá-
tryggingafélaganna geta auðvitað
haft takmörkuð áhrif á tjónaþung-
ann, en ýmislegt má gera til að
halda niðri rekstrarkostnaði. Þar
hafa íslensk félög náð mjög góðum
árangri. í þessu sambandi er athygl-
isvert að rekstrarkostnaður vátrygg-
ingafélaga í stærri ríkjunum, þar
sem vænta má stærri rekstrarein-
inga, er ekki endilega lægri en í
minni ríkjunum.
Mismunandi rekstrarkostnaður
vátryggingafélaga milli landa verður
því ekki aðeins skýrður með stærð
félaga og markaðar. Þar skipta önn-
ur atriði líka máli, t.d. hvort sala
vátrygginga er í höndum félaganna
sjálfra eða hvort slík verkefni eru
sótt til utanaðkomandi aðila s.s.
vátryggingamiðlara," segir Sigmar.
Þijú
tilboðí
Skýrr
ÞRJÚ tilboð bárust í 51% eignarhlut
í Skýrr hf. en tilboðsfresti í fyrri
hluta kaupanna lauk í gær. Tilboðin
eru öll frá innlendum fyrirtækjum
og eru á bilinu 60 til rúmlega 81
milljón króna.
Hæsta tilboðið áttu Opin kerfi hf.
81,6 milljónir króna. Næsthæsta til-
boðið, 75,1 milljón, áttu þtjú fyrir-
tæki í sameiningu, Kögun hf., Ný-
hetji hf. og Olíufélagið hf. Lægsta
tilboðið áttu Tölvumyndir hf., Hluta-
bréfasjóðurinn hf. og Vaxtarsjóður-
inn hf. 60 milljónir króna.
í söluskiimálum er gert ráð fyrir
að þrír aðilar komist áfram í seinni
hluta útboðsins og þar sem bjóðend-
ur voru einungis þrír komast allir
ofangreindir aðilar áfram hafni selj-
endur ekki tilboðum. í seinni hlutan-
um fá bjóðendur tækifæri hver fyrir
sig til að kynna sér nánar einstök
atriði í rekstri fyrirtækisins og ræða
við stjórnendur þess. Að þeirri skoð-
un lokinn gefst þeim tækifæri til
þess að hækka fyrri tilboð sín, en
seinni hluta útboðsins lýkur 16. maí.
Endurspeglar ekki
verðmæti
Samkvæmt upplýsingum verð-
bréfafyrirtækisins Kaupþings hf.,
sem hefur umsjón með útboðinu, er
það mat þess og seljenda að þau
tilboð sem lögð hafi verið fram end-
urspegli ekki verðmæti Skýrr hf.
enda aðeins um forval að ræða. Þau
tilboð, sem komi fram í seinni um-
ferð útboðsins, ákvarði endanlegt
söluverð fyrirtækisins ákveði selj-
endur að taka einhveiju tilboðanna.
-----------♦ ♦ ♦-----
Forstjórí
Nomura fer
frá vegna
hneykslis
Tókýó. Reuter.
FORSTJÓRI helzta verðbréfafyrir-
tækis Japans, Nomura Securities Co
Ltd, hefur sagt af sér vegna hneyksl-
is, sem á rætur að rekja til ólög-
legra viðskipta.
Hideo Sakamaki lét af forstjóra-
starfinu og verður ráðunautur fyrir-
tækisins, en Masashi Suzuki stjórn-
arformaður verður auk þess for-
stjóri.
„Sem æðsti maður fyrirtækisins
tel ég að ég verði að taka afleiðing-
unum,“ sagði Sakamaki á blaða-
mannafundi.
Kunnugt varð um hneykslið í byrj-
un mánaðarins þegar Nomura sagði
að tveir af framkvæmdastjórum fyr-
irtækisins, sem síðan hafa sagt af
sér, hefðu bersýnilega staðið í ólög-
legum viðskiptum og dælt fé til við-
skiptavinar fyrirtækisins, sem stæði
í tengslum við fyrrverandi braskara
soka//a-glæpaflokks fyrir milligöngu
japansks fjölmiðils. Sokaiya hópar
eru oft tengdir yakuza glæpasam-
tökum, sem reyna gjarnan að kúga
fé út úr fyrirtækjum með hótunum.
Hneykslið víðtækara?
Um leið og forsetinn segir af sér
bendir margt til þess að hneykslið
kunni að vera víðtækara og hefur
grunur fallið á önnur virt verðbréfa-
fyrirtæki í Japan.
Sakamaki sagði að hneykslið væri
ekki útbreitt hjá Nomura, en kvaðst
ekki vita hvort fleiri framkvæmda-
stjórar fyrirtækisins væru viðriðnir
hin ólöglegu viðskipti, sem eru í
rannsókn.
„Forgangsverkefni mitt verður í
því fólgið að endurvekja traust á
fyrirtækinu," sagði Suzuki stjórnar-
formaður. „Við munum beita öllum
tiltækum ráðum til að koma í veg
fyrir að slíkt hneyksli endurtaki sig.“