Morgunblaðið - 21.06.1997, Blaðsíða 4

4 LAUGARDAGUR 21. JÚNÍ 1997
FRÉTTIR
MORGUNBLAÐIÐ
F
Mo.-gunblaðið/Ásdís
MARGRÉT Oddsdóttir frá Jörva í Haukadal sýndi forsetaiyónunum litríka íbúð sína í Silfurtúni.
Opinber heimsókn forseta íslands í Dalasýsiu
Landafunda Leifs heppna
minnst með veglegum hætti
OPINBER heimsókn forseta ís-
lands í Dalasýslu hófst í gær.
Sýslumaður og fulltrúar sveitar-
stjóma og héraðsnefndar tóku á
móti forsetahjónunum, Ólafi Ragn-
ari Grímssyni og Guðrúnu Katrínu
Þorbergsdóttur, í Bröttubrekku á
sýslumörkunum.
Þaðan var haldið að félagsheim-
ilinu Dalabúð í Búðardal. Biðu íbú-
ar Búðaroals með fána og afhentu
forsetahjónunum blómvönd. Mar-
teinn Valdimarsson, sveitarstjóri
Dalabyggðar, sagði í ávarpi að
sumarið hefði ekki látið á sér kræla
fyrr en á fimmtudag, eins og til
þess að taka þátt í heimsókninni.
Því næst voru nokkur fyrirtæki
í Búðardal skoðuð og einnig stjóm-
sýsluhúsið og Silfurtún, dvalar-
heimili aldraðra. Að því loknu tók
Eiríksstaðanefnd á móti forseta-
hjónunum á Eiríksstöðum í Hauka-
dal. Þar greindi Friðjón Þórðarson,
formaður nefndarinnar, frá þeim
tillögum að fengnir yrðu fornleifa-
fræðingar til að skoða rústir bæjar
Eiríks rauða, þar sem Leifur heppni
fæddist, reistur yrði minnisvarði
um Leif heppna, settur yrði upp
bær eða skáli fyrir ferðamenn.
GYLFI Árnason framkvæmdastjóri sýnir forsetahjónunum
kjötfjallið í frystigeymslum Afurðastöðvarinnar í Búðardal.
Ólafur Ragnar Grímsson sagði
að það verkefni blasti við að gera
Eiríksstaði í Dölum að áningarstað
fyrir ferðamenn hvaðanæva að úr
veröldinni sem litu á Leif heppna
sem einn af merkustu landkönnuð-
um veraldarsögunnar. „Ég var
mjög ánægður með að í þjóðhátíð-
arkveðju Clintons Bandaríkjafor-
seta til mín og íslensku þjóðarinnar
kom fram yfirlýsing hans um vilja
til að taka þátt í því með okkur
Islendingum að minnast landafund-
ar Leifs heppna í Ameríku árið
2000 með myndarlegum hætti.“
Einnig kom fram í máli hans að
forsetahjónin myndu heimsækja
íslendingabyggðir í Bandaríkjun-
um og Kanada í sumar. Þargæfist
tækifæri til að efla tengsl Islend-
inga við þá sem væru af íslensku
bergi brotnir í Vesturálfu og safna
liði um það sameiginlega verkefni
að minnast landafundanna.
Sögustaðir verði byggðir upp
Eftir kvöldverð í boði sveitar-
stjórna að Laugum í Sælingsdal
var íbúum Dalasýslu og gestum
boðið til hátíðarkvöldsamkomu með
forsetahjónunum. Þar afhenti for-
seti íslands fjórum ungmennum
hvatningarverðlaun fyrir góðan
árangur á sínu sviði. Það voru
Dagbjört Drífa Thorlacíus, 17 ára,
fyrir nám og listsköpun, Jenný
Halla Lárusdóttir, 14 ára, fyrirtón-
list, Kristján Hagalín Guðjónsson,
13 ára, fyrir nám og íþróttir, og
Sigmund Erling Ingimarsson, 15
ára, fyrir íþróttir og tónlist.
í hátíðarræðu hans kom fram
að stóra verkefnið í Dalasýslu væri
að byggja upp sögustaði, en leitun
væri að héraði sem væri eins ríkt
af stöðum er kæmu við sögu í
gullaldartextum íslendinga á borð
við Landnámu, Laxdælu, Njálu og
Sturlungu.
0
Islenska járnblendif élagið
Versta frammistaða reyk-
hreinsivirkisins frá upphafi
Svæðisvinnumiðlanir
Skrifstof-
urnar stað-
settar
STJÓRN Vinnumálastofnunar sam-
þykkti í gær á sínum fyrsta fundi
staðsetningu svæðisvinnumiðlana á
landinu. Þær verða átta og verða í
Reykjavík, á Akranesi, ísafjarðarbæ,
Blönduósi, Akureyri, Egilsstöðum,
Selfossi og Reykjanesbæ. Vinnu-
málastofnun tekur formlega til starfa
um næstu mánaðamót og tekur við
verkefnum vinnumálaskrifstofu fé-
lagsmálaráðuneytisins og fleiri verk-
efnum.
Eitt til tvö störf verða á skrifstof-
unum, en skrifstofumar í Reykjavík
og á Akureyri verða stærri. Nokkur
sveitarfélög hafa tekist á um hvar
skrifstofurnar eigi að vera enda um
atvinnuhagsmunamál að ræða.
REYKHREINSIVIRKI Járnblendi-
verksmiðjunnar að Grundartanga var
sá hluti rekstrarins sem tæknilega
olli mestum vandræðum á árinu. Er
það langversta frammistaðan sem
reykhreinsibúnaður verksmiðjunnar
hefur sýnt í sögu fyrirtækisins. Þetta
kom fram í máli Jóns Sveinssonar
formanns stjómar íslenska járn-
blendifélagsins á aðalfundi þess í síð-
ustu viku.
Jón Sveinsson sagði áætlað að um
135 tonn af kísilryki hafi sloppið út
af 15.354 tonna heildarframleiðslu
kísilryks. Til viðbótar slapp út hluti
reykframleiðslunnar sem talinn er
nema 60 tonnum af kísilryki. Jón
sagði afleiðinguna blett á umhverfís-
vernd verksmiðjunnar. „Um það bil
þriðjungur þessa vandamáls er bein
afleiðing þess að á árinu var unnið
að mjög viðamiklum fjárfestingum á
þessu sviði. Sumt af þeim endurnýj-
aða búnaði reyndist ekki þola álagið
og skemmdist hann af þeim sökum
og gerði illt verra í þessu efni. Að
varanlegri lausn á þessum vanda er
nú unnið,“ sagði fráfarandi formaður
í skýrslu sinni.
Þá sagði Jón Sveinsson að brýnt
væri að taka af festu á ýmsum ytri
og innri umhverfísmálum verksmiðj-
unnar: „Viðurkennast verður að með-
an illa gekk í rekstrinum var við-
haldi verksmiðjunnar ekki sinnt með
þeim hætti sem æskilegt hefði verið.
Nú er hins vegar nauðsynlegt að
gera allt sem unnt er til þess að lag-
færa þessa hluti og bæta ímynd verk-
smiðjunnar ekki aðeins útávið heldur
einnig innávið. Þá er og nauðsynlegt
að stuðla að öflugri kynningu og
meira upplýsingaflæði til nágranna
verksmiðjunnar við Hvalfjörð. Slík
kynning útávið gæti ef til vill verið
eitt af sameiginlegum hagsmunamál-
um Jámblendifélagsins og Norður-
áls. Við nýjan framkvæmdastjóra
verksmiðjunnar eru bundnar miklar
vonir hvað þessa þætti varðar,“ sagði
Jón.
Endurbætur á
stjórnarráðinu
Fram-
kvæmdir
ekki hafnar
FRAMKVÆMDIR við stjórnarráðið
liggja nú niðri. Húsfriðunarnefnd
hefur veitt samþykki sitt fyrir breyt-
ingunum en beðið er afgreiðslu
byggingarnefndar Reykjavíkur, þar
sem afgreiðslu málsins var frestað
á síðasta fundi.
Að sögn Ólafs Davíðssonar, ráðu-
neytisstjóra í forsætisráðuneytinu,
er nú unnið úr ábendingum bygging-
arnefndar en búist er við að sam-
þykki fyrir framkvæmdum fáist von
bráðar. Athugasemdir nefndarinnar
snúi aðallega að útfærslu tæknilegra
atriða eins og brunavörnum. „Fram-
kvæmdir eru í raun ekki hafnar þar
sem aðeins hefur farið fram rann-
sókn á ástandi hússins í samráði við
húsfriðunarnefnd og borgarminja-
vörð. Þær rannsóknir voru síðan
lagðar formlega fyrir húsfriðunar-
nefnd og hún er búin að afgreiða
málið frá sér,“ segir Ólafur.
Að fengnu samþykki byggingar-
nefndar verða framkvæmdir við
stjórnarráðið boðnar út. Að sögn
Ólafs hefur engin töf orðið á málinu
vegna þessa og áætlað er að endur-
bótum ljúki í byijun nóvember. Á
meðan framkvæmdir standa yfir
heldur forsætisráðherra til í Ráð-
herrabústaðnum við Tjarnargötu
ásamt ritara og starfsmanni ráðu-
neytisins. Aðrir starfsmenn stjóm-
arráðsins munu hafa flutt sig um
set í hús menntamálaráðuneytisins
við Sölvhólsgötu.
-----♦ » 4----
Forseti Ítalíu
á íslandi
Heimsækir
hestabú
OSCAR Luigi Scalfaro, forseti Ítalíu,
kemur í opinbera heimsókn til ís-
lands á morgun, en heimsóknin
stendur fram á þriðjudag. I heim-
sókninni mun forsetinn fara til Þing-
valla, skoða Nesjavallavirkjun og
koma við í hestabúinu að Dallandi.
Scalfaro, sem kemur hingað með
dóttur sinni, Marianna Scalfaro,
heimsækir á morgun borgarstjórann
í Reykjavík og Alþingi og situr
kvöldverð í boði íslensku forseta-
hjónanna á Bessastöðum. Á mánu-
dag mun hann borða hádegisverð á
Þingvöllum í boði forsætisráðherra-
hjónanna. Um kvöldið verður hann
með móttöku fyrir ítala sem búsett-
ir eru á íslandi. Á þriðjudaginn heim-
sækir forsetinn sjávarútvegsfyrir-
tækið Granda hf. og hugbúnaðarfyr-
irtækið OZ hf. Ennfremur skoðar
hann handrit í Stofnun Árna Magn-
ússonar.
-----♦ ♦ ♦
Símalaust
í klukkutíma
SÍMASAMBAND fór af mestallri
Árnessýslu í um klukkutíma í gær-
kvöldi, þegar stöð Pósts og síma á
Selfossi datt út.
Að sögn Hrefnu Ingólfsdóttur,
upplýsingafulltrúa Pósts og síma,
var verið að vinna í stöðinni, þegar
truflun gerði vart við sig. Vegna
truflunarinnar þurfti stöðin að end-
urræsa sig nokkrum sinnum og
datt út á meðan, þannig að síma-
sambandslaust varð á stóru svæði
á Suðurlandi milli kl. 20 og 21.
„Farsímakerfið er allstaðar virkt
í kringum Selfoss, bæði GSM- og
NMT-kerfið og útbreiðslan er það
mikil að yfirleitt er ekki mjög langt
í næsta síma. En vissulega er þetta
umhugsunarefni og alvarlegt mál,“
sagði Hrefna er hún var spurð hvort
hættuástand hefði getað skapast
vegna símasambandsleysisins.
>
>
i
l
i
i
i