Morgunblaðið - 21.06.1997, Blaðsíða 10

10 LAUGARDAGUR 21. JÚNÍ 1997
MORGUNBLAÐIÐ
-
Aukinn réttur foreldra
til fæðingarorlofs
HINN 20. maí síðastliðinn tóku
gildi breytingar á lögum um fæð-
ingarorlof.
Helstu breytingar eru þær að
fæðingarorlof vegna ættleidds
barns yngra en 5 ára lengist í sex
mánuði úr fimm. Fæðingarorlof
við fjölburafæðingar lengist um 3
mánuði fyrir hvert barn umfram
eitt. Þannig fær tvíburamóðir 9
mánaða orlof og þríburamóðir 12
mánuði. Sama regla gildir um for-
eldra sem ættleiða fleiri börn en
eitt í einu undir fimm ára aldri.
Þurfi barn að dvelja á sjúkra-
húsi lengur en 7 daga í beinu fram-
haldi af fæðingu eru greiðslur í
fæðingarorlofi framlengdar sem
nemur þeim dagafjölda sem barnið
er á sjúkrahúsi fyrir fyrstu heim-
komu. Hámarksframlenging orlofs
af þessum orsökum er 4 mánuðir.
Einnig er nú heimilt að fram-
lengja fæðingarorlof um allt að 3
mánuði í stað eins ef barn veikist
alvarlega. Ef móðir veikist alvar-
lega er gert ráð fyrir að greiðslur
geti framlengst um allt að 2 mán-
uði.
Allar breytingar um framleng-
ingu, nema breytingin um leng-
ingu fæðingarorlofs vegna töku
barna í varanlegt fóstur, eru aftur-
virkar og ná til foreldra sem voru
með greiðslur í fæðingarorlofi 1.
janúar síðastliðinn.
Andlát
ÞORSTEINN
SIGURÐSSON
ÞORSTEINN Sigurðs-
son frá Melstað, einnig
kenndur við Blátind, í
Vestmannaeyjum lést á
Hraunbúðum, dvalar-
heimili aldraðra í Eyj-
um 19. júní sl. Þor-
steinn fæddist í Vest-
mannaeyjum 14. nóv-
ember 1913. Foreldrar
hans voru Sigrún Jóns-
dóttir og Sigurður Her-
mannsson. Þorsteinn
nam húsasmíði og varð
meistari í greininni en
fljótlega snerist hugur
hans til fiskvinnslu og
útgerðar og á þeim vettvangi varð
hans aðalævistarf. Þorsteinn var
einn og frumkvöðlum og forystu-
mönnum í atvinnulífi í Vestmanna-
eyjum um áratuga skeið. Hann var
einn af stofnendum Fiskiðjunnar
og gegndi þar forstjórastarfi um
árabil. Þá var hann einnig forstjóri
Fiskimjölsverksmiðjunnar í Vest-
mannaeyjum og undir hans stjóm
varð miki! uppsveifla hjá fyrirtæk-
inu og það endurbyggt að mestu.
Auk afskipta af útgerð í gegnum
Fiskiðjuna rak Þorsteinn eigin út-
gerð og voru Ófeigar VE lengst af
i hans eigu.
Þorsteinn hafði um hríð afskipti
af bæjarmálum og sat í bæjarstjórn
Vestmannaeyja eitt kjörtímabil fyr-
ir Sjálfstæðisflokkinn. Þá sat hann
lengi í skólanefnd Stýrimannaskól-
ans sem fulltrúi Útvegsbændafé-
lags Vestmannaeyja.
Þorsteinn gerðist fé-
lagi í Akóges skömmu
eftir stofnun félagsins
og einnig var hann
virkur í starfi Rotary-
klúbbs Vestmanna-
eyja lengi.
Þorsteinn var á
yngri árum fimur
bjargveiðimaður og
kleif ásamt félaga sín-
um Þrídranga fyrstur
manna.
Þorsteinn spilaði
lengi með Lúðrasveit
Vestmannaeyja og
söng einnig með Vestmannakórn-
um.
Síðari ár beindi Þorsteinn kröft-
um sínum að umhverfismálum í
Eyjum og beitti sér m.a. fyrir merk-
ingu örnefna í Vestmannaeyjum.
Þorsteinn ólst upp á Melstað í
Eyjum en lengst af bjó hann á Blá-
tindi, fyrst við Heimagötu en það
hús eyðilagðist í eldgosinu 1973 og
standa leifar þess út úr hraunkant-
inum og hafa verið sýndar ferða-
mönnum sem dæmi um eyðilegg-
ingarmátt hraunsins. Eftir gosið
byggði Þorsteinn hús við Illugagötu
sem nefnt var Blátindur. Síðustu
æviárin dvaldi Þorsteinn á Hraun-
búðum, dvalarheimili aldraðra i
Eyjum.
Eftirlifandi eiginkona Þorsteins
er Anna Jónsdóttir og dætur þeirra
tvær eru Stefanía og Sigrún.
HijHHIHMKfllB
Nýkomnar á söluskrá meðal annarra eigna:
Gott verð - bílskúr - frábært útsýni
Suðuríbúð 3ja herb. á 1. hæð 83 fm í vesturenda á vinsælum stað
við Ugluhóla. Rúmgóðar sólsvalir. Geymsla í kjallara. Bílskúr 21,7 fm.
Laus eftir samkomulagi.
Eins og ný - útborgun kr. 800 þús.
Suðuríbúð 3ja herb. á 3. hæð 82,8 fm á vinsælum stað í Seláshverfi.
40 ára byggingasjóðslán kr. 2,5 millj. Útsýni. Nánar á skrifstofunni.
Með góðu vinnuplássi - lækkað verð
Stór, sólrík 4ra herb. íb. á 2. hæð við Kirkjuteig, 117,9 fm. Nýtt gler
o.fl. Stórar stofur. Góður bílskúr/vinnupláss um 40 fm. Ræktuð lóð.
Á góðum kjörum
2ja herb. endurnýjaðar íbúðir m.a. við Kleppsveg og Hjallaveg.
Vinsamlegast leitið nánari upplýsinga.
Einbýlishús við Hrauntungu, Kóp.
Steinhús með góðri íb. á hæð og geymslu og föndurherb. í kjallara.
Stór og góður bílskúr. Ræktuð lóð með heitum potti. Vmsæll staður.
í nágrenni Hvassaleitisskóla
Læknir, nýkominn til landsins, óskar eftir góðu húsnæði (einbýli,
raðhús, sérhæð) í nágrenni Hvassaleitisskóla. Miklar og góðar
greiðslur fyrir rétta eign.
• • •
Opið í dag kl. 10-14.
Þurfum að útvega
íbúðarhúsnæði af flestum ________________________________
stærðum og gerðum. LAUGAVEG118 S. 5521150 - 5521370
ALMENNA
FASTEIGNASALAN
FRÉTTIR
Morgunblaðið/Arnaldur
JON Asbjörnsson bauð gestum sínum upp á saltfisk, sem var þeginn með þökkum enda afar ljúffengur.
Átak í sölu saltfisks til Katalóníu
Unnu ferð til íslands í happdrætti
SÍÐASTLIÐNA viku hafa verið
stödd hér á landi þrenn hjón frá
Barcelona, en þau unnu ferð tii
íslands í happdrætti sem íslensk-
ir saltfiskútflytjendur efndu til í
tengslum við söluátak á íslensk-
um saltfiski í Katalóníu. Þetta
er fyrsta ferð þeirra til Islands
og voru þau afar ánægð með
hana.
Fyrirtækin sem standa að
markaðsátakinu eru Jón As-
björnsson hf., Marex ehf., og B.
Benediktsson ehf. Auglýsinga-
herferðin hófst sl. haust og
stendur enn. Bjarni Benediktsson
fiskútflytjandi sagði að hún hefði
tekist mjög vel. Það væri mikil-
vægt að rækta markaðinn í Ka-
talóníu, sem væri mikilvægasti
saltfiskmarkaður íslendinga og
þetta söluátak væri liður í þvi.
í tengslum við markaðsátakið
var efnt til happdrættis meðal
útvatnaranna, þ.e. saltfisksmá-
salanna, en þeir leika lykilhlut-
verk við sölu á saltfiski á Spáni.
Flest þessara fyrirtækja eru fjöl-
skyldufyrirtæki og unnu þrenn
hjón ferð til íslands. Þau hafa
dvalist hér í viku og voru afar
ánægð með ferðina. Þau ferðuð-
ust um Suðurland og skoðuðu
m.a. saltfiskvinnslur í Grindavík
og hjá Jóni Ásbjörnssyni í
Reykjavík. Þau sögðu að náttúra
Islands hefði komið sér á óvart
og sögðust hafa heillast af stöð-
um eins og Jökulsárlóni, sem
væri stórkostlegt náttúrufyrir-
bæri. Fjölbreytileiki íslenskrar
náttúru væri mikill.
Spánverjarnir voru ánægðir
með samstarfið við íslendinga.
Þeir kváðust fá mikla aðstoð frá
heildsöiunum við að selja salt-
fiskinn, en það sem skipti megin-
máli væru gæði íslenska salt-
fisksins. Barcelonabúar legðu
mikla áherslu á að fá hvítan há-
gæðafisk. Besta hráefnið væri
línufiskur. Þeir fengju ekki
nægilega mikið af honum og það
hefði áhrif á söluna.
Sigurður Haraldsson, fram-
kvæmdastjóri Marex, sagðist
ekki vera undrandi á að heyra
þessa umkvörtun. Það væri mikið
saltað á Islandi í dag, en vanda-
málið væri að fá nægilega gott
hráefni fyrir Katalóníumarkað-
inn. Þar væru gerðar miklar
kröfur um gæðin og islenskir
útflytjendur ættu í erfiðleikum
með að sinna þessum verðmæta
markaði.
Byrjunarlaun hjúkrunarfræðinga hærri en hjá læknakandídötum
Samanburðurinn
gefur ekki rétta mynd
FRIÐRIK Sophusson, fjármálaráð-
herra, segir samanburð á kjörum
hjúkrunarfræðinga og læknakandí-
data ekki marktækan þar sem
kjaraviðræðum við lækna sé enn
ólokið. Fram kom í Morgunblaðinu
á þriðjudag, að byijunarlaun lækna-
kandídata eru um 11 þúsund krón-
um lægri en byrjunarlaun hjúkrun-
arfræðinga samkvæmt nýjum
kjarasamningi.
Friðrik Sophusson segir laun svo-
kallaðra „kvennastétta" hjá rikinu
hafa hækkað nokkuð umfram önnur
laun á undanförnum árum. Nám
hjúkrunarfræðinga hafi lengst og
til þess sé tekið tillit í launakjörum
stéttarinnar.
Ráðherra segir það ógerning að
bera saman bytjunarlaun ólíkra
stétta með þessum hætti þar sem
líta beri til samsetningar launanna
í heild. „Enn er ósamið við sjúkra-
húslækna og því er ekki hægt að
gera neinn eðlilegan samanburð á
launum hjúkrunarfræðinga og
lækna fyrr en samið hefur verið.
Viðræður eru hafnar og vonandi
kemur til með að nást samkomulag
sem allra fyrst,“ segir ráðherra.
Hann bendir jafnframt á að séu
heildarlaun lækna borin saman við
heildarlaun hjúkrunarfræðinga
megi gera ráð fyrir að læknarnir
hafi talsvert hærri laun, en að sam-
setning launanna sé önnur.
I
I
I
I
I
I
í
(
I
I
1
\
[
\
I
Sótt um lóð í Reykjanesbæ fyrir búddamusteri
Vilja reisa þar stærsta
búddamusteri í Evrópu
SAMTÖK búddista hafa sótt um
byggingarlóð í Reykjanesbæ og hafa
þeir farið fram á flýtimeðferð við
mat á umsókninni. Umrædd lóð er 5
þúsund fermetrar á homi Reykjanes-
brautar og Njarðvíkurvegar og vill
söfnuðurinn reisa þar stærsta búdda-
musteri í Evrópu. Tómas Boomc-
hang, sem skrifaði undir umsóknina,
segir að heildarkostnaður við bygg-
inguna verði um 100 miiljónir króna.
Ellert Eiríksson, bæjarstjóri í
Reykjanesbæ, segir að bæjarstjórnin
sé velviljuð umsókninni. í Reykja-
nesbæ sé fjöldinn allur af trúfélögum
o g búddistar séu þar velkomnir einn-
ig. Umsóknin barst síðdegis á mánu-
dag og segir Ellert að hún eigi eftir
að fá alla faglega umfjöllun. Ekki
sé gert ráð fyrir kirkjum eða bygg-
ingum undir trúarstarfsemi á um-
ræddri lóð samkvæmt skipulagi.
Málið þurfi því að fá umfjöllun hjá
skipulagsyfirvöldum.
1 umsókninni segir að stefnt sé
að því að hefja framkvæmdir við
bygginguna í ágúst næstkomandi.
Prinsessan leggur
hornsteininn
Tómas Boomchang sagði að
ástæða þess að farið væri fram á
flýtimeðferð væri sú að von væri á
prinsessunni í Tælandi í ágúst og
ætlaði hún að leggja hornstein að I
byggingunni. Einnig væri nauðsyn- |
legt að ýta málinu úr vör strax því i
ef frekari dráttur yrði á því væri
hætta á að stórir kostendur í Tæ-
landi drægju stuðning sinn til baka
og vildu fremur að musterið risi í
Noregi. Tómas sagði að full eining
væri um að reisa musterið í Reykja-
nesbæ innan safnaðarins á íslandi.
Ástæðan fyrir því að menn vildu
ekki byggja musterið á Akranesi,
þar sem söfnuðinum hefði verið út- I
hlutað lóð, væri sú að þar væri ekki i
tælenskt fólk að finna. Reykjanes-
bær væri hins vegar ákjósanlegur
fyrir musterið.