Morgunblaðið - 30.08.1997, Síða 11

MORGUNBLAÐIÐ
LAUGARDAGUR 30. ÁGÚST 1997 11
FRÉTTIR
Ljósmyndasafn
Reykjavíkur
Nýráðinn
forstöðu-
maður af-
salaði sér
stöðunni
MEIRIHLUTI Menningarmála-
nefndar Reykjavíkur hefur
samþykkt að mæla með því við
borgarráð að Sigurjón Baldur
Hafsteinsson verði ráðinn for-
stöðumaður Ljósmyndasafns
Reykjavíkur. Borgarráð hafði
samþykkt að ráða Guðnýju
Gerði Gunnarsdóttur í stöðuna
fyrr í sumar. Með bréfi tii borg-
arstjóra hefur hún hins vegar
afsalað sér stöðunni. Guðný
Gerður segist í bréfinu hafa
ákveðið að þiggja frekar stöðu
safnstjóra við Þjóðminjasafnið.
Viðræðunefnd á vegum
Menningarmálanefndar lagði á
sínum tíma til að Guðný Gerður
fengi stöðuna en taldi hana og
Sigurjón Baldur jafnhæf. Helgi
Pétursson, fulltrúi meirihlutans
í nefndinni, lagði hins vegar
fram tillögu um ráðningu Ein-
ars Erlendssonar. Með atkvæð-
um hans og fulltrúa minnihlut-
ans var tillagan samþykkt og
tekin fyrir á fundi borgarráðs
fyrr í sumar. Borgarráð tók
ákvörðun um að ráða fremur
Guðnýju Gerði.
Með bréfi til borgarstjóra
þakkar Guðný Gerður traust
borgarráðs. Um leið segist hún
ekki sjá sér fært að þiggja
starfið. Ástæðan sé sú að henni
hafi verið boðin staða safn-
stjóra við Þjóðminjasafn ís-
lands.
Sex sóttu um á
Þjóðminjasafni
Þór Magnússon, þjóðminja-
vörður, segir að sex hafi sótt
um nýja stöðuna, Árni Björns-
son, Guðný Gerður Gunnars-
dóttir, Helgi Sigurðsson, Katrín
Gunnarsdóttir, Kristín H. Sig-
urðardóttir og Þóra Kristjáns-
dóttir. Árni Björnsson, þjóð-
háttafræðingur, hefur starfað
á Þjóðminjasafninu frá 1968.
Hann hefur lengi stýrt þjóð-
háttadeildinni og hefur umsjón
með ýmsum ritverkum á vegum
safnsins.
Þór sagði að ráðning Guðnýj-
ar Gerðar væri á engan hátt
vantraust á Árna eða hans
starf. „Ég hugsaði ráðninguna
út frá því hver hentaði best í
starfið. Starfið er yfirgripsmik-
ið, mjög alhliða, og mér sýndist
hún hafa þá reynslu og grund-
vallarþekkingu sem starfið út-
heimti."
Guðný Gerður tekur við stöð-
unni 15. október nk.
Afgreitt á þriðjudag
Meirihluti Menningarmála-
nefndar samþykkti að mæla
með Sigurjóni Baldri Haf-
steinssyni í starf forstöðu-
manns Ljósmyndasafns
Reykjavíkur á fundi sínum 27.
ágúst. Borgarráð tekur erindið
fyrir á þriðjudag. Nefndar-
meirihlutinn var öðruvísi skip-
aður nú en í júní, og sat Helgi
Pétursson ekki fundinn.
Siguijón Baldur lauk BA-
gráðu með mannfræði að að-
alfagi frá Háskóla íslands 1991
og stundaði síðan nám við er-
lenda háskóla. Hann hefur ver-
ið sérfræðingur á myndadeild
Þjóðminjasafnsins og við Sið-
fræðistofnun Háskólana,
stundakennari við Háskólann
og Helsinki háskóla. Eftir Sig-
uijón liggur töluvert ritað efni
um ljósmyndir og kvikmyndir.
Urskurður samkeppnisráðs um styrki sveitarfélaga til kaupa á greiðslumarki
Getur torveldað nauðsynlega
hagræðingu í búvöruframleiðslu
SAMKEPPNISRÁÐ telur að styrk-
veitingar sveitarfélaga til kaupa á
greiðslumarki geti torveldað nauð-
synlega hagræðingu í búvörufratn-
leiðslu og unnið þar með gegn hag-
kvæmri nýtingu á framleiðsluþáttum
þjóðfélagsins. Jafnframt telur sam-
keppnisráð ljóst að með því að
styrkja bændur innan ákveðins sveit-
arfélags til kaupa á greiðslumarki
hafi það samkeppnishamiandi áhrif
á markaðinn fyrir kaup og sölu á
greiðslumarki. Sá markaður sé eðli
málsins samkvæmt ekki bundinn við
staðarmörk sveitarfélaga.
Þetta kemur fram í úrskurði sam-
keppnisráðs sem kveðinn var upp
nýlega, en Samkeppnisstofnun barst
í fyrrasumar erindi frá bónda í
Torfalækjarhreppi í Austur-Húna-
vatnssýslu sem fór þess á leit að
stofnunin kannaði hvort það kunni
að bijóta í bága við samkeppnislög
að sveitarfélög niðurgreiði kvóta-
kaup einstakra bænda.
Fram kom í erindinu að sveitar-
stjórn Svínavatnshrepps í A-Húna-
vatnssýslu hefði styrkt gi'eiðslu-
markskaup einstakra bænda innan
hreppsins í verulegum mæli með
beinum fjárframlögum, en þó einung-
is þá bændur-sem ættu sauðfé fyrir.
Taldi viðkomandi bóndi að niður-
greiðslur sveitarstjórnar skekktu
samkeppnisstöðu þeirra bænda sem
ekki hefðu aðgang að slíkri fyrirgre-
iðslu, og jafnframt héldu styrkveit-
ingarnar uppi háu verði á greiðslu-
marki og leiddu til hækkunar á jarð-
arverði sem væri í engu samræmi
við horfur í búvöruframleiðslu og
búvörusölu. Allt þetta bitnaði að lok-
um á neytendum í háu verði á búvör-
um og kaupendum á jörðum og
jarðahlutum.
Varðar á engan hátt við lög
Kvörtunin var m.a. send til um-
sagnar landbúnaðarráðuneytisins
sem sagði hugsanlega þátttöku
sveitarfélaga í viðskiptum bænda
með greiðslumark á engan hátt
varða við lög eða stjórnvaldsfyrir-
mæli sem heyrðu undir ráðuneytið.
í umsögn Bændasamtaka íslands
kemur fram að ljóst sé að styrkur
sveitarfélaga og fleiri aðila til kaupa
á greiðslumarki hafi átt sér stað í
nokkrum mæli, og að mati samtak-
anna sé ljóst að slík inngrip hafi
haft áhrif til hækkunar á verði
greiðslumarks í viðskiptum og hafi
jafnframt haft áhrif á möguleika
manna til kaupa á greiðslumarki.
Framhaldsskólarnir eru að hefja starfsemi sína á ný eftir sumarfrí
„MÉR sýnist menn nokkuð hressir enda alltaf tilbreyting í því að byija að hausti,“ sagði Bogi.
Morgunblaðið/Amaldur
VINIR bera gjarnan saman bækur sínar í skólabyrjun,
Kennsla hafin
í nokkrum
framhaldsskólum
NOKKRIR framhaldsskólar
hefja kennslu óvenju snemma
í ár samkvæmt heimild í kjara-
samningi ríkis og Hins íslenska
kennarafélags og Kennara-
sambands íslands fyrir fram-
haldsskóla frá því í júní í sum-
ar. Einn framhaldsskólanna er
Fjölbrautaskólinn við Ármúla
og hófst kennsla þar miðvik-
daginn 27. ágúst.
Bogi Ingimarsson, aðstoðar-
skólameistari, sagði að breyt-
ingin ætti hvorki að hafa kom-
ið kennurum né nemendum á
óvart. Skólayfirvöld hefðu í
samráði við kennara snemma
í vor ákveðið að nýta heimild
um að flýta skólaárinu ef heim-
ildin yrði veitt í samningum.
Nemendum hefði verið gerð
grein fyrir ákvörðuninni skrif-
lega.
Hins vegar hefðu nemendur
ekki vitað uppá dag hvenær
skólinn myndi hefjast þegar
þeir réðu sig í vinnu í vor.
Nokkrir nemendur hefðu
hringt og látið vita að þeir
gætu ekki komið í skólann fyrr
en eftir helgi. Að sjálfsögðu
yrði tekið tillit til þess. Alls eru
um 850 nemendur í skólanum
og er um töluverða fjölgun að
ræða frá fyrra ári.
Flestir byrja í næstu viku
Kennsla er ekki aðeins hafin
í Fjölbrautaskólanum við Ár-
múla því hafin er kennsla í
Menntaskólanum við Sund og
Borgarholtsskóla. Flestir aðrir
framhaldsskólar hefja kennslu
eftir helgina. Grunnskólanem-
endur byrja í skólanum í næstu
viku.
SUMIR bíða ekki boðanna og hefja lesturinn strax á fyrsta degi.
Nýkomnar á söluskrá meðal annarra eigna:
Eins og ný — gjafverð
Sólrík 3ja herb. íbúð, ekki stór en vel skipulögð á 2. haeð við Jörfa-
bakka. Parket. Verðlaunablokk. Vinsæll staður. Tilboð óskast.
Séríbúð — þríbýli — Tómasarhagi
Vistleg og björt 3ja herb. mjög stór íbúð 95,1 fm nettó í kjallara. Sér-
inngangur. Sérhiti. Stór skáli með nýjum gólfefnum. Trjágarður. Vin-
sæll staður. Tilboð óskast.
Skammt frá Kennaraháskólanum
Góð suðuríbúð 2ja herb. á 2. hæð um 50 fm við Bólstaðahlíð. Gott
bað. Sólsvalir. Vinsæll staður. Tilboð óskast.
„Stúdíó“-fbúð skammt frá Hlemmi
Ný viðarklædd 3ja herb. íbúð á jarðhæð 86,4 fm. Parket. Inngangur
og hiti sér. Nánar á skrifst.
Fyrir smið eða laghentan
Við Austurgerði í Reykjavík stórt steinhús, hæð og kj. með innb.
bílsk. samtals 360 fm. Margskonar nýtingarmöguleikar. Ræktuð lóð
914 fm — trjágarður. Skipti möguleg.
Fjársterkir kaupendur óska eftir:
Þjónustuíbúð 2ja—3ja herb. í borginni.
Einbýlishúsi eða raðhúsi, helst í vesturborginni eða á Nesinu.
Rúmgóðu verslunarhúsnæði í miðborginni eða nágrenni. Má þarfnast
endurbóta eða endurbyggina.
Opið ídag kl. 10-14.
Opið:
Mánud.-föstud. kl. 10-12
og kl. 14.-18.
ALMENNA
FASTEIGNASALAN
LAUGAVEG118 S. 5521150 - 552 1370