Morgunblaðið - 15.03.1998, Page 57

MORGUNBLAÐIÐ_________________________________________________________SUNNUDAGUR 15. MARZ 1998 57*
FÓLK í FRÉTTUM
Ferðir
Tristan
Sýningar standa yfír á Ferðum Guðríðar
í Skemmtihúsinu. Er það einleikur
Tristan Gribbin og jafnframt fyrsta verk-
efni hennar hérlendis. Steinar Þór
Sveinsson talaði m.a. við hana um
landafundina og drifkraft kvenna.
ISKEMMTIHÚSINU á Lauf-
ásvegi 22 er sýndur einleikur-
inn Ferðir Guðríðar eða „The
Saga of Guðríður". Höfundur
ensku útgáfunnar er Brynja Bene-
diktsdóttir og naut hún aðstoðar
írsku-bandarísku leikkonunnar
Tristan Gribbin sem leikur Guðríði
og öll önnur hlutverk í sýningunni.
Leiksýninguna Ferðir Guðríðar
byggja höfundurinn og leikstjórinn
á Eiríks sögu rauða og Grænlend-
ingasögu en töfrar leikhússins eru
óspart notaðir til að koma sögu
Guðríðar Porbjarnardóttur til skila.
Guðríður var í hópi þeirra land-
könnuða á öndverðrí elleftu öld sem
gagngert leituðu Vínlands hins góða
til að setjast þar að. Guðríður bjó í
tvö til þrjú ár í Vínlandi og ól þar
soninn Snorra, fyrsta „evrópska
Ameríkumanninn". Flyst hún síðan
til íslands en þegar Snorrí er kom-
inn til manns leggur Guðríður af
stað í suðurgöngu til Rómar. Heim
komin reisti hún kirkju í Glaumbæ í
Skagafirði og tók nunnuvígslu.
Þótt grein þessi ætti á engan hátt
að vera leikhúsgagnrýni verður vart
undan vikist að mæra leik Tristan
sem auk þess að leika Guðríði
bregður sér í líki annaiTa kvenna,
manna, dýra og náttúruafla á svo
átakalausan en kröftugan hátt, að
áhorfandinn gleymir stund og stað.
Útgeislun leikkonunnar nær heljar-
tökum á áhorfendum sem lifa sig
með henni inn í líf og ferðir Guðríð-
ar, inn í vegsemdir víkinga, klæki
kvenna, flug fugla, hvæs katta, stór-
veður og storma og skærur við
skrælingja.
Tristan er af írsku foreldri en
fædd og uppalin í Bandaríkjunum.
Hún er fædd árið 1967 þegar hippa-
tímabilið var í hámarki og var henni
valið nafnið Tristan í anda frjáls-
ræðis þessara ára, en það er karl-
mannsnafn. Tristan lærði leiklist í
Kaliforníu en hefur búið víðs vegar
um heiminn og starfað við leiklist
en er nú sest að hér á landi.
Aðspurð segir hún þetta vera
fyrsta leikritið sem hún tekur þátt í
hér á landi.
„Eg var mjög heppin að hitta
Brynju og að hún hafði hug á að
setja upp þetta leikrit á ensku þar
sem það er ekki auðvelt fyrir ensku-
mælandi leikara að fá vinnu á ís-
landi. Leikaðferð er mér ný, t.d. all-
ur látbragðsleikurinn. Auk þess er
það ný upplifun fyrir mér að vinna
svo náið með rithöfundinum sjálfum
við það að skapa verkið og er það
mjög áhugavert og gefandi. Ég hef
áður mest tekið þátt í uppfærslum á
nútímaleikritum en manni gefst yf-
irleitt ekki færi á að vinna á þennan
máta með rithöfundinum."
Tristan segir það öðruvísi að
leika í einleik en að taka þátt í
stærn uppfærslum með fleiri leik-
urum. „Hér ber ég ein ábyrgðina og
verkið stendur og fellur með mér og
ég með því. Nándin við áhorfendur
er mikil og getur verið erfið. Eg
einbeiti mér að því að vera í hlut-
verki formóður sem er að segja
niðjum sínum sögu sína enda eru Is-
lendingar niðjar Guðríðar.“
Er munur á leikhúslífi á Islandi
og þess sem þú þekkir til erlendis?
„Reykjavík er lítil en hér er mjög
mikið að gerast í leikhúslífinu miðað
við annars staðar. Ég bjó í sex ár í
Dublin á írlandi og þar er mjög
mikið að gerast í leikhúslífinu en ég
held að hér sé jafnvel meira um að
vera.“
En hvemig gengui’ enskumæl-
andi leikara að ná sambandi við ís-
lenska áhorfendur?
„Það er ekki eingöngu enski text-
inn sem skiptir megin máli í þessu
verki heldur vinna allir þættir þess
saman. Þar kemur til tónlistin og
tjáningin, framganga leikarans. I
einleik kemur hver leikari með sitt í
verkið sem er hans eigið.“
Tristan vissi ekki áður að það
voru í raun íslendingar sem fundu
Ameríku. Blaðamaður er þó sam-
mála henni um að Oscar Wilde
komst skemmtilega að orði þegar
hann sagði íslendinga snjallasta
MAXFACTOR
Max Factor
Vor/sumarlitir
1998
Útsölustaðir
Regnhlífabúðin, Laugavegi 11,
Snyrtivörubúðin Nana,
Lóuhólum 2—6
Austurbæjor Apótek,
Hóteigsvegi 1,
Grafarvogs Apótek,
Hverafold 1—5,
Hringbrautar Apútek,
Hringbraut 119,
Snyrtihúsið, Selfossi,
Hafnarapótek, Hofn,
Apótek Vestmonnaeyja.
fólk í heimi; þeir fundu Ameríku og
sögðu engum frá því. í ieikritinu um
Guðríði er hún látin segja páfa frá
landafundunum og nýja heiminum
eftir suðurgönguna til Rómar.
En hafði hún heyrt um íslend-
ingasögurnar?
„Já, ég hafði heyrt um þær en
ekki lesið neina þeirra." Hún nefnir
að hún hafi þó séð þátt Monty Pyth-
on þar sem teknar eru fyrir íslend-
ingasögurnar og hlær. „Maður
verður að kynna sér efnið til hlítar
til að sjá allt dramað sem er í Is-
lendingasögunum. Síðan tekur mað-
ur það og vekur til lífsins, bætir við
hreyfingum og tónlist. Nútíma leik-
hústækni er blandað við fornan
sagnahátt til að vekja dramatíkina.“
Tristan hefur ferðast víða og búið
um lengri eða skemmri tíma í hin-
um ýmsu löndum líkt og Guðríður
gerði. Finnur hún til samkenndar
með henni? Hún svarar því játandi
og hlær. Svo segir hún á íslensku:
„Guðríður er stalla mín.“
Þú bregður þér í mörg hlutverk í
leikritinu - hvert þeirra líkar þér
best? „Mér líkar mjög vel að leika
karlmennina en annars líkar mér
vel við öll hlutverkin, dýrin, sjóinn,
draugana, storminn."
Hvert er skemmtilegasta hlut-
verk í leikriti sem þú hefur leikið?
„Ég held að það fari í raun eftir því
hvar maður er staddur í lífinu. Lífið
er ferðalag og ákveðið hlutverk get-
ur átt vel við á ákveðnu tímaskeiði í
lífinu. Jafnframt getur annars kon-
ar hlutverk átt vel við á einhverju
öðru tímaskeiði í lífi manns.“
í leikritinu kemur fram að konur
geta ráðið ýmsu um gerðir manna,
s.s. að þeir leggist í landafundi. Svo
er einnig í Islendingasögunum. Er
það þannig enn í dag?
„Það er erfitt að segja til um
það,“ segir Tristan og kallar til
Brynju sem er skammt undan. Eftir
nokkra rekistefnu slá þær stöllur
fóstu að svo sé altént á þeirra heim-
ilum. „Það er alltaf gert meira úr
Töhru-
nómskeið
- stutt kvöld og HelgartiémskelÖ
Ncimskció T imcibil Lcncjd I
Internet 23.og 25. mars 8 klst
Internet 20.og 23. maí 8 klst
Excel 28.mars til 4. aprfl 16 klst
Excel 25.maí tilö.júní 16 klst
Sölutækni 9. og 16. maí 8 klst
Word '97 4. til 18. maí 20 klst
Tölvubókahld 15. til 29. aprfl 24 klst
Power Point 8. og 10. júní 8 kist
■ Einnig eru örfá sæti laus á morgun- og
síðdegisnámskeiðum.
■ Vönduð námsgögn fylgja öllum námskeiðum.
Nýi tðlvu-&
viðskiptaskólinn
Hólshrauni 2 - 220 Hafnarfirði - Sími: 555 4980 - Fax: 555 4981
Tölvupóstfang: skolí@ntv.is - Heimasíða: www.ntv.is
því sem karlmenn afreka," heldur
Tristan áfram. „Það er til dæmis til
stór stytta af Leifi Eiríkssyni en
bara smástyttur af Guðríði - ennþá.
Með því að gera alltaf svo mikið úr
afrekum karlmanna er hugsanlega
verið að hylma yfir eitthvað. Þeir
hefðu vart afrekað það sem þeir
gerðu væri ekki kona að baki þeim
sem drifi þá áfrarn."
Eitthvað að lokum?
„Við ætlum okkur að ferðast með
leikritið til Grænlands, írlands og
Kanada. Ferðast með það eins og
Guðríður ferðaðist og koma Guðríði
á kortið."
Komdu áöur en
allt er búiö!
Hólf & Gólf
B REIDDINN I-