Morgunblaðið - 17.11.1998, Blaðsíða 69

MORGUNBLAÐIÐ
ÞRIÐJUDAGUR 17. NÓVEMBER 1998 69
FÓLK í FRÉTTUM
Kjólklæddi skrif-
stofumaðurinn
ÓVENJULEGT atvik gerðist í
réttarsal í Lundúnum á þriðju-
daginn var. Peter Young, fyrr-
verandi stjórnaiTnaður hjá
Morgan Greenfell-bankanum,
mætti fyrir rétt vegna ákæru
um að hafa haft meira en 200
þúsund pund af atvinnurekanda
sínum. Ekki er þá öll sagan
sögð því Young mætti fyrir rétt-
inn í kvenmannsgervi.
Þegar Young mætti til réttar-
haldanna var hann klæddur
smekklegri ljósbrúnni peysu yf-
ir hvítum kjól. Dökk hárkolla,
háhælaðir skór og bleik hand-
taska, sem var í stfl við bleikan
varalitinn, settu svo punktinn
yfú' i-ið á múnderingunni. Ráku
menn að vonum upp stór augu,
enda höfðu samstarfsmennirnir
ekki vanist Young á þessum
nótum, því hann mætti alltaf til
vinnu í jakkafötum að hætti
breskra kaupsýslumanna.
Young er ákærður fyrir fjár-
drátt og að liggja á gögnum er
málið varða eftir að rannsókn
hófst. Fjárdráttinn stundaði
Young frá ágúst 1994 til október-
mánaðar 1996. Ekki var Young
einn í fjárdrættinum, því Erik
Langaker, Jan Helge Johnsen og
Stewart Armer voru einnig
ákærðh', en þeir unnu hjá íyrii-
tækinu Fiba Nordic Securities
sem Young hafði viðskipti við.
Fyi-rverandi eiginkona
Youngs, Hai-manna Van Dalen,
sagði í samtali við fjölmiðla að
hjónabandinu hefði lokið í febr-
PETER Young mætir til rétt-
arhaldanna í Lundúnum 10.
nóvember sl.
úar sl. vegna ástríðu Youngs á
kvenmannsfötum. Hún sagði að
Young hefði tjáð henni að hann
hygðist fara í kynskiptaaðgerð.
Var eiginkonan áhyggjufull
vegna sona þeirra hjóna, fjög-
urra og sex ára gömlum, sem
ekkert vissu um áráttu föður-
ins.
Eiginkonan sagðist hafa vitað
um klæðskiptiáráttu eigin-
mannsins í langan tíma áður en
sambandi þeirra lauk. Hins veg-
ar hafi fjálgleiki Youngs í kven-
mannsklæði valdið miklu álagi í
sambandi þeirra og hún farið
fram á skilnað í febrúar og
Young í kjölfarið flutt heim til
foreldra sinna.
Ákveðið var að fresta réttar-
höldunum yfir Young fram til 1.
febrúar á næsta ári.
Jóhannes Bjarni Guðmundsson á nýjum vettvangi
Fréttamaður fer á flu g
ÁHORFENDUR sjónvarpsins
kannast við andlit Jóhannesar
Bjarna Guðmundssonar frétta-
manns, en hann hefur starfað á
fréttastofunni frá því síðasta vor.
Nú er hann hins vegar að hverfa úr
fréttunum og fara að fljúga innan-
lands hjá Flugleiðum.
- Hvernig kom það til?
„Eg hafði starfað sem flugkenn-
ari með fréttamannsstarfinu í tæpt
ár, og átti starfsumsókn inni hjá
Flugleiðum frá því þeir auglýstu í
vor. Ekkert svar barst um flug-
mannsstöðuna og í júní byrjaði ég
að starfa sem fréttamaður hjá Sjón-
varpinu. Um miðjan október fékk
ég síðan svar frá Flugleiðum um að
ég hefði verið ráðinn til að fljúga
innanlands, og tók ég því.“
Valdi flugið frekar
en fréttir
-Fékkstu ekki árssamning hjá
sjónvarpinu um syipað leyti?
„Jú, reyndar. Ég var einnig mjög
spenntur fyrir því starfi, en samt
togaði flugmannsstarfið meira í
mig, svo ég afþakkaði stöðuna hjá
Sjónvarpinu.“
-Heillaði ílugið meira en frétt-
irnar?
„Það er nú það. Það er mjög erfitt
að útskýra hvað það er sem heillar
mest við flugið," segir Jóhannes.
„Þetta er baktería sem maður fær
og þegar maður er einu sinni byrj-
aður verður ekki aftur snúið,“ segir
hann. „En fréttamennskan er
einnig mjög skemmtileg.“
-Ætlarðu að samræma störfm,
vera með fréttafiutningí fluginu?
„Það er aldrei að vita,“ segir Jó-
hannes og kímir. „Ég er nú að vona
að ég þurfi ekki að loka
algjörlega á ft'étta-
mannsstarfið. En það á
bara eftir að koma í
ljós.“
- Hefurðu stefnt á
flugið lengi?
„Ég hef náttúrulega
menntað mig til flug-
mannsstarfsins. Lærði
hérna heima í Flug-
skóla Islands og lauk
því síðasta sumar.
Meðft'am náminu vann
ég sem fréttamaður á
Ríkisútvarpinu og það
var eiginlega bara til-
viljun að ég fékk starf
hjá Sjónvarpinu. En
mér fannst starfið mjög spennandi
og sló til.“
- Isfirðingurinn hefur ekki látið
aðflugið í heimafirðinum aftra sér?
„Neinei. Það er bara meiri áskor-
un. Þetta er prófraun í hvert sinn,“
segir Bjarni og hlær.
- Hvernig kom til að þú fórst í
fréttamennsku upphaflega hjá út-
varpinu?
;,Það byrjaði hjá svæðisútvarpinu
á Isafirði þegar ég var í menntaskól-
anum þar. Fyrst voru það
íþróttapistlar einu sinni í viku hjá
Éinnboga Hermannssyni. Það má
segja að það sé Finnboga að kenna
að ég fór út í fréttimar,“ segir Jó-
hannes og hlær. „Ég fór að leysa af
sem fréttamaður, og gerði það þrjú
sumur. Síðan fór ég suður til
Reykjavíkm- og fór í Tónlistarskól-
ann í Reykjavík. Meðfram var ég
einnig í dagskrárgerð uppi á útvarpi.
Var fyrst með barna- og unglinga-
þætti á Rás 1, síðan í morgunútvarp-
inu á Rás 2 og loks á
fréttastofunni."
- Tónlist? Ertu tón-
listarmaður líka ?
„Já,“ segir Jóhannes
dræmt. „Eg byrjaði að
læra á fiðlu á Isafirði
þegar ég var tólf ára og
var búinn með fimmta
stig þegar ég kom suð-
ur. Átti þrjú stig eftir í
burtfararpróf. Þegar til ^
Reykjavíkur var komið
fór ég að læra á víólu
og píanó. En það varði
stutt, bara eina önn,
því ég fór til Ástralíu.“
-Nú? Hvað varstu
að gera þar?
Jóhannes verður ögn feimnisleg-
ur á svipinn og segir að þangað hafi
hann farið út af konunni. „Fóstur-
faðir hennar er Ástrali en foreldrai'
hennar kynntust fyrir vestan, eins
og ég og kærastan gerðum líka. Síð-
an þegar hún fór að heimsækja for-
eldra sína til Ástralíu elti ég hana út
og var þar í tvo rnánuði."
- Og bar ferðin árangur?
„Já, þetta gekk allt saman upp,“ . ^
segir Jóhannes og hlær. „Við erum
saman í dag.“
Jóhannes segist vera mjög
spenntur fyrir nýja starfinu.
Þjálfunin í fluginu byrjar í desem-
ber og búast má við að hann setjist
undir stýri Fokker-vélar sem flug-
maður Flugleiða í janúar. Hann
mun fljúga á öllum leiðum innan-
lands og einnig til Grænlands og
Færeyja. Hver veit nema stöku
fréttapistill muni heyrast í hátölur-
um flugvélanna þegar flogið verður
innanlands eftir jól. "■w
Jóhannes Bjarni
Guðmundsson
Losaðu þiy vii
sönnunarjögnin
um $ a m 1 a n smek
Nýr flokkur í endurvinnslu
Sorpa, í samvinnu við fyrirtækið
Endurtekið Efni ehf, hefur tekið upp nýjan
flokk í endurvinnslu, klæði. Hægt er að
endurnota eða endurvinna stóran hluta
þess klæðis sem til fellur á heimilum,
stofnunum og fyrirtækjum.
Frágangur:
Klæðið þarf að flokka frá venjulegu sorpi.
Það má vera slitið, en hreint, þurrt og
pakkað í plastpoka.
Móttaka klæðis og upplýsingabæklingar
eru ð öllum endurvinnslustöðvum SORPU.
Á veturna: 16. ág. - 15. maí kl. 12:30 - 19:30
Á sumrin: 16. mai -15. ág. kl. 12:30 - 21:00
Að auki eru stöðvarnar við Ánanaust,
Sævarhöfða og í Garðabæ opnar
frá kl. 08:00 á virkum dögum.
k
Endurvinnanlegt klæði
Allur fatnaður
Rúmfatnaður
Handklæði
Gluggatjöld
Áklæði
Töskur
Tuskuleikföng
S©RPA
SORPEYÐING HÖFUÐBORGARSVÆÐISINS bs
Sími 520 2200 • www.sorpa.is
|
Æ