Morgunblaðið - 06.12.1998, Blaðsíða 11

MORGUNBLAÐIÐ
SUNNUDAGUR 6. DESEMBER 1998 11
Tölvumynd/Arkitektastofa Halldórs Guðmundssonar
ÞVERSNIÐ af hluta nýbyggingarinnar, sem tengist Kringlunni við
innganginn hjá Hard Rock Café.
Jarðvinnu á að ljúka í febrúar en þá
verður búið að fjarlægja 16 þúsund
rúmmetra af jarðvegi.
Það hálfa ár, sem mest verður um
að vera á byggingarstaðnum, verða
þar að jafnaði um 100 manns að störf-
um. Þrátt fyrir skamman fram-
kvæmdatíma er ekki gert ráð fyrir því
að unnið verði á vöktum á byggingar-
stað. Húsið sjálft verður væntanlega
risið um mánaðamótin maí-júní og
vonast er til að verslanaeigendur fái
húsnæðið afhent tilbúið til innrétting-
ar á tímabilinu júlí til ágúst. Eins og
fyiT sagði er svo stefnt að því að opna
nýja Kringlu viðskiptavinum 30. sept-
ember.
Að sögn Þorkels verður húsið í raun
stálgrindarhús með steyptum eining-
um og verður það byggt með nýrri
tækni. 300 tonn af stáli koma tilsniðin
úr verksmiðju en einungis um 3.000
rúmmetrar af steypu eru áætlaðir í
bygginguna að meðtöldum undirstöð-
um.
Auk byggingar verslunarhússins
verður unnið við byggingu bíla-
geymslu fyrir um 400 bfla á suðaustur-
hluta lóðarinnar, við mót Listabrautar
og Rringlunnar, á reit þar sem fyrir
eru 150 bflastæði. Þá verður reist sér-
stök tengibygging milli Borgarleik-
hússins og Kringlunnar. Einn áfangi
framkvæmdanna felst í því að útbúa
tengingu milli torgbyggingarinnar
svokölluðu, þ.e. nýja verslunarhússins,
og 1. hæð gömlu Kringlunnar en sú
tenging verður gerð þar sem nú er
verslunin Byggt og búið.
Þótt undirbúningur sé vel á veg
kominn og áætlanir og dagsetningar
liggi íyrir er samningum við verktaka
um framkvæmdirnar ekki lokið. Við-
ræður standa yfir við ístak um að fyr-
irtækið annist framkvæmdirnar að
öllu leyti og svo er að heyra á Ragnari
Atla og Þorkeli Erlingssyni að samn-
ingar séu skammt undan.
Ragnai- Atli segir að um sé að ræða
svonefnda marksamninga, þar sem
verktaki og verkkaupi vinna náið sam-
an, útbúa kostnaðaráætlun í samein-
ingu og skipta frávikum milli sín í fyr-
irfram ákveðnum hlutföllum. Hann
segir að góð reynsla sé af þessu fyrir-
komulagi. Hann telur að áætla megi að
byggingarkostnaðurinn verði um það
bil 1.800 milljónir króna. Þorkell Erl-
ingsson segir að þótt Istak taki að sér
að annast allar framkvæmdirnar verði
þættir á borð við loftræstingu, lyftur
og fleira boðnir út til annarra.
Vetrarborg verslunar,
viðskipta og menningar
BORGARLEIKHÚSIÐ, Hag-
kaup, Borgarbókasafnið, Ha-
bitat og Hard Rock Café komast
undir eitt þak að loknum fram-
kvæmdunum við Kringluna á næsta
ári. Aðstandendur leggja áherslu á
að með þessari fjölbreytni sé verið
að búa til vetrarborg á íslandi og
þróa Ki'ingluna að nýrri veitinga-
staðamenningu landsmanna og
tengja hana menningarneyslu.
Jafnframt er verið að mæta kröfum
tímans um breytta samsetningu
verslana. I takt við þessar áherslur
verður mörg nýmæli að finna í
rekstri hinnar nýju Kringlu. í þeim
efnum liggur ekki allt fyrir; enn er
verið að vinna í samningagerð við
fjölmarga kaupmenn um rekstur í
húsinu.
Fyrst skal telja þær breytingar
sem verða á útliti og fyrirtækjaum-
hverfinu í því húsi, sem menn
þekkja nú.
Torgin á jarðhæð Kringlunnar,
við Hagkaup og Byggt og búið,
tekin upp. Rýmið verður nýtt á
annan hátt, meðal annars með það í
huga að bæta aðstöðu fyrir börn í
húsinu.
Byggt og búið flytur
Verslunin Byggt og búið verður
flutt. Um húsakynni hennar liggur
tengingin frá jarðhæð yfir í nýju
torgbygginguna. BYKO verður með
svipaðan rekstur í nýrri Kringlu en
þau áform eru ekki að öllu leyti mót-
uð.
Skyndibitastaðirnir Kvikk flytjast
til. Þar sem Kvikk er nú, milli Bún-
aðarbankans og Hard Rock Café,
mun Bolli Kristinsson í 17 opna nýja
verslun.
Það er óhætt að segja að megin-
einkenni nýju torgbyggingarinnar
verði hin risastóra útivöruverslun,
sem verður á jarðhæð og annarri
hæð hússins, á alls 2.600 fermetrum.
Eigendur hennar verða Fjárfest-
ingafélagið Þor og Einar Sigfússon,
sem rekur Sportkringluna, en hún
verður lögð niður.
I útivöruversluninni verður seldur
fatnaður og ýmis útivistarbúnaður,
svo sem t.d. reiðhjól og skotvopn.
Byssusmiður mun setja upp verk-
stæði í versluninni. „Þarna verður til
sölu það sem tengist útivist fyrir al-
menning," segir Ragnar AtU Guð-
mundsson, framkvæmdastjóri Eign-
arhaldsfélags Kringlunnar. Hann
leggur því áherslu á að hér
sé ekki á ferðinni hver önn-
ur íþróttavöruverslun.
Frjáls lífsstill, stuðla-
berg og 15 metra súla
Ragnar Atli segir að
frjáls lífsstíll, með áherslu á
útivist og umhverfi og heil-
brigt og vistvænt lífemi,
sæki sífellt á meðal fólks.
Þessi verslun bregst við
þeirri eftirspurn. Efni í
innréttingar er endurnýtt og um-
hverfisvænt, eða þá sótt í íslenska
náttúru, til dæmis rekaviður og
stuðlaberg.
Þarna verður arinn á tveimur
hæðum og lyfta flytur viðskiptavini
milla hæða innan verslunarinnar.
Inn í útivöruverslunina er komið
þar sem nýja torgbyggingin og Kr-
inglan mætast, við Hard Rock Café.
Þar, frá gólfi jarðhæðar uppundir
rjáfur þriðju hæðar, rís 15 metra há
klifursúla, sem setur mikinn svip á
tengibygginguna og verslunina.
Ragnar Atli segir að til þess verði
ætlast að klifurkappar spreyti sig og
sýni listir sínar í súlunni, en búnaði
fjTÍr fjallamenn og klifrara verður
gert hátt undir höfði í versluninni.
Við súluna verður tengdur búnaður
þannig að á henni gætir „veðurs“.
Þeir sem leggja á brattann geta búið
sér til farartálma eins og bleytu og
ísingu.
Ragnar Atli segir að gera megi
ráð fyrir því að keppt verði í klifri í
versluninni og að ýmsar uppákomur
verði haldnar þar og tengdar útivist-
arsvæðum utan dyra. Þar verður
annars vegar um að ræða torg, sem
nýta má fyrir samkomur, og hins
vegar almennt útivistarsvæði þar
sem gestir og gangandi geta notið
góðviðrisdaga.
Bókasafn og nýr leikhússalur
Eins og fram kemur annars stað-
ar á opnunni verður sérstök veit-
ingaálma á þriðju hæð tengibygg-
ingarinnar, milli verslanamiðstöðv-
arinnar og menningarstofnananna,
Borgarleikhússins og Borgarbóka-
safnsins.
Þar verða reknir átta skyndibita-
staðir undir heitinu Kvikk með
auknu sætaframboði frá því sem nú
er. Þrír nýir veitingastaðir verða
settir upp, hver með eigin sætarými.
Þessir staðir munu markaðssetja sig
Ragnar Atli
Guðmundsson
fyrir fjölskyldufólk, segir
Ragnar Atli.
Borgarbókasafnið opnar
nýtt útibú, sem að hluta til
nýtir núverandi húsnæði
Borgarleikhússins, en í
tengibyggingunni verður
inm-éttaður salur fyrir 250
áhorfendur. Ráðgert er að
fyrr eða síðar fái Borgar-
leikhúsið þennan sal af-
hentan til leiksýninga.
Óljóst er hvenær af því
verður en tefjist það segir Ragnar
Atli rætt um að nýta salinn fyrir
börn.
Unglingaþyrping
og sápuverksmiðja
Eitt megineinkenni neyslumenn-
ingar nútímans er síaukin umsvif
unglinga á markaði fyrir neysluvör-
ur, þjónustu og afþreyingu. Þessu
ætlar Kringlan að mæta með því að
útbúa sérstaka álmu eða þyrpingu
þar sem lögð verður áhersla á versl-
anir, sem höfða til unglinga. Nú
standa yfir viðræður við nokkur
þekkt fyrirtæki, sem stíla inn á
þennan markhóp, en Ragnar Atli
verst spurningum um að nafngreina
fyrirtæki enn sem komið er. Að auki
höfðar Kringlubíó, ný tónlistai*versl-
un og fleira til þessa hóps.
Samningar standa yfir við fjöl-
marga aðra kaupmenn um rekstur
verslana í nýrri Kringlu. Ragnar vill
ekki staðfesta upplýsingar Morgun-
blaðsins um að þar á meðal séu
sömu aðilar og reka verslunina GK
við Laugaveg.
Hins vegar upplýsir hann að
danska fyrirtækið Sands muni opna
verslun fyrir karl- og kvenfatnað,
' svokallaðan unisex-fatnað. Einnig
munu eigendur Evu og Gallerís
opna nýja verslun, kennda við merk-
in InWear og Martinique. Þeir sem
reka Herrana og Herragarðinn
verða líka með nýja verslun.
Ragnar Atli segir að fleiri nýjung-
ar séu í burðarliðnum og þar eru á
ferðinni meðal annars verslanir sem
selja leðurvörur, skó og fatnað;
þekkt vörumerki í háum verð- og
gæðaflokki.
Önnur óvenjuleg nýjung, sem
samningar liggja þegar fyrir um, er
snyrtivöruverslunin Lush. Þar inni í
miðri verslun verður að finna verk-
smiðju sem framleiðir sápur og
krem og selur eftir vigt.
Tölvumynd/Arkitektastofa Halldórs Guömundssonar
HORFT inn í nýju torgbygginguna í Kringlunni, frá þeim stað þar sem Hard Rock Café er. Rúllustigar
flytja viðskiptavini niður á umráðasvæði stórrar útivöruverslunar eða upp á þriðju hæð, þar sem verða
veitingastaðir. Milli rúllustiganna gnæfir 15 metra há klifursúlan til lofts.
Einnig flytjast skyndibitastaðir
Kvikk í þessa álmu og fá fleiri
sæti til ráðstöfunar.
Það er Arkitektastofan Ar-
rowstreet í Boston, sem hefur
tekið að sér að hanna útlit veit-
ingahúsaálmunnar. Auk glerhýs-
isins og göngugötustemmningar-
innar verður eitt einkenni hennar
stór þakgluggi og hvolfþak sem er
skreytt þannig að það minnir á
himinhvelfmguna.
íslensk sérkenni
hvað varðar form og efni
Halldór segir að bandarísku
arkitektamir hafí einnig lagt sig
fram um að líta til þess spm ís-
lenskt er í hönnun sinni. í útliti
skyndibitastaðanna er óspart
skírskotað til íslenskra sérkenna,
bæði hvað varðar form og efni. Til
að mynda hafa hönnuðirnir sótt
sér efnivið í íslenska náttúru og
íslenskt umhverfi. Þeir nýta hluti
á borð við birkilauf, bárujárn,
blúndudúka og fleira til þess að
ljá húsakynnunum ferskan, sérís-
lenskan blæ.
„Meginþemað er að nota þessa
íslensku vinkla og útfæra þá.
Þarna að baki býr frumleg hug-
mynd og frumlegur arkitektúr,
sem gaman er að taka þátt í,“ segii'
Halldór og segh- að þetta gildi um
alla hönnunarvinnuna við húsið.
„Það er verið að búa til nýjan, ein-
stakan hlut, sem menn hafa lagt
kapp á að verði sem notalegastur."
Arrowstreet kemur einnig við
sögu við hönnun á einni helstu nýj-
unginni, sem fylgir rekstri hinnai'
endurnýjuðu Kringlu. Það er 2.600
fermetra útivistarvöruverslun, sem
nánar er gerð grein fyrir annars
staðar á opnunni. Innréttingar ein-
stakra verslana eru að öðru leyti mál
þeirra sem þær reka. í útivöruversl-
uninni eru stuðlaberg, rekaviður og
önnur umhverfisvæn og endurnýtt
efni notuð til þess að búa til frumleg,
nútímaleg og séríslensk húsakynni.
Við nýbygginguna bætast 10.500
fermetrar við gólfpláss Kringlunnar.
Halldór Guðmundsson segir að í
allri hönnun hússins sé þess gætt að
ákveðið samræmi sé milli nýbygg-
ingarinnar og eldri hluta Kringlunn-
ar. Þeim sérkennum er t.d. haldið að
allir inngangar hússins verða gulir
að lit og sami heildarsvipur verður á
innviðum sameignarinnar hvort sem
er í eldri eða yngri byggingunni.
Einnig hafa skoskir hönnuðir ver-
ið fengnir til þess að endurhanna
lýsingu og segir Halldór að útfærsl-
ur þeirra virðist mjög spennandi.
Með nýbyggingunni verður komið
á hringtengingu um alla Kringluna á
öllum hæðum. Við hönnunina er
hugað sérstaklega að svokölluðu
verslanaflæði, þ.e. hvernig einstök-
um verslunum og aðgengi þeirra er
fyrirkomið. Þetta flæði er sérstak-
lega hannað af hinni þekktu arki-
tektastofu Bemard Engle í London.
Ragnar Atli Guðmundsson, fram-
kvæmdastjóri Eignarhaldsfélags
Kringlunnar, segir að við hönnunar-
vinnuna leggi menn sig alla fram um
að draga sem mest úr öllum hugsan-
legum óþægindum, sem gestir Kr-
inglunnar geti fundið fyrir innan
dyra. í þeim efnum er hugað að öll-
um mögulegum hlutum, t.d. hljóm-
burði. I viðleitni til að firra því að
rafsegulsvið valdi gestum óþarfa
angri er Brynjólfur Snorrason, sér-
fræðingur í rafsegulsviði, hafður
með í ráðum.
u