Morgunblaðið - 31.01.1999, Blaðsíða 16

16 SUNNUDAGUR 31. JANÚAR 1999
MORGUNBLAÐIÐ
LISTIR
Tíbrá fyrir
tónelska
Tónleikaröð Kópavogsbæjar, Tíbrá, hefur
verið hleypt af stokkunum í Salnum. Orri
Páll Ormarsson ræddi við listrænan höfuð-
paur raðarinnar, Jónas Ingimundarson, en
þar kennir margra grasa.
Morgunblaðið/Árni Sæberg
JÓNAS Ingimundarson við slaghörpuna í Salnum. Með honum á myndinni er Vigdís Esradóttir forstöðumað-
ur Tónlistarhúss Kópavogs.
KÓPAVOGUR hefur á undanfóm-
um árum og misserum haslað sér
völl sem tónlistarbær. Þar hefur
tónmenning verið stjómvöldum
óvenju hugleikin - um það ber hið
nýreista tónlistarhús vitni. Á engan
er hallað þótt fullyrt sé að tónleika-
hald í Kópavogi hafi vaxið fyrir at-
beina eins manns, Jónasar Ingi-
mundarsonar píanóleikara og tón-
listarráðunautar bæjarins.
„Fyrir fáum áram var lítið um
tónleika í Kópavogi," segir um-
ræddur Jónas. „Það er því afar
ánægjulegt að bærinn skuli á ekki
lengri tíma hafa komist á kortið
sem tónlistarbær. Tónleikar hafa í
seinni tíð verið tíðir í bænum, eink-
um í Listasafni Kópavogs - Gerðar-
safni en einnig í Digraneskirkju og
segja má að þetta starf ásamt öðru
hafí fætt af sér Salinn,“ en svo nefn-
ist tónleikasalur Tónlistarhússins.
Og áfram heldur Jónas: „Salurinn
hefur gjörbreytt ástandinu í ís-
lensku tónlistarlífí. Frá því hann
var tekinn í notkun, 2. janúar síð-
astliðinn, hafa alls verið haldnir
tuttugu tónleikar og hátt á fímmta
þúsund manns notið þeima. Ég hef
ekki heyrt eina einustu hjáróma
rödd - það fagna allir tilkomu Sal-
arins, allir era glaðir í sálinni.“
Gert er ráð fyrir að Salurinn
verði í framtíðinni vettvangur tón-
leika af öllu mögulegu tagi. Mun
hann meðal annars hýsa tónleikaröð
Kópavogsbæjar sem undanfarin ár
hefur fengið inni í Gerðarsafni. Hef-
ur röðin hlotið heitið Tíbrá. „í tilefni
af flutningnum fannst okkur við
hæfí að fínna röðinni heiti til að
skapa henni sérstöðu," segir Jónas,
sem er listrænn höfuðpaur hátíðar-
innar. „Okkur var vandi á höndum
en völdum loks orðið Tíbrá en það
er allt í senn - fallegt, sindrandi,
gróskumikið og lifandi. Svo finnst
mér líka liggja pínulítil brella í orð-
inu, sjónhverfíng, sem er við hæfí
en eins og við vitum er fólgin svolítil
sjónhverfíng í listinni - hún tekur
við þegar orðin þrýtur."
Jónas kveðst lengi hafa velt orð-
inu fyrir sér en það sem gerði úts-
lagið var samnefnt kvæði Þorsteins
Valdimarssonar. „Kvæðið studdi
okkur tvímælaust í valinu enda er
það ákaflega fallegt."
Blanda af söng og
hljóðfæraslætti
Að sögn Jónasar er Tíbrá fram til
vors hæfileg blanda af söng og
hljóðfæraslætti, „auk þess sem Sal-
urinn gerir okkur kleift að opna
gluggann til útlanda upp á gátt -
aðstaðan er orðin boðleg."
Tvennir tónleikar hafa þegar ver-
ið haldnir undir merkjum Tíbrár,
Bach-hátíðartónleikar og söngtón-
leikar Auðar Gunnarsdóttur og
Gunnars Guðbjörnssonar. Um
þriðju tónleikana, þar sem Þor-
steinn Gauti Sigurðsson píanóleik-
ari kemur fram, er fjallað annars
staðar á síðunni.
16. febrúar efna Einar Jóhannes-
son klarínettuleikari og Unnur
Sveinbjarnardóttir víóluleikari til
tónleika í tilefni af því að í vor verða
þrjátíu ár liðin frá því þau luku prófi
frá Tónlistarskólanum í Reykjavík.
Með þeim leikur Anna Guðný Guð-
mundsdóttir píanóleikari.
Umhverfis jörðina með Skólakór
Kársness er yfirskrift kórtónleika
sem haldnir verða í Salnum 28.
febrúar. Ber Jónas lof á kórinn.
„Skólakór Kársness er eitt af djásn-
um íslenskrar tónmenningar og
stolt Kópavogs. Þar er unnið gífur-
lega mikilvægt uppeldisstarf og þá
á ég ekki bara við tóneyrað heldur
manneskjuna sjálfa.“ Stjórnandi
kórsins er Þórann Bjömsdóttir.
Jóhann Smári Sævarsson bassa-
söngvari og Helga Bryndís Magn-
úsdóttir píanóleikari koma fram á
tónleikum 15. mars. Leggjast þeir
tónleikar vel í Jónas. „Það verður
gaman að hlusta á Jóhann Smára.
Hann er menntaður í Þýskalandi og
starfaði um tíma við óperana í Köln.
Nú kennir hann við óperudeild Tón-
listarskólans á Akureyri."
30. mars mætir Kristinn H. Áma-
son með gítarinn á Tíbrá. „Það
verður gaman að heyra í Kristni en
hann er í hópi okkar mörgu góðu
gítarleikara og hefur fengið mikið
lof fyrir leik sinn og geislaplötum
hans hefur verið einkar vel tekið,“
segir Jónas.
Páskabarokk og skáldvaka
Páskabarokk er fastm’ liður í tón-
leikaröð Kópavogs og verður þráð-
urinn nú tekinn upp í Salnum.
Flautuleikararnir Martial Nardeau
og Guðrún S. Birgisdóttir verða
sem fyrr í broddi fylkingar og munu
fá til sín gesti.
Vaka til heiðurs Þorsteini Valdi-
marssyni skáldi verður haldin 10.
apríl með þátttöku Skólakórs Kárs-
ness, Hamrahlíðarkórsins undir
stjóm Þorgerðar Ingólfsdóttur og
fleiri listamanna. Jónas gerir ráð
fyrir umfangsmikilli dagskrá til
heiðurs „þessum mikla öðlingi". Rit-
listarhópur Kópavogs og Lista- og
menningarráð Kópavogs standa að
dagskránni.
Guðrún S. Birgisdóttir kemur
fram á flaututónleikum 14. apríl. Með
henni leikur Peter Máté á píanó.
Finnur Bjamason barítonsöngv-
ari verður gestur Tíbrár 23. apríl en
með honum leikur breski píanóleik-
arinn Graham Johnson en hann er
einn eftirsóttasti undirleikari heims
um þessar mundir. „Segja má að
Graham Johnson sé Undirleikarinn
í heiminum í dag, með stóra u-i,“
segir Jónas. „Fyrir utan að vera
frábær píanóleikari er hann með
allt á hreinu, stórt og smátt, og
söngvarar líta á það sem forréttindi
að fá að vinna með honum. Finnur
naut handleiðslu Johnsons í Lund-
únum og hafa þeir unnið talsvert
saman, meðal annars haldið tón-
leika úti um hvippinn og hvappinn.
Mér fannst því tilvalið að fá þá fé-
laga hingað á Tíbrá og reyndist það
mál auðsótt. Það er afar ánægjulegt
en Johnson er stöðugt á faraldsfæti,
í Ástralíu í dag, í Suður-Ameríku á
morgun og í Salnum í apríl."
Jónas segir mikinn feng í Johnson
og ekki spillir það fyrir að hann mun
halda tvö Master piass-námskeið,
undir yfirskriftinni „I meistara hönd-
um“, í Salnum laugardaginn 24. apríl.
Norræn vika
Noraæn vika í tilefni af nýju tón-
listarhúsi og afmæli Kópavogs verð-
ur 9.-16. maí. „Markmiðið er að
gefa gestum frá vinabæjum Kópa-
vogs á Norðurlöndum tækifæri til
að kynnast nýja tónlistarhúsinu og
tónlistarlífinu í bænum. Vonandi
verður einhverjum Kópavogsbúum í
framhaldi af þessu gert kleift að
fara í staðinn utan til að kynna sér
sambærilega hluti hjá þeim.“
Lokatónleikar starfsársins verða
haldnir 18. maí en þá stíga á svið
Hlín Pétursdóttir sópransöngkona
og Gerrit Schuil píanóleikari. Hlín
starfar í Þýskalandi, eins og svo
margir íslenskir söngvarar, nánar
tiltekið í Múnchen.
Hlé verður gert á Tíbrá næsta
sumar en strax næsta haust verður
ný dagskrá kynnt. Fullyrðir Jónas
að þar muni margt gleðja eyi’að.
„Ég er þegar farinn að huga að
framhaldinu í Tíbránni, næsta ári
og jafnvel því þarnæsta líka. Það er
miklu auðveldara að gera áætlanir
fram í tímann þegar maður hefur
aðstöðuna en í þessu fagi þarf mað-
ur að geta séð fram á veginn, því
margt af okkar fremsta tónlistar-
fólki er mjög upptekið.“
Fyrstu píanó-
tónleikarnir í
Salnum
ÞRIÐJU tónleikar vetrarins í
Tíbrá verða haldnir á þriðju-
daginn kemur en þá heldur
Þorsteinn
Gauti Sig-
urðsson
fyrstu pía-
nótónleik-
ana í Saln-
um. Tónleik-
arnir hefjast
kl. 20.30.
Þorsteinn
hefur leik
sinn á þrem-
ur smástykkjum eftir George
Gershwin, kallast þau prelúdí-
ur. Þá leikur hann Gnossíu eft-
ir Eric Satie og Tunglskins-
sónötu Ludwigs van Beet-
hovens. Eftir hlé verða fluttar
Etýður eftir Frédéric Chopin
op. 10 nr. 4, 6 og 8 og tónleik-
unum lýkur með sónötu op. 26
eftir Samuel Barber.
í frétt frá Tónlistarhúsi
Kópavogs segir að það séu tíð-
indi þegar íslenskur píanóleik-
ari tekur sér það fyrir hendur
að flytja síðastnefnda verkið,
„eitt glæsilegasta píanóverk
samið á þessari öld“. Sónatan
er skrifuð 1948 og Vladimir
Horovitz frumflutti hana ári
síðar í Havana á Kúbu. „Sónat-
an er tímamótaverk nýrra
strauma."
Uppákomukvöld í Listaklúbbi Leikhúskjallarans
„dzt...“ er óstaðbundið gallerí fyrir blandaða, lifandi listmiðla eins og
gjörninga, hljóðverk, myndbandsverk o.fl.
Gjörningar,
hljóðverk
og mynd-
bandsverk
UPPÁKOMUKVÖLD á vegum
„dzt...“ verður í Listakiúbbi
Leikhúskjallarans annað kvöld,
mánudagskvöld, kl. 20.30. í
fréttatilkynningu segir að
„dzt...“ sé óstaðbundið gallerí
fyrir biandaða, iifandi listmiðla
eins og gjörninga, hljóðverk,
myndbandsverk o.fl.
Stofnendur „dzt...“ eru lista-
mennirnir Gulleik Lövskar og
Kristinn Pálmason, sem hyggj-
ast skipuleggja „dzt...“-viðburði
nokkrum sinnum á ári og bjóða
innlendum og erlendum Iista-
mönnum þátttöku.
Að sögn Kristins eru öll verk-
in sem flutt verða í Leikhúskjall-
aranum annað kvöld ný og hafa
verið gerð sérstaklega fyrir
þetta kvöld. Listamennirnir sem
taka þátt í þessari fyrstu
„dzt...“-uppákomu eru Magnús
Pálsson, Sara Björnsdóttir, Páll
Thayer, BalduríSjón, Haraldur
Jónsson og Þóroddur Bjarnason.
Kristinn segir að „dzt...“ sé
ekki skammstöfun heldur bara
hljóð. Hann segir stefnt að því
að skipuleggja lifandi listvið-
burði á um það bil tveggja mán-
aða fresti og jafnvel minni við-
burði inn á milli. Hann leggur
áherslu á að gallerfið sé óstað-
bundið og að ætlunin sé að fá
áhorfendur til að taka virkan
þátt í viðburðunum.
Uppákoman hefst kl. 20.30 en
húsið verður opnað kl. 19.30.
Miðaverð er 800 krónur.
„Beat“-kynslóð-
in í Odda
RON Whitehead, ljóð-
skáld og bókmennta-
fræðingur frá Banda-
ríkjunum, flytur opin-
beran fyrirlestur í boði
heimspekideildar Há-
skóla íslands í stofu
101 í Odda, mánudag-
inn 1. febrúar kl. 17.15.
Fyrirlesturinn ber
heitið „The Beat
Generation and the
Process of Writing" og
verður fluttur á ensku.
Ron Whitehead var
bókmenntakennari við
University of Louis-
ville frá 1992-97 en
hefur síðan verið sjálf-
stætt starfandi Ijóðskáld og rit-
stjóri. Sem forstöðumaður The
Literary Renaissance hefur hann
skipulagt fjölda ljóða- og menning-
arsamkoma, auk þess sem hann hef-
ur haldið fyrirlestra og
flutt ljóð sín víða í
Bandaríkjunum og
Evrópu.
Ron Whitehead hef-
ur gefíð út verk nokk-
urra „Beat“-skálda og
þekkti mörg þeirra
persónulega, þ.á m. Al-
len Ginsberg, William
S. Burroughs, sem nú
eru látnir, Gregory
Corso, Hunter S.
Thompson og
Lawrence Ferlinghetti,
segir í fréttatilkynn-
ingu.
Þá kemur fram hóp-
urinn Voices Whitout
Restraint, en í honum eru auk
Rons, Birgitta Jónsdóttir, Danny og
Mike Pollock. Einnig kemur fram
Stína Bongó og Sneak Attack.
Fyrirlesturinn er öllum opinn.
Ron Whitehead