Morgunblaðið - 01.05.1999, Page 3

MORGUNBLAÐIÐ
LAUGARDAGUR 1. MAÍ 1999 3
Á crlþjóðlegum baráttudegi verkafólks 1999 ber íslensk
verkalýðshreyfing fram kröfu um breyttar áherslur
í þágu launafólks og fjölskylduvænna samfélag.
# Verkalýðshreyfingin vill að fólki verði gert kleift að taka bæði virkan þátt
á vinnumarkaði og sinna fjölskyldu-
lífi. Til þess þarf að koma á heild-
stæðu réttindakerfi sem felur meðal
annars í sér stórbætt fæðingarorlof
fyrir bæði kynin sem og foreldraorlof.
# Verkalýðshreyfingin krefst breytinga
á skattkerfi og tekjutengingum bóta.
Aðeins þannig er hægt að leysa
fjölskyldur með lágar tekjur og
millitekjur úr þeirri kyrrstöðugildru
jaðarskatta sem torveldar þúsundum ungra fjölskyldna að koma
undir sig fótunum.
# Verkalýðshreyfingin leggur áherslu á að fjölbreytt menntun sé undirstaða
bættra lífskjara og sóknar í atvinnumálum á nýrri öld. Því krefst hún
þess að starfsmenntun og símenntun fyrir alla verði eðlilegur hluti af vinnunni.
1. maí 1999 ber íslensk verkalýðshreyfing fram kröfu um
samfélag jafnaðar og tækifæra fyrir alla. Við viljum byggja
upp fjölskylduvænt samfélag með öflugu atvinnulífi sem
grundvallast á menntun og þekkingu. í því samfélagi þarf
þetta þrennt að fara saman: Vinnan, menntun, fjölskyldan.
ÆT
Alþýðusamband Islands
www.asi.is
Hönnun: Gísli B.