Morgunblaðið - 01.05.1999, Blaðsíða 15

MORGUNBLAÐIÐ
FRETTIR
LAUGARDAGUR 1. MAÍ 1999 15
Vinstri - grænir í Hampiðjunni
Steingrímur J. Sigfússon um byggðatengdar aflaheimildir
Morgunblaðið/Ásdís Ásgeirsdóttir
HULDA Eggertsdóttir, starfsmaður Hampiðjunnar, og Hjörleifur
Guttormsson, þriðji maður á lista Vinstrihreyfingarinnar - græns
framboðs í Reykjavík, ræðast við í húsakynnum Hampiðjunnar í gær.
Hugsanlega erfitt án
endurgjalds fyrir kvótann
STEINGRÍMUR J. Sigfússon,
formaður Vinstrihreyfingarinnar -
græns framboðs, segh’ að hugsan-
lega yrði erfitt að koma þeirri
breytingu á, sem flokkurinn hefur
lagt til, að hluti veiðiréttinda verði
eftir í byggðarlagi þegar skip er
selt frá staðnum, án þess að endur-
gjald komi fyrir kvótann. Hann
tekur þó fram að honum sé ekki
efst í huga hvað þetta varðar að
veiðiheimildir sem eftir verða í
byggðarlagi færu á uppboð eða að
endurgjald kæmi fyrir þær, „enda
tel ég að það þurfi að verða almenn
niðurstaða hvað það varðar. Eg
hef frekar séð þetta fyrir mér sem
afnotarétt og öryggisgrunn,
tengdan byggðarlögum, sem eru
algerlega háð sjávarútvegi. Þetta
yrði afnotaréttur þeirra sem eru í
útgerð í viðkomandi byggðarlagi
en væri ekki söluvara. Eg er ekki í
neinum vafa um að hægt sé að
þróa þessar hugmyndir," segir
hann.
í viðtali í Morgunblaðinu í gær
kynnti Steingrímur hugmyndir
framboðsins um byggðatengingu
kvóta. Hann segir aðspurður um
framkvæmd þessa að hugmyndin
sé ekki ný. Hann og fleiri hafi vak-
ið máls á hugmyndum um byggða-
tengingu á seinasta áratug. „Eg sá
þetta íyrir mér þannig að veiði-
heimildirnar væru á skipunum eins
og þeim hafði þá verið úthlutað á
grundvelli veiðireynslu en einhver
hluti þeirra væri eymamerktur á
þann hátt að ef skip yrði flutt úr
byggðarlaginu yrði sá hluti eftir,“
sagði hann.
Skoðað fyrst í samhengi
við bátaútgerðina
„A þessum tíma var endurgjald
fyrir þennan hluta ekki í mínum
huga heldur það að eðlilegast og
heppilegast væri að það giltu bara
einfaldar og skýrar reglur um að
þessi hluti kæmi til hlutfallslegrar
úthlutunar á þau skip sem eftir
yrðu í viðkomandi byggðarlagi,"
sagði Steingrímur.
„Vandinn er kannski núna að
sjá það fyrir sér hvernig koma
megi upp þessum grunni nema
með þróun á einhverju tímabili.
Eg hef lengi verið þeirrar skoðun-
ar að byggðarlögin verði að fá ein-
hvern slíkan öryggisgrunn. Eg er
þeirrar skoðunar að t.d. við að-
stæður þar sem kvótinn er að
aukast megi nota tækifærið og
byrja að byggja upp einhvern
svona byggðatengdan grunn með
því að taka hluta af aukningunni
frá eða sérmerkja þá úthlutun. Af
okkar hálfu eru þetta hugmyndir
á umræðustigi sem við setjum
fram. Við bendum á að nærtækast
væri að skoða þetta í samhengi við
báta og smábátaflotann og grunn-
slóðarútgerðina. Eg hef séð það
fyrir mér að byrjað verði að þróa
mál í þessa átt á þeim hluta flot-
ans en það yrði ekki gert að svo
stöddu á stærri skipunum."
„Eru að
koma
kosn-
ingar?“
„ERU að koma kosningar?"
spurði einn starfsmanna Hamp-
iðjunnar sposkur á svipinn þegar
íjórir efstu frambjóðendur
Vinstrihreyfingarinnar - græns
framboðs í Reykjavík litu við í
vöi-ugeymslu Hampiðjunnar í
gær til þess að kynna stefnumál
sín fyrir alþingiskosningarnar í
vor. „Ekki segja mér að það hafi
farið framhjá þér,“ svaraði Kol-
brún Halldórsdóttir að bragði og
hló hressilega um leið og hún
rétti starfsmanninum kynningar-
bækling Vinstrihreyfingarinnar.
Það voru þau Ögmundur Jón-
asson, Hjörleifur Guttormsson og
Drífa Snædal sem þarna voru
stödd auk Kolbrúnar, en Magnús
Þórarinsson, sölufulltrúi tog-
veiðafæra, leiddi frambjóðend-
urna um húsakynni fyrirtækisins.
Annar starfsmaður spurði
hvort líklegt væri að Vinstri-
hreyfingin færi í stjórnarsam-
starf við Sjálfstæðisfiokkinn eftir
kosningar og sagði Ögmundur að
síðarnefndi fiokkurinn þyrfti að
breyta ansi mörgum stefnumál-
um sinum til þess að svo gæti
orðið. Til dæmis stefnunni í
virkjunarniálum og utanríkismál-
um. „Mér sýnist þeir allir vera
komnir með kaskeitin. Þeir eru
farnir að stýra ófriði suður í álfu.
En mér finnst að menn þurfi að
vera sjálfir sér samkvæmir í því.
Þeir sem segjast styðja árásir og
ég tala ekki um landher, þeir
ættu að spyrja sig að því hvort
þeir myndu vilja koma á fót her
hér sem lyti forsjá NATO og
hvort menn væru reiðubúnir til
að fara sjálfir eða senda syni
sína, bræður og feður,“ sagði Ög-
mundur meðal annars og lýsti yf-
ir andúð sinni á loftárásum
NATO á Júgóslavíu.
Frambjóðendurnir voru einnig
spurðir að því hvað þeir teldu að
þeir myndu ná mörgum mönnum
inn á þing í R'eykjavík og sagði
Ögmundur að vonir stæðu til að
ná tveimur en helst fieirum. Þá
skýrði hann frá því að fiokkurinn
liefði ekki lagt áherslu á auglýs-
ingar í þessari kosningabaráttu
heldur hefði hann lagt áherslu á
að verja tíma sínum í umræðu
um málefni eins og ranglætið og
hvað hægt væri að gera við því.
Frábær gamanmynd sem sló í gegn í Bandaríkjunum og á Bretlandi. Hvað myndir þú gera
til að fá 6 milljónir f Lottóvinning? Myndir þú hjóla nakin/n niður Laugaveginn?
Myndir þú giftast hverjum sem er? „Waking Ned“...alveg MILLJÓN.
„Dásamleg perla. Ein af bestu myndum ársins.“ Jeffrey Lyons, NBC-TV „Þessa verður maður að sjá sem ailra fyrst.“ PEOPLE MAGAZINE
„Slær í gegn. Hefur vinninginn, ekki spurning.“ THE BOSTON GLOBE „...hún er stórkostlega fyndin, úthugsuð og sniðug.“ Gene Siskel, SISKEL& EBERT