Morgunblaðið - 02.07.1999, Blaðsíða 18

Morgunblaðið - 02.07.1999, Blaðsíða 18
18 FÖSTUDAGUR 2. JÚLÍ 1999 MORGUNBLAÐIÐ AKUREYRI BALDUR Baldvinsson, Völsungi, t.v., og Viktor Pálmarsson, Haukum. Morgunblaðið/Skapti Hallgrímsson HVAR er boltinn? Scott Snorri Breiðabliki berst um boltann við Guðmund, Erling og Alfreð úr Fjölni. Ljósmynd/Áslaug Sverrisdóttir ÚTSKORIN og máluð ausa eftir Hannes Lárusson. 33 ausur Hannes- ar í Safnasafninu EINKASÝNING á verkum eftir Hannes Lárusson verður opnuð í Safnasafninu á Svalbarðsströnd á morgun, laugardag. Á sýningunni eru tvö verk, annars vegar 33 ausur í síendurteknum tilbrigðum við það viðfangsefni að gera vökvahelda holu í tré, hins vegar einn hlutur og ljósmyndir með vísun í íslenskt landslag og umhverfi. Hannes Lárusson útskrifaðist úr Myndlista- og handíðaskóla íslands 1977 og stundaði framhaldsnám næstu 11 árin m.a. í Kanada, New York og Háskóla íslands. Hann hef- ur haldið einkasýningar hér heima og erlendis. Hann hefur unnið nokk- uð að félagsmálum myndlistarmanna og setið í opinberum nefndum. Sýning Hannesar í Safnasafninu er opin frá kl. 10-18 daglega og lýk- ur 30. júlí. Jafnframt eru 8 aðrar sýningar í safninu. ? ?? Sýningu lýkur í Svartfugli MÁLVERKASÝNINGU Gunnars R. Bjarnasonar í Gallerí Svartfugli í listagilinu lýkur sunndaginn 4. júlí. A sýningunni eru 38 olíupastelmyndir allar málaðar á þessu ári og nefnir hann sýninguna Myndljóð um hús. Gallerí Svartfugl er opin alla daga frá kl. 14-18. -----------???-------- Gönguferð á Kambsskarð FERÐAFÉLAG Akureyrar gengst fyrir gönguferð á Kambsskarð á morgun, laugardaginn 3. júlí, og er brottför kl. 9. Ekið er að Þverá í Öxnadal, geng- ið þaðan fram Þverárdal, yfir Kambsskarð og niður Skjóldal að Miklagarði í Eyjafjarðarsveit. Skráning í ferðina er á skrifstofu félagsins við Strandgötu. -----------???--------- Kirkjustarf LAUFÁSPRESTAKALL: Guðs- þjónusta verður í Grenilundi á Grenivík næstkomandi sunnudag, 4. júlí, kl. 16. Sól og knattspyrna HIÐ árlega Essó-mót KA í knattspyrnu fyrir fimmta ald- ursflokk fer fram á Akureyri þessa dagana. Mótið var sett í fyrrakvöld og fóru liðin í skrúð- göngu um bæinn. Fyrstu leik- irnir fóru svo fram um kvöldið en spilað er frá morgni til kvölds þar til mótinu lýkur á laugardagskvöldi. Þátttakendur á mótinu hafa aldrei verið jafh margir. Samkvæmt upplýsing- um frá mótsstjórn eru þátttak- endurnir nií um 950, en ef far- arstjórar og fylgdarlið er talið með þá er fjöldinn á að giska 1.100 manns. Þess má geta að fjöldi gesta var síðasta ár um 900 manns. Veðrið hefur leikið við keppendur fyrstu dagana og í gærmorgun þegar Morgun- blaðið brá sér á svæði þeirra KA-manna voru aðstæður til knattspyrnuiðkunar hinar bestu, sól og örlítil gola. Strákarnir voru mættir snemma til leiks í gærmorgun, en fyrstu leikir hófust rúmlega átta um morguninn. Ekki veitir af að byrja snemma því 26 félög eru skráð til leiks og saman mynda þau 105 keppnislið. Eitt keppnislið kemur frá Sviss en það tekur ekki þátt í öllu mót- inu. Leikirnir eru því fjölmarg- ir. Strákarnir halda áfram að spila í dag og á morgun en mót- inu lýkur með kvöldyöku á laugardagskvöldið. A sunnu- dagsmorguninn fara svo kepp- endur að tínast til síns heima. Hógvær markaskorari Morgunblaðið varð vitni að nokkrum leikjum snemma í gærmorgun og þar á meðal leik A-liða KR og IR. Sá leikur end- aði með sigri KR, sem skoraði tvö mörk gegn engu marki IR- inga. Annað mark KR skoraði Skúli Jón Friðgeirsson. Hann sagðist í samtali við Morgun- blaðið vera ánægður með að vera mættur á sitt fyrsta Essd- íriót. Honum fannst gaman að vera á Akureyri og hann hlakk- aði til að spila fleiri leiki og ætl- aði náttúrulega að reyna að vinna þá alla ásamt félögum siuum. Hann var hógværðin uppmáluð þegar talið barst að markaskorun hans. „Ég skora svolítið en ekkert voðalega mik- ið," sagði Skúli Jón og var síðan rokinn til að taka þátt í undir- búningi liðsins fyrir næsta leik. Sum liðin koina langt að og eitt þeirra er BI sem kemur frá Isafirði. Þeir piltar komu með flugi í fyrrakvöld. Almar Inga- son spilar með B-liði BI og er framherji. Hann sagði að þeir væru búnir að spila einn leik og hefðu gert jafntefli við Njarð- víkinga. „Nei, mér tókst nú ekki að skora míiia," sagði Almar. Hann sagði að sér fyndist gam- an að vera komiun á Essó-mótið en hann hefur aldrei tekið þátt í því áður. Hann og félagar hans í BI ætluðu að gera sitt besta á mótinu en þegar blaða- maður hitti þá voru þeir að sleikja sólina og fylgjast með væntanlegum andstæðingum í leik. Sjávarút- vegsráðherra í heimsókn ÁRNI M. Mathiesen sjávarút- vegsráðherra kemur í heimsókn til Akureyrar í dag, föstudag þar sem hann mun heimsækja skrifstofur stéttarfélaga, út- gerðarfyrirtæki, Háskólann á Akureyri og fieiri. Arni mun hefja dagskrá sína á því að hitta Björn Snæbjörnsson formann Verkalýðsfélagsins Einingar-Iðju og Konráð Al- freðsson, formann Sjómannafé- lags Eyjafjarðar í kjölfarið. Þá mun ráðherra heimsækja Út- gerðarfélag Akureyringa og hitta m.a. Guðbrand Sigurðsson framkvæmdastjóra og einnig Þorstein Má Baldvinsson for- stjóra í heimsókn sinni til Sam- herja. Háskólinn á Akureyri verður heimsóttur og útibú Hafrann- sóknarstofnunar og Rannsókn- arstofnun fiskiðnaðarins. Loks mun ráðherra heimsækja þá Valtý Þór Hreiðarsson hjá Verðlagsstofu skiptaverðs og Bjarna Hafþór Helgason hjá Útvegsmannafélagi Norður- lands. Sóknarnefnd samdi við Bautann um veisluþjónustu í Safnaðarheimili Veitingamenn sem ekki fengu að bjóða óánægðir BREYTINGAR á veisluþjónustu í Safnaðarheimili Akureyrarkirkju tóku gildi í gær, 1. júlí, en sóknar- nefnd kirkjunnar hefur samið við veitingahúsið Bautann um að hafa umsjón með veitingasölu í Safnað- arheimilinu. Mikil óánægja er með þetta fyrirkomulag meðal forsvars- manna annarra fyrirtækja á þessu sviði á Akureyri en þeim var ekki gefinn kostur á að taka verkefnið að sér. Markmiðið að skera niður kostnað Einar Bjarnason, formaður sóknarnefndar Akureyrarkirkju, sagði að fjárhagur sóknarinnar væri bágborinn og hefði hann verið endurskipulagður. Sá háttur hefði áður verið á að starfsfólk á vegum kirkjunnar hefði séð um kaffið og þjónustuna en það fólk sem stóð fyrir erfidrykkjum eða veisluhöld- um í salnum hefði sjálft útvegað veitingar, verslað við þá veitinga- sala sem það kaus eða bakað í heimahúsum. Markmiðið með breytingunum nú væri að skera niður kostnað en sóknarnefndin nýtti allar færar leiðir til að ná endum saman. Einar sagði að sóknarnefnd hefði ekki viljað tapa húsbónda- valdi yfir Safnaðarheimilinu, held- ur valið að fá inn aðila sem vanur væri að sjá um veitingasölu og þjónustu. I síðasta mánuði hefðu verið 5 erfidrykkjur í salnum og hefði Bautinn séð um veitingar í þremur þeirra. Hann sagði að sóknarnefndin hefði byrjað á við- ræðum við Bautamenn og í ljós hefði komið að þeir uppfylltu allar þær kröfur sem hún gerði í þessu máli. Því hefði ekki þótt ástæða til að leita til annarra. Um væri að ræða tilraunaverkefni sem stæði í eitt ár. „Með þessu skerum við niður í starfsmannahaldi frá því sem verið hefur og spörum fé, okkur hefur verið uppálagt að fara vel með fé og það er fyrst og fremst það sem fyrir okkur vakir með þessum breytingum," sagði Einar. Einkennileg vinnubrögð Sigurður Arnfinnsson hjá Veislubakstri segist hafa séð um veitingar í 70-80% allra erfi- drykkja í Safnaðarheimilinu. „Eg er mjög ósáttur við þau vinnubrögð sem viðhöfð hafa verið, það er samið við eitt fyrirtæki og aðrir eru ekki einu sinni látnir vita af því hvað sé í gangi," sagði Sigurður. Hann benti á að áður hefði sam- keppni ríkt á þessum markaði, fólk hefði getið valið við hvern verslað væri og verðið á veitingunum hefði verið mismunandi. Sigurður sagðist þegar hafa lent í vandræðum vegna þessa, búið hefði verið að panta hjá sér veiting- ar í erfidrykkju, en hann ekki vitað af breyttu fyrirkomulagi. Valmundur Árnason hjá Lostæti sagðist ekki hafa rætt við sóknar- nefnd vegna þessa, en sér þættu vinnubrögðin einkennileg. Fyrir- tæki hans hefur séð um veitingar í brúðkaup og afmæli sem haldin hafa verið í Safnaðarheimilinu. Efaðist Valmundur ekki um að margir hefðu viljað fá tækifæri til að bjóða í veitingaþjónustuna. Snæbjörn Kristjánsson hjá veit- ingahúsinu Fiðlaranum sagði að óeðlilega væri að málum staðið hjá sóknarnefnd, jafnvel skólaakstur í litlum sveitarfélögum væri boðinn út. „Það er undarlegt að semja við eitt veitingahús án þess að heyra hvað aðrir hafa að bjóða," sagði Snæbjörn. Þá benti hann á að verð á þessum markaði gæti mjakast upp á við, nú þegar samkeppni sé ekki lengur fyrir hendi. I
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.