Morgunblaðið - 10.07.1999, Blaðsíða 16

Morgunblaðið - 10.07.1999, Blaðsíða 16
16 LAUGARDAGUR 10. JÚLÍ 1999 MORGUNBLAÐIÐ AKUREYRI ANNA Richards dansar í og við listaverkið. Gjörning- urinn Prá á Gáseyri STÖLLURNAR Kerstin Jofjell listamaður frá Svíþjóð og Anna Richards dansari standa fyrir gjörningi á Gáseyri í kvöld, laug- ardagskvöldið 10. júli' og hefst hann kl. 22. Kerstin hefur útbúið umgjörð gjörningsins, Iistaverk í fjörunni sem nefnist Þrá og hefur hún ásamt fleirum unnið að því að reisa það nú í vikunni. Anna mun svo sýna spunadans í og við verk- ið. Kerstin hefur dvalið hér á landi frá því í október síðastliðnum. „Mig langaði til að gera eitthvað úti í náttúrunni og þegar við kom- um hingað og sáum þessa dásam- legu fjöru fór hugmyndin að þró- ast. Við höfum unnið að þessu í sameiningu og verkið hefur tekið miklum breytingum frá því hafist var handa," sagði Kerstin. „Þetta er n\jög ögrandi verkefni. Eins og nafn verksins ber með sér langaði Kirkjustarf AKUREYRARKIRKJA: Guðs- þjónusta kl. 11. á morgun, sunnudag. Þátttakendur á Sumartónleikum í Akureyrar- kirkju taka þátt í messunni. Ferðafólk velkomið og æskilegt að sjá sem fiest safnaðarfólk. Sumartónleikar verða kl. 17 í kirkjunni, Christian-Markus Raiser, orgelleikari frá Þýska- landi, leikur. Morgunbæn í kirkjunni kl. 9 á þriðjudags- morgun. GLERÁRKJRKJA: Kvöld- messa verður í Lögmannshlíðar- kirkju kl. 21 annað kvöld. HVÍTASUNNUKIRKJAN: Bænastund kl. 20-21 í kvöld, laugardagskvöld. Sunnudaga- skóli fjölskyldunnar, biblíu- kennsla fyrir alla aldurshópa. G. Theodór Birgisson sér um kennsluna. Léttur hádegisverð- ur á vægu verði kl. 12.30. Vakn- ingarsamkoma sama dag kl. 20. Fjalar Freyr Einarsson predik- ar. Mikill og líflegur söngur, fyr- irbænaþjónusta. Barnapössun fyrir börn yngri en 6 ára. Bæna- stundir alla morgna kl. 6.30. HRÍSEYJARPRESTAKALL: Helgistund og hátíðardagskrá á Hávarðsstöðum í Þorvaldsdal þar sem 1000 ára kristni á ís- landi verður minnst. Dagskráin hefst kl. 14 á morgun, sunnudag. KAÞÓLSKA KIRKJAN: Messa kl. 11 á morgun, sunnu- dag í kirkjunni við Eyrarlands- veg 26. LANDIÐ Morgunblaðið/Ásdfs WOLFGANG Frosti Sahr, Anna Richards, Kerstin Jofjell og George Hollanders við listaverkið Þrá í fjörunni á Gáseyri, en þar verður gjörningur framinn í kvöld. mig að búa til eitthvað um þrána, allir menn eiga einhverja þrá og ég vona að þessi gjörningur muni snerta fólk." Hyómlistarmenn munu leggja sitt lóð á vogarskálarnar til að auka enn á áhrif áhorfenda í fjöruborðinu á Gáseyri. Þeir Wolfgang Frosti Sahr og George Hollanders leika á ástralska frumbyggjahljóðfærið „didger- idoo" og Jacqueline FitzGibbon á flautu. Strætisvagnaferð verður á staðinn frá Umferðarmiðstöðinni og verður lagt af stað þaðan kl. 21.15. Gjörningurinn tekur um hálftíma í flutningi, en verði veð- ur gott stendur til að kveikja varðeld og áhorfendur geta tekið með sér pylsur eða önnur mat- væli á grillið. Fjölskylduhátíð kirkjunnar í Kjarnaskógi Undirbúningur hátíðar- innar kominn vel á veg KRISTNITÖKUNEFND Eyja- fjarðarprófastdæmis stendur fyrir fjölskylduhátíð kirkjunnar í Kjarna- skógi 25. júlí næstkomandi. Hátíðin er hluti af hátíðahöldum Eyjafjarð- arprófastdæmis í tilefni af 1000 ára afmæli kristni á íslandi. Aðstand- endur hátíðarinnar ásamt Kristni- tökunefnd eru söfnuðir í héraðinu. Morgunblaðið hitti framkvæmda- stjóra hátíðarinnar, Gunnar Arna- son, menntaskólakennara, og Örnu Ýrr, guðfræðing, og grennslaðist fyrir um hvernig undirbúningur há- tíðarinnar gengi fyrir sig og hvað bæri þar hæst. Að sögn þeirra Gunnars og Örnu gengur undirbúningurinn mjög vel og verður mikið um að vera í Kjarnaskógi þegar hátíðin fer fram. Meðal annars verður frumsýnt nýtt leikrit eftir Böðvar Guðmundsson sem ber nafnið „Nýir tímar". Leik- ritið fjallar um hvernig kristni komst á í Eyjafirði. Það er leikhóp- urinn Sýnir, undir stjórn Harðar Sigurðssonar, sem flytur verkið. Auk þessa verður ýmislegt annað á boðstólum, s.s. leikþættir, tónhstar- flutningur og leikir. „Þetta er úti- vistardagur og við gerum ráð fyrir að fólk komi klætt tU þess," sagði Arna. Ekld verða settir upp stólar eða bekkir heldur getur fólk komið Morgunblaðið/Margrét Þóra FRAMKVÆMDASTJÓRAR há- tíðarinnar, þau Arna Yrr Sig- urðardóttir og Gunnar Árnason. með teppi með sér eða setið á gras- inu. „Fólk getur gert úr þessu skóg- arferð og komið með nesti með sér, en einnig verður veitingasala á svæðinu," sagði Arna. Þau lögðu áherslu á að um fjöl- skylduhátíð væri að ræða þar sem allir ættu að geta notið sín. „Þetta verður svona heldur léttara en venjuleg guðsþjónusta," sagði Gunnar. Dagskrá fyrir almenning hefst með skrúðgöngu kl. 12:45 og eftir það hefst skipulögð dagskrá. Arna og Gunnar komu einnig inn á að nú stendur yfir gerð bænarjóð- urs í Kjarnaskógi. „Þetta á að vera hljóður staður þangað sem fólk leit- ar til að eiga rólega stund með sjálfu sér og Guði, bæði í gleði og sorg," sögðu þau að lokum. Gamlir Isfírðingar gera víðreist Hetjurnar hans Spessa komnar til Finnlands ísafirði - Ljósmyndarinn Spessi er kominn til Finnlands með mynda- flokkana sína tvo sem hann nefnir einu nafni Hetjur. Hann er einn fjögurra ljósmyndara sem taka þátt í samsýningu í menningarmið- stöð í borginni Oulu, en hinir þrír eru frá Danmörku, Svíþjóð og Finnlandi. „Það var leitað til Nýlistasafnsins í Reykjavík eftir ábendingum um íslenska Ijósmynd- ara sem hefðu einbeitt sér með ein- hverjum hætti að fóllti - og ég varð fyrir valinu." Sýningin var opnuð í gær og stendur í rúman mánuð. Þemu ljósmyndaranna fjögurra eru ólík en snúast þó öll um_ fólk. Þegar blaðið hitti Spessa á ísafirði í síð- ustu viku, daginn áður en hann hélt utan, kvaðst hann mjög ánægður með þann heiður sem ís- firsku hetjunum hans væri sýnd- ur. „Það er allt borgað fyrir mig, ferðirnar og dvölin úti og allur kostnaður við sýninguna og það er gaman að hetjurnar mínar skuli komast á erlenda grund." Hetjur Spessa eru roskið eða aldrað fólk á Ísafirði og í nálægum byggðum. Upphaflega var um tvær sýningar að ræða; fyrir þremur og hálfu ári hélt hann sýningu á myndum af karlmönnum en tveim- ur árum síðar sýndi hann myndir af konum. Þetta er fólk sem hefur lokið farsælu ævistarfi, staldrar framan við vélina hjá Spessa og lít- ur yfir farinn veg - fólk sem stund- um er nefnt hversdagshetjur. Spessi er ísfirðingur og verður það alltaf, þótt hann hafi flust brott fyrir um tuttugu árum. Hér á hann sínar rætur og kemur oft vestur. „Þegar ég var að taka myndirnar fyrir fáum árum hitti ég aftur þetta fólk sem var á besta aldri þegar ég var að alast upp og var svo stórt og mikið þegar ég var krakki." Hugsanlegt er að ísfirsku hetj- urnar fari miklu lengra en til Finnlands áður en langt um líður. Árið 2000 efna Sameinuðu þjóð- irnar til ljósmyndasýningar sem fer um öll Bandaríkin og voru til- nefndir þrír Ijósmyndarar frá hverju ríki innan SÞ. Spessi er einn af þeim íslensku en síðan velja aðstandendur sýningarinnar einn af þeim. „Hvort það verður ég kemur í ljós í haust. Þetta er dálítið spennandi hvort hetjurnar mínar komast líka vestur um haf," sagði Spessi. Morgunblaðið/Ingimundur STEFÁN Kalmannsson bæjarstjóri Borgarbyggðar, tekur fyrsta sendi Tals í Borgarfirði í notkun. Þórólfur Arnason, forsljóri Tals, og Harald Pétursson sölufulltrúi fylgjast ánægðir með. Nýr Talsendir í Borgarfírði Borgarnesi - Stefán Kalmanns- son, bæjarstjóri Borgarbyggð- ar, tók á fimmtudaginn 8. júlí í notkun fyrsta GSM-sendi Tals í Borgarfirði. Var þetta eitt af fyrstu opinberu embættisverk- um hins nýráðna bæjarstjóra. Dagurinn markar tímamót í sögu fjarskipta í Borgarfirði þar sem Borgfirðingum stend- ur í fyrsta sinn til boða val um fleiri en einn GSM-þjónustuað- ila. Tal hefur sett upp sendi á eigin mastri við Þórólfsgötu sem er í miðju Borgarnesi og hefur boðið öðrum aðilum í fjarskiptarekstri og fjölmiðlum aðstöðu. Að sögn forráðamanna Tals var unnið að verkefninu í góðri samvinnu við bæjaryfir- völd sem lögðu áherslu á að eitt fjarskiptamastur þjónaði byggðinni. Sendirinn í Borgarnesi þjón- ar stærstum hluta Borgar- byggðar og nær m.a. vestur á Mýrar. Á næstunni mun Tal setja upp fleiri senda í Borgar- firði sem þjóna munu uppsveit- um Borgarfjarðar og sumar- húsabyggðum á því svæði. Að sögn forráðamanna Tals hefur fyrirtækið náð þeim áfanga að ná til 80% landsmanna. I rekstrarleyfi Tals, sem gefið var út 1997, voru sett skilyrði um að dreifisvæði Tals nái til 80% landsmanna í síðasta lagi árið 2001. Tal er því tveimur árum á undan áætlun í upp- byggingu dreifisvæðis síns. Skilyrðin í rekstrarieyfínu þóttu mjög ströng á sínum tíma, en viðtökur neytenda við samkeppni í GSM-þjónustu hafa verið mjög góðar að sögn Tals-manna. Eru viðskiptavinir Tals nú um 20 þúsund.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.