Morgunblaðið - 29.08.1999, Qupperneq 50

50 SUNNUDAGUR 29. ÁGÚST 1999
MORGUNBLAÐIÐ
HUGVEKJA
í DAG
Skírnarfontur
Höfuðdagur
Höfuðdagurinn minnir okkur á líf og starf Jó-
hannesar skírara. Stefán Friðbjarnarson fer
nokkrum orðum um mikilvægi skírnarinnar.
í DAG er höfuðdagur. Á sjö-
undu öld dagsetti páfastóll
Decollatio Johannis, sem við
köllum nú höfuðdag, 29. ágúst.
Þetta latneska heiti finnst víða í
íslenzkum fombréfum og rímna-
handritum. Islenzka nafnið, höf-
uðdagur, er vart eldra en frá 15.
öld, segir í Sögu daganna eftir
Árna Bjömsson. Þar segir og
„að sú þjóðtrú hafi verið almenn
að veður breyttist á höfuðdag og
eigi það veðurlag að haldast í
þrjár vikur, eða lengur... Veður-
fræði nútímans tekur undir
þennan átrúnað að því leyti að
veðurskilyrði breytast mjög á
norðurhveli um þetta leyti“.
Hvert er heiti dagsins, höfuð-
dagur, sótt? Flestir þekkja svar-
ið. Þennan dag er þess minnzt
er Jóhannes skírari var háls-
höggvinn. Heródes konungur
Antipas lét fanga Jóhannes, sem
hafði það eitt til saka unnið að
ávíta konung fyrir að ganga að
eiga konu bróður síns, en það
þótti ekki góð latína á þeim
tíma. í þýðingu Odds Gott-
skálkssonar frá árinu 1584 er
málalyktum lýst svo:
„Þar hlotnaðist og svo tiltæki-
legur dagur að Herades gjörði á
sinni ártíð eina kvöldmáltíð
höfðingjum og höfuðsmönnum
og hinum fremstu mönnum úr
Galílea. Þá gekk dóttir hennar
Heradádis þar inn og dansaði,
og það þóknaðist Herodi og
þeim er með honum sátu til
borðs. Þá sagði konungurinn til
stúlkunnar: „Bið af mér hvers
þú vilt, og eg skal veita þér.“ -
Hún gekk út og sagði til móður
sinnar: „Hvers skal eg biðja?“
En hún sagði: „Höfuð Jóns
baptista.“
Jóhannes skírari er talinn sá,
sem Jesaja spámaður sagði íyrir
um, og nefndi rödd hrópandans í
eyðimörkinni. Hann predikaði á
sinni tíð í óbyggðum Júdeu og
skírði fólk til iðrunar í ánni Jórd-
an. Eftir honum er haft: „Ég
skíri yður með vatni til iðrunar,
en sá sem kemur eftir mig, er
mér máttugri, og er ég ekki
verður að bera skó hans. Hann
mun skíra yður með heilögum
anda og eldi.“
Matteus (3.13-16) segir:
„Þá kemur Jesús frá Galíleu
að Jórdan tii Jóhannesar að taka
skím hjá honum. Jóhannes vildi
vama honum þess og sagði: Mér
er þörf að skírast af þér, og þú
kemur til mín“! - Jesús svariði
honum: „Lát það nú eftir.
Þannig ber okkur að fullnægja
öllu réttlæti." Og hann lét það
eftir honum. - En þegar Jesús
hafði verið skírður, sté hann
jafnskjótt upp úr vatninu. Og þá
opnuðust himnamir, og hann sá
anda Guðs stíga niður eins og
dúfu og koma yfir sig. Og rödd
kom af himnum: „Þessi er minn
elskaði sonur, sem ég hef vel-
þóknun á.“„
Höfuðdagurinn á að minna
okkur á boðskap Jóhannesar
skírara, sem skírði fólk til iðmn-
ar úr ánni Jórdan. Hann á að
minna okkur á staðfestu skírar-
ans og mikilvægi skímarinnar. Á
náð skímarinnar. Á þá náð að
halla mega höfði sínu í Drottins
skaut.
En hvað gerizt þegar barn er
skírt; hvað gerðist þegar við vór-
um borin böm til skímar af for-
eldrum okkar? Sigurbjöm bisk-
up Einarsson kemst svo að orði
um það efni:
„Það verður ekki útlistað á lík-
an hátt og ég get gert mér eða
öðram grein fyrir jarðneskum
hlutum. Því síður á þann hátt
sem alskyggn Drottinn þekkir
og skilur allt hið hulda og eilífa.
- En eitt veit ég: Þegar ég var
skírður, var Jesús þar. Hann
segir: Hvar sem tveir eða þrír
eru saman komnir í mínu nafni,
þá er ég þar. Og víst er það að
hvar sem bam er skírt þá era
tveir eða þrír eða fleiri saman í
Jesú nafni, auk bamsins. Skyldi
Jesús svíkja fyrirheit sitt, þegar
ég er skírður eða þú eða barnið
okkar? Og hafi hann verið við-
staddur, hefur þá ekkert gerzt?
Minnast má þess, er hann forð-
um sagði: Leyfið bömunum að
koma til mín, slíkra er Guðs ríki.
Og hann tók bömin í faðm sér
og blessaði þau...“
Þegar við eram borin böm til
skímar er okkur mikilvægi at-
hafnarinnar ekki ljóst. Þegar við
staðfestum skímarheitið við
fermingu náum við betur áttum,
þótt enn skorti nokkuð á fullan
skilning hjá mörgum okkar. Ald-
ur og þroski skerpir síðan skiln-
inginn.Höfuðdagur Jóhannesar
skírara, hrópandans í eyðimörk-
inni, minnir okkur á mikilvægi
skímar í nafni heilagrar þrenn-
ingar. Og öll höllum við að lokum
höfði okkar í Drottins skaut -
þegar kall okkar kemur.
VELVAKAJMÐI
Svarað í síma 569 1100 frá 10-12 og 13-15
frá mánudegi til föstudags
Bensín og
tryggingar
HVAR mundir þú kaupa
bensínið? Bensínstöð A
82,40 kr. lítrinn. Bensín-
stöð B 44,28 kr. lítrinn.
Hvar tryggir þú bílinn
þín? Tryggingafélag A
98.313 kr. á ári. Trygg-
ingafélag B 52.826 kr. á
ári.
Bensínverð er mjög
svipað á öllum bensín-
stöðvum, en öðru máli
gegnir um iðgjöldin hjá
tryggingafélögunum.
I Morgunblaðinu 6.
ágúst sl. og næstu daga,
birtist mjög greinargóður
samanburður á iðgjöldum
bifreiðatryggingafélag-
anna. Lítill munur er á
gjöldunum hjá „hinum
þremur stóru“ og tek ég
því meðaltal af þeim, í
samanburði við FIB-
tryggingar, sem eru lang-
lægstar. Miðað við 30%
bónus hjá öllum félögunum
þarf að greiða íyrir trygg-
ingar hjá „þeim stóru“ að
meðaltali 98.313 kr. á ári.
Fyrir tryggingu á sams
konar bfl, af sömu árgerð,
þarf að greiða 52.826 kr.
hjá FÍB. Mismunurinn á
gjaldi fyrir sams konar
tryggingu á heimilisbíl, er
45.847 kr. á einu ári.
Með sömu hlutföllum í
samanburði á bensínverði
kæmi ofanritað verð út.
Hvað væru gjöldin há
hjá hinum „þremur stóru“
í dag ef FIB hefði ekki
komið inn á markaðinn?
Þegar FIB kom inn á
tryggingamarkaðinn
kepptust hin félögin um að
lækka gjöldin og reyna að
telja mönnum trú um að
þau byðu lægri iðgjöld en
FIB. Þeir sem ennþá
tryggja hjá „hinum stóru“
þyrftu því að greiða miklu
hærri gjöld í dag ef FIB-
tryggingar hefðu ekki
komið til.
Hér sjáum við glöggt
dæmi um að frjáls sam-
keppni kemur neytendum
alltaf til góða.
Telji bíleigendur sig
standa í þakkarskuld við
þá aðila sem ráðist hafa í
að brjóta niður
harðsvíraða einokun, ættu
þeir að beina viðskiptum
sínum til þeirra. Með þvi
lækkuðu þeir útgjöld
heimilanna, auk þess að
tryggja áframhaldandi
samkeppni.
Ó.J.
Lítil saga af tveimur
gulum kisum
UM síðustu áramót kom í
fóstur til okkar í Garðabæ-
inn hálfvaxin kisa. Hún
fann sig flótt mjög vel og
var alsæl með vistaskiptin
og við á heimilinu tókum
fljótlega ástfóstri við kisu
sem við kölluðum
Brandon. En í mars varð
hún fyrir því óhappi að
verða undir bíl og deyja
samstundis. I hönd fór
mikill sorgartími og sökn-
uðum við hennar sárt. Þá
fékk ég fregnir um að
bróðir hennar sem liti ná-
kvæmlega eins út væri fal-
ur og gætum við fengið
hann. Til að slá á söknuð-
inn þáðum við það með
þökkum. Hann fékk sama
nafn hjá okkur en kunni
sannarlega ekki eins vel
við vistaskiptin og hinn
hafði gert og gekk okkur
illa að hæna hann að okk-
ur. Það var síðan ekki fyrr
en í mai að dóttir mín kom
með lítinn hnoðra inn á
heimilið; aðeins 8 vikna
kettling að Brandon tók
gleði sína á ný. Hann tók
þann litla í fóstur og gerð-
ist mjög ábyrgur gagnvart
þessum litla vini. I sumar
hafa þeir verið óaðskiljan-
legir og báðir afar sælir og
veittu okkur í fjölskyld-
unni ómælda gleði.
Um mánaðamótin júlí
ágúst fluttum við úr hús-
inu á Flötunum og í hönd
fór sumarleyfi í byrjun
ágúst. Það varð því úr að
systir mín sem búsett er í
Lækjarfit tók þá báða að
sér á meðan. Þeir undu sér
vel hjá henni og fóra jafn-
an ekki langt út fyrir garð-
inn við húsið. Þar til um
miðjan ágúst það gerðist
að Brandon skilaði sér
ekki. Systir mín hóf strax
leit og hafði uppi spurnir
og það bar þann árangur
að hún fékk þær upplýs-
ingar að til hans hafði sést
á gamla staðnum. Þegar
ég kom heim fyrir rúmri
viku hóf ég einnig leit og
talaði við Kattholt og aug-
lýsti eftir honum í Velvak-
anda. Auk þess höfum við
leitað hans um allar Flat-
irnar og ég hef komið dag-
lega að gamla heimilinu og
kallað á hann án árangurs.
Því langar mig að biðja
Garðbæinga að hafa augun
hjá sér og láta mig vita ef
þeir hafa minnsta grun um
að um Brandon sé að
ræða. Hann er gulbrönd-
óttur; fremur smár og fal-
lega vaxinn köttur. Feldur
hans er óvenju mjúkur en
hann er styggur og hefur
ekki fram til þessa svarað
kalli nema frá fjölskyld-
unni. Mér finnst því ólík-
legt að hann hafi fundið
sér annað heimili, nema
hungrið hafi farið að
sverfa að. Hann bjargar
sér vísast enn úti í náttúr-
unni á meðan ekki er kald-
ara en þegar fer að líða á
verður það erfiðara. Okkur
líður afar illa að vita ekki
hvar hann er og sá stutti
sem fékk nafnið Snúlli
kallar reglulega á hann.
Ef einhver verður var
við hann er hinn sami vin-
samlega beðinn að hringja
í síma 897 2221 eða í syst-
ur mína sem hefur síma
565 7643.
Með þakklæti og von
um árangur.
Bergljót Davíðsdóttir.
Dýrahald
Támína er týnd
HÚN fór að heiman frá
Holtsbúð 36, Garðabæ,
laugardaginn 21. ágúst sl.
Hún er eyrnamerkt ROH
108. Hvít og svört með
hvítar loppur en ein svört
tá (kló). Támína er tæp-
lega 10 ára. Hún er mjög
forvitin og á til að fara inn
í bílskúra eða koma sér vel
við fólk. Ef einhver getur
gefið upplýsingar er hann
beðinn að hafa samband í
síma 565 6402 eða
553 2940.
Köttur í óskilum
HVÍTUR kettlingur með
svarta flekki og svarta
rófu fannst við Brávalla-
götu mánudaginn 23.
ágúst. Þeir sem kannast
við gripinn vinsamlegast
hafi samband við Hildi í
síma 863 2465.
Kettlingnr óskar
eftir heimili
YNDISLEGUR svartur
og hvítur fress, 8 vikna,
kassavanur, óskar eftir
góðu heimili. Upplýsingar í
síma 554 4045.
Víkveiji skrifar...
MJÖG athyglisverður þáttur var
á dagskrá Sjónvarpsins á
fimmtudagskvöldið, Böm og sæt-
indi, (De „s0de“ born), dönsk heim-
ildarmynd um sykumeyslu baraa
og unglinga sem eykst ár frá ári og
kann að valda heilsubresti á fullorð-
insárum, eins og það var orðað í
dagskrárkynningu.
Greint var frá því að sykur þurfi
ekki að vera óhollur í sjálfu sér en í
ljós hafi komið að fimmta hvert 10
ára gamalt bam í Danmörku neyti
of mikils sykurs og holl fæða, þar á
meðal ávextir og grænmeti, verði
útundan fyrir bragðið. Böm og ung-
lingar hafi nú meira fé handa á milli
en áður og auglýsendur nýti sér
það. Þar að auki hefur dönskum
sykurframleiðendum tekist betur að
efla jákvæða ímynd vöra sinnar en
heilbrigðisyfirvöldum að leggja
áherslu á holla fæðu.
xxx
ÁTTURINN, sem áður er
neftidur, var einkar fróðlegur
og merkilegur, en Víkverja fannst
hann á slæmum tíma í dagskránni.
Þátturinn hófst nefnilega ekki íyrr
en kl. 22.30 og lauk laust fyrir kl. 23.
Fjallað var um grafalvarlegt mál og
því ekki nóg fyrir foreldra að hafa
séð þáttinn. Böm - sem flest era
væntanlega lögst til hvílu svo seint
að kvöldi - hefðu gott af því að sjá
umfjöllun Dananna. Víkverji heyrði
af tveimur ungum stúlkum sem
horfðu á þáttinn og lýstu yfir, strax
að honum loknum, að þær væru
hættar að borða sælgæti!
Víkverji skorar á Sjónvarpið að
endursýna þáttinn, á þeim tíma
dags sem búast má við að böm og
unglingar séu við skjáinn.
xxx
ISLENDINGAR eru gjarnan
efstir á lista, miðað við höfðatölu,
þegar heimsmælikvarðanum marg-
umrædda er brugðið á hin ólíkleg-
ustu fyrirbæri, og Víkverji man
ekki betur en hann hafi einhvem
tíma séð að það ætti við varðandi
sykurneyslu. Að hver íslendingur
borði sem sagt meiri sykur en
þekkist með nokkurri annarri þjóð
í heiminum. Enda hefur Víkverji
oft furðað sig á ótrúlegu sælgæt-
isáti íslenskra bama, að ekki sé tal-
að um gosþamb landsmanna - ekki
síst fullorðinna - sem er með
hreinum ólíkindum. Það er auðvit-
að ekkert annað en hneisa að þjóð
sem hefur aðgang að besta og
tærasta vatni á jarðarkringlunni
skuli ekki nýta sér það í ríkari
mæli til drykkju en gert er. Þegar
búið er að blanda vatninu saman
við erlenda sykurleðju og það kom-
ið á flöskur, er það hins vegar sér-
lega ljúffengt að mati landans. Er
þetta ekki umhugsunarefni fyrir
þjóðina?
x x x
DRENGUR sem Víkverji þekk-
ir sótti fyrir skömmu nám-
skeið á vegum Golfklúbbs Reykja-
víkur að Korpúlfsstöðum. Eftir-
væntingin var mikil áður en haldið
var af stað, en þegar á leið nám-
skeiðið var gamanið heldur farið að
kárna. Þótti drengnum, og foreldr-
um hans - sem gerðu sér ferð til að
fylgjast með gangi mála, eftir að
sonurinn kvartaði - sem heldur lít-
ill metnaður væri hjá leiðbeinend-
unum. Gekk reyndar svo langt að
drengurinn og vinur hans neituðu
orðið að fara að heiman og upp á
Korpúlfsstaði, þótt þeir hafi reynd-
ar fallist á það, eftir fortölur, að
ljúka námskeiðinu. Leiðbeinend-
umir voru nokkrir unglingar, en
þeir þóttu ekki sýna starfi sínu
mikinn áhuga. Foreldrunum fannst
til dæmis undarlegt að sjá þá liggja
í sólbaði á æfingasvæðunum á með-
an krakkarnir munduðu kylfur sín-
ar og slógu kúlumar. Þegar krökk-
unum var skipt upp í nokkra hópa,
sem hver æfði sig á mismunandi
stað á vellinum, áttu leiðbeinend-
umir það líka til að ferðast saman
á golfbíl á milli hópa í stað þess að
vera krökkunum til aðstoðar einn
og einn.
Drengirnir hafa ekki mikinn
áhuga á golfi eftir námskeiðið hjá
GR og ekki líklegt að þeir spreyti
sig í þessari skemmtilegu íþrótt
aftur, a.m.k. ekki alveg á næstunni.
Námskeið sem þetta getur því
varla talist vel til þess fallið að laða
böm að íþróttinni, ef ekki er betur
staðið að málum en raun ber vitni.