Morgunblaðið - 04.09.1999, Side 18

18 LAUGARDAGUR 4. SEPTEMBER 1999
MORGUNBLAÐIÐ
AKUEEYRI
Forseti bæjarstjórnar Dalvíkur-
byggðar um viðhald gamalla húsa
Viljum að húsin
líti vel út
KRISTJÁN Ólafsson, forseti bæj-
arstjórnar Dalvíkurbyggðar, sagði
að bæjarstjómin hefði ekki markað
sér ákveðna stefnu í varðveiðslu
gamalla húsa í sveitarfélaginu.
Hins vegar væri í skipunarbréfí til
einnar nefndar farið fram á að hún
færi yfir þau mál. „Auðvitað viljum
við láta þessi gömlu hús líta vel út
en stundum eru ýmsir annmarkir á
því.“
Eins og fram kom í Morgunblað-
inu í vikunni hafa eigendur Nýja-
bæjar, elsta íbúðarhússins á Dal-
vík, unnið af því að gera húsið upp
og fengið til þess styrk frá Húsfrið-
unarsjóði og Menningarsjóði
Svarfdæla. Júlíus Kristjánsson,
einn eigenda hússins, gagnrýndi
bæjaryfirvöld í Dalvíkurbyggð og
sagði þau ekki hafa sýnt málinu
neinn áhuga og virtust engan
áhuga hafa á því að viðhalda göml-
um íbúðarhúsum, heldur selja þau
frekar eða gefa úr byggðarlaginu.
Kristján sagði að öll gagnrýni
ætti rétt á sér og að Júlíus hefði
sett sína gagnrýni fram á ágætan
hátt. Hann sagði að uppgerðin á
Nýjabæ væri til fyrirmyndar og
sem betur fer hefðu íbúarnir haldið
húsum sínum og görðum mjög vel
við. „Fyrir nokkrum árum var tek-
in sú stefna að setja verulegt fjár-
magn í viðhald húsa í eigu Dalvík-
urbyggðar. Við höfum verið að laga
þau hús að utan og innan og nú síð-
ast var Byggðasafnið tekið í gegn í
sumar. Þá er búið að marka þá
stefnu að ráðast í að gera húsið
Ungó, þar sem bíóið er, upp á
næstu tveimur til þremur árum og
verða settar í það verk um 25 millj-
ónir króna.“
Snyrtilegt í
kringum íbúana
Kristján sagði að sveitarfélagið
gerði sitt til að húsin litu vel út en
hins vegar kæmu alltaf upp tilvik
þar sem einhver hús færu í taug-
arnir á fólki og á staðnum væru
3^1 hús sem ekki væru í lagi. íbú-
arnar hefðu þó jafnan haft frum-
kvæði að því að hafa snyrtilegt í
kringum sig. „Allt kostar þetta
mikla peninga en það er ánægju-
legt að fólk skuli gera upp sín hús
og fá til þess styrki. Það sem sveit-
arfélagið gæti gert væri að styrkja
slíkar framkvæmdir t.d. með niður-
fellingu á fasteingagjöldum en
ákvarðanir þar um hafa ekki verið
teknar."
Gítartónleikaröð
á Norðurlandi
EINAR Kristján Einarsson gítar-
leikari heldur áfram tónleikaferð
sinni um Norðurland og leikur í
barnaskólanum í Bárðardal þriðju-
dagskvöldið 7. september nk.
Hann leikur í Hríseyjarkirkju
miðvikudagskvöldið 8. september
og í DaMkurkirkju daginn eftir.
Allir tónleikamir hefjast kl. 20.30.
Á efnisskránni er tónlist úr ýmsum
áttum, spænsk og suður-amerísk,
verk eftir J.S. Bach, Lennon og
MaCartney, svo nokkuð sé nefnt.
Einar Kristján hefur komið fram
á tónleikum víða erlendis og við
margvísleg tækifæri hérlendis.
Hann hefur leikið með Caput-
hópnum og komið fram sem ein-
leikari með Kammersveit Akureyr-
ar, Kammersveit Reykjavíkur og
Sinfóníuhijómsveit Islands.
Auk þess hefur Einar Kristján
starfað sem tónlistarmaður við
Þjóðleikhúsið, Leikfélag Akureyr-
ar, Alþýðuleikhúsið, Kaffileikhúsið,
Leikhús Frú Emilíu og með leik-
hópnum Augnabliki.
Þá hefur hann hljóðritað geisla-
disk með félögum sínum í hljóm-
sveitinni Rússíbönum og gefið út
geisladisk með verkum fyrir ein-
leiksgítar.
Blaðbera
vantar í eftirtalin hverfi:
Gerðahverfi
Eyrina
HuldugilA/íkurgil
Borgarsíða/Móasíða
Blaðburður verður að hefjast um leið og blaðið kemur
í bæinn.
Góður göngutúr sem borgar sig.
► I Morgunblaðið
Kaupvangsstræti 1, Akureyri, sími 461 1600
Morgunblaðið leggur áherslu á að færa lesendum sinum vandaðar og áreiðanlegar fréttir og
upplýsingar. Morgunblaðið er eina dagblaðið á íslandi sem er í upplagseftirliti og eru seld að
meðaltali rúmlega 54.000 eintök á dag. Höfuðstöðvar Morgunblaðsins eru í Kringlunni 1 í Reykjavik
þar sem eru yfir 300 starfsmenn. Á Akureyri er starfrækt skrifstofa í Kaupvangsstræti 1.
Morgunblaðið kom fyrst út 2. nóvember 1913.
Árvakur hf. er útgefandi Morgunblaðsins.
Morgunblaðið/Kristján
Síðasti spunadans
Önnu Richardsdóttur
Fjölmennt
í göngu-
götunni
MIKILL fjöldi fólks kom saman í
göngugötunni á Akureyri seinni
partinn í gær, til að fyigjast með
síðasta spunadansi Önnu Ric-
hardsdóttur, sem hún kallar
hreingjörning. Anna hefur „þrif-
ið“ í göngugötunni einu sinni í
viku sl. ár, auk þess sem hún hef-
ur dansað erlendis.
Þar sem þetta var siðasti
hreingjörningurinn leitaði hún
eftir iiðsinni fólks við „þrifin“
auk þess sem hún bauð tónlistar-
fólki að koma með hljóðfæri sín.
Tvær konur og einn karlmaður
lögðu henni lið og þá mætti karl-
maður með trommusett sitt og
sló léttan takt undir dansinum.
Það var mikill kraftur í Önnu
við „þrifín“ í gær en á myndinni
sést hvar hún er farin að þvo ein-
um áhorfanda um hárið.
Viðræður um sameiningu sveitarfélaga í Eyjafírði
Sveitarstjórn Skriðu-
hrepps hafnar þátttöku
Á FUNDI bæjarráðs Akureyrar í
vikunni var lagt fram bréf frá sveit-
arstjóm Skriðuhrepps varðandi
samstarfshóp um sameiningu sveit-
arfélaga í Eyjafirði. Sveitarstjóm
Skriðuhrepps telur að með tilliti tii
niðurstöðu könnunar um samein-
ingu sveitarfélaga, sem fram fór við
síðustu sveitarstjómarkosningar, sé
ekki forsenda til þátttöku í þessum
starfshópi.
Bæjarstjóm Akureyrar leitaði
eftir því við sveitarfélög í Eyjafirði
að þau tækju þátt í viðræðum um
sameiningu sveitarfélaga á svæðinu
og tilnefndu fulltrúa sína í starfshóp
vegna málsins. Kristján Þór Júh'us-
son bæjarstjóri á Akureyri sagði að
ekki hefðu borist svör frá öllum
sveitarfélögunum en að Skriðu-
hreppur væri eina sveitarfélagið
sem hingaði til hefði skrifað sig frá
málinu.
„Eg veit ekki um afstöðu annarra
sveitarfélaga en hef ekki trú á öðm
en að flest sveitarfélögin verði með.
En eins og ég horfi persónulega til
málsins, munu hefjast hér viðræður
í framhaldi af áhuga sveitarstjóm-
anna á þessu máh. Það verður þá
bara að hafa það ef einhver sveitar-
félög vilja ekki taka þátt í þeim við-
ræðum.“
Vill samninga um
ráðgjafarþjónustu
Á sama fundi bæjarráðs var lagt
fram annað bréf frá Skriðuhreppi,
þar sem sveitarstjóm óskar eftir að
ganga til samninga við bæjarstjóm
Akureyrar um ráðgjafarþjónustu
vegna grunnskóla, bamavemdar-
mála og félagsþjónustu. Bæjamáð
samþykkti að fela sviðsstjóra að
ganga til viðræðna við fulltrúa
Skriðuhrepps um þessi mál.
Kristján Þór sagði það almennt
vitað og viðurkennt á vettvangi
sveitarstjóma að fámenn sveitarfé-
lög ættu í vandræðum með að upp-
fylla ákvæði laga og reglugerða um
lögbundna þjónustu sem íbúar
þeirra eiga rétt á að njóta. „Ein af
ástæðunum fyrir því að sveitarfélög
hafa verið að sameinast á undan-
fömum árum og nú síðustu ár í mun
ríkari mæli en áður var, er einfald-
lega sú að verkefni þeirra hafa verið
að aukast og orðið flóknari en áður.
Þetta þýðir að sveitarfélögin þurfa
að vera stærri einingar til þess að
geta leyst fyrirliggjandi verkefni af
hendi á eigin forsendum,“ sagði Kri-
stján Þór.
Á fundi bæjarráðs voru einnig
lögð fram erindi frá Dalvíkurbyggð
og Hríseyjarhreppi, þar sem bæði
sveitarfélög tilkynna fulltrúa sína í
starfshóp um sameiningu sveitarfé-
laga. Áður hafði sveitarstjórn Eyja-
fjarðarsveitar tilkynnt sína fulltráa
í starfshópinn. Ekki náðist í Ár-
mann Búason, oddvita Skriðu-
hrepps, í gær.
-------------
Helgarskákmót
Skákfélagsins
SKÁKFÉLAG Akureyrar gengst
fyrir helgarskákmóti í húsnæði fé-
lagsins í norðvesturenda íþrótta-
hallarinnar um helgina.
Fyrsta umferð mótsins var
reyndar tefld í gærkvöld en í dag,
laugardag, verða tefldar tvær um-
ferðir og aðrar tvær umferðir á
morgun, sunnudag. Tímamörk eru
90 mínútur á 36 leiki auk 30 mín-
útna til að ljúka skák.
-----♦-♦“♦---
Kirkjustarf
AKUREYRARKIRKJA: Guðsþjón-
usta sunnudaginn 5. september kl.
11.00. Séra Svavar Á. Jónsson
messar. Morgunbæn í Akureyrar-
kirkju þriðjudaginn 7. september
kl. 9.00. Kyrrðar- og fyrirbænar-
stund kl. 12.00 fimmtudaginn 9.
september og hefst hún með orgel-
leik. Mömmumorgnar hefjast í
Safnaðarheimili Akureyrarkirkju
miðvikudaginn 15. september nk.
kl. 10-12. Verið velkomin.
HVÍTASUNNUKIRKJAN: Sunnu-
dagaskóh fjölskyldunnar sunnudag-
inn 5. september kl. 11.30. Kennsla
fyrir alla aldurshópa. Sama dag kl.
16.30 verður Vakningasamkoma. G.
Theodór Birgisson mun prédika á
báðum samkomunum. Fyrirbæna-
þjónusta, bamapössun. Állir hjart-
anlejga velkomnir.
HJALPRÆÐISHERINN: Bæna-
stund sunnudaginn 5. september kl.
19.30. Almenn samkoma kl. 20.00.
Allir velkomnir.
AKUREYRARBÆR
skóladeild, Glerárgötu 26, 600 Akureyri
Brekkuskóli á Akureyri
Verkefnisstjóri í starfsdeild
fyrir unglinga
Við Brekkuskóla stendur til að stofna sérstaka starfsdeild
fyrir unglinga. Nám í starfsdeild er sérstaklega ætlað nem-
endum, sem eiga auðveldara með að nálgast námsefni gegn-
um verklegar hliðar en með bóknámi. Fyrirhugað er að
deildin hafi samstarf við ýmsar stofnanir og starfsemi á veg-
um Akureyrarbæjar.
Skólinn leitar að fjölhæfum og hugmyndaríkum verkefnis-
stjóra, sem er vanur að starfa með unglingum. Menntun á
uppeldissviði er æskileg en ekki algert skilyrði.
Upplýsingar gefa skólastjómendur, Bjöm og Sigmar,
í síma 462 2525 eða vasasímum 899 3599 og 897 3233
Umsóknum skal skilað til starfsmannadeildar í
Geislagötu 9 á eyðublöðum sem þar fást.
Umsóknarfrestur er til 13. september 1999.