Morgunblaðið - 22.10.1999, Qupperneq 10

10 FÖSTUDAGUR 22. OKTÓBER 1999
FRETTIR
MORGUNBLAÐIÐ
Hrannar
hefur tekið
sæti í borg-
arstjórn
HRANNAR B. Arnarsson tók
sæti í borgarstjórn á fundi
hennar í gærkvöldi. Hrannar
átti fund með borgarstjóra í
gær þar sem farið var yfir nið-
urstöður umfjöllunar yflr-
skattanefndar um mál Hrann-
ars og ákveðið að hann tæki
sæti fyrir R-listann í borgar-
stjórn.
I bréfí til borgarstjóra segir
Hrannar aðstæður sínar hafa
breyst með þeim hætti að ekki
sé lengur ástæða til að lengja
það leyfi sem hann óskaði eftir
frá störfum sem borgarfulltrúi
í Reykjavík í maí 1998. í ljósi
þessa hefði hann tekið þá
ákvörðun að hefja þegar störf í
borgarstjórn.
Kjartan Magnússon, borgar-
fulltrúi Sjálfstæðisflokksins,
óskaði eftir því að upplýst yrði
í sölum borgarstjórnar hvaða
mál er Hrannar vörðuðu voru
rannsökuð hjá skattayfirvöld-
um og hvaða endi þau hlutu.
Komið hefði í ljós að hluti af
þeim ásökunum um skattalaga-
brot sem Hrannar sætti í síð-
ustu borgarstjórnarkosningum
ætti við rök að styðjast og
Hrannar hefði lýst því yfír að
kosningunum loknum að hann
tæki ekki sæti í borgarstjórn
fyrr en mál hans hefði fengið
farsælan endi.
Játuðu á sig
rán í verslun-
inni Strax
FIMM menn á aldrinum 16-28
ára hafa við rannsókn lögregl-
unnar í Kópavogi játað að hafa
framið eða átt aðild að ráni í
versluninni Strax við Hófgerði
hinn 17. september síðastliðinn.
Þrír mannanna komu inn í
verslunina um miðjan dag og
tilkynntu að um rán væri að
ræða. Tveir þeirra beittu
starfsfólk og einn viðskiptavin
ofbeldi á meðan sá þriðji lét
greipar sópa um peningaskáp
og sjóðvél verslunarinnar.
Rændu þeir 100 þúsund krón-
um í reiðufé auk greiðslunóta
fyrir 40 þúsund krónur.
Lögreglan handtók mennina
þrjá einn af öðrum nokkrum
dögum eftir ránið og tveir til
viðbótar viðurkenndu aðild sína
að því, annar með því að hafa
komið að undirbúningi þess en
hinn vegna aðstoðar við undan-
komu frá vettvangi.
Allir mennimir fímm hafa
komið við sögu hjá lögreglu
nema sá yngsti.
Peningunum sem mennirnir
rændu hefur öllum verið eytt
en greiðslunótunum fargað.
Akæra verður fljótlega gefín
út á hendur mönnunum og mál
þeirra sent dómstólum til með-
ferðar.
*
Ovenju marg-
ir árekstrar
ÓVENJU margir árekstrar
urðu í umdæmi lögreglunnar í
Kópavogi í gær. í gærkvöld
var fjöldi árekstra kominn í
sjö, en að sögn lögreglunnar
fer daglegur fjöldi þeirra
sjaldnast yfir tvo.
Enginn slasaðist alvarlega í
árekstrunum þótt flytja yrði
fólk á slysadeild í tveimur
þeirra og draga skemmdar bif-
reiðar af vettvangi með krana-
bifreið úr fjórum þeirra.
Halldór Blöndal, fyrrverandi samgönguráðherra, við umræður um samkeppnismál
Gagnrýnir Sam-
keppnisstofn-
un harðlega
VIÐ umræður sem fram fóru á Al-
þingi í gær um frumvarp Samfylk-
ingar til laga um breytingu á sam-
keppnislögum lýsti Halldór Blöndal,
þingmaður Sjálfstæðisflokks, þein-i
skoðun sinni að embættismenn Sam-
keppnisstofnunar hefðu í mörgum
tilfellum verið vanhæfir til að fjalla
um fyrirtæki eða einstaklinga vegna
fyrri afskipta af málefnum þeirra.
Kvaðst hann jafnframt telja að
stofnunin hefði staðið í vegi framþró-
unar í fjarskiptum með úrskurðum
sínum í málefnum Landssímans.
Fram kom einnig við umræðurnar í
gær að von er á frumvarpi til laga
frá Finni Ingólfssyni viðskiptaráð-
herra þar sem lagðar eru til breyt-
ingar á gildandi
samkeppnislögum.
Halldór Blöndal
sagði ekki mikið nýtt
í frumvarpinu, sem
Samfylkingin hefur
lagt fram, en það
gerir ráð fyrir að
samkeppnisreglur
feli í sér þá megin-
reglu að nær allar
samkeppnishömlur
séu bannaðar; þ.e. að í stað þess að
byggja á þeirri reglu að samkeppnis-
yfírvöld hafí heimild til að hindra sam-
keppnishömlur í einstökum tilvikum
séu þær taldar skaðlegar.
Halldór, sem er fyrrverandi ráð-
herra samgöngu- og fjarskiptamála,
lét jafnframt í Ijósi efa um að Sam-
keppnisstofnun væri þess trausts
verð, sem Samfylkingarfólk gerði ráð
fyrir. Velti hann upp þeirri spurningu
hvort embættismenn Samkeppnis-
stofnunar hefðu með aðgerðum sínum
og ummælum sett sig í þá stöðu að
erfitt væri, eða jafnvel ómögulegt, að
bera til þeirra það traust sem menn
þurfa að geta borið til slíkrar stofnun-
ar. Halldór tók til samanburðar Gauk
Jörundsson, umboðsmann Alþingis,
sem ávallt léti úrskurði sína tala sínu
máli eina og sér, jafnvel þótt þeir
kæmu til umræðu á opinberum vett>
vangi síðar meir.
„Embættismenn Samkeppnis-
stofnunar hafa annan hátt á. Þeir
eru sítalandi um það sem þeim
fínnst um eitt og annað. Þó liggur
það fyrir að hlutverk þeirra er ekki
að fella úrskurði heldur eiga þeir að
vera óhlutdrægir, óhlutdrægir emb-
ættismenn sem eiga að undirbúa
mál fyrir samkeppnisráð," sagði
Halldór.
„Ég er til dæmis þeirrar skoðunar
að ýmis þessi ummæli, sem hafa fall-
ið í hita leiksins af þessum sökum,
valdi því að innan Samkeppnisstofn-
unar séu embættismenn sem vegna
fyrri afskipta af fyrirtækjum eða
málefnum hafa verið vanhæfír til að
halda áfram að fjalla um slík mál
innan stofnunarinnar og vinna að
undirbúningi þeirra fyrir samkeppn-
isráð,“ bætti Halldór við.
Komið í veg fyrir þróun
í fjarskiptum
Halldór lýsti þeirri skoðun sinni
að Samkeppnisstofnun hefði með af-
skiptum sínum af Landssímanum, og
„undarlegum" úrskurðum varðandi
ljósleiðarann og breiðbandið, komið í
veg fyrir þróun í fjarskiptum. „Það
ömurlega í þeim úrskurði, sem ég
hef helst í huga nú, er að þar var öllu
ruglað saman og
greinilegt að sá sem
skrifaði þann úr-
skurð gerði sér ekki
grein fyrir hinum
tæknilegu heitum á
ýmsum atriðum í
fjarskiptaþjónustu
og búnaði í fjar-
skiptum."
„Afleiðingin af
þessu er sú að of fáir
Islendingar eiga kost á því að nýta
sér breiðbandið. Ljósleiðarinn liggur
í of fáar íbúðir hér á landi, notendur
eru of fáir. Það viðheldur á hinn bóg-
inn þeirri fákeppniseinokun sem hér
er í fréttaflutningi Ríkisútvarpsins
og Stöð 2,“ sagði Halldór.
Breytinga á samkeppnis-
lögum að vænta
Fram kom við umræðurnar að
Finnur Ingólfsson viðskiptaráðherra
vonast til að geta lagt fram laga-
frumvarp fyrir áramót, sem fela mun
í sér breytingar á gildandi sam-
keppnislögum. Sagði ráðherrann að
væntanleg væri á allra næstu dögum
skýrsla frá nefnd, sem hann skipaði
fyrir einu og hálfu ári, sem falið var
að að gera úttekt á því hvernig og
með hvaða hætti samkeppnislögin
frá 1993 hefðu virkað á þeim árum
frá því þau tóku gildi.
Sagði Finnur að í skýrslunni yrðu
lagðar fram tillögur að því hvaða
breytingar þarf að gera á samkeppn-
islögunum og kvaðst ráðherrann
vonast til þess að í kjölfarið gæti
hann lagt fyrir Alþingi, helst fyrir
áramót, heildstæðar breytingartil-
lögur við gildandi lög um samkeppn-
ismál. Lýsti Finnur þeirri skoðun
sinni að frumvarp Samfylkingarinn-
ar væri þarft innlegg í umræðu um
þessi mál og að svo gæti vel farið að
ýmis atriði þess rötuðu inn í umrætt
stjómarfrumvarp.
_
íá|ͧ|í^|Éj :: JÚíMáffi p • -r- 't:.
ALÞINGI
Samgönguráðherra og landbúnaðarráðherra stinga saman nefjum.
IBI Umræður
Frumvarpsdrög hafa verið
kynnt forráðamönnum RÚV
SAMIN hafa verið drög að frum-
varpi um hlutafélagavæðingu Rík-
isútvarpsins og hafa frumvarps-
drögin yerið kynnt forráðamönn-
um RUV. Málið er þó enn á
vinnslustigi og það mun ráðast af
pólitísku mati hvort frumvarpið
verður lagt fyrir Alþingi eða ekki.
Þetta er meðal þess sem kom fram
í svari Björns Bjarnasonar
menntamálaráðherra á Alþingi á
miðvikudag við fyrirspurn Krist-
jáns Pálssonar, þingmanns Sjálf-
stæðisflokks, um breytt rekstrar-
form Ríkisútvarpsins.
I máli menntamálaráðheiTa
kom fram að starfshópur, sem
skipaður var til að móta framtíðar-
stefnu RUV, hefði fyrir nokkrum
misserum skilað af sér skýrslu þar
sem lagt var til að stofnuninni yrði
breytt í hlutafélag í eigu ríkisins.
Upplýsti Björn að undanfarin
misseri hefði verið unnið að því á
vettvangi menntamálaráðuneytis
að útfæra hugmyndina um RUV
sem hlutafélag í eigu ríkis.
„Hafa verið samin drög að frum-
varpi og þau kynnt forráðamönn-
um Ríkisútvarpsins. Er málið enn
á vinnslustigi innan ráðuneytisins
og ræðst það af pólitísku mati
hvort það verður lagt fyrir Alþingi
eða ekki,“ sagði ráðherrann.
Björn lagði áherslu á að sátt
yrði að ríkja um breytingar á Rík-
isútvarpinu. Eðli stofnunarinnar
ylli því. Hann hefði hins vegar oft
lýst þeirri skoðun sinni að kröfur
einkarekstrar yrðu að fá að njóta
sín meira í starfsemi RUV.
í máli fyrirspyrjandans, Krist-
jáns Pálssonar, kom fram að ríkis-
reknir ljósvakamiðlar væru síður
en svo einsdæmi og að margir slík-
ir lifðu góðu lífi í hinum vestræna
heimi. Ríkisrekstur ljósvakamiðla
með pólitískt kjömum eftirlits-
mönnum væri þó fyrirkomulag
sem hefði gengið sér til húðar.
Kristján sagði að til að efla og
styrkja þetta óskabarn þjóðarinn-
ar yrði að bjarga því úr fjötrum,
og veita þvi frelsi sem allur nú-
tímarekstur nauðsynlega þyrfti á
að halda ef hann ætti að þrífast í
samkeppni sem engin landamæri
þekkti lengur.
Sagði Kristján það skoðun sína
að leggja bæri niður útvarpsráð
og breyta rekstri RÚV í hlutafé-
lagaform. „Því fyrr sem það ger-
ist, því betra. Skipa þarf stjórn yf-
ir reksturinn þar sem útvarps-
stjóri væri forstjórinn. Það er
nægjanleg breyting að mínu áliti
til að byrja með. Sú regla að
skylda heimilin til áskriftar að
RUV hlyti að verða næsta vers,“
sagði Kristján Pálsson.
Skiptar skoðanir um
hlutafélagavæðingu
Nokkrar umræður urðu um
þetta mál og sagði Svanfríður Jón-
asdóttir, þingmaður Samfylking-
ar, að ekki væri fyrir hendi sú víð-
tæka sátt, sem þyrfti að vera um
Ríkisútvarpið. Lúðvík Bergvins-
son, Samfylkingu, benti aukin-
heldur á að hlutverk RÚV yrði
ekki endurskilgreint með því einu
að setja hf. fyrir aftan nafnið. Nær
væri að ráðherra lýsti því hvert
hann teldi að markmið stofnunar-
innar ætti að vera.
Steingrímur J. Sigfússon, for-
maður Vinstrihreyfíngarinnar -
græns framboðs, fullyrti hins
vegar að hér væri einungis á
ferðinni sviðsett leikrit Sjálf-
stæðismanna. Að gera Ríkisút-
varpið að hlutafélagi væri ein-
ungis undirbúningur að því að
einkavæða fyrirtækið. „Sjálf-
stæðisflokkurinn á að láta Ríkis-
útvarpið í friði og hætta að leggja
það í einelti og hætta að reyna að
eyðileggja það innan frá,“ sagði
hann.
Fyrrverandi ráðherra um mat ríkislögmanns á lögmæti uppsagnar heilsugæslulæknis
Engar athugasemdir
við málsmeðferð
ríkislögmanns
GUÐMUNDUR Árni Stefánsson,
þingmaður Samfylkingarinnar, sem
bar ábyrgð á uppsögn Guðmundar
Karls Snæbjörnssonar, heilsugæslu-
læknis í Ólafsvík í ráðherratíð sinni
árið 1993, segist engar athugasemdir
gera við málsmeðferð ríkislögmanns í
einkamáli sem læknirinn höfðaði
gegn ríkinu fyrir ákvarðanatöku
Guðmundar Árna.
Málalyktir urðu þær að ríkið viður-
kenndi að uppsögnin hefði verið ólög-
mæt sem og áminning sem Sighvatur
Björgvinsson, fyrirrennari Guð-
mundar Árna, veitti Guðmundi Karli,
eins og skýrt var frá í frétt Morgun-
blaðsins í gær, án þess að stefndi,
ríkið, gripi til varna fyrir vinsson
vegna málsins í gær.
Varð að höggva á hnútinn
„Staða málsins á þeim tíma var
með þeim hætti að höggva varð á
þann hnút sem myndast hafði vegna
samstarfsörðugleika, annars vegar
milli stjómar heilsugæslustöðvarinn-
ar og Guðmundar Karls og hins veg-
ar milli hans og yfirlæknis heilsu-
gæslustöðvarinnar," sagði Guðmund-
ur Árni við Morgunblaðið í gær, að-
spurður um viðbrögð við lyktum
málsins.
„Forsvarsmenn Heilsugæslustöðv-
arinnar í Ólafsvík og Guðmundur
Karl gátu ómögulega unnið saman,
en á það hafði reynt mörgum sinnum.
Ymsar samningaleiðir voru reyndar
til að fá farsæla lausn á málinu en
þær reyndust ófærar."
Guðmundur Árni sagði að forsend-
ur uppsagnarinnar hefðu ekki snúist
um hæfi Guðmundar Karls sem
læknis heldur hefði verið gripið til
þess neyðarúrræðis að segja honum
upp störfum þar sem Heilsugæslu-
stöðin í Ólafsvík og sigólstæðingar
hennar hefðu goldið þess ástands
sem ríkti á meðan umræddir sam-
starfsörðugleikar voru fyrir hendi.
Guðmundur Karl Snæbjörnsson
sagði að mál sitt vitnaði um „alvar-
lega brotalöm í ákvarðanatökuferli
æðstu embættismanna þjóðarinnar“,
eins og haft var eftir honum í Mprg-
unblaðinu í gær, en Guðmundur Árni
bendir á að erfítt geti verið fyrir ráð-
herra að finna hinn rétta meðalveg
við ákvarðanatökur. Þannig hafí
hann verið gagnrýndur harkalega í
ráðherratíð sinni er hann neitaði að
fara eftir ábendingum þáverandi rík-
islögmanns og annarra um að segja
upp þáverandi tryggingayfirlækni
árið 1994, en fara þess í stað samn-
ingaleiðina.
Alfarið í höndum
ráðuneytisins
Alexander Stefánsson, sem var
formaður stjórnar Heilsugæslustöðv-
arinnar í Olafsvík árið 1993, sem
Guðmundur Karl sagði hafa komið
fram með staðlausar ásakanir á
hendur sér, sem leitt hefðu að lokum
til uppsagnar sinnar, sagði að mál
Guðmundar Karls hefði alfarið verið í
höndum heilbrigðisráðuneytisins eft-
ir að öll gögn málsins hefðu verið
komin frá stjórn heilsugæslustöðvar-
innar til ráðuneytisins. Hefði stjórnin
ekki haft meira með málið að gera
eftir það og sagði hann að ráðuneytið
hefði metið gögnin, sem Guðmundur
Karl lýsir sem staðlausum ásökun-
um, en Alexander sem staðreyndum,
þannig að ástæða hefði þótt til að
áminna Guðmund Karl í starfí og
segja honum upp síðar. Stjórn heilsu-
gæslunnar hefði þannig ekki borið
ábyrgð á uppsögn Guðmundar Karls.