Morgunblaðið - 04.06.2000, Blaðsíða 31

MORGUNBLAÐIÐ
SUNNUDAGUR 4. JÚNÍ 2000 31
„Tölvusmiðjan er starfrækt í jaðar-
byggðum en getur nýtt sér tæknina til
að framleiða hugbúnað til sölu á
Netinu og þjónusta notendur hans.
Við ætlum að starfa sem öflugt
hugbúnaðarfyrirtæki".
Seyðisfjörður, Neskaupstaður,
Eskifjörður, Reyðarfjörður, Eg-
ilsstaðir og Fáskrúðsfjörður. Og nú
er byrjað að tengja fyrirtæki við i-
netið. „Við getum nú boðið fyrir-
tækjum upp á internettengingu og
rekstrarþjónustu án tillits til þess
hvar þau eru, leigt þeim hugbúnað
og annast afritun gagna. Með þessu
má lækka verulega kostnað fyrir-
tækja við rekstur tölvukerfa. Ég tel
að þetta fyrirkomulag henti vel litl-
um og meðalstórum fyrirtækjum á
landsbyggðinni, sérstaklega á
markaðssvæði eins og þessu þar
sem byggðin er nokkuð dreifð,“
segir Magnús Ásgeirsson. I-netið
nýtist einnig á ýmsan annan hátt.
Til dæmis fyrirtækjum sem eru
með starfsemi á nokkrum stöðum,
eins og til dæmis Tölvusmiðjunni
sjálfri sem er með höfuðstöðvar í
Neskaupstað en einnig mikla starf-
semi á Egilsstöðum, og Lögmönn-
um Austurlandi sem eru með starf-
semi víða á Austurlandi. Einnig
fyrirtækjum í Reykjavík sem eru
með útibú úti á landi. Hilmar leggur
á það áherslu að jafnframt því sem
þróunin minnki eða eyði fjarlægðar-
verndinni sem Tölvusmiðjan hafi
óneitanlega notið skapist sóknar-
tækifæri. Unnt verði að þjóna fyrir-
tækjum um land allt. „Tölvusmiðjan
ætlar sér að vera í fremstu röð á
þessu sviði,“ segir Magnús.
Brottfluttir snúa til baka
Eins og fyrr segir er næsta skref
í framþróun Tölvusmiðjunnar að
byggja upp hugbúnaðarsvið og með
þátttöku Tölvumynda hf. hafa skap-
ast forsendur til að ráðast í það
verkefni fyrr en áætlað var. „Það er
mikill vöxtur í tölvunotkun og þá
um leið tölvuþjónustu. í því felast
mikil tækifæri fyrir fyrirtæki eins
og okkar, ekki síst í hugbúnaðar-
gerð enda tel ég að dreifing og
notkun hugbúnaðar á Netinu muni
aukast mjög á næstunni en að sama
skapi dragi úr notkun hugbúnaðar
sem er bundinn við einstakar tölv-
ur. Tölvusmiðjan er starfrækt í jað-
arbyggðum en getur nýtt sér tækn-
ina til að framleiða hugbúnað til
sölu á Netinu og þjónusta notendur
hans. Við ætlum að starfa sem öfl-
ugt hugbúnaðarfyrirtæki," segir
Magnús.
Verið er að ráða nokkra kerfis-
fræðinga til starfa. Við þá vinnu
hefur komið í ljós að fjöldi einstakl-
inga, ekki síst brottfluttra Austfirð-
inga, hefur áhuga á að koma aftur
heim þegar tækifæri skapast til
þess. „Það virðast margir vera til í
að flytjast út á land til að vinna við
hugbúnaðargerð enda hentar um-
hverfið mjög til slíkra verkefna, en
hefur vantað umgjörðina. Nú er
hún til hjá okkur í Tölvusmiðjunni
og þá bregður svo við að margir
vilja koma,“ segir Hilmar. „Það er
styrkur að fá menn aftur inn á
svæðið sem hér eiga rætur og hafa
fjölbreytta reynslu úr atvinnulífinu.
Við erum til dæmis að ráða til okkar
menn sem hafa verið á sjó og unnið
í loðnubræðslum og síðan aflað sér
menntunar í upplýsingatækni," seg-
ir Magnús.
Góð byggðaaðgerð
Uppbygging hugbúnaðarsviðs
Tölvusmiðjunnar er enn á byrjunar-
stigi en Hilmar telur ekki óraun-
hæft að ætla að innan tveggja til
þriggja ára verði 30-50 menn starf-
andi við hugbúnaðargerð hjá fyrir-
tækinu. „Starfsmannafjöldinn er þó
auðvitað ekki markmið í sjálfu sér
heldur að okkur takist að þróa góð-
ar og seljanlegar vörur,“ segir
hann. Þeir félagar búast við að í
upphafi tengist verkefni hugbúnað-
arhússins umhverfinu, starfsemi
sem er öflug á svæðinu. Getur það
fallið að áherslum stærsta hluthaf-
ans, Tölvumynda hf., sem hefur
þróað öflugan hugbúnað fyrir sveit-
arfélögin og sjávarútveginn.
Magnús lítur svo á að starfræksla
fyrirtækis eins og Tölvusmiðjunnar
sé góð byggðaaðgerð. „Við erum að
skapa góð störf fyriri hæft fólk og
um leið tækifæri fyrir fólk að flytja
hingað austur. Ef framtíðin í at-
vinnulífi á landsbyggðinni er ekki í
starfsemi sem þessari, þá veit ég
ekki hvar hún er,“ segir Magnús.
myndverk
LISTHOS
Grettisgötu 7, við Klapparstíg - Slmi 562 0426
Sushibakki
8 bitar
kr. 1.800,-
apótek
bar • grill
Austurstræti 16
Sími:5757 900
WSSSi

KASSAGERÐ REYKJAVIKUR HF