Morgunblaðið - 26.08.2000, Blaðsíða 28
28 LAUGARDAGUR 26. ÁGÚST 2000
MORGUNBLAÐIÐ
LISTIR
AÐ sögn Stefáns Baldurs-
sonar þjóðleikhússtjóra
eru 11 frumsýningar
fyrirhugaðar í vetur
auk tveggja samstarfs-
verkefna við önnur leikhús og sér-
stakrar afmælissýningar þann 24.
febrúar í tilefni 75 ára afmælis Gunn-
ars Eyjólfssonar.
Fimm frumsýningar
á Stóra sviðinu
Á Stóra sviðinu verður fyrst boðið
upp á Kirsuberjagarðinn eftir Anton
Tsékov í nýrri þýðingu Ingibjargar
Haraldsdóttur og leikstjóm Rimas
Tuminas. Rimas er leikhúsunnendum
að góðu kunnur fyrir rómaðar sýn-
ingar á Mávinum, Þremur systrum
og Don Juan. Adomas Jacovskis gerir
leikmyndina og Faustas Latenas
semur tónlist. I aðalhlutverkum þar
verða Edda Heiðrún Backman, Ing-
var E. Sigurðsson, Brynhildur Guð-
jónsdóttir, Baldur Trausti Hreinsson,
Sigurður Skúlason, Öm Amason,
Tinna Gunnlaugsdóttir, Róbert Am-
finnsson, Valdimar Örn Flygenring,
Randver Þorláksson og Vigdís Gunn-
arsdóttir.
Bamaleikrit vetrarins verður Blái
hnötturinn eftir Andra Snæ Magna-
son en það leikrit hlaut verðlaun í
leikritasamkeppni Þjóðleikhússins
1999. Sagan kom síðap út á bók og
hlaut Andri Snær íslensku bók-
menntaverðlaunin 2000. Leikstjóri er
Þórhallur Sigurðsson en hann er einn
reynslumesti leikstjóri íslenskur sem
nú er starfandi og hefur sviðsett
fjölda bamaleikrita og brúðuleiksýn-
inga. „Blái hnötturinn kallar á ýmsar
hugmyndaríkar lausnir í útfærslu,"
segir Stefán Baldursson.
Jólasýningin í ár verður fomgríski
harmleikurinn Antigóna eftir Sófó-
kles í leikstjórn Kjartans Ragnars-
sonar í þýðingu Helga Hálfdanarson-
ar. Þetta verður fyrsta sinn sem
Antigóna er leikin í Þjóðleikhúsinu en
það var leikið í Iðnó 1967. Grétar
Reynisson gerir leikmynd og Hall-
dóra Bjömsdóttir og Amar Jónsson
leika hlutverk Antigónu og Kreons
konungs. Þar á eftir verður frumsýnt
Laufin í Toscana sem er nýlegt verk
eftir Lars Norén, en hann er óumdeil-
anlega vinsælasta og þekktasta leik-
skáld Norðurlanda í dag. „Þetta er
meinfyndið verk um ráðvillt nútíma-
fólk,“ segir Stefán Baldursson. Hlín
Agnarsdóttir þýðir og Viðar Eggerts-
son leikstýrir.
Lokafrumsýning leikársins á Stóra
sviðinu verður söngleikurinn Sungið í
rigningunni, Singin’ in the Rain, sem
þekktur er af samnefndri kvikmynd.
Verkefnaskrá Þíóðleikhússins í vetur
Blái hnötturinn,
Antigóna og
Já, hamingjan
Verkefnaskrá Þjóðleikhússins hefur veríð kynnt kortagestum og
kennir þar ýmissa grasa. Ellefu frumsýningar eru fyrirhugaðar,
tvö ný íslensk leikrit, ásamt sígildum og nýjum erlendum verkum.
írsk og ensk
leikrit
á Smíðaverk-
stæðinu
Á Smíðaverk-
stæðinu verður
leikárið helgað
írskum og bresk-
um nútímaleik-
ritum. Ástkonur
Picassos eftir
Brian McAvera
er fyrst á dagskrá en að sögn Stefáns
mun það hvergi ennþá hafa verið
sviðsett í heild og gæti þetta því orðið
heimsfrumsýning á leikritinu í heild
sinni. Næsta verk er einnig írskt og
nefnist Með fulla vasa af gijóti (Ston-
es in his Pockets) og er eftir skáld-
konuna Marie Jones. Þetta er nýtt
verðlaunaverk sem valið var besta
leikritið á írlandi í fyrra og er nú sýnt
við gríðarlegar vinsældir í London.
„Frábært gamanleikrit um tvo írska
náunga sem taka að sér að leika í al-
þjóðlegri stórmynd. Þrátt fyrir mik-
Halldóra Ingvar E.
Björnsdóttir Sigurðsson
inn fjölda persóna eru þær allar
leiknar af aðeins tveimur leikurum
þeim Stefáni Karli Stefánssyni og
Hilmi Snæ Guðnasyni. Þama verður
list leikarans í fyrirrúmi,“ segir Stef-
án. Þýðandi er Guðni Kolbeinsson.
í hjarta Emmu (Amy’s View) eftir
David Hare rekur svo lestina undir
vorið ef að líkum lætur. Þýðandi er
Kristján Þórður Hrafnsson. Hare er
eitt virtasta leikskáld Breta í seinni
tíð og hefur skrifað ijölda leikrita.
Leikritið um Emmu spannar 16 ár í
lífi þekktrar leikkonu og segir frá
samskiptum
hennar við dóttur
sína og tengda-
son sem fyrirlít-
ur allt er lýtur að
leikhúsi. Krist-
björg Kjeld mun
leika aðalhlut-
verkið og leik-
stjórinn verður
Vigdís Jakobs-
dóttir sem þreyt-
ir hér frumraun
sína sem leikstjóri við Þjóðleikhúsið.
Nýtt íslenskt leikrit
á Litla sviði
Á Litla sviðinu verður fyrst boðið
upp á Horfðu reiður um öxl eftir John
Osbome í leikstjóm Stefáns Baldurs-
sonar í lok september og verður jafn-
framt fyrsta frumsýning leikársins.
„Þetta er eitt umtalaðasta leikverk
aldarinnar og talið marka stærstu
tímamótin í breskri leikritun. Átaka-
verk um sambúð ungra hjóna sem
eiga fátt sameiginlegt annað en ást-
Kristján Þórð-
ur Hrafnsson
Pálmi
Gestsson
ina,“ segir Stefán sem leikstýrir verk-
inu og Hilmir Snær Guðnason, Elva
Ósk Olafsdóttir, Rúnar Freyr Gísla-
son, Halldóra Björnsdóttir og Gunn-
ar Eyjólfsson fara með hlutverkin.
Þórunn Sigríður Þorgrímsdóttir ger-
ir leikmynd og Thor Vihjálmsson
þýðir.
I janúar verður frumsýnt nýtt
leikrit, Já, hamingjan, eftir Kristján
Þórð Hrafnsson. Kristján hefur áður
samið leikþáttinn Leitað að ungri
stúlku sem vann fyrstu verðlaun í há-
degisleikritasamkeppni Iðnó. „Þama
segir frá tveimur bræðram sem að
sögn höfundarins sjálfs eiga ekkert
sameiginlegt nema það að vera skap-
heitir, viðkvæmir bókelskir, greindii'
og mælskir. Annars era þeir ósam-
mála um allt. Þetta er skemmtilegt og
hnyttið verk þar sem glímt er á
óvenjulegan hátt við stórar spuming-
ar,“ að sögn Stefáns. Leikstjóri er
Melkorka Tekla Ólafsdóttir og bræð-
urna tvo leika þeir Pálmi Gestsson og
Baldur Trausti Hreinsson. Þá verður
í lok leikársins frumsýnt leikritið
Maðurinn sem vildi vera fugl (Birdy)
eftir Naomi Wallace byggt á skáld-
sögu William Wharton. Hilmir Snær
Guðnason leikstýrir. Leikritið mun
vera nokkuð frábragðið sögunni og
kvikmyndinni að því leyti að fjórir
leikarar fara með hlutverk vinanna
tveggja sem verkið greinir frá.
Aftnælissýning
Gunnars Eyjólfssonar
Frá fyrra leikári verða teknar upp í
haust sýningar á Sjálfstæðu fólki,
Draumi á Jónsmessunótt og bama-
leikritinu Glanna glæp.
Athygli vekur að væntanlegum
kortagestum Þjóðleikhússins er nú
boðið að kaupa leikhúsferð til London
í vetur á sérstökum kjöram í sam-
vinnu við Samvinnuferðir-Landsýn.
Ýmsir aðrir viðburðir verða í boði á
leikárinu, þar á meðal samstarfsverk-
efni við önnur leikhús og afmælisleik-
sýning Gunnars Eyjólfssonai' á Pétri
Gaut sem er einleikur hans á þessu
gríðarmikla verki. Gunnar verður 75
ára þennan dag en 24. febrúar er
einnig sögulegur að því leyti að leikrit
Henriks Ibsen um Pétur Gautur var
framsýnt í Kristjaníuleikhúsinu í
Ósló þann sama dag árið 1876. Það
verða því liðin nákvæmlega 125 ár frá
frumsýningunni þegar Gunnar flytur
einleik sinn.
„Þessi hugmynd kviknaði í kjölfar
afmælishátíðar Þjóðleikhússins 20.
apríl en þar flutti Gunnar stutta kafla
úr Pétri Gaut við mikla hrifningu við-
staddra,“ segir Stefán Baldursson
þjóðleikhússtjóri.
Bj ört framtíð
söngs á Islandi
TOiVLIST
Langhultskirkja
SAMSÖNGUR
Kristín R. Sigurðardóttir,
Nanna María Cortes og
Jónas Guðmundsson ásamt
Ólafi Vigni Albertssyni fluttu
íslensk og erlend söngverk.
Fimmtudagurinn
24. ágúst, 2000.
ÞRÍR ungir söngvarar, Kristín R.
Sigurðardóttir, Nanna María Cortes
og Jónas Guðmundsson, ásamt Ólafi
Vigni Albertssyni, héldu tónleika í
Langholtskirkju sl. fimmtudag og
fluttu einsöngslög, aríur og þrjá
dúetta. Tónleikamir hófust með
barokksöngvum eftir Caldara
(Sebben cradele) og Durante
(Danza, danza), sem Nanna María
söng mjög fallega og sama má segja
um söng Jónasar, í Ombra mai fu
(Handel) og tónles og aríu (If with
all your hearts), eftir Mendelssohn.
Kristín hélt áfram með barokktón-
skáldin og söng tónles og aríu (Oh
Jove in pity), eftir Hándel og O rav-
ishing delight, eftir Ame. Kristín er
reyndust þeirra þriggja og söng af
miklum myndugleik og öryggi.
íslensku lögin voru næst á efnis-
skránni og söng Nanna María mjög
fallega tvær einkar geðþekkar
vögguvísur eftir Garðar Cortes.
Kristín söng Sofnar lóa og Gígjuna
eftir Sigfús Einarsson einstaklega
vel .en Jónas sló botninn í íslenska
hlutann með Minningu, eftir Markús
Kristjánsson, og Hamraborginni,
eftir Sigvalda Kaldalóns. Þrátt fyrir
ungan aldur, hefur hann býsna gott
vald á sinni fallegu rödd, sem
blómstraði í Hamraborginni.
Seinni hluti tónleikanna var aríur
og dúettar úr ítölskum óperam.
Nanna og Jónas sungu Ai nostri
monti, úr II trovatore, eftir Verdi og
var flutningur þeirra sérlega fallega
mótaður, þó nokkuð við hægari
mörkin og á eftir söng Nanna Oh,
mio Fernando úr La favorita, eftir
Donizetti og þar mátti heyra, að
Nanna er stórefnilegur söngvari.
Jónas Guðmundsson hefur fengið í
vöggugjöf einstaklega fallega tenór-
rödd og „múskialitet, og söng La
donna é mobile, eftir Verdi, af tölu-
verðum glæsibrag. Blóma-dúettinn
frægi, eftir Delibes, úr óperanni
Lakmé, sungu Kristín og Nanna
sérlega vel og var samhljóman radd-
anna einstaklega vel samstillt og
mótun tónhendinga mjög vel útfærð.
Ástarsenuna, Che gelida manina,
Mi chiamano Mimi og O soave
fanciulla, úr La bohéme, eftir
Puccini, sungu Jónas og Kristín með
þeim glæsibrag. Tvær stóraríur,
báðar eftir Rossini, vora niðurlag
tónleikanna og þar sýndi Nanna
Maria, í Bel raggio lusingher, úr
Semiramide, að það er þegar margt
stórt í söng hennar. Kristín lauk tón-
leikunum með Una voce poco fa úr
Rakaranum, með þeim hætti sem
hæfir fullþroskari söngkonu.
Ólafur Vignir Albertsson lék af-
burða vel og var samleikur hans við
söngvarana svo sterklega samofinn
söng þeirra, að hvergi bar á skugga,
svo að píanóleikur og söngur varð
eitt. Ekki er ætlunin að bera saman
þessa ungu söngvara, sem allir stóðu
sig með prýði, þó vel megi segja, að
Kristín R. Sigurðardóttir njóti
langrar reynslu sinnar og að hún er
þegar orðin góð söngkona, svo sem
heyra mátti í Blómadúettinum, aríu
Mimi en sérstaklega í Una voee.
Nanna María Cortes er einstaklega
efnileg söngkona, gefin sérlega fal-
leg rödd og ræður þegar yfir tölu-
verðri leikni, svo sem heyra mátti í
Oh, mio Fernando en þó sérstaklega
í „bravúra“-aríunni, Bel raggio lus-
inghier. Sá sem kom á óvart, var
Jónas Guðmundsson, sem þrátt fyrir
ungan aldur sýndi sig kunna eitt og
annað og er gefin sérlega glæsileg
rödd, sem hann beitir af „músk-
aliteti", svo sem heyra mátti í Minn-
ingu Markúsar, Hamraborginni og
glæsiaríunum La donna é mobile og
Che gelida manina. það þarf ekki
stóran spámann til að sjá glæsilega
framtíð í þessum ungu söngvuram.
Tónleikarnir vora mettaðir bjarti
framtíð söngs á Islandi, svo að ekki
er ástæða til að kvíða nokkru um óp-
eraflutning á næstu áram.
Jón Ásgeirsson
Sýningum
lýkur
Listasafn Reykjavíkur,
Hafnarhúsinu
LJÓSMYNDASÝNINGU Finn-
ans Rax Rinnekangas lýkur á morg-
un, sunnudag. Yfirskrift sýningar-
innar er Spiritus Europæus
1980-2000 þar sem Rax lýsir um-
hverfi og tilvera fólks sem býr við
jaðarsvæði Evrópu.
Garðskagaviti
Sýningu Ástu Þórisdóttur „Milli
vita“ í Garðskagavita lýkur á morg-
un. Á sýningunni eru innsetningar,
málverk, ljósmyndir og skúlptúr.
Sýningin er opin alla daga frá kl. 13-
17. Gai'ðskagaviti er u.þ.b. 45 mín.
akstur frá Reykjavík.
--------------
Leiðsögn um
sýningar
HÖGGMYNDASÝNING lífs-
kúnstners, Gests Þorgrímssonar í
Listasafni Reykjavíkur - Hafnar-
húsi hefur verið framlengd til 10.
september. Á morgun, sunnudag
kl. 16, verður leiðsögn um sýning-
arnar í Hafnarhúsinu, en þar eru j
einnig til sýnis verk eftir íslenska I
samtímalistamenn og Ijósmynda- 1
sýning Rax Rinnekangas.