Árbók Hins íslenzka fornleifafélags - 01.01.1907, Blaðsíða 23

25
tæplega 2 álna djúpt í jörðu, varð fyrir partur af helluflór og á
honum veggjarundirstaða. Þær leifar hafa verið yngri en hinar og
hefir húsinu þá verið hleypt upp frá því sem var.
Framantaldar menjar hafa sýnt það og sannað, að sfcrffa-nafnið
á Gýgjarhóli hefir ekki verið neinn seinni tíma tilbúningur, því hér
hafa óefað fundist leifar af eldaskdla og arni. Og svo sýnist, sem
hér hafi jafnframt verið smiðja, þar sem málmur var bræddur, ljáir
hertir o. s. frv. Einkum er þó þessi fundur merkilegur að því leyti
að hann er þeygjandi vottur þess hve lengi nöfn geta haldist og
minnt á uppruna sinn, þó kennimerki séu breytt og gleymd fyrir
löngu. Br. J.
4