Árbók Hins íslenzka fornleifafélags - 01.01.1928, Qupperneq 63

63
Gráisteinn (86); Djúpalág (87) heitir sunnan- og ofan-við Flesjuna, og
og neðan-við hana tvær tjarnir. Sú ytri heitir Skálhyrnutjörn (88).
Systralág (89) er þar ofan-við og í henni sprettur Þröngulækur (90);
rennur hann í bæjarlækinn vestan-undir holti, er heitir Vörðuholt (91).
Sunnan-við Þröngulækinn er Ytri-Þrönguhóll (92) og þar sunnan-við
Syðri-Þrönguhóll (93). Þröngur heitir þar sem Skógaáin fellur niður
milli þessara hóla og Stöplanna að sunnan.
Fyrir neðan gamla garðinn, sem fyr er nefndur, suður við skóg-
ana, eru Fossabrekkur (95), Fossabrekkuholt (96) og Fossabrekku-
hvammur (97) eða öðru nafni Drápuhvammur (98); er hann nefndur
svo af því, að þar fenntu milli 50 og 60 ær til dauðs að haustlagi
fyrir mörgum árum síðan. Nokkru ofan-við garðinn er einstakt holt
í mýrinni, er heitir Einbúi (99), og Lœkjamót (100) þar ofan-við.
— Sunnan-við Einarsstaða-bæinn er Geitakofaholt (101) og þar rétt
hjá er lækur, er nefnist Brunnhúslækur (102); var þangað sótt neyzlu-
vatn úr Einarsstöðum fyrrum. — Bæiarholt (103) heitir þar sem bær-
inn stendur.
Engið er aðallega suður- og niður-frá bænum; eru það mýrar-
sund og móar grasi vaxnir. — Syðstu partarnir af mýrunum (við skóg-
ana) heita Toddar (104) og syðsta sundið Votasund (105). — Kúa-
ker (106) tjarnarpollar með stör þar rétt neðan-við. Neðan-við vaðið
á Skógánni er Heygarðsholt (107) og neðan-við það Langaruna (108)
(mörg holt í röð). — Út-við Einarsstaðagrófina að sunnanverðu er
Baðskinshóll (109); töluvert hár og melar uppi á honum, en viði vax-
inn að sunnan. Utan-við grófina eiga Einarsstaðir engjastykki; í því
er Geithóll (110) (út af Baðskinshólnum) og Grafarhóll (111) suð-
vestur-af honum (viði vaxinn). Utan undir Geithól er Sigguhvammur
(112); eftir honum rennur lækur. Suðvestur af Grafarhól eru kölluð
Nef (113) meðfram ánni.
Utan- og ofan-við Löngurunu, á vetrarveginum, liggur Illalœkjar-
hallið (114) og nær út á móts við Sniðurpollagrófina (115) og niður
í gegnum það syðst rennur Illilækur (116), sem kemur ofan úr
Gemlingasundi (117), sem er þar skammt ofan-við. — Ófœruholt (118)
heitir grasi vaxinn hóll, neðan-við Bæjarholtið, og Tjaldhóll (119) er
vestan-undir Baðskinshólnum við Einarsstaðagrófina.
III.—IV. Örnefni í Skóga- og Dýjakots-landi.
Skógar er næsti bær sunnan-við Einarsstaði. Eins og nafnið
bendir til, munu hafa verið þar fyrrum skógar, en þeir eru nú gjör-
samlega horfnir.
Dýjakot heitir bær sunnan- og ofan-við Skóga og var leigður